Unicode version
အဂျီ ၂၃
" အဲ့တာဆို အစ်မကမင်းကိုသူ့တူလေးမွေးနေ့မှာ ဂစ်တာတီးပြဖို့အကူညီတောင်းနေတာပေါ့ "
" အင်းလေ ဘာလဲငါ့ကို ရီးစားစကားပြောနေတယ်ထင်လို့လား "
" မသိဘူးလေကွာ သူက "
" အဟား ငဂျီရယ် ငါလဲအစ်မငါ့အပေါ်ဘယ်လိုထားလဲရိပ်မိပါတယ် အာ့ကြောင့်အခုလဲသူပြောလာခဲ့ရင် ပြန်ပြောဖို့စဉ်းစားထားပြီးသား "
" ဘာပြန်ပြောမှာလဲ "
" ကျွန်တော့်ဆီမှာ ဂျီကျတတ်တဲ့ အဂျီကောင်လေးရှိပြီးသားပါလို့ "
" သွားကွာ "
အရမ်းတွေရှက်နေသည့်အသစ်စက်စက် ချစ်သူလေးကိုသူ့မှာတစ်စိမ့်စိမ့်ကြည့်ချင်လွန်း၍စက်ဘီးတောင်မစီးပါပဲ တွန်းကာသာအတူလမ်းလျှောက်ပြန်ကြရင်း ပိုရှက်လာအောင်အမျိုးမျိုး စနေတော့သည် ။
" ငကူး "
" ဟင် "
" ဘာမှမဟုတ်ဘူး ခေါ်ကြည့်တာ "
" အဟင်း"
" ကူး "
" ပြောလို့ "
" ကူးလို့ "
" ဟာ ပြောပါဆို "
" ကူး "
ဘေးကနေနာမည်ခေါ်လိုက် ရီလိုက်နဲ့အူမြူးနေသောအကောင်ပေါက်လေးက သူ့ကိုပြန်စနေလေသည်။
သူခေါ်လို့မထူးရင်လဲ လက်မောင်းကိုကုန်းကိုက်တတ်ပြီး ထူးပြန်ရင်လဲဘာမှမပြောပဲထပ်ခေါ်ပြန်သည်။
တစ်ကယ့်ကို အဂျီလေးပဲ။
" ညစာဘာဝယ်သွားကြမလဲ "
" ဘာစားချင်လို့လဲ အိမ်မှာအရံဟင်းတွေတော့ကျန်သေးတယ် "
" အင်း.......... "
လက်ညိုးလေးကိုမေးစေ့ပေါ်တင်လှုပ်ကာ စဉ်းစားဟန်ပြုသေး၏
" ငါတို့ဟင်းချက်စားရအောင် "
" ဟင် ငါမချက်တတ်ဘူးလေ မင်းချက်တတ်လို့လား "
" ဟင့်အင်း "
" အာ့ဆို? "
" ဘာဖြစ်လဲ? ဒါပထမဆုံးခြေလှမ်းပဲကူး လာကုန်စုံဆိုင်မှာဟင်းချက်စရာတွေသွားဝယ်ရအောင် "
