قيود / كاملة

24

دخلت بصدمة وهي تسمع كلامهم 

.. جمدوا مكانهم دخولها كالصعقة الكهربائية بالنسبة لهم .. الجو كان مختلط بين توتر وخوف وقلق وربكة ..
مريم ألي وقفت قبال فرح عشان ماتشوف راغده بطن فرح وحبت تلهيها وبلبكة واضحة :هـ...ـلا هلا بـ ر...راغده 

مروة: وش هـ..الزيارة المفاجأة ..

راغده صارت تناظر فيهم وناظرت لفرح وعينها نزلت على بطنها ألي كان واضح انها بالسابع .. 

فرح بلعت ريقها مرتين من الخوف ومشت قبالها وهي تشوف الدموع بعين راغده حست ان لا مفر للكذب وان راغده ما بكت الا وانها سمعت حوارهم وعرفت وبهمس :ر..راغده خليني اشرح لك ..

راغده ناظرتهم بنظرات ما قدروا يفسرونها ونزلت عينها تحت وبصوت واطي: جيت بالصدفة وسمعت كلامكم بالصدفة .. معليش اعذروني بس ... " سكتت شوي " ألف مبروك فرح .. 

فرح بحزن وتأنيب ضمير: راغده ارجوك سامحيني أنا ماكان لي نية اني اخبي عليك .. بس .... بس " وصارت تناظرهم " 

مروة بمداراه: احنا جينا صدفة .. وتو درينا 

راغده وهي تشوف لبسهم: صدفة !
اذا صدفة واشكالكم كذا اجل لو مخططين وش بيكون منظركم ؟ 

مروة ناظرت مريم بوهقه وماهي عارفه وش تقول ..

راغده بحزن عميق: انا ... بس اريد اسال سؤال يا فرح .. لما زوجك قال لك لا تعلمي أحد ليه رحتي علمتيهم ولا علمتيني ؟ أريد بس اعرف الأسباب ..

مريم ومروة ناظروها بمعنى خلاص تكلمي وقولي الصدق ..

فرح بتمتمة وخوف:ا....لأن .... " وسكتت " 

راغده تناظرهم: وأنتوا ؟ ايش كانت الأسباب ؟ 

مروة بمداراة : وي الله يهديك يا راغده مافي أسباب ومن قال لك ان احنا كنا دارين .. احنا درينا ان في مناسبة وتشيكنا وجينا بس ما توقعنا ابدا تكون هالمفاجأة الحلوة ..

مريم: وماله داعي هـ دراما يا راغده ..

راغده ناظرتها بصرامة: دراما ! محد متقنة غيركم بالكذب والخداع والنفـــاق ، طالمة شايفيني مو صديقة ولا مرحبن بي عندكم ليه دخلتوني .." بصراخ ارعبهم " اصدقـــوا معي

مريم بجراءة: طالمة تريدين الصدق والحقيقة انا بقولها لك .. انتي يا راغده من زمان مو من الان تكرهين المرتبطات ولك نظرة سوداوية لهم تنكرين هالشيء ؟ تنكرين لما جات مروة وقالت أنها انخطبت رحتي قلتي لها لا تتزوجين الزواج مو حلوو وتغيرتي ١٨٠% مو راغده الي احنا نعرفها .. 

راغده ألي رجعت ذاكرتها لورى وهي تذكر كلامها والي صار ناظرت مريم: وهل هذا سبب كافي لمقاطعتي !؟ ما ضريتكم بشيء .. ولما قلت لمروة هالكلام هل سمعت كلامي؟ هل طافها الــــزواج وفــارس الاحـــلام ..