''عشق الورد'' (الجزء الأول) الرواية الأولي من سلسلة ''أسري القلوب''❤️قيد التعديل

الفصل الخامس ♥️

''عشق الورد''❤️.

-''أما عن أخي فهو نقي كزهر أبيض،مبهج كالمطر بعد الجفاف،نادراً لايشبه أحد❤️

يركض شخص أعلي درجات السلم وراء فتاة وهي تضحك بشدة : وحياة هدي يا ريم لربيكِ وأخد منك الموبايل دا

بدأت تلتف بين الآثات الموجود،وهو خلفها

عاصم: بقا سايبة المذاكرة،وقاعدة تعلقيلي،وعايشالي دور المظلومة دا أنا هعلقك

ريم بترويغ: لا أنت فهمت غلط يا أبيه أنا قولت افرفشك بس

لترفع صوتها قليلاً بحثاً عن شخص ينجدها من هذا الفهد

ريم بإستنجاد: فينك يا هدهد الله يكرمك أنا زي بنتك يعني حرام عليكِ متسبنيش مع ملك الغابة دا لوحدي

عاصم غاضباً بعض الشيء: نهارك أسود أنتِ كمان شايفني مفترس للدرجادي طب تعالي بقا هنا

وبدأ يلتف خلفها حول المائدة

ريم بعملية:ايه المشكلة بس افهمني أنت منزل خاطرة علي الفيس شبه مكتئب كدا وبعدين اشمعنا أنا ما شهاب بيه علقلك عليها وألا أنت مستعر من أختك ااه قول كدا أنت ظلمتني وفهمتني غلط ''إن بعض الظن إثم''بس أنا مسمحاك، لا لا متبصليش بعيونك الحلوة دي مش هضعف خالص

وضع عاصم يده في شعره ليهدأ من حاله الروع التي أوصلته لها تلك الفتاة فهي قادرة علي قلب موازين أي نقاش لصالحها صدق من قال''إن كيدهن عظيم''

عاصم: طب شهاب تافهه،وقال لو اتنين جاتوه جنب الاكتئاب هيبقي عنب مش قالي ودوني علي حبيت حبيبي نعيش مع بعض فيه

ريم بضحك:طب ما توديني شالله يخليك،هعمل ايه بالتعليم أنا هه البنت ملهاش غير بيت جوزها أسمع مني

عاصم وقد فاض به من تلك الغيبوبة التي لا تكف عن المراوغة: بصي تعالي بس وأنا هقولك حاجة هفهمك بس تعالي

ريم بحزن جاهدت في اصطناعه:وتهوون عليك أختك تضربها طب صلي علي النبي كدا

عاصم:عليه أفضل الصلاة والسلام تعالي بقي

ريم،وهي تحكم اختبائها حول المنضدة:زيد النبي صلاة

عاصم،وهو يجز علي أسنانه من تلك الفتاة: عليه أفضل الصلاة والسلام

ظلت ريم تنتظر لحظة إنقضاض الأسد علي الفريسة،وإذ بها تري والدها گأنه طوق نجاة ظلت تنادي بأعلي صوتها : بابا الحق بنتك شوف أبيه عايز يضربني،وياخد مني الفون

ليبتسم سليم علي مشاگسة أولاده: أنتِ يا بنتي مش بتبطلي خناقات مع حد خالص وأنت يا سي عاصم ف ايه؟

عاصم بخبث وثقة،وهو يشيح بصره عن ريم: لا يا حج أصل بنتك عايز تتجوز

ريم مسرعة علي الفور: والله ما حصل يا سولم أنت تعرف عني كده برضو دا دا ااه أنا جيت اعمله كومنت اشرفه علي البوست قام الكيبورد علق ااه والله