Déjà Vu [PUBLISHED]

Chapter 25

TRIGGER WARNING!

Walking to my department's building means passing by the Psychology's department. I thought, ignoring and avoiding Grace would be very simple since I'll be very busy, now that I am in my fourth year in Engineering, but no.

"Hi, Connor!" Grace greeted as I walked passed their building.

Tumango ako bilang tugon. "Hi."

"May klase ka na?" tanong niya habang sinasabayan ako sa paglakad. Tumango ako bilang tugon. "Okay."

Hindi ko na ulit siya nilingon pa nang huminto na siya sa paglalakad. Grace usually does that all the time since we were in high school. She's a very cheerful woman even before with all the elegance she carries. Alam ko namang tapos na kaming dalawa, matagal na. Siya na nga ang nagputol no'n sa amin, eh. Pero hindi na rin ako kumportable.

At isa pa, nangako ako kay Savannah na iiwasan ko na si Grace kahit na hindi naman madalas siya lumalapit sa akin. Kapag lang nadadaan ako, babatiin niya ako, tulad kanina.

Nang makaupo ako pagkapasok sa loob ng room ay nakahinga ako nang maluwag.

"Ano bang nangyayari sa 'yo?" natatawang tanong sa akin ni Liam.

Umiling ako at muling nagbuntonghininga, bago idinukmo ang ulo ko sa table.

"Para kang hinahabol palagi, pansin ko lang," rinig kong sabi niya pa.

"Wala ka nang pakialam do'n," sagot ko habang nakadukmo.

Narinig ko siyang tumikhim. "Kakilala mo ba 'yung freshmen na maganda sa Psychology department?"

Napaangat ako ng ulo sa sinabi niyang 'yon. Nakita ko siyang nakapangalumbaba habang nakangisi sa akin, halatang interesado sa itinanong niya sa akin.

"Hindi."

"Wala pa nga akong sinasabi, eh." Tumawa siya. "Nakita ko minsan kinausap ka no'n, ah? 'Yung palaging naka-long sleeve na sexy!"

I scoffed. Idudukmo na sanang muli ang ulo nang magsalita siya.

"Sige na, may girlfriend ka naman na. Papakilala lang, eh. Gusto ko lang ligawan."

"Ayoko," matigas na sabi ko.

Ngumisi siya. "Sige na," pamimilit niya pa. "Ang hirap kasing lapitan, parang masiyadong mataas."

Nag-iwas ako ng tingin kasabay ng pagkuyom ng mga kamao ko, dahil ganito rin naman noong high school pa lang kami. Hirap din silang lapitan si Grace dahil nai-intimidate sila.

"Ayaw ko nga, bakit ba ang kulit mo?!" bulyaw ko.

Nakita ko kung paano magbago ang itsura niya, halatang hindi inaasahan ang biglaan kong pagsigaw. Nakita ko rin ang iba naming mga kaklase na tumigil sa mga ginagawa at sa kwentuhan dahil sa biglaan kong pagsigaw.

"Ano bang problema mo?" iritang tanong ni Liam.

Napabuntonghininga na lang ako. "Huwag ka na kasing makulit."

"May problema ka sa akin, eh," dagdag niya pa, pinipigilan akong dumukmo sa lamesa.

Nang mapuno ako at sobrang mainis na sa kan'ya, tumayo ako at saka siya sinuntok sa kaliwang panga, dahilan para mapatili ang ibang babae na kaklase namin.

"What the fuck, pare?!" bulyaw ni Liam, akmang gaganti, pero pinigilan ng malapit naming kaklase. "Tang ina, may girlfriend ka na tapos gan'yan pa reaks'yon mo sa ibang babae!"

"Lopez! Dela Cruz!"

Napalingon kaming dalawa sa boses ng lalaking propesor namin na ngayon ay nakatayo na sa pintuan. Napapikit na lang ako at napabuntonghininga bago kami parehong lumapit sa kan'ya.