Reason Is You

Part 16

ရုံးခန်းထဲတွင် စာဖတ်နေရာမှ မျက်စိညောင်းလာသောကြောင့် ‌ပတ်ဝန်းကျင်ကို ထကာစပ်စုတော့သည်။ မကြာဘူးပြောသွားသော်လည်း တစ်နာရီကျော်နေပြီမို့ အနည်းငယ်ပျင်းလာရသည်။
ရုတ်တရက် ရီရှင်းစားပွဲပေါ်မှ ဓာတ်ပုံလေးတစ်ခုကို တွေ့သွားသည့် ဂျွန်မြောင်က သွားကြည့်တော့သည်။

မင်္ဂလာဆောင်သည့်နေ့က ရိုက်ထားသည့် ဂျွန်မြောင်ပြုံးသော တစ်ပုံတည်းသော ပုံပင်။ ဘေးကlaptop wallpaperက ဂျွန်မြောင်အိပ်နေသည့်ပုံ။

" ရုပ်ဆိုးလိုက်တာ တခြားခန့်တဲ့ပုံတော့မထားဘူး "

မင်္ဂလာဆောင်ဓာတ်ပုံကို အကြည့်ရောက်သွားပြန်တော့ ဂျွန်မြောင်ပြုံးအောင် ခြိမ်းခြောက်ခဲ့သည့်လူကြီးကို သတိရပြီး မျက်နှာလေးမဲ့သွားရသည်။

" အလကားလူကြီး အမြဲတမ်းလူကို ခြိမ်းခြောက်တယ် စိတ်တိုစရာ "

" ဟေး ယူ ရီရှင်းရော ခုထိပြန်မရောက်သေးဘူးလား "

" အာ အခုထိ meetingဝင်နေ..."

" ယူက ဘယ်သူလဲ အတွင်းရေးမှူးလား "

ဂျွန်မြောင်ကိုယ်ပေါ်သို့ အကြည့်တစ်ချို့ရောက်လာပြီး သူမက စကားဆက်လာသည်။

" ငယ်လိုက်တာ အဝတ်အစားကလဲ အတွင်းရေးမှူးနဲ့မတူဘူး...ထားပါ အဲ့မှာ ဘာရပ်လုပ်နေလဲ ကော်ဖီတစ်ခွက်ယူပေး အချိုမပါဘူး "

" အာ ကျွန်တော်က အတွင်းရေးမှူးမဟုတ်ဘူးဗျ "

" ဘာလုပ်နေတာလဲ ဒီထဲမှာ ဘာလဲ မဟုတ်တာလုပ်ဖို့ကြံနေတာလား "

" ဗျာ "

" ရီရှင်းကို လုံခြုံရေးမြှင့်ခိုင်းမှပဲဖြစ်မယ် "

" အဲ့ဒီဘက်ကရော ဘယ်သူများလဲ "

" ချင်မန့်ဟွာ ရီရှင်းနဲ့စေ့စပ်ထားတဲ့သူ "