~•𝖫𝗂𝗍𝗍𝗅𝖾 𝖥𝗅𝖺𝗆𝖾•~

𝟭

Unicode

"1...2...3... action!"

"မင်္ဂလာပါရှင်...Keep your beauty အစီအစဥ်မှ ကြိုဆိုပါတယ်။ ကျွန်မကတော့ အစီအစဥ်တင်ဆက်သူ Choi Aeraပဲ ဖြစ်ပါတယ်။"

"အားလုံးပဲ မင်္ဂလာပါ။ ကျွန်တော်ကတော့ Mangazine model Park Jiminဖြစ်ပါတယ်။"

"ဟုတ်ကဲ့။ ကျွန်မတို့ ဒီနေ့ တင်ဆက်ပေးသွားမှာကတော့......YU ကုမ္ပဏီရဲ့ နောက်ဆုံးထွက်ရှိထားတဲ့ Skin careလေးတစ်ခု အကြောင်းပြောသွားမှာပဲ ဖြစ်ပါတယ်။ အခုဆိုရင် ဒီ ပစ္စည်းလေးကို Jimin-shiက သုံးနေပြီဆိုတော့ ဘယ်လိုကောင်းကျိုးတွေရနေလဲ ပြောပြပေးပါဦး။"

"ဟုတ်ကဲ့။ ကျွန်တော် သုံးတာတော့ မကြာသေးဘူးဗျ။ စစသုံးသုံးချင်းမှာပဲ သုံးပြီးရင် အသားအရေက အေးအေးလေးနဲ့ နေသာထိုင်သာရှိတယ်။ နှစ်ပါတ်လောက်ကြာရင်တော့ သိသိသာသာကို ကြည်လင်........အားးး....မလုပ်နိုင်တော့ဘူး။"

"Cut...... Cut...! မော်ဒယ်Jimin.....  ပြဿနာရှိလို့လားမသိဘူး။"

"ကျွန်တော့် မန်နေဂျာကို ခေါ်ပေးပါ။"

ဒေါသတကြီး ပွင့်ဟလာတဲ့ Jimin။

"ဟုတ်...ဟုတ်ကဲ့ ခဏစောင့်ပါ။"

ဝန်ထမ်းကောင်မလေး လာကမ်းပေးတဲ့ ရေဘူးကို မော့သောက်ကာ မန်နေဂျာအလာကိုသာ ထိုင်စောင့်နေလိုက်သည်။

"Jimin ဘာပြဿနာရှိလို့လဲ။"

"ဘာရမှာလဲ။ ဘာလို့ ဒီကြော်ငြာကို မင်းလက်ခံလိုက်တာလဲ။ ငါတောင်မသိပဲ။"

"အဲ့တာက သူဋ္ဌေးကတော်က လက်ခံခိုင်းလို့။ မင်းလည်း သိပါတယ်ကွာ သူဋ္ဌေးကတော်ကိုတော့ငါမလွန်ဆန်နိုင်ဘူးဆိုတာ...."

"ဒါပေမယ့် ဘာလို့ YU groupက ပစ္စည်းလဲ။ ငါ့ကို အရင်ပြောသင့်တယ်လေ။ အခုက ငါတောင် ဘာမှ မသိရဘူး။"

"Jiminက လိမ္မာပါတယ်ကွာ....။ ရောက်လက်စနဲ့ ရိုက်လိုက်ပါတော့။ မင်းကြော်ငြာမယ်လို့လည်း သတင်းထွက်ပြီးသွားပြီ။ အကုန်လုံးကလည်း စိတ်ဝင်စားနေကြတာလေ နော်...။"

"မင်းက ငါ့သူငယ်ချင်းဟုတ်ရဲ့လား Kim Taehyung!"

"ငါကမင်းသူငယ်ချင်း.....မင်းမေမေရဲ့ အလုပ်သမားလေကွာ...။"