قيود / كاملة

14

راغده: بس ارجع للبيت واراسلكم بالقروب .. ببعت لكم سيلفي بالسناب يلا ..

وسكرت منها وصارت تصور كذا صورة إلا تسمع صوت تعرف عند الزرع تقرب منهم وبصدمة وهي تشوف طلال مع إسراء ..

طلال اعطاها ظهره: ألي بيننا انتهى يا اسراء من زمان .. هو انتي لسى فاكرة ! ذه ماضي 

اسراء بحزن: طلال أنا أدري أنك ماتحب راغده ولا حتى فكرت أنك تتزوجها وهي اكبر منك وش لك فيها تزوجني أنا وبدون مهر ..

طلال: اقصري الهرج يا بنت وادخلي داخل ..

اسراء بنفس حزنها: أنا عشانك عاديت جنان لما سمعت عمانا يقولون انك لجنان وهي لك وبس عرفت أنك خلاص بتصير لي .. إلا أسمع خبر كتب كتابك ليه كل ذه يا طلال ! ليه ترفض أنك تكن مشاعر لي .. ناسي ايامنا يا طلال ؟ 

طلال بيروح إلا تجي بوجهه وهي تعدل حجابها: ليه ساكت ؟ قول لي أنك تحبني للآن ومثل أيام زمان وأكثر ..

طلال يتصددها: كل ألي أقدر أقوله يا بنت العم أن مشاعري تجاهك اختفت من سنين وهو كان حب مراهقة لا أكثر ولا أقل .. ارجوك تنسين 

راح وتركها بحزنها 
بينما راغده تناظرهم من بعيد حست بنوع من أنواع الحزن والشفقة على حالها رجعت ظهرها لورئ وراحت للمجلس عند البنات كانوا يلعبون ورق جلست بمكان بعيد عنهم وعملت حالها أنها مشغولة على جوالها والحزن غلبها شدت قبضتها على الجوال الا تشوف اسراء بوجها وصارت تناظر عينها ألي كان واضح أنها بكت 
اسراء وعينها حمراء: ممكن اتكلم معك .. 

راغده:.....

اسراء بحده: ضروري ..

راغده قامت بثقل وهي خايفة ايش بتقول لها اسراء وقفوا عن التواليت: قولي ألي عندك ..

إسراء: من وين طلعتي لي انتي ! كنت فرحانة ان زواجه من جنان ما بيتم ليه تخربين علي .. من متى هو يحبك اصلا ؟ ماسمعت ولا شفت اي حب تجاه احد غيري ..

راغده تحاول تتغلب على حزنها ماقدرت: إسراء .. طلال يحبك ؟ 

اسراء بثقة: طبعا كان بيننا مراسيل هو للان محتفظ فيهم وأنا محتفظة فيهم ، انتي واصلة ومو بحاجة طلال وش لك فيه ! خذي واحد من مستواك المادي ..

راغده كانت واقفة مثل الجدار وصمت بدون ماتدلي اي تعابير بوجها: ربي بيرزقك أفضل منه هو خلاص تزوجني و ...

اسراء قاطعتها بحده: لا يا هانم .. عيب عليك تأخذين واحد وافق عليك بس عشان مواقفك معه قبل .. وما يقدر يرفض طلبك لأن جمايلك مغرقته قبل .. وهذا كان الثمن ؟ 

راغده انفجعت من كلام اسراء " كيف عرفت كيف !" بلعت ريقها :ا...

اسراء مسكت يد راغده: أنا مستعدة أوريك كل شيء .. وبنفسك تقتنعين أن طلال ما يحبك ولا شوي .. 
بس اريدك توعديني لو اثبت لك تتركين طلال ..