قيود / كاملة

30

اندق باب بيتها ودخلتها ماريان وشالت عنها الأغراض وبيدها بنتها جوان ..
انصدمت راغده من وجود اختها بـ أغراضها لكن فهمت وجود شناطها معها ..
مها بين دموعها: طلقني حمود .. طلقني يا راغده ..

راغده لمعت عينها بحزن على حال اختها .. فتحت لها ذرعانها بتردد .. ومثل ما كانت قبل تسوي لمها لما كانت صغيرة بس تواجه مشكلة كانت راغده تحتضنها وتهديها
ركضت مها لحضن اختها وهي تنوح وتبكي

راغده مسحت على شعر أختها وهي تقول: شششش
تنقال للمواليد عشان تهديها مثل ما كانت قبل تسويه لها ..

مها شعرت براحة كبيرة وهي بحضن أختها ظلت مثل هالحال ٣ دقايق وابتعدت عن راغده بشويش وهي تمسح دموعها وكأنها وعت على نفسها: انا اسفة راغده على كل ألي سويته لك .. سامحيني ..

راغده ناظرتها بحزن ما عرفت وش تقول لها بالضبط .. وهي تفكر بكلمة آسف هل ممكن تزيل اوجاع .. صدمات .. خيبة .. ثقة ! هل ممكن كل شيء ينمحي بقول انا اسف !

مها وهي ترمش وبحزن: مالي غيرك ألجأ له راغده ، أبوي طردني وقال لو تطلقت من حمود مالي جلسة ببيته ومن بعد ألي صار .. ما عاد عندي وجه اني اقابلك أو اقول لك استضيفيني عندك.. لكن " مسكت يدها وبفم حزين" انتي اختي .. امي قالت مهما وش كان ما كان الي صار نظل خوات ..

راغده بكت بحزن على كل شيء صار بينهم لكن ما حبت تكون قاسية مع اختها ورجعت فتحت لها حضنها .. لان مهما وش قالت يظل في النفس صده ..
لما هدأت مها شوي وهي تلعب بـ اصابع يدها: فاكرة جزيرة بالي راغده ؟ كنت صادقة معك واريدك تظلين مع طلال وانصحك كثير خوف من انك .. " سكتت "

راغده: اخذ حمود ؟

مها بخجل من نفسها: اي راغده .. سامحيني لنظرتي لك بهالطريقة العوجة بس الله يسامح ألي كان السبب .. وأدري ما تقدرين تستضيفيني لبيتك عشان طلال ..

راغده قاطعتها: تظل الأخت دايم بالمركز الأول عن الزوج يا مها .. انتي الداخلة وانا الطالعة ..

مها بفك يرجف: تحسسيني اني كنت نذلة وقليلة اصل معك من قبل ..

راغده:........

مها بابتسامة حزن: أتمنى جوان تكون زيك ولا تطلع علي ..

راغده " رغم اني اشوف دموعها بس خايفة يكون كل ذه تمثيل .. ااه يا مها ربي يسامحك ربي يسامحك كيف خربتي صورتك بعيني "
مها قاطعت سلسة أفكارها: بس برضو صعبة يا راغده انوم عندك ، انا بطلع بشقة ..

راغده: مو مشكلة مها انتي الان ريحي وبكره ان شاء الله يكون بيننا تفاهم .. الغرفة جاهزة على اي حال .. الي نامت فيها أمي ..