قيود / كاملة

32

توجه للمقهى وكان في انتظاره
صار يناظر فيه: وأنا آيش ألي يضمن لي أن عبير ما بتدري !

فؤاد: كل شيء صار بسبب غباء مها أنت لا تشيل هم .. إن كان في راغده جزء صاحي اريدك هالمرة تنهيه الاغتصاب ما عاد يفيد
أريدك تعتدي عليها تكسر وجها تكسير ولك وعد مني ان الربع مليون بيكون في حسابك وهذا غيرعونيتي لك بالزواج وأنا بعمل لك واسطة بنفس مكتبك وتكون لك ترقية وهذا بعد ما تنجح الخطة ..

بدر بقلق: وطلال وعبير اكيد بيشكون فيني ..

فؤاد بابتسامة مكر: لا تشيل هم ابد انا بوكل احد يراقبها وبيوم ما في طلال فيه وطبعا عشان تنجح تمام التمام يكون هو مرابط فيه وخدامتها مو بالبيت يعني كل شيء سكتم بكتم ..

بدر: ما ادري يا فؤاد .. لزوم تضمن لي السلامة وسير الخطة بنجاح تام ..

فؤاد: لا تشيل هم أبدا يا بدر وبيكون بيننا تواصل بس انت خلك جاهز ..

بدر: اوك ..
.
.
.
كانت بمكتبها ..

شافت إتصال من الدكتورة ردت عليها: اهلين دكتورة سلمى ..

د.سلمى بعتاب: وأنا ما هقيتك كذا ابدا يا راغده تزوجتي واخذك طلال ما يخالف بس تحملين وتولدين وانا ما ادري إلا بالبريد ؟

راغده باحراج: سامحيني دكتورة سلمى انشغلت كثير بسبب الأمومة وحياتي انقلبت راس على عقب ..

د.سلمى: مالك عذر أبدا يا راغده ضروري اشوفك هالاسبوع ..

راغده: ابشري اي يوم يناسبك بلغيني فيه واتس .. ربي يحفظك ..

رن الثابت وردت: ايوا نهلة ..

نهلة: طال عمرك الأستاذة فرح تريد تقابلك الان ..

راغده تنهدت: دخليها ..

ثواني إلا ودخلت فرح بابتسامتها الخجلة صافحت راغده ..
راغده: ايش تشربين ؟

فرح: اي شيء من ذوقك حلو ..

راغده نقرت على زر التليفون: ٢ كوب شاي بالنعناع ..

فرح تناظر بالمكتب: ماشاء الله .. جددتي ؟

راغده تجمع الاوراق الي بمكتبها: لا ! بس بالوقت الي جيتيني كنت وقتها حامل وخليت مكتبي تحتي مؤقت ..

فرح: ما علينا .. طمنيني عنك ؟

راغده: الحمدلله وانتي؟

فرح وهي تشوف راغده ملتهية بالأوراق وبتردد: راغده .. ايش صار علينا ؟

راغده ناظرتها : فرح ..

فرح تناظرها باهتمام ..

راغده: ليه مهتمة نرجع ؟ فرح انا ما اشوف ان في قبول .. لو رجعنا لا قدر الله 
أنا وش يضمن لي انك ما بتجيبين سيرتي عندهم .. واذا جابوها ممكن بتكونين في حالة صمت وصعب تخسرينهم .. وأنا سكت مرة ما بسكت من جديد ..