انتقام امرأة

الحلقة الثالثة عشر

فى تلك الفترة تعلقت كارما بعادل فكانت تتصل به من وقت لآخر وهو كان مثل ظلها لم يتركها للحظة أو بالمعنى الصحيح لم تغب عن عينه فكان معها فى كل ترتيبات الخطبة ولم يتركها فى أصغر الأشياء وكارما اقتربت من عادل وقد تعلقت بشخصيته كثيراً وانجذبت له أيضاً وقبل موعد الخطبة بيوم.
كارما : بقولك إيه يا بو على؟
حسن : عيونى ياكوكو.
كارما : كلم نريمان تجهز هى وأهلها علشان ننزل نجيب الحاجات اللى ناقصة.
حسن : حاضر ياكوكو.
اتصل حسن بنريمان واخبرها بما قالته كارما واتفقوا أن يلتقوا بعد ساعة فى مول معروف،وأغلق معها ليتصل بصديقه ويخبره .
حسن : دولة حبيبى عامل إيه؟
عادل : الحمدلله فينك؟
حسن : نازل بعد ساعة مع كوكو ومريم مول '.......' علشان نجيب الحاجات اللى ناقصة.
عادل : طب اقفل وأنا اشوفك هناك.
حسن : أنا مقولتلكش حاجة.
عادل : عيب عليك يامعلم.
حسن : حبيبى يامان، سلام.
أغلق الهاتف وخرج يخبر كارما بما حدث مع نريمان.
كارما : تمام أنا هدخل اجهز وقول لمريم تجهز.
وبعد قليل خرجوا جميعاً ليقابلوا نريمان وعائلتها فى المول التجارى وأخذوا يبحثون عما يريدون ليقابلوا عادل.
حسن : عادل حبيبى عامل إيه؟
عادل : أنا تمام الحمدلله انت بتعمل إيه هنا؟
حسن : أنا بشترى شويه حاجات علشان خطوبتى بكرة وأنت؟
عادل : أنا مستثمر هنا وبعدين مش تعرفنا ولا إيه؟
حسن : معلش نريمان خطبتى وحمايا وحماتى وطبعاً انت عارف كارما ومريم ودا عادل صاحبى.
عادل : اتشرفنا الف مبروك وربنا يتمم بخير.
كارما : طب ما تيجى معنا أكيد انت عارف المكان كويس.
عادل : طبعاً أنا يشرفنى طبعاً.
وظلوايبحثون حتى اشترى الكل ما يريد  ماعدا كارما فقد فضلت أن تظل هى للآخر ولكن عندما انتهوا شعرت والدة نريمان بالتعب فقرروا أن يعودوا.
عادوا جميعاً وكانوا متعبين من البحث فناموا ليأتى الصباح.
استيقظت كارما بنشاط كالعادة وجهزت ملابس كل منهم وظلت تحضر كل شئ وفجأة صاح جرس المنزل.
كارما : إيه دا عادل إبن حلال.
عادل : إيه اللى بهدل حالك كدا؟
كارما : إدخل وانت تعرف.
عادل : فى إيه إيه اللى قالب البيت كدا؟
كارما : الدنيا مقلوبه بسبب خطوبة حسن.
عادل : طيب اساعدك فى إيه؟
كارما : ساعد حسن يجهز وتبقى عملت أكبر واجب معايا.
عادل : بس كدا حاضر.
خرج حسن من غرفته :كارما فين هدومى ؟
كارما : هنا كنت بكويها وخلصت أهو.
حسن : إيه دا دوله هنا إزيك يا مان؟
عادل : أنا الحمدلله مبروك يامعلم.
حسن : الله يبارك فيك عقبالك.
عادل : يارب يابوعلى.
حسن نظر لكارما وبدون كلام منتظراً رد فعلها،وانصدم عندما
قالت باتسامة :عادل جاى يساعدك يابوعلى.
عادل : يلا يابو على مينفعش العريس يتأخر،قدامى.
دخل عادل وحسن غرفة حسن وحسن مازال صامتا.
عادل : مالك يلا فى إيه ؟ إحنا لسه فى الأول.
حسن : أصل مش مصدق اللى حصل دلوقتى.
