قيود / كاملة

35

حان وقت الأستسلام وانها تنسحب من حياة طلال كان أفضل من أنه هو ينسحب منها .. ممكن بكذا تحافظ على كبريائها ..

بعد فترة من تقبل الاحداث الجديدة ألي بتصير لا محالة نزلت تحت للمكتبة متجاهلة سؤال ماريان عن افطارها ..
اكتفت انها تقول: انتبهي على العيال ..

فتحت اللابتوب وعلى البريد تسطر معاناتها واحزانها كان صعب ترجع تشتكي لنرجس لان في تفاصيل محد يعرفها من صاحباتها يعرفها .. 
كتبت وكتبت لما حست أن الهم الكبير بصدرها خف .. 
ماكانت مخططة تروح لصالون بس راحت تفادي لأي لقاء بطلال اذا رجع من دوامه ..
وهذه أول مرة تترك عيالها مع ماريان بالبيت .. 
راحت بوقت قريب لجيته من الدوام 
وجلست بمكتبها لحين المغرب ..
وهي متجاهلة لاتصالاته بس حست انها اوك كتبت له : اعتذر منك تو افضى الصالون زحمة كان ..
توجهت لبيتها شافته جالس بالأرض يلاعب عياله والألعاب حولهم منثورة .. نظرتها كانت مليئة بالوجع والخيبة والقهر تبدلت لبرود اخطت خطوتها لعند عيالها 

ساره تحبي لها وهي تصارخ بحماس:اما ماما ..

راغده احتضنتها بشوق وفقد " صدقت في شيء جنان لما قالت ان عندي كل شيء .. عيالي هم كل شيء " 

طلال مسك راشد: شوف ولدي ماما تحب ساره اكثر منا .." وناظرها" مالي نصيب بالحضن ؟ 

راغده ابعدت النظر عنه خايفة لاتضعف وتبكي : بالمناسبة طلال .. الليلة زواج خالي بدر ..

طلال: اخيرا ! 

راغده: وأنا بحضر زواجه ..

طلال سكت ٥ ثواني وبهدوء: مايكفي انك تباركين لهم برسالة ! 

راغده: أنت تعرف أمي وصعب وش بيقولون الناس ! خالي ولا احضر زواجه ..

طلال بغيض : ألي سواه ما يسويه خاله .. لا بارك الله فيه ..

راغده ناظرته: ادري ! بس الناس مالهم إلا الظاهر ..

طلال اقترب منها بشويش: كيف اضمن أن ما بيضرك ويستغل الفرصة ! 

راغده " كل الخوف الي يظهره وتعابير الحب ما كانت إلا شفقة " وهي تحارب نفسها انها ماتصدق ألي يظهره لها: عموما أنا بروح بس لساعتين ابارك واجلس شوي واروح

طلال: كم تحتاجين من الوقت ؟ انا بوصلك ..

راغده: ساعة ونصف كافية ..

صعدت الدرج ورمت عبايتها واخذت دوش دافي تطرد كل فكرة ببالها وكل شوق ولهفه خايفة بـ لحظة ضعف قلبها تنسى كل شيء وترتمي بحضنه وهو رافضها .. 
جففت جسمها وبدأت بطقوسها ودهنت اللوشن المعطر بجسمها
سوت شعرها ويفي وميلت غرتها لجنب ..