أختطاف ولكن
حتي لو أصبحت مجبوره فأنا سعيده معك أكذب علي نفسي أحياناً بل الكثير من الوقت بأنني أريد الرحيل
لكن لا لم أتركك لن أترك كل لذه شعرت بها معك حتي لو كانت خيال..
......
في المركب
ضحكت ليلي بسخرية : مش بقولك مجنون وعاوز تتعالج
ودي بقي من ضمن خطتكم صح أنك تتجوزني غصب عني وتحرمني من أهلي
ده أنت تموتني أهون
يونس : ومين قال إنه هيبقي غصب عنك
أنا هتجوزك وبراضكي وعمري ما هقرب منك إلا برضو وبراضكي
ليلي : يارب أخلص منك بقي أنا أكيد في كابوس
..
في منزل أكرم
شريهان : يعني رجعنا بيتنا ومفيش فايده يا أكرم
أنا عاوزه بنتي يا أكرم
أكرم : أنا رجعت هنا عشان أصفي حساباتي وأعرف أرجع بنتي
شريهان: مش مصدقاك في حاجه أنت مخبيها عليا
أكرم بعصبيه : أنا مش فاضي لكلامك ده أنا نازل رايح الشركه وأنتي أنزلي بقي البنك
شريهان قامت من مكانها وأرتفع صوتها : بنك
بنك ايه الي أنزله وشغل ايه الي هتروحه وبنتنا في خطر
أكرم أقسم بالله لو ما اتصرفت وأطمنت علي بنتي هبلغ أنا وأحكي عن الي حصل كله
وساعتها هعرف أنت مخبي إيه
ملك دخلت علي صوتهم ببكاء:
هو إحنا مش هنشوف ليلي تاني
شريهان جريت عليها وحضتنها : متقوليش كده يا حبيبتي ليلي هترجع قريب بس أنتي أدعي أنها تبقي كويسه
...
في المركب
يونس: أنا بقالي يوم بحاله هنا واتلككت إني مسافر لازم الصبح أمشي وأروح الشركه
ليلي بخوف: طيب وديني أي مكان غير هنا
أنا عمري ما شفت حد بيتخطف في البحر حرام عليك بجد
يونس: ده اكتر مكان أمان ليكي وبكره تحبي البحر وأنتي الي ترفضي أننا نمشي من هنا
مش هتأخر هاجي بليل لو مجتش أعدي تحت ومتخافيش
ليلي: مخافش صح أبقي لوحدي في نص البحر ومخافش
يونس: آه متخافيش أنتي مش صغيره
وعلي فكره الكابوس الي إنتي بتقولي موجوده فيه هيبقي قريب أحلي حلم بالنسبالك
.....
في الشركه
غيابك كتر يا يونس وأنت عارف أننا اليومين دول مشغولين
يونس: أسف بجد يا عمي بس علياء أختي كانت في مشكله وكنت لازم ابعتلها فلوس
شاكر: وأزاي متقوليش حاجه زي كده ومطلبتش ليه مني الفلوس
أنا هكلمها وأطمن عليها
فلاش باك ..
مكالمه فيديو بين يونس وعلياء أخته الي مسافرا ألمانيا
يونس: وحشتيني جدا يا علياء بجد محتاج أتكلم معاكي جدا
علياء: وأنت كمان يا حبيبي
بس سيبك مني دلوقتي طمني عملت إيه مع ليلي
سكت يونس
علياء: لا متقولش أنك عملت الي في دماغك
يونس: أيوه اخدتها وخبيتها معايا كان لازم أحميها
علياء: أتجننت يا يونس أنت عارف لو عمك عرف ممكن يحصل أي
يونس: وأنتي مش عارفه عمك ممكن يعمل فيها أي
يا علياء عمك ممكن يموت أو يعمل أي حاجه عشان يحمي أو ينتقم لولاده أنا نفسي ممكن يقتلني لو ضربت حد منهم
علياء: اديك أنت الي قولتها يعني عمك مش سهل وأكيد هيوصل لمكانها
مش هي عندك في البيت
يونس: لا هي..
علياء: متكملش أوعا تقول في المركب بتاعتك
يونس: كنت لازم أعمل كده لحد ما أشوف مكان آمن وعمك وأبنه ميحسوش بحاجه
علياء: يعني أنت سايب البنت هناك دلوقتي لوحدها دي ممكن يجرالها حاجه وهي لوحدها
يونس : أنا هقفل بسرعه عشان في حد داخل المدخل هكلمك تاني
بس زي ما اتفقنا لو عمك كلمك أنتي كان عندك مشكله
.....
يونس: خلاص يا عمي ما تتعبش نفسك
شاكر : المهم دلوقتى
ليلي بنت أكرم أنا اتأكدت أنها مش معاه
وأنه فعلاً ميعرفش حاجه عنها
يعني البنت لسه هنا وقريبه مننا
يونس: ممكن تكون مستخبيه في مكان ومش عارفه ترجع
شاكر: أو ممكن تكون ماتت
نبض قلب يونس بخضه رعشت قلبه :
لا لا أكيد لا
شاكر: وأنت مالك مخضوض كده ليه
يونس: أصل لو كده كنا أكيد سمعنا حاجه
شاكر: لو ماتت هبقي ارتحت ووجعت قلب أبوها زي ما خلي أبني يتسجن ومش عارف أطلعه بسببه
يونس : طيب ما ننتقم منه هو ونوجع قلبه
شاكر : أنا هوجعه نفسي الوجع في بنته لازم أهدده أنها معايا لحد ما أبني أعرف أطلعه
روح دلوقتي مكتبك وخليك ورا الموضوع يا يونس لو وصلت إني أخد بنت تانيه من بناته هعمل كده
..