عادل : إيه اللى حصل؟
حسن : انت قولت لى يابوعلى قدام كارما وكارما ماتخنقتش ولا زعلت خالص أنا مش مصدق دى عمرها ماحصلت قبل كدا.
عادل واضعا يده فى جيبه :ولسه ياما هتشوف.
حسن : بطل غرور وساعدنى لما اشوف اخرتها معاك.
عادل : اخرتها خير بس أصبر.
وظل يتحدثان حتى انتهى حسن.
وفى الخارج دق الجرس مرة أخرى لتفتح كارما الباب مرة أخرى لتجد سارة.
كارما : سوسو عاملة إيه؟
سارة : الحمدالله مبروك ياكوكو.
كارما : الله يبارك فيك يا حبيبتى عقبالك.
سارة : يارب ياكوكو فين مريم؟
كارما : عندك جو خشى ساعديها.
سارة : بس كدا عدينى وأنا هخليها عروسة.
كارما : عدى لما اشوف.
دخلت سارة غرفة مريم وظلت معها حتى جهزت هى الأخرى.
أما فى الخارج كانت كارما تتابع كل شيء على الهاتف وقد نست بالكامل أن تحضر ملابسها.
خرج عادل وحسن من الغرفة وخرجت سارةو مريم أيضا من الغرفة.
حسن : أنا جهزت خلاص.
مريم : وأنا كمان.
حسن : إيه دا انتى لسه مجهزتيش ياكوكو؟
كارما : اسبقونى بس وأنا هجهز واجى على طول وراكى.
مريم : بس انتى ماجبتيش أى حاجة امبارح هتروحى بإيه؟
كارما : هلبس أى حاجة بس روحوا علشان مضيعوش الوقت.
حسن : طب وهاتيجى أزاى؟
عادل : أنا هستنى واوصلها متقلقش روح انت علشان عروستك مستنياك.
كارما : خلاص ياحسن عادل هيوصلنى أهو روح بقى.
حسن : خلاص ماشى أهو يلا ياختى انتى وهى.
خرج حسن ومعه عادل ومريم من الشقة.
عادل قبل أن يخرج :كارما أنا تحت ماشى.
كارما : تمام هدخل اجهز ومش هتأخر.
دخلت كارما المرحاض لتستحم لتذهب مع عادل.
وفى الخارج.
حسن : جاتلك على طبق فضة يامعلم.
عادل : عارف والله لو النهاردة مش خطوبتك كنت لخبتلك وشك.
حسن : وعلى إيه الطيب أحسن،الله يسهلك ياعم.
ركب حسن سيارته قائلا :مش هتركبوا معايا؟
مريم : لأ أنا هركب مع سارة إحنا برضو عندنا نظر.
حسن : ربنا ما يحرمنى منك ولا من نظرك.
تحرك حسن بسيارته وتحركت سارة أيضا خلفه.
أما عادل أخرج علبة مغلفة على شكل هدية وصعد بها إلى شقة كارما ووضعها على سريرها وخرج ينتظرها بالأسفل.
************
فى سيارة سارة. ...
سارة : قولى لى بقى مين المز اللى كان عندكم دا ؟
مريم : مز آه قصدك عادل .
سارة : ايوة عادل مين بقى عادل دا.
مريم : دا صديق كوكو وحسن.
سارة : صديق بس؟
مريم : بينى وبينك لأ.
سارة : أنا قولت كدا برضو.
مريم : طيب ركزى بقى على الطريق وبطلى لك.
**********
عودة إلى شقة كارما. . . . .
خرجت كارما من الحمام لتجد علبة مغلفة فتحتها لتجد فستان من الون الارجوانى غاية فى الجمال والأناقة فكان بصدر مغلق خفيف لينسدل ببساطة عليها ليجعلها غاية فى الجمال .
ارتدته كارما بعدما قرأت رسالة عادل.
''قالوا لى إنى زوقى حلو فأتمنى يعجبك وتلبسيه ''
كارما بعدما تأنقت خرجت من شقتها واغلقتها جيدا ونزلت لترى عادل وقد أسند ظهره إلى سيارته ،لتقع عينه عليها فيعتدل فى وقفته وكأن عينه قد جذبت بمغناطيس لم يستطع رفع عينه بعدما وقعت عليها،ظلت كارما تقترب حتى ظلت أمامه لتقول : إيه رأيك؟
عادل : إيه الجمال دا مفيش كلمة أعبر بيها.
