قيود / كاملة

34

كان منتظر يجي اليوم يوم راغده ..
اتصل عليها تستعجل بحجة أنه يريد يشوف عياله ..
وصلت بعد ساعة شافته جالس بالصالة وحاط رجل على رجل ببلوزة رسمية بلون الأزرق النيلي
بـ الكم الحاير والبنطلون الرمادي والحزام الأسود.. كان يعرف ان اللون يعجب راغده وتحبه عليه ..
جات بتتكلم إلا تسمع صوت جاي من وراها ..
هالة بابتسامة: اهلين راغده .. سبرايـــس ..

راغده ردت لها الابتسامة: هلـــو هالة .. نورتي ..

هالة: اعذريني جيت بدون أذن وموعد بس اشتقت لتوائم قلت لطلال جيبها لعندنا قال أنك بترفضين ..

راغده ناظرت طلال ثم ناظرتها: ابد .. متى ما بغيتي تشوفيهم بلغيني وأنا اجيبهم ..

هالة بفرحة: حلـو .. و بـ هالمناسبة الحلوة قلت نجتمع سوا ..

راغده: وميس ليه ماجات ؟

هالة: هي بالحمام الآن ..

راغده " حلو اقلها ما اجلس معه لحالنا " : تمام اعطوني نصف ساعة بس عشان ألبس ..

هالة جلست جنب طلال الي كان يلاعب توائمه .. ناظرتها لما اختفت من عينها: انا بضبطك .. لا تشيل هم طلول ..

طلال بنفس همسها: ما علمت احد بمشكلتنا الا لك .. لاني عارف انك كفو وبتحلينها لي ..

هالة بابتسامة: اعتمد علي بكل شيء بفلها لكم بس قول لي كل شيء صار من ذكريات معكم قبل ..

.
دخلت راغده غرفتها ..
شلحت عبايتها ..
ولبست جمبسوت أبيض بأكمام طويلة وفتحة الصدر V ومن الخصر حزام ذهبي ، من اردافها جيوب مخفية ومن تحت البنطلون ماسك عليها صندل عالي أحمر ..
فردت شعرها الويفي اعتمدت بالمكياج على الأضاءة والروج الأحمر الصريح على شفاتها الممتلئة .. كثفت الماسكارا وحدت من الايلاينر فوق جفنها ..
ولبست جوكر ذهبي وساعة ذهبية وخاتم ذهبي لامع .. كان شكلها وكأنها بتروح لحفلة أو مناسبة مهمة ..
نزلت عند الدرج الكل ناظرها مصدوم من شكلها وريحتها ألي ملأت المكان كله ..

طلال انبهر من شكلها وجمالها ألي يأسر قلبه حس ان التحدي كان قايم من لما شافت لون ملابسها باللون الأبيض المحبب له ..
ميس: اوه ! وين بتروحين ؟

راغده وقفت جنب طلال وهي تناظره: حبيبي طلال هو ألي مختارة لي .. شفته فوق السرير مو ؟

طلال تخرفن على نظراتها ودلعها وبسمتها وهي تتكلم وبتوتر: اي.. اي صـ ..ـحيح ..

راغده ناظرتهم وهي شابكة بيدينها: جاييني حماواتي الغاليات والبس اي كلام ! معقولة ! ..

ميس بابتسامة: يا بعد قلبي طول عمرك تبهرينا بجمالك و لطفاتك .. وكلك على بعضك مزيونة ايش ما لبستي ..

هالة بحماس: واخيرا جلسنا سوا ، وبنسهر لو ما عندك مانع راغده ..

راغده جلست جنب طلال ورفعت يده وحطتها لكتفها ورى وبحب: ما في مانع ابد خوات طلال هم خواتي .. البيت بيتكم ..