أحداث الحياة غير متوقعة فلا تدرى ماقد يحدث فى المستقبل فقط كن متيقظ للآتى ⚫
أتى الصباح بنوره على جميع ابطالنا فهناك الكثير ينتظرهم.
استيقظت كارما بنشاط وذهبت لمكان ما لتعود.
كارما : اصحوا ياناس ياكسلانة انتوا لسه نايمين؟
حسن : فى إيه ياكارما على الصبح؟
مريم : هو الواحد ميعرفش ينام فى البيت دا؟
كارما : نوم إيه إحنا بقينا الضهر.
قطع كلامهم صوت جرس الشقة.
كارما : روحى افتحى يامريوم.
فتحت مريم الباب لتجد عادل.
عادل : انتوا كويسين يامريم؟
مريم : الحمدالله بتسال ليه؟
عادل : أصل كارما كلمتنى وقالت لى اجى بسرعة أنا افتكرت فى حاجة.
مريم : لأ اطمن إحنا كويسين.
عادل : الحمدالله اومال كارما كلمتنى ليه متعرفيش؟
مريم :لأ معرفش بس شكلها عاملة اجتماع تعالى نشوف.
دخل عادل شقة كارما وأغلقت الباب.
*****************
فى كافيتريا الجامعة.
ذهبت سارة إلى الكافتيريا لتجد معتز
سارة : خير يامعتز قلقتنى؟
معتز : طب اقعدى أهدى طيب.
سارة : قعدت فى إيه بقى إيه الموضوع المهم اللى عايزنى فيه؟
معتز : تشربى إيه الأول؟
سارة : مش اشرب حاجة قولى بقى فى إيه؟
معتز : بصراحة كدا انا بحب مريم صاحبتك وعايز أتقدم لها وعايز مساعدتك تقربى بينا.
سارة : نعم وهو دا الموضوع اللى قلقتنى علشانه ونزلتنى اقبلك علشان تقولى كدا.
معتز : وفيها إيه؟
سارة : فيها وأنا مالى حد قالك إنى خاطبة.
*************
فى شقة كارما.
عادل : فى إيه ياكارما؟
كارما : أنا مش هتكلم إلا لما تقعدوا وتسمعونى كويس.
مريم : إحنا قعدنا أهو فى إيه؟
كارما : أولا مبروك بشمنهدس حسن وهديتك اهى افتحها.
أعطت كارما ظرف لحسن فتحه وجد بداخله ورق ليقراه وينصدم.
حسن : إيه دا انتى عملتى كدا امتى وازاى؟
عادل : فى إيه يا حسن؟
مريم : إيه الورق دا ياكوكو؟
حسن : دا حساب تانى بأسمى فى البنك كارما عملهولى.
مريم : بجد غير حسابك الأصلى؟
حسن : أيوه دا كتير أوى ياكارما.
كارما : مفيش حاجة تكتر عليك دى هديتك خدها وأنزل انت ونريمان اتفرجوا على البيوت واللى يعجبكم خدوه وماتشلش هم الفلوس أنا معاك وعايزاك تاخد ها وتنزلوا تحضروا علشان فرحكم وأنا معاكم.
حسن : ربنا ما يحرمنى منك أبدا.
كارما : ولا منك أبدا.
مريم : طب دى أولا وثانياً إيه بقى؟
كارما : أصبرى ياام لسان خدى افتحى دا.
أخذت مريم ظرف آخر من كارما وفتحته لتصرخ من الفرحة عندما تقرأ ما به.
مريم : حبيبتى ياكوكو ربنا ما يحرمنى منك.
عادل : ماتفهمونى فى إيه؟
مريم : كارما حجزت فى طيارة بكرا ليا انا وهي علشان نروح عند بابا وماما.
كارما : مبسوطة كدا يعنى؟
مريم : أوى أوى ياكوكو.
كارما : طب يالا روحى جهزى شنتطتك وانت يابوعلى روح عرف خطيبتك.
ذهب حسن وخلفه مريم فى فرحة وظلت كارما مع عادل.
& & & & & & & & & & &
فى كافيتريا الجامعة.
معتز : انتى صاحبتها وأنا عايز اتجوزها وعايز مساعدتك إيه المشكلة؟
سارة : وحد قالك إنى وليه أمرها ولا اشتغلت خاطبة.
معتز : ما أنت شايفة هى بتكلمنى أزاى ومش بتدينى فرصة خالص اكلمها.
سارة : برضو دى مش مشكلتى عايزها روح كلم أهلها وآخر وأول مرة تكلمنى فى الموضوع دا عن إذنك.
وقفت سارة وأخذت حقيبتها لتمشى ولكن اوقفتها يد معتز حينما أمسك بيدها.
سارة بعصبية : سيب ايدى يامعتز.
معتز : لما تقعدى وتسمعينى.
سارة بنفس الأسلوب الحاد :سيب ايدى احسن لك يامعتز.
معتز : ولو ماسبتهاش هتعملى إيه؟
وهنا لم تتمالك سارة اعصابها لترد عليه بصفعة قويه جعلته يترنح من الصدمة والقوة فهو قاهر قلوب الفتيات بإشارة منه تأتى أجمل فتاة بل وتقع في غرامه من هى لتأتى وتصفعه هكذا، وهنا غلى الدم فى عروقه حتى صار بركانا واصبحت عيونه سوداء تنذر بجحيم أتى.
أنت تقرأ
انتقام امرأة
Chick-Litاوقعها قدرها مع عصابة لا ترحم ابدا قتلوا كل من أحبت يوما ولم يردعهم يوماً قانون فهل ستقف مكتوفة الأيدى بعد أن سرقوا حياتها منها بعد أن دمروا كل خلية بداخلها أم ستنتقم لكل صرخة بداخلها