كارما : طبعاً جميل مش انت اللى اشتريته؟
عادل : والله الفستان ما كان ليه شكل غير لما لبستيه.
كارما : كفايه بقى معاكسة ونتحرك.
عادل : طبعاً اتفضلى.
فتح عادل لها باب السيارة وساعدها فى وضع فستانها وأغلق الباب وعاد ليركب بجانبها وتحرك بالسيارة إلى القاعة.
وفى الطريق. .
كارما : ميرسى على الهدية الحلوة دى.
عادل : ياستى ولا يهمك أهم حاجة أنه يكون عجبك.
كارما : بيقولوا إن ذوقك حلو وهو حلو جدا على فكرة.
عادل : بصى انا كدا هتغر وترجعى تقولى لى مغرور.
كارما بضحك : ههههههه يعنى عايز تفهمنى إنك مش مغرور.
عادل : أنا كدا طيب خالص ومش مغرور اصلك ماشوفتيش عادل المغرور خالص.
كارما : طب وعلى إيه كدا حلو.
عادل : على فكرة ضحكتك حلوة اوى.
كارما بإبتسامة خجل :وعلى فكرة إحنا وصلنا.
**************
داخل القاعة. .........
وصل حسن ونريمان وعائلتها وأيضا كل المدعون ،أحضرت كارما الخاتمى الخطبة وضعت نريمان خاتم الخطبة فى إصبع حسن قائلة:دبلتى أنا وبس فى ايدك .
البسها حسن خاتم الخطبة قائلاً : انتى وبس فى قلبى انتى الأولى والأخيرة. وقبل يدها ليصفق الجميع بعدها جلس الجميع ليشاهدوا رقصتهما.
كانت كارما تبحث عن عادل وعندما وجدته وجدت فتاه تجلس معه وعندما اقتربت سمعتها تقول :ماتيجى نرقص سوى؟
عادل : معلش مبعرفش ارقص ممكن تشوفى حد تانى.
جاءت كارما : عادل التربيزة بتعتنا هناك تعالى اقعد معنا.
وكأن كارما خلصت حياته ليقول :يلا عن إذنك.
ذهب معها وجلس معها على الطاولة .
عادل : الحمدالله جيتى فى وقتك.
كارما : عد الجمايل.
عادل : حاضر بس انتى مضايقة ليه؟
كارما بارتباك :مضايقة لأ مش مضايقة خالص.
عادل : ياشيخة اومال التكشيرة دى إيه وحمة؟
كارما : انت مش شايف حسن بيرقص مع واحدة غيرى؟
عادل : بس دى خطيبته ياكرملة.
كارما : ما انا عارفة بس هو طول عمره بيرقص معايا أنا.
عادل : طب ما تتجوزى انتى كمان وبكدا تلاقى حد ترقصى معاه بدل حسن.
كارما : أنت بتحلها ولا بتعقدها؟
عادل : طب أنا عندى حل مؤقت ليكى.
كارما : إيه هو؟
عادل وهو يمد يده :ترقصى معايا إيه رأيك؟
كارما بفرحة : بجد! ! !
عادل : طبعاً بجد يالا.
كارما بتمثيل الزعل :بس ازاى وانت لسه قايل إنك مبتعرفش
عادل : بصى هحاول وانتى ساعدينى.
كارما : طب يالا بينا.
وقف عادل ممسكا بيد كارما وظلا يرقصان ويتحدثان.
عادل : بدأتى تغيرى من دلوقتى أصبرى شويه.
كارما : باين اوى إنى غيرانه منها؟
عادل : أوى دى قليلة.
كارما : ما هو ماكنش ينفع تعمل كدا.
عادل : تعمل إيه دى يادوب اتخطبت ل اخوكى.
كارما تحاول أن تخبى ارتباكها :ماهو اخويا ياعالم وهفضل لوحدى عايزنى اعمل إيه يعنى؟
عادل : ما أنا قولت لك اتجوزى.
كارما : امممم انت شايف كدا؟
عادل : دا رأيى  على الأقل ماتبقيش لوحدك.
كارما : بس انا عندى 26 سنة يعنى خلاص عنست؟
عادل بضحك : عندك حق ياكرملة.
