Owner Of Mole (OOM) (Completed)

ep20💜

(Unicode)

မနက်ခင်းနေရောက်ခြည်လေးကအစိမ်းရောင်နံရံကပ်စက္ကူလေးတွေနဲ့ကာရံထားတဲ့ရိပေါ်ရဲ့အပေါ်ထပ်အခန်းလေးဆီတရိပ်ရိပ်တိုး၀င်လာတယ်

နေရောင်ခြည်တွေသာတစတစ်တိုး၀င်လာပြီးများပြားလာတာကုတင်ပေါ်ကအေးချမ်းစွာအိပ်ပျော်နေတဲ့ချစ်သူနှစ်‌ဦးကတော့ခုထိမနိုးထလာသေး

အသားဖြူဖြူနဲ့သူ့ချစ်သူထက်မဆိုးသလောက်လေးအရပ်ပုတဲ့ကောင်ကလေးရိပေါ်ကသူ့ထက်အရပ်ရှည်ပြီးအသားလေးမဆိုသလောက်ညိုတဲ့ဆံပင်ရှည်လေးနဲ့‌‌ကောင်ကလေးရှောင်းကျန့်ကိုကြီးမားပြီးတောင့်တင်းတဲ့လက်တွေနဲ့ထွေးပွေ့ထားပြီးသူ့ရဲ့‌နွေးထွေးလှတဲ့ရင်ခွင်ကျယ်ကြီးထဲမှာနွေးနွေးထွေးထွေးအိပ်နေစေတဲ့မြင်ကွင်းလေးကိုနိုးထရန်အတွက်လာနှိုးတဲ့‌မိုးလင်းကာစ နေရောင်ခြည်နဲ့ 'ကျီလိ ကျီလိ'နဲ့တဆာဆာ‌အော်‌ဟစ်နေတဲ့ငှက်လေးတွေကကြည်နူးစွာမြင်တွေ့ရမှာဖြစ်ပါတယ်

‌နွေးထွေးလှတဲ့ရင်ခွင်ကျယ်ကြီးထဲမှာအိပ်စက်အနားယူနေတဲ့‌ရှောင်းကျန့်ကလည်းအဲ့ရင်ခွင်ကျယ်ကြီးကသူ့တစ်ယောက်တည်းအပိုင်ဆိုတာသိနေသည့်အလားတော်တော်နဲ့နိုးထမလာသေး သူလည်းနိုးထချင်မည်မဟုတ် ဘာလို့ဆိုဒီရင်ခွင်ကျယ်ကြီးဟာသူ့အတွက်လိုအပ်နေတဲ့နွေးထွေးမှုတွေကြီးမားတဲ့တရုတ်တံတိုင်းကြီးလိုပဲဘာပြဿနာတွေရှိရှိအမြဲကာကွယ်ပေးနေမဲ့ရင်ခွင်ကျယ်ကြီးမှန်းသိတာမလို့အမြဲခိုလှုံချင်နေမိတယ်

ဒါကိုသိတဲ့နွေးထွေးတဲ့ရင်ခွင်ပိုင်ရှင်ဖြစ်တဲ့‌ရိပေါ်ကလည်းသူ့အတွက်ဆိုအမြဲဒီတံတိုင်းကြီးသဖွယ်ရင်ခွင်ကျယ်ကြီးကိုမှည့်လေးဆိုတဲ့သူ့ချစ်ရသူလေးတစ်ဦးတည်းအတွက်သော့ဆိုတာပစ္စည်းလေးတစ်ခုတောင်မလိုဘဲချစ်ရသူလေးခို၀င်ချင်တဲ့အချိန်တိုင်းအမြဲတမ်းတံခါးကြီးဖွင့်လှစ်ပေးထားတယ် ဒါမဲ့သော့မလိုတဲ့တံခါးကြီးတစ်ခုဆိုပေမဲ့အဲ့တံခါးကြီးကိုတော်ရုံလူတွေခို၀င်ပြီးနေလို့ရမှာမဟုတ်ပါဘူး ဘာလို့ဆိုသော့ဆိုတဲ့ပစ္စည်းလေးမလိုပေမဲ့passwordဆိုတဲ့အလွန်တရာခိုင်မာတဲ့အကာအရံကြီးကရှ်ိနေသကိုး အဲ့passwordလေးကလည်းပိတ်ထားတဲ့သူကိုယ်တိုင်‌တောင်ဖွင့်လို့ရတာမဟုတ်ဘဲသူ့ချစ်ရသူတစ်ဦးတည်းသာဖွင့်ပြီး၀င်လို့ရတဲ့ကမ္ဘာပေါ်ကတစ်ခုတည်းသော password လေး