أختطاف ولكن
سأشتاق إليكم لأني قد ذهبت معه لنهر حبنا فكل قطره فيه تشهد علي عشقنا وتشوقنا الذي لا يفني حتي لو جفت المياه .........
أعدت كتير لوحدي اعيط وأنا مش فاهمه حاجه هل فعلاً بابا السبب في الي أنا فيه بابا السبب في سجن أبنهم
أنا مش فاهمه حاجه
صرخت جامد يمكن حد يسمعني ودخل مره اخري ذلك الرجل قبيح الوجه
الرجل: عاوزه أي الأكل والمايه عندك مسمعلكيش صوت تاني
رديت عليه بعصبيه: أنا مش عاوزه أكل وشرب أنا عاوزه أخرج من هنا أبوس ايديك خرجني أنا معملتش حاجه لحد
ودخل وقطع كلامي هذا الرجل الذي قابلته أول مره
أنتي معملتيش بس أبوكي عمل كتير
رديت عليه: طيب حضرتك ممكن تفهمني أنا محتاجه أفهم أنا هنا ليه ومش مصدقه أن بابا يعمل كده
ضحك بصوت عالي : بكره تعرفي كل حاجه
عيطت وصرخت جاء قبيح الوجه
ضربني علي وجهي ضربه قويه وفقدت وعيي بعدها
..
ومصحتش إلا علي صوته وهو بيقولي :
أصحي لازم تاكلي حاجه كده هتموتي بدري
رديت عليه وصوتي ضعيف: بدري يعني أنتوا خلاص قررتوا إني هموت
يونس : القرار ده مش بأيدي أنك هتموتي أمتي بس عدم أكلك ده مش هو الي هيرجعك لأهلك
طيب ساعدني وأنا مش هخليهم يعرفوا أنك الي هربتني
يونس بعصبيه ووضع يده علي شعري وامسكه بقوه : عاوزاني أهربك لسه بدري اوي عشان تروحي من هنا يااا
هو أنتي أسمك
رديت بأستغراب : أنت غريب أوي
يعني لو عرفت أسمي هيفرق معاك إيه
قام من مكانه وخارج من الباب: خلاص مش عاوز أعرف وخلصي الأكل الي أدامك
..
فضلت أعده لوحدي كتير بفكر في أهلي وبيعملوا أي دلوقتي أكيد اخواتي بيعيطوا وماما تعبانه
وأنت يا بابا أنا فعلاً هنا بسببك
لا لا أكيد لا مش هصدق ناس زي دي أكيد
.........
في الفندق
شريهان ببكاء شديد : أنت السبب الفلوس عمت عنيك عننا نسيت أن ولادك ممكن يضروا بسبب طمعك
أكرم: دلوقتي بقي كل اللوم عليا
مش انتي الي كنتي عاوزه حالتنا تتحسن وتجيبي عربيه وولادك يبقي في أحسن حاله ماديه غصب عني كان نفسي اعملكم كل حاجه
شريهان: بس حذرتك وقولتلك خلي بالك أنا مكنتش طماعه زيك يا أكرم
أنا عاوزه بنتي أتصرف أعمل اي حاجه
أكرم: بحاول بحاول والله بس روحي أنتي والبنات أو سافري عند والدتك أنا مش هطمن عليكم لوحدكم
شريهان بعصبيه : أمشي فين
أنا مش هتحرك من هنا غير وبنتي معايا
أكرم: لو أعرف بس عرفوا إزاي أننا هنا
......
داخل المخزن الي فيه ليلي
كنت أعده بدندن مع نفسي وبعيط في نفس الوقت
كانوا بيدخلوا يرمولي أكل زيي زي أي حيوان مربينه كنت بضطر أكل بسبب جوعي وتعبي
لا مكنتش بسمع كلامه بس عشان أعرف اقاوم وأكمل
قطع دندتي الرجل السبب في خطفي والي بيتهم بابا أنه سجن إبنه
وفي اتجاهه ليا وبكل عصبيه: شدني من شعري بكل قوه وضربني :
واضح أنك مش غاليه عند أبوكي أنا هخلص منك خالص عشان يتحسر عليكي
أنا هوريك يا أكرم
دخل ذلك الشاب الذي يدعي يونس هو الي أنقذني من أيده
جسدي كان يرتعش جدآ وكومت جسدي بكل رعب في ركن صغير خايفه مرعوبه
يونس: سبلي أنا يا عمي الموضوع ده أنا هخلصك منها بس تعالي دلوقتي نتكلم عشان تهدي
كنت فاكره أن ذلك الشاب هو أحن ما فيهم
بس طلع زيهم
...
يعني خلاص أنا هموت مش هشوف أهلي تاني حياتي كده أنتهت
ولم اكمل حديثي مع نفسي وجدت من يكتم انفاسي بقطعه قماش
حاولت المقاومه بس مقدرتش طبعا
...
في اليوم التالي
يونس مع عمه
العم : انهارده يا يونس لازم نخلص منها أنا هحسر أبوها علي بنته
يونس : خلاص أعتبر الموضوع خلص يا عمي
يونس فعلا كان في طريقه ليا مع بعض الرجال عشان يموتوني
ولما دخلوا المخزن
يونس بصوت عالي : ايه ده هي فين دوروا بسرعه في كل مكان أكيد حاولت تهرب
عمي بكل عصبيه وأنا أحدثه في التليفون : يعني ايه هربت اكيد حد تبع أبوها جه أنا عاوز البت دي يا يونس
يونس: بندور يا عمي بندور مش عارف إزاي هربت
.....
في مركب وسط الماء
صحيت وكأني نمت شهر بحاله وببص حواليا في كل مكان ملقتش غير بحر وأنا لوحدي
أنا حاسه اني في كابوس إزاي جيت هنا
اطلع من مخزن كله ظلام وسواد لبحر واسع ولوحدي
يارب ساعدني
ويارب يكون تفكيري صح وحد تبع بابا الي جبني هنا عشان أهرب من الناس دي
...