كارما تمثل الحزن :بقى كدا ياعادل.
عادل : بهزر معاكى ياكرملة انتى لسه صغيرة ومافيش حاجة إسمها عنست عمرك شوفتى نجمة بتعنس.
كارما بكسوف :بس انت بترقص حلو أهو.
عادل : آه يعنى على قدى.
كارما : طب الأغنية خلصت يالا نقعد .
عادل ممسكا يدها لترقص معه على الأغنية الجديدة.
كارما : يامجنون دى رقصة صلصا.
عادل : وأنا عايز ارقصها معاكى.
رقصت كارما معاه فى انسجام وتناسق فى الحركات كانت عيونهم كانت مثبتة على بعضهما كانت بينهما ثقة فى كل حركة قد ابتكروا إيقاع خاص بهم، انتهت الرقصة وصفق الجميع بانبهار أما كارما كانت تنظر لتلك الفتاة التى كانت تجلس بجانب عادل نظرة غريبة ولكن وصل مغزاها لها.
كانت كارما تسلم على كل أصدقائها فى الحفل.
يسرا : إيه الجمال دا ياكوكو؟
كارما : مفيش أجمل منك ياسوسو اومال فين عمر؟
يسرا : بيركن العربية وجاى.
دخل عمر قائلاً : مبروك ل حسن ياكوكو عقبالك بقى ونرتاح منك.
كارما : شوفى جوزك المستقبلى بيقول إيه يايسرا؟
يسرا : متزعليش ياكوكو أنا هظبطهولك.
عمر : لأ والنبى حقك عليا ياكوكو بس بلاش يسرا.
كارما : أيوه كدا هات ورى واضح إنك مسيطرة ياقلبى.
يسرا : طبعاً ياقلبى أنا عايزة اقعد بقى رجلى وجعتنى من الكعب دا.
عمر : ما قولت لك بلاش كعب.
يسرا : عايزنى يعنى امشى جنبك يقولوا بنتك وانت طويل كدا
عمر : وايه المشكلة يعنى ما انتى بنتى حبيبتى.
كارما : ممكن تكملوا كلامكم براحتكم خالص على تربيزة لوحدكم وأنا هبعت لكم اتنين لمون بس يلا من هنا.
يسرا : طيب ياستى متزوقيش ماشين أهو.
كارما : هههههه مصيبة والله ربنا يعينك ياعمر.
فى مكان آخر فى الفرح. ...
ياسين : شكل فستانك حلو أوى!
ملك :بجد عجبك؟ 
ياسين : أيوه شكله حلو عليكى، متيجى ترقصى معايا؟
ملك :قول لبابا الأول.
ياسين : هو فين وأنا أقوله؟
ملك :هناك أهو.
عودة لكارما. ....
دينا : كوكو ماشوفتيش ياسين؟
كارما : لأ تلاقيه بيلعب هنا ولا هنا متقلقيش.
دينا : ربنا يستر أنا خايفة اوى.
كارما : أهدى مش هو دا؟
دينا : آه هو بس هو بيكلم مين؟
كارما : معرفش تعالى نشوفه.
عند ياسين وملك. . . . .
ياسين : عمو بعد اذنك عايز ارقص مع ملك.
رامى : إسمك إيه يابنى؟
ياسين : أسمى ياسين ياعمو موافق ولا لأ والله مش هوقعها. جائت كارما ومعاها دينا وسمعت ماقاله ياسين لتضحك كارما.
عادل انتبهى لهم وذهب ليقف معهم.
كارما : ابنك هنا أهو ياهانم وانتى قالبة الدنيا عليه.
دينا : ينفع كدا تخوفنى عليك ياياسين؟
ياسين : ياماما انا مش صغير ماتخافيش عليا.
عادل : ماتحاولش هتفضل تخاف عليك على طول دا أنا امى بتخاف عليا لحد دلوقتى أكتر من مامتك كمان.
ياسين ساحبا إياه ل ينزل عادل لمستواه :صاحبى عامل إيه؟
عادل : أنا كويس وانت يالمض عامل إيه؟
ياسين بصوت منخفض : بس جامدة الرقصة يامعلم.
عادل : عجبتك ؟
ياسين : أوى.
عادل : هبقى اعلمهالك.
فى تلك اللحظات. ..
