قيود / كاملة

25

بالمكتب ..

ام حسن: وانتبهي طال عمرك لا تشيلي شيء ثقيل ولا تهلكين عمرك .. ولادتك قربت صح ؟ 

راغده: يـ أم حسن هالحرقان ذابحني ..

ام حسن: عليك بشرب الحليب بارد تحسي كأنه يطفي النار سبحانه وناس يقولون كلي اللوز بس ماجربتها انا .. والخيار برضو ..

رن جوالها ..
ام حسن قامت: استأذنك طال عمرك ..

راغده حطت السماعة وردت: هلوو ميس ..

ميس: هلوو حبيبي .. كيف حالك ؟ 

راغده: الحمدلله ماتغير شيء من امس هههههههه ..

ميس: ههههههه عاد هي كلمة تنقال وقلتها ..

راغده: عساك احسن يا ميس؟ 

ميس : الحمدلله على كل حال ربي عوضني بـ أخت ثانية بس انتي ما تعرفينها ضروري بس نرجع الخبر تقابلينها .. 

راغده: اي ان شاء الله ..

ميس: إلا يا راغده .. تفاجئت ان ما معك علم بدورة طلال .. ما معك تواصل معه ؟ 

راغده " وش هالورطة ذي " تحاول تبين انها عادية: الا معي .. بس انا انشغلت شوي وصرت انسى كثير خبرك .. 

ميس تبرر لها: اي مشغولة بهالبناية .. بشري عسى انجزتي ؟ 

راغده: اي الحمدلله بعد العيد بتكون جاهزة تمام .. وبسوي الافتتاحية ..

ميس: حلوو احنا باذن الله مدعووين للافتتاحية ؟ 

راغده بتردد: طبعا .. بسويها بصالوني ..

ميس: لا لا كذا ماينفع لزوم مع الأهل والأقارب منها ننبسط ونغير جو .. 

راغده الي حست ان في شيء بس ماقدرت ترد الا بالقبول: ابشري ..
ميس: راغده..

راغده: هلا ..

ميس تنتظر بهالة: مو قصدي اتدخل .. بس صار شيء بينك وبين طلال ؟ 
راغده " هذا السؤال الي كنت خايفة منه ..اذ طلال بنفسه ماقال لهم يعني أنه يريد تكون بيننا " بنفس كذبتها لنرجس: اي هو زعلان أني ماعلمته من اول عن البناية وانه عرفها من الي حولنا .. 

ميس بعدم اقتناع: ايوووا .. انا شكيت أصلا .. لان وضعه مو عاجبني ، لكن ابشري هو بنفسه بيراضيك ..

راغده باندفاع: لا ميس .. الموضوع مو مستاهل بس معي لك طلب .. اذا كان بيوم فاضي ومش مشغول بلغيني عشان اتصل عليه ..