انتقام امرأة

الحلقة العاشرة

دخلت مريم المدرج لتنادى عليها صديقتها سارةفتذهب لتجلس بجورها.
سارة :مريوم عاملة إيه؟
مريم : أنا تمام الحمدلله وانتى عاملة إيه؟
سارة : بخير الحمدالله.
مريم : إيه الدكتور اتاخر ليه؟
سارة :تلاقيه متشعلق فى الزحمة.
مريم : هههههه يخربيت سنينك انتى فظيعة.
ويدخل الدكتور وتبدأ المحاضرة لتجلسا بانتباه وتركيز.
**************
عند عادل وحسن فى الكافية. . . . .
عادل : يخربيتك يابن المجنونة حتفرج الناس علينا انا بقولك عايز اتجوزها مش عايز اشقطها.
حسن : و إيه يضمن لى كلامك؟
عادل : أنا مستعد اديلك كل الضمانات اللى انت عايزها وأعمل أى حاجة بس علشان اشوف ضحكتها شوف انت عايزنى اثبتلك أزاى وانا اثبتلك.
حسن بضحك : ههههههه انا كدا اتاكدت.
عادل باستغراب : اتاكدت من إيه؟ وانت مش متعصب؟
حسن : اتاكدت من إنك غرقان لشوشتك فى حب كوكو وانا كنت بهزر معاك بس انت دخلت عليك الليلة.
عادل : وأنا اللى كنت مفكر إنك. ...يااخى أبو شكل اللى يفكر يتكلم معاك أنا غلطان انا ماشى.
حسن بسرعة :استنى بس يابو نسب أهدى كدا اومال.
عادل : أبو نسب يعنى انت موافق مش كدا؟
حسن : يعم إن كان عليا انا موافق بس المشكلة مش عندى.
عادل : اومال المشكلة فين؟
حسن : المشكلة عند كارما مش سهل تقع وتوافق على الجواز بسهولة كدا هى أصلا لاغيه من حياتها فكرة جواز وارتباط واستقرار.
عادل بثقة : يبقى انت متعرفنيش أنا هخليها تحبنى وتتجوزنى حسن : ورينى شطارتك ياكازنوفا.
عادل : ماشى هتشوف.
وظلا جالسان معا لوقت طويل حتى صار أصدقاء.
*****************
فى المجلة. . . . . . . . .
دخلت كارما مكتبها تضع اشيائها على المكتب لتدخل خلفها يسرا : ياكارما ياجامد كل المواقع خافت ونزلت اعتذار.
كارما : طبعاً يابنتى اومال آه لوتعرفى مين كمان اللى اعتذر. يسرا : مين كمان قولى يالا؟
كارما : حقولك بس أودى المقال دا يتمضى من عند الريس.
ذهبت كارما ومضت المقال وارسلته لنشر وعادت لمكتبها لتجلس مع يسرا وتحكى لها كل ماحدث بالأمس مع عادل.
************************
فى الكليه عند مريم. .............
بعد انتهاء المحاضرة خرجت مريم وسارة من المدرج.
سارة : يااااه أخيرا خلصت انا مش مصدقة انا كنت خلاص فصلت.
مريم : وأنا كمان فصلت بس لسه باقى محاضرتين.
سارة : أنا لازم اشحن تعالى ناكل.
مريم : وأنا محتاجة قهوة علشان أركز.
ذهبت كلتاهما إلى مطعم الكليه لتطلب سارة لها طعام ومريم قهوة.
سارة : إيه دا ياعمو فين باقيت السندوتش؟
عامل المطعم :هوا دا حجم العيش اللى الأفران نزلته.
سارة : بس والله دا ظلم وافترى أقنع نفسى أنها تشبع بيه أزاى دلوقتى؟
العامل :نعمل إيه بس يادكتورة؟
مريم : ولا حاجة ياراجل ياطيب سيبك منها أم بطن دى فين القهوة بتاعتى.
العامل :أحلى قهوة ليكى يادكتورة مريم.
سارة : هى ليها أحلى قهوة وانا ليا سندوتش مصغوط ماشى ياعمو والله لاسرق كل أكل الكافتيريا.
مريم : معلش ياعمو عندى انا يلا ياختى ياللى فضحنا.
سارة : تعالى نقعد على التربيزة دى.
مريم : ماشى يالا.
جلستا تتحدثن وتتضحكن حتى جاء من يقطع حديثهما.
شاب :ازيكم يادكاترة عاملين إيه؟
مريم : الحمدلله.
سارة : الحمدالله يامعتز عامل إيه؟
معتز :الحمدلله ممكن اقعد معاكم لو مافيهاش رزالة؟
مريم : لأ خالص تقدر تقعد أنا أصلا ماشيه.
معتز :أنا بقولك كدا علشان تمشى ولا إيه؟
مريم : أنا بجد وريا محاضرة عن ازنك ونظرت ل سارة وقالت مش يالا ولا مش ناوية تحضرى المحاضرة؟
سارة : حاضر جايه أهو معلش يامعتز عندنا محاضرة نتكلم فى ظروف احسن.
ورحلتا إلى المدرج وفى الطريق.
سارة : منك لله كنتى سبتينا نقعد مع الموز دا شويه دا البنات كلها حتموت عليه.
مريم : موز إيه دا قرف دا بتاع بنات واحد بيتسلى وانا معنديش استعداد حد يتسلى بيا.
سارة : وانتى ايش عرفك مش يمكن قصده شريف؟
مريم : قصده شريف يروح يكلم أهلى مش يوقفنى قدام الناس ويرخصنى فى عيون الناس.
سارة : خلاص أهدى انت صح ياسطا.
مريم : أصل الواد دا لما بشوفه بفتكر البنات اللى ضحك عليهم وعفاريت الدنيا بتركبنى.
سارة :عندك حق منه لله يالا بينا.
عند معتز.. . . . . . .
معتز :بقى كدا ماشى.
أحد أصحابه :انت اتروق عليك يامان.
معتز :مش أنا اللى يتروق عليا انت فاهم.
صاحب آخر :اهدى بس يامعتز هو مش قصده بس قصده أنها صعبة شويه ومش زى بقيت البنات توقعهم بسهولة.
معتز :هى آه صعبة بس على مين دا أنا معتز.
صاحبه :رايح فين؟
معتز :رايح اشوف هيثم علشان نظبط سهره حلوة بليل.
صاحبه :ماشيه معك عنب الله يسهلو.
&&&&&&ستوب &&&&&&&
(سارة )دكتورة فى كليه الطب صديقة مريم الوحيدة وهى متفوقة مثلها، سارة ليست تلك الفتاة الجميلة التى تضع مساحيق تجميل كثيرة فهى كانت عاديه بجسد ممتلئ قليلاً ولكنها لم تهتم أبدا لحجم جسدها فكانت تهتم بمستقبلها.
(معتز )شاب أيضاً فى كليه الطب ولكنه لم يدخلها بمجهوده بل بأموال ونفوذ أباه فهو رجل أعمال ولم يتوان معتز لحظة عن استغلال نفوذ أباه للإيقاع بالفتيات .
&&&&باك &&&&&&
فى المجلة. ..............
يسرا : انتى متأكدة إنك بتحكى عن عادل الدسوقي؟
كارما : آه ليه؟
يسرا : متأكدة إن دا الغبى العصبى اللى هزقك امبارح؟
كارما : ماتلمى نفسك شويه الله ماقولنا هو
يسرا : دا طلع جنتل أهو.
كارما : ايوه ياختى عن ازنك علشان انصرف انا بقى عندى حلقة النهاردة باى.
يسرا : باى خدى بالك من نفسك.
كارما : حاضر سلام.
عادت كارما إلى شقتها لتحضر الطعام .
***************
فى الكليه عند مريم. . . . . . . . .
سارة : أوف أخيرا اليوم دا خلص.
مريم : أنا بجد خلصت وعايزة اروح.
سارة : طب تعالى اوصلك؟
مريم : لأ حسن حيعدى عليا.
سارة : خلاص هستناه معاكى لحد ما يجى بدل ما تبقى لوحدك.
مريم : تسلمى ياقلبى ماتحرمش منك استنى بقى لما أكلم الواد اشوفه اتاخر ليه؟
سارة : تمام كلميه شوفيه لو كدا اوصلك.
مريم : الو يا زفت انت فين؟
حسن : نفسى تحتريمينى شويه.
مريم : مش لما تحترم مواعيدك الأول يابارد.
حسن : خلاص يا أم لسان انا جاى  وانتى كدا بتاخرينى.
مريم : ماشى ياحسن ع الله تتأخر. وقفلت
سارة :قالك إيه؟
مريم : جاى ياخدنى
*******************
عند عادل وحسن فى الكافية. . . . . . .
حسن : معلش يا دوله انا لازم أمشى دلوقتى بدل ما أم لسان تروح تقول ل كارما وتبقى محكمة عسكرية النهاردة.
عادل : روح يالا لا تتعلق.
حسن : انت بتقول فيها واقولك القعدة معاهم صعبة تقولى جنة ياعم ربنا يوعدك باللى انا فيه.
عادل : يارب انا راضى مالكش دعوة.
حسن : اوعده يارب بال انا فيه، سلام
عادل : سلام.
ذهب حسن ل مريم لتعود معه للمنزل
مريم : ما بدرى يابيه لسه فاكر إن ليك أخت؟
حسن : معلش يامريمومتى متزعليش حقك عليا.
سارة : هات ورا هات.
حسن : ايوه طبعا انتى بتهزرى انا مش طالبه معايا محاكمة خالص أنا فى أصعب اواقات عمرى.
مريم : كويس إنك عارف، يلا بقى باى ياسوسو.
وركبت مع حسن وعادوا للمنزل معا تحت عيون معتز.
******************
فى شقة كارما. . . . . . . . .
دخلت مريم وخلفها حسن إلى الشقة.
مريم : السلام عليكم ياكوكو.
كارما : وعليكم السلام ياقلبى،حسن فين مجاش يخدك ولا إيه؟
حسن : لأ والله أنا أهو وروحت جبتها حتى أسأليها.
مريم : آه ياكارما جه اخدنى و....
حسن كان يقف خلف كارما يستعطفها بالاشارات
كارما : وايه كملى ضايقك عملك حاجة؟
مريم : وماتاخرش وسابنى مرزوعة فى الشارع.
كارما : طيب روح غيرو وخدوا شاور وتعالوا كلوا الأكل حيعجبوكم أوى.
مريم : ثوانى وأكون عندك.
دخلت كارما المطبخ ليقف حسن أمام مريم يشكرها.
حسن : شكراً يا مريوم ربنا يخليكى للعيانين والتعبانين يارب
مريم : أنا ماعملتش كدا علشانك على فكرة انا عملت كدا علشان نريمو صاحبتى.
وتركته لتذهب لغرفتها
حسن يقلدها :أنا عملت كدا علشان نريمو صاحبتى نى نى نى
مريم : بتقول حاجة ياشبح؟
حسن : بقول ربنا يخليكى ليا ويبارك فى شبابك.
مريم : آه بحسب.
ودخل حسن غرفته دقائق وخرج الاثنان وتوجها للمطبخ،وجلسوا جميعا ليتناولوا الطعام الذى أعدته كارما.
******************
ذهب عادل لشركته لينهى بعض الصفقات ومن ثم عاد لمنزله ليتناول الغداء مع والدته وبعدها جلس يدرس أوراق صفقات جديدة محاولا إنجازها ليفرغ لبرنامج من سرقت قلبه.
*******************
عند كارما فى الشقة. . . . . . .
استعدت كارما لنزول لبرنامجها.
كارما : أنا نازلة ياشباب عايزين حاجة من بره؟
مريم : عايزة سلامتك يا حبى.
حسن : ترجعى بالسلامة ياقلبى.
كارما : خلاص سلام بقى.
خرجت كارما متوجهة الاستوديو،قابلتها دينا.
دينا : كوكو إزيك؟
كارما : الحمدالله انتى عاملة إيه وياسين عامل ايه؟
دينا : الحمدلله والله ياسين مغلبنى ياكارما.
كارما : معلش شويه كدا وحيبقى كويس إن شاء الله.
دينا : إن شاءالله، آه نسيت اقولك انا ضفتلك فى حسابك مكافأة وهتوصلك كمان شويه.
كارما : مكافأة ليه؟
دينا : لأنك جبتى عادل هنا ودا زود اعلانات المحطة
كارما : بس عادل اكيد اخد فلوس مقابل الحلقة فاحنا متعادلين ولا إيه؟
دينا : عادل رفض ياخد فلوس ياكارما.
كارما : إيه! !!!طب ليه؟
حكت دينا ل كارما ماحدث مع عادل.
كارما بانبهار :معقولة عمل كدا؟
دينا : ايوة يابنتى، ويلا كفايه رغى روحى عندك هوا.
دخلت كارما الاستوديو تفكر فى عادل وأفعاله.
مازن : ياللى واخد عقلك ياكوكو؟
كارما بعدم انتباه :هش انا بفكر.
مازن : هش وبفكر لأ الموضوع خطير،كارما فى إيه مالك إحنا طالعين هوا.
كارما بتركيز :يابنى انا جاهزة انت حضرت الاغانى.
مازن : آه والله
كارما : حلو اوى أطلع بينا هوا بقى.
كارما : ازيكم عاملين إيه يارب تكونوا كويسين معاكم كارما السويسى فى هواكم على هوا إف إم 88.5 معايا على المكسر مازن وعايزة اقولكم أنكم واحشتونى اوى من الحلقة اللى فاتت وقبل ماقولكم موضوع حلقة النهاردة حابه اجاوب على كل أسئلتكم اللى بعتوها امبارح انا وعادل الدسوقي مجرد أصدقاء انا طلبت منه يجى البرنامج وهو شخص محترم جداً وافق مشكور إنه يجى وكل دى إشاعات والله نيجى بقى لموضوع النهاردة فى دراسة كدا عملوها برا ونفذوها لاقوا إن إحنا بنفضل فاكرين الذكريات المؤلمة وبننسى اللحظات الحلوة فموضوع النهاردة إيه أكتر الزكريات الحلوة اللى فى حياتك وشاركونى على رقم الرسايل  ورقم التليفون 09088550885 وانا حستنى مشاركتكم وحتى ياجماعة خلونا على طول نفتكر زكرياتنا وأحداث حياتنا الحلوة واسيبكم مع الأغنية اللى جايه وأرجع لكم بعدها.
كانت حلقة كارما مميزة كالعادة وأنهت كارما الحلقة وعادت لشقتها لترتاح وتنام
لياتى الصباح على الجميع معلنا يوماً جديد،كان يوم عادى على كل الشخصيات حتى أتت الساعة السادسه.
حسن : انتوا لسه ماجهزتوش والنبى انجزوا مش عايزين تأخير الناس مستانيه.
مريم : أتقل شويه يابنى مش كدا.
كارما : إحنا خلاص جاهزين أهو.
نزلوا جميعاً من الشقة ليذهبوا لمنزل نريمان.
فى السكة. .....
كارما : وقف خلينا نشترى حاجة ندخل بيها على الناس.
حسن : حاضر.
نزلت كارما من السيارة واشترت ورود وعلبة شيكولاتة فاخرة وعادت لسيارة.
مريم : طول عمرك زوق جميل ياكوكو.
حسن : طبعا يابنتى اومال.
تحت منزل نريمان. . . . . . . . . .
حسن : كارما اوعى تقولى لأبو نريمان إن إحنا بنحب بعض وكدا لأنه صعب شويه فى الأمور دى.
كارما : حتى يابنى لو مش صعب ماينفعش أقوله برضو ماتخفش حقوله إنها صاحبة مريم.
حسن : تسلم دماغك ياكوكو.
كارما : قدامى على فوق.
فى منزل نريمان. ...............
جلست كارما مع والد ووالدة نريمان وتعرفت عليهم فقد كانوا طيبون ووافقوا على زواج بنتهم من حسن
والد نريمان : أنا موافق بس بشرط.
بقلمى : ندى بسيونى ❤
اعزرونى على أى أخطاء املائية 🙏
وماتنسوش التصويت بحبكم 🌷