انتقام امرأة

هواكم 💖

بعد خروج كارما وقف عادل فترة شارد فيها وتفاصيلها مازالت  أمامه لم تفارق خياله وأخذ ينظر إلى يده فهو لم يسلم على أحد منذ تلك الحادثة قد أخجل كل من مد يده له بالسلام يوماً فهو كان وقح بحق ولم يكترث بمشاعر أحد ولكن هى غير كل من قابل يوماً فقد وافق على طلبها بعد أن رأى الحماس مشتعلا فى عينها البنية ولأول مرة لم يطفئ حماس أحدهم لأول مرة يتصرف بأدب ومراعاة لمشاعر غيره لأول مرة يمد يده بالسلام لأحد ولمن لفتاة وكأن عقله قد انسحب فى حضورها فهو لم يستطع أن يؤذى مشاعرها كما يفعل مع كل من حوله لماذا هى وماذا فعلت هى ولا شئ مجرد مقابلة.
لم يستطع عادل أن يركز فى أى شئ وظلت تلك الأسئلة تعبث بعقله إلى أن قرر أن يعود لمنزله ليأخذ قسطاً من الراحة وبالفعل عاد للمنزل وألقى التحية على والدته.
عادل : إزيك يا ست الكل؟
ميرفت :الحمدلله ياحبيبى جاى بدرى يعنى.
عادل : مفيش مرهق شوية وعايز ارتاح.
ميرفت :سلامتك يا نور عينى فيك إيه؟ اجبلك دكتور؟
عادل : لأ ياماما انا كويس شويه ضغط فى الشغل مش أكتر،وبعدين ياماما أنا كبرت مش لسه صغير علشان تخافى عليا كدا حتفضلى تخافى كدا لحد امتى؟
ميرفت :حفضل أخاف عليك على طول هوا ليا غيرك وحفضل أخاف عليك لحد مالاقى اللى تخاف عليك اكتر منى واطمن عليك بقى واشوف احفادى.
عادل : ياماما إحنا مش قفلنا الموضوع دا قبل كدا وبعدين مفيش حد حيخاف عليا قدك لأن محدش بيحبنى قدك، وبعدين تعالى هنا اتجوز واسيبك لمين ياقمر انتى.
ميرفت :بس يابكاش اضحك عليا بكلامك كالعادة.
عادل : هو فين الضحك دا والله أنا خايف إنك لو خرجتى الاقى صف عرسان واقفين على الباب.
ميرفت :هههههه بس ياعادل بلاش بكش انا آه حلوة وكل حاجة بس مش لدرجادى.
عادل : ايوة بقى ميرفت ياجامد.
ميرفت : عيب ياولد، يالا قوم خد دوش كدا وغير هدومك وعلى ما احضرلك الأكل.
عادل : ليه فين بدرية؟
ميرفت : ابنها تعبان شوية فقولت لها تمشى وانا ححضر الأكل.
عادل : طب عملتى أكل إيه النهاردة؟
ميرفت : عملت لك كل اللى أنت بتحبه بس خلص بسرعة .
عادل : إذا كان كدا ثوانى وحتلاقينى على السفرة.
قبل عادل يد والدته وذهب لغرفته فى الطابق الثانى من فيلته التى أقل ما يقال عنها أنها قصر ملكى وبعد عدة دقائق خرج عادل متجهاً نحو المطبخ وجد والدته أحضرت له الطعام فجلس بفرحة عندما أحضرت له كل مايحب.
عادل : أنا لو عارف إنك حتعملى كل الأكل دا أنا بنفسى كنت اديت لبدرية أجازة من زمان.
ميرفت : عجبك الأكل ياحبيبى؟
عادل : طبعاً تسلم ايدك ياست الكل على الدلع دا كله.
ميرفت : ياحبيبى بالهنا والشفا.
وبعد الأكل جلس عادل على مكتبه يدرس بعض الصفقات.
عند كارما. .......
كارما : أنا نازلة ياشباب مش عايزه مشاكل العبوا مع بعض.
حسن :حاضر ياماما مش حنعمل مشاكل وحنقعد هادين هههه.
كارما : هههههه شاطر يابوعلى برافو سلام.
حسن :طب اجى اوصلك طيب.
كارما : لأ يابا خليك ذاكر انا ما صدقت إن خلاص دى آخر سنه وبعدين حنسيب مريم هنا لوحدها ميصحش.
مريم :خلاص أروح معاكم.
كارما : لاونبى رحلة هى لأ خليكوا هنا،باى.
حسن ومريم معا :خدى بالك من نفسك.
كارما : حاضر خدوا بالكم انتوا من البيت.
وصلت كارما الاستوديو وكالعادة سلمت على كل من يعمل هناك فالكل كان يحبها واتجهت إلى مكتب المدير،ودقت على الباب وجاءها الرد.
دينا :إدخلى ياكارما.
كارما : أنا عندى ليكى خبر بمليون جنية.
دينا :خبر إيه دا، حتجوزى؟
كارما : لأ دا ساعتها حاجى أخد منك مليون جنيه.
دينا :اومال إيه؟ أنا على أخرى ياكارما بسبب الغامض دا.
كارما : طب واللى يجيبهولك؟
دينا :يجيب مين قصدك مدير شركات الأمل جروب بطلى هزار
كارما : مش بهزر انا اتفقت معاه وهو جاى فى حلقة يوم الاتنين خلاص والنهاردة لازم نعلن عن الحلقة علشان الإعلانات دينا :انتى بتتكلمى بجد طب أزاى؟ دا مش بيقابل حد خالص.
كارما : بعدين اقولك عندى هوا دلوقتى،سلام.
دينا :ماشى بس لينا كلام مع بعض.
خرجت كارما وذهبت لغرفة الإذاعة.
.............ستوب. ...............
(دينا )ذات ال35 عام رئيسة المحطة الإذاعية مطلقة وأم لطفل بعد أن عاشت أصعب أيام مع زوجها انفصلت عنه بصعوبة بالغة وعاشت مع أمها وابنها وقد كرست حياتها لابنها فهى لم جهدا على وجهدها لتلبى كل طلباته وهى صديقة كارما أيضاً.
.........باك. .........
كارما : إزيك يا ميزو أخبارك؟
مازن :تمام ياكوكو أخبارك؟
كارما : الحمدلله ياباشا. خلصت الاغانى اللى حنلعبها النهاردة مازن :للأسف يا كارما كان فى مشكلة فى الصوت وانا كنت بحلها فمالحقتش.
كارما : خلاص ولا يهمك حتصرف.
مازن :حتعملى إيه؟
كارما : حتصرف أطلع بينا هوا بس.
بدأت كارما برنامجها على طريقتها الفريدة مع تحدى جديد.
كارما : مساء الخير عليكم كل اللى بيسمعونا من مطروح لاسوان عاملين ايه واحشتونى اوى واللى لسه بيفتحوا الراديو انتوا بتسمعوا برنامج (هواكم )على هوا إف إم 88.5 معايا أنا كارما السويسى ومازن على المكسر والنهاردة حلقة ليكم مفتوحة وأنا هنا علشان اسمعكم بس وكمان أشغل كل الاغانى اللى تطلوبها مستنيه كل تلفوناتكم وحقرا كل المسدجات رقم التليفون 09088550885
ورقم الرسايل 8850 واسيبكم مع اغنية من اختيارى وهى (هيدا الحب )لادهم نابلسى ونرجع تانى.
لما بتغيب عن وعيك وتعمل ايشيا مش بدك يعنى بتحب .
كانت تلك إحدى كلمات الأغنية التى بدأت بها كارما الحلقة.
عند عادل فى المنزل. ...
بعد فترة من الوقت شعر عادل بالملل وأيضا بدأ بالتفكير فى تلك الفتاة التى تغير فجأة معها هى فقط، فقرر أن يخرج يجلس مع والدته ويتحدث معها ربما ينسى تلك الفتاة.
عادل : بتعملى إيه ياقمر انتى؟
ميرفت : ولا حاجة بسمع برنامج فى الراديو حلو اوي.
عادل : راديو برنامج إيه؟
ميرفت : برنامج اسمه (هواكم ) استنى بدأ أهو.
وإذا بعادل يجلس لينسى كارما إذا به يسمع صوتها يأتى فى الراديو ليسمع كل ما قالته فظل يقاوم النزاع بداخله فعقله يطالبه بالذهاب وقلبه يناشده بالاستماع بصوتها وبدون أى إرادة استسلم لقلبه لتأتى بتلك الأغنية التى لامست قلبه وروحه بها لتهدأ من عاصفة الأسئلة التى تعصف بعقله. ليقطع عليه شروده صوت والدته.
ميرفت : إيه ياعادل مالك سرحت فى إيه؟
عادل : ولا حاجة ياقمر، قولى لى انتى بتسمعى البرنامج دا ليه؟
ميرفت : علشان كارما طبعاً دى بنت جميلة أوى.
عادل : انتى شوفتيها فين علشان تقولى جميلة انتى بتسمعى صوتها بس.
ميرفت : ماشوفتهاش بس فى ناس كدا ربنا بيحبها وصوتها بس يدخل قلوبنا على طول وهى كد انا بحبها روحها حلوة اوى تتحب بسرعة فالشكل مالوش لازمة قدام جمال الروح ورضا الرب.
عادل فى نفسه :آه ياماما لوكمان شوفتيها آيه من الجمال
ليغرق فى شروده ليتذكر كل ملامحها ليعود من جديد على صوتها يأتى من الراديو ليعيده لواقعه من جديد.
عند كارما فى الاستوديو. . .
مازن : بجد شابو كارما انتى انقذتينى تسلم أفكارك.
كارما : ولا يهمك أهم حاجة المسدجات علشان نلحق نعرف الاغانى ونعمل لست بسرعة.
مازن :اوكيه ،إحنا راجعين هوا اجهزى.
كارما : أنا جاهزة.
كارما : ورجعنا لكم تانى معكم على هوا كارما السويسى فى هواكم على هوا إف إم 88.5 معايا على المكسر مازن وحيشغل كل اغانيكم ومعايا أول رسالة من
يمنى بتقول:إزيك يا كارما واحشتينا أوى أنا بحبك أوى وبحب اسمعك وعايزة أسمع (بعدك عنى )(لاصالة ).
لترد كارما : وأنا كمان بحبك يايمنى وانا مبسوطة من رسالتك دى وحشغل اغنيتك دلوقتى. وطبعاً مازن دلوقتى بيقولى فى تليفونات كتير على الويتنج فحاخد اول موبايل فى الحلقة نقول الو.
المتصل :الو معاكى محمد ياكارما.
كارما : أهلا بيك أستاذ محمد بتكلمنا منين؟
محمد :من إسكندرية.
كارما : أهلا بإسكندرية وأهلهااحسن ناس.
محمد :تسلمى ياكارما يارب كل اسكندرية بتحبك.
كارما : وأنا بحب اسكندرية وناسها الجدعان، عايز تقول إيه فى حلقة النهاردة الحلقة مفتوحة تقدر تقول اللى انت عايزه. محمد :عايز اقول ل(يارا )مراتى إن أنا آسف وبعتذرلك قدام الدنيا كلها وإن غصب عنى زعلتك منى وأنا والله ما حبتش قدك ياأغلى هدية من ربنا جات نورت حياتى.
كارما : خلاص يا يارا الراجل اعتذرلك أهو قدام الناس كلها المسامح كريم واهو بيحبك أهو.
محمد :شكراً ياكارما انا مبسوط انى كنت معاكى النهاردة.
كارما : متقولش كدا إحنا بنفرح بمكالمتكم دى شكراً اوى يامحمد على اتصالك.
كارما : ونروح نسمع أصالة ونرجع تانى اسبكم مع بعدك عنى بعد الفاصل كارما : ورجعنا لكم تانى معاكم كارما فى هواكم على هوا إف إم 88.5 أنا عايزة أمسى على كل اللى بيمسوا علينا عايزة أمسى على سلوى وإبراهيم وممدوح وسهير وسحر وشمس وكريم واسفة لكل اللى بيحاولوا يكلمونا ومش عارفين يكلمونا بس والله فى ضغط مكالمات وانا ححاول أرد على أكبر عدد من الإتصالات وحاضر حشغل كل الأغانى اللى طلبتوها.
كارما : أنا معايا إتصال مفاجأة نقول الو
المتصل :الو ياكارما انا يارا.
كارما : يارا ياجماعة زوجة أستاذ محمد اللى كان معانا من شوية وهى اتصلت علشان ترد عليه.
يارا :أنا عايزة أقوله إنى مش زعلانة منه خلاص انا أصلا بحبه ومقدرش ازعل منه أبدا هوا عمرى كله وأنا كمان بحبك.
كارما : ربنا يسعدكم يارب.
يارا :حبيبتى تسلمى ربنا يوفقك شكراً على وجودك فى البرنامج اللى غير حياتنا وحياة ناس كتير.
كارما : شكراً يا يارا ونورتينا.
كارما : و معانا اتصال ونقول الو
المتصل :الو ياكارما.
كارما : ممكن أعرف اسمك
المتصل :نور من القاهرة.
كارما : أهلا بيكى فى أسرة البرنامج عايزة تقولى إيه النهاردة؟
نور :عايزة اقول ليه بنعامل الناس كويس ونسامح وهما يجرحونا ويجوا علينا أكتر.
كارما بتاثر :ليه بس بتقولى كدا؟
نور ببكاء :أنا حبيته ووقفت جنبه وساعدته وكبرت شغله وفى الآخر اتغير معايا وخانى وانا من كتر ماكنت بحبه كنت بسامحه وفى الآخر سابنى بعد ما أخد كل حاجة طلقنى بعد ما أخد روحى وقلبى وفلوسى وعمرى.
كارما وهى الأخرى على حافة البكاء :أنا مش عارفة اقولك إيه غير إنه مايستهلش لحظة معاكى انتى أغلى من أنك تكونى مع واحد زيه وبدأت بالبكاء.
كارما ببكاء :اسيبكم مع الأغنية الجاية.
وظلت كارما تتحدث وتبكى مع نور حتى هدأت نور.
عند عادل فى المنزل. . . .
ظل عادل يستمع لكارما وحوارها وتفاعل الجمهور معها لم يمل لحظة من حديثها وعندما سمع صوت بكائها أحس بوجع فى قلبه فقال :طب هى ليه بتعيط دلوقتى.
ميرفت : هى كارما كدا بتحزن مع الناس لحزنهم وبتفرح لفرحهم وبتاثر بسرعة زى ما سمعت.
عادل : بس مش لدرجة تعيط معاهم.
ميرفت : عرفت ليه بقى بقولك جميلة. بس بقى رجعت اهى.
ليسمع عادل كارما من جديد بكل اهتمام لتمر الساعتان بسرعة لم يتوقعها ليسمعها تقول فى نهاية الحلقة.
كارما : الوقت معاكم بيمر بسرعة ولحد كدا خلصت حلقة النهاردة واشوفكم يوم الاثنين مع ضيفى المميز ايوة معايا ضيف اكتسح بشركاته الساحة مؤخراً ايوه الرجل الغامض  زى ما سمعتم معانا مستر عادل السيوفى مدير الأمل جروب فى الحلقة الجاية كنت معاكم من الساعة 5لساعة 7 انا كارما وفرحت وعيط معاكم فى الحلقة وانبسط من كلامك وتفاعلاتكم وحاولت أشغل كل الأغانى اللى طلبتوها غصب عنى لو معرفتش أشغل حاجة سامحونى واشوفكم على خير الحلقة الجاية من هواكم اللى بيجى كل سبت واتنين وأربع من الساعة 5لساعة 7 على هوا إف إم 88.5 معايا أنا كارما السويسى ومازن ولحد ما نتقابل تانى تصبحوا على خير دايما وعلى بدايه جديدة في حياتكم وافتكروا إن مافيش حاجة تستاهل نزعل ونضيع وقت مش حيرجع تانى كونوا بخير لحد مانتقابل تانى بااااااااااااى
بقلمى :
ندى بسيونى.