انتقام امرأة

الحلقة الثامنة عشر

نرفض الحب بكل الطرق نتجاهله احيانا وأيضا نغلق جميع الابواب أمامه خوفا منه ومع كل ذلك نقع فى الحب بل ونغرق فى اعماقه ونترك القرار للقلب ولانسمع أى شئ سوى مايقوله فلا تحاول الهروب والانكار فقط استمتع بكل لحظة.
&&&&&&&&&&&
عادل:أنت جيت ازاى وامتى وليه؟
الشخص:كفاياك اسئلة يابن عمى وتعالى بالحضن هو انا ماوحشتكش؟
عادل:طبعا وحشتنى ياجاسر تعالى .
ذاك الحضن الذى اشتاق له عادل وانتظره كثيرا أعاد له اخاه الذى فقده.
عادل:انا مش مصدق إنك هنا بس انا ديما كنت متأكد أنك هتصدقنى فى يوم من الأيام وهتعرف أنى عمرى ماخونك او اخد حاجة تخصك.
جاسر:حقك عليا يابن عمى أنا غلط فى حقك وشكيت فيك سامحنى .
عادل :ولا يهمك المهم إننا رجعنا تانى زى الأول.
جاسر:بس أنت لازم تشكر اللى كانت السبب فى وجودى هنا .
عادل بعدم فهم:قصدك مين؟
جاسر:قصدى كارما.
عادل:كارما انا مش فاهم حاجة.
جاسر:كارما جات وشرحت لى كل اللى حصل وورتنى تسجلات الكاميرا وعرفت حجم الغلط اللى غلطه معاك .
عادل:عملتى دا ازاى وجبتى الفيديو منين .
كارما:من صاحبتى اللى عرفتنى كل حاجة.
عادل:صاحبتك مين؟
كارما :ماما ميرفت .
عادل:ماما!!!!

******فلاش باك*******
عندما ترك عادل كارما مع والدته .
ميرفت:كارما انا عارفة إن عادل بيحبك أوى وشكلك انتى كمان بتحبيه وانا لو لفيت مش هلاقى عروسة زيك لابنى .
كارما:تعيشى ياطنط.
ميرفت:أنا عايزة اقابل أهلك ياكارما واطلبك ل عادل.
كارما:بس اهلى تعيشى انتى ماليش غير أخويا حسن ومريم بنت خالتى عايشة معنا وخالتى مسافرة برا وسايبها معنا.
ميرفت:معلش ياحبيبتى مكنتش أعرف دا من امتى؟
كارما:من عشر سنين كان عيد ميلادى ورجعت أنا وحسن لاقتهم اتقتلوا .
وهنا انهمرت دموع كارما ولم تستطع إخفائها،لتاخذها ميرفت فى احضانها وبكل حنان تمسح دموعها وتشعرها بحنان الأم الذى اشتاقت له كارما فقد منحت اخاها ذاك الحنان ولم تشعر به يوم بعدما فقدت أهلها.
كارما:أنا معنديش اب ولا أم.
ميرفت:متقوليش كدا وأنا روحت فين أنا امك انتى بنتى من هنا لحد مااموت .
كارما:بعد الشر عليكى .
ميرفت:طب من هنا وطالع تقولى لى ماما فاهمة.
كارما:حاضر ياماما.
ميرفت:شاطرة ايوة كدا عارفة أنا كان نفسى فى بنت على الاقل كانت تساعدنى اجمع عيلتى اللى اتفرقت.
كارما:ايه اللى حصل انا مش فاهمة حاجة ؟
ميرفت: أنا عارفة ان عادل مقالكيش حاجة بس أنا هقولك على اللى حصل،إحنا قبل مانيجى مصر كنا عايشين فى امريكا .
كارما: عادل قال لى كدا وقال انه جيه مصر علشان دى رغبه والده الله يرحمه ورغبة حضرتك.
ميرفت:فى أسباب تانية ياكارما .
كارما:أسباب ايه؟
ميرفت:عادل ليه إبن عم إسمه جاسر عايش فى أمريكا اصغر من عادل بسنتين عادل كان بيعتبره أخوه الصغير كان العالم كله بيضرب المثل بيهم كانوا اخوات واصحاب كانوا بيكملوا بعض بس اللى اخوات افترقوا وقلبى وجعنى عليهم اوى.
كارما:إيه اللى حصل ؟
ميرفت:جاسر كان بيحب واحدة وعادل اخد
باله انها مش بتحبه وعايزة توصل لعادل مش لجاسر وحذره منها كتير بس جاسر الحب كان مخليه مش شايف الحقيقة،وفى يوم كان فى حفلة لشركة عادل وجاسر ودخل عادل المكتب يجيب ورق دخلت وراه وفضلت تقرب منه وعادل يبعدها ويهددها انه هيعرف جاسر وحضنته ودخل جاسر وشافهم فى الوضع دا وهى فضلت تتمسكن لجاسر وصدقها ومصدقش عادل ومن يومها وعلاقتهم انتهت وفضوا الشراكة وعادل حول كل فلوسه هنا فى مصر ومن يومها وعادل مش هو عادل بقى قاسى اوى مع الناس وخصوصا مع الستات وبقى ديما لوحده وحزين وأنا مش عارفة اعمل حاجة لحد ماقبلك انتى الوحيدة اللى كلمها كويس واللى بسببها شوفت ضحكت ابنى من جديد وعشان كدا انتى الوحيدة اللى هتساعدنى ارجع اللى راح.
كارما: طبعا قولى انتى عايزانى اعمل ايه وانا هساعدك.
ميرفت:انا معايا فيديو من الكاميرا موضح كل حاجة عايزة حد بس يروح يقعد مع جاسر ويقنعه يشوفه تقدرى.
كارما:اه اقدر دى بسيطة خالص خالتو عايشة فى أمريكا هروح مع مريم عندها قريب اروح لجاسر واقعد معاه،بس ادينى العنوان.
مرفت :بجد ياكارما؟
كارما:طبعا بجد مقلقيش بنتك هتصلح كل حاجة .
مرفت:بس خليها سر علشان افاجئ بيها عادل فعيد ميلاده .
كارما :اوعدك عادل مش هيعرف حاجة خالص.