انتقام امرأة

زفاف 👰

سأحارب العالم والكون وكل مخلوق فى تلك الحياة لكى تكونى من نصيبى لن اقبل ان تكونى لغيرى فأنتى ملكى انا فقط شئتى ام أبيتى لتكون تلك الجملة فى ذهنك دوما سأفعل المستحيل واعنى بالمستحيل كل شئ يفوق الجنون بكثير ،نعم حتى لو اضطررت لخطفك سأفعل وايضا لو اضطررت للقتل لن اتردد لحظة ،سأظل احارب دوما حتى تلك اللحظة التى تصبيحين فيها من حقى امام كل هذا العالم لن أهدأ حتى تصبحين زوجتى حتى اراكى تزينين هذا الثوب الابيض من اجلى وحدى. 👰🌹

***************
فى امريكا.........
فى قصر جاسر ........
كانت الاجواء مشحونة بالمرح والضحك والنشاط والحماس فالكل يبذل ما بوسعه ليصبح زفاف اسطورى حيث كانت مرفت ونسرين تهتمان بالطعام والمشروبات اما كارما ونريمان فهتمتا بالاضواء والزينه اما جاسر وفاروق فهتما بالدعوات وتوزيعها على كل الحضور اما مريم وعادل وحسن اهتموا بملابس الزفاف للجميع ،وكلا منهم كان يفعل ماطلب منه بشكل رائع دون ملل او تعب بل بكل حماس وابداع .

************
فى مصر .......
فى منزل سارة........
كانت الاجواء مشحونة بالتوتر ،الغصب والجنون ،فمنذ أن وقعت عين سارة على ذلك المتقدم لخطبتها وذكريات ما حدث معه من شهر ظل يتحرك امام عينها بالبطئ لتنتبه عند اخر جمله قالها وهى "هخلى حياتك جحيم" حاولت سارة التكلم ولكن تكلم عندها محى الدين :مقولتليش ليه ان دكتور معتز طلب ايدك وانتى رفضتى ؟
سارة:اناااا ......اصل.....
وهنا اجاب معتز بسرعة :اصلها كانت فكرانى بتسلى بيها ورفضت حتى تتكلم معايا وعجبنى فيها اخلاقها العالية وادابها وصعب تلاقى بنت بالمواصفات دى فى الزمن دا .
فريدة:انا لما معتز قالى انا ووالده انه عايز يتقدم لسارة وحكى لى اللى حصل قولنا نكلم حضرتك ونتعرف اكتر عليكم .
منصور :بصراحة انا مصدقتش لما معتز قالى انه عايز يتجوز قولت اكيد لاقى ملاك علشان يبقى عايز يخطبها بسرعة قبل ماحد ياخدها عنده وظنى كان فى مكانه ماشاء الله ربنا يحميها.
فريدة :طب ينفع يادكتور محى :يقعدوا مع بعض شويه ولا إيه؟
محى الدين:سارة خدى معتز واطلعوا فى الجنينة اللى برا .
معتز:انتى خايفة ليه انا جوا بيتكم يعنى مش هخطفك وعملت زى ماقولتى ودخلت البيت من بابه.
سارة موجه بصرها نحو والدها ليفهم هو نظراتها ويجيبها :روحى يابابا اقعدى معاه .
سارة:عن اذنكم .
فريدة:اتفضلى ياحبيبتى .
لتذهب سارة امام معتز الى الحديقة .
ليقول منصور:احيك على التربية العالية دى ربنا يجعلها من نصيب ابنى وساعتها هكون مطمن عليه .
محى الدين :يارب يناولهم كل خير .
فريدة:اومال والدة سارة فين ؟

*************
فى الخارج......
فى الحديقة .......
معتز:بيعجبنى فيكى عقلك وانك بتحسبيها كويس ،برافو عليكى .
سارة:خلصت كلام ؟
معتز:لسه عندى كلام كتير بس عايز اسمعك الأول واعرف رايك فى المفاجاة دى .
سارة:طب اسمع بقى جواز مش هتجوزك انا سكت علشان انتوا فى بيتنا واحتراما لابويا ولاهلك اللى انت لو بتحترمهم نص التعب اللى تعبوه فيك مكنتش عملت اللى بتعمله دا وجواز مفيش ولوانت اخر راجل فى العالم مش هتجوزك فاهم ؟
معتز:خلصتى كلامك ولا لسه عندك تانى ؟
سارة :لا دا اخر كلام عندى .
معتز:هتتجوزينى غصب عنك ورجلك فوق رقبتك !!!
************
فى الداخل .......
محى الدين :والدة سارة الله يرحمها ماتت وسارة عندها عشر سنين وانا اللى ربيت سارة انا والدادة بتاعتها لحدا مابقت زى ماانت شايف .
منصور:الله يرحمها تعيش وتفتكر .
فريدة:طب وسارة كان ايه وضعها فى الازمة دى ؟
محى الدين:مش هتصدقى لو قولت لك ان سارة رغم انها كانت فى ازمة نفسية اصعب منى الا انها هى اللى ساعدتنى اخرج من الازمة دى طول عمرها مطيعة وعمرها ماحسستنى بانى عاجز او انها حمل تقيل لا كانت ديما بتحاول تخفف من عليا .
منصور:ربنا يخليك ليها وتشوف عيالها.
محى الدين :يارب نفسى اموت وانا مطمن عليها .
منصور :متقولش كدا انت لسه شباب جوزها واطمن عليها واتجوز وعيش حياتك ياراجل .
محى الدين :لا مفيش حد يقدر يملى مكان المرحومة مهما حصل.