رامى : مبروك لحسن ياكارما عقبالك.
كارما : عقبال ما تفرح بملك.
رامى: ربنا يخليكى.
كارما : نسيت اعرفك دينا صاحبتى والدة ياسين.
دينا : رامى عامل إيه؟
رامى : إزيك يادينا اخبارك عاش من شافك.
كارما: ثوانى انتو تعرفوا بعض.
دينا : طبعاً من قبل ما اعرفك.
كارما : أفهم بقى أزاى؟
رامى : أنا ودينا كنا جيران قبل ما كل واحد فينا يعزل.
دينا : اخبارك بتعمل إيه دلوقتى؟
رامى :الحمدالله معايا ملك وعندى كافيه وماشية؟
كارما : آه صحيح فين ملك؟
ملك :أنا هنا ياكوكو.
دينا : حبيبتى انتى ملك؟
ملك :آه وانتى مامت ياسين مش كدا؟
دينا : آه ياحبيبتى فين مامتك؟
ملك :ماما مشيت وسابتنى أنا عندى بابا بس.
دينااخدتها فى حضنها :حبيبتى أنا معاكى من النهاردة.
كارما : أنا زعلانة وأنا روحت فين؟
ملك :انتى صاحبتى ياكوكو.
ليتدخل ياسين : انتى صاحبتى أنا ياكوكو.
كارما : أنا صاحبتكم انتوا الاتنين متزعلوش.
رامى : ابنك لذيذ اوى يادينا ربنا يخليهولك.
ياسين : يعنى وافقت إنها ترقص معايا ولا لأ؟
رامى : موافق بس بشرط!
ياسين : إيه الشرط ياعمو؟
رامى : تاخد بالك منها يابطل.
ياسين : دى فى عينى يلا ملك.
أخذ ياسين ملك وذهب معاه وظل الجميع يضحك عليهم.
رامى : انتى جايه مع مين يادينا؟
دينا : مع ياسين .
كارما : بما انكم عارفين بعض اقعدوا مع بعض بقى وافتكروا زكرياتكم سوى
رامى : وأنا أطول اتفضلى يادينا.
كارما : يالا ياعادل عايزاك معايا شويه؟
عادل : عن اذنكم ياجماعة.
جلس رامى مع دينا وظلوا يتحدثون عن الماضى وزكرياتهم معا وأيام طفولتهم.
رامى : جوزك فين اومال؟
دينا : أنا أطلقت منه من فترة طويلة.
رامى : ليه إيه اللى حصل؟
دينا : كنت فاكرة إنى لما اتجوزه حرتاح بس كان بيعذبنى كل يوم لحد مااطلقت واتحررت منه وعايشة دلوقتى مع ماما.
رامى حس بوجع فى قلبه فهى كانت حبه الأول والأخير.
رامى : أنا آسف على كل اللى حصل ماكنتش اعرف.
دينا : ماتعتذرش انت مالكش ذنب دا اختيارى وأنا دفعت التمن
رامى : انتى طول عمرك قويه متغيرتيش.
دينا : وانت طول عمرك بتشجعنى متغيرتش برضو صحيح انت عامل إيه فى جوازك؟
رامى : حالى من حالك.
دينا : ليه إيه اللى حصل؟
رامى : كانت بتخونى وبتعاملنى أنا وملك بأبشع الطرق.
دينا : وانت عرفت أزاى؟
رامى : هى قالت لى وبكل بجاحة وطلبت الطلاق وسابت لى ملك ومشيت ومن ساعتها وأنا أب وأم.
دينا : معلش هى ماتستهلكش.
عند كارما وعادل. . . . . .
كارما : ما هو انت بتعرف ترقص كويس اهو.
عادل : وانتى إيه اللى خلاكى تفكرى إنى مبعرفش ارقص.
كارما : ما هو انت قولت للكائن اللزج اللى كانت قاعدة جنبك إنك مبتعرفش ترقص.
عادل : مش يمكن انا مش عايز ارقص مع الكائن اللزج ويمكن
كارما : ويمكن إيه؟
عادل : ويمكن مش عايز ارقص غير معاكى ويمكن.
كارما بخجل :ويمكن إيه؟
عادل : ويمكن أنا فعلاً مبعرفش ارقص وتحت سحرك رقصت بكل براعة.
كارما : إيه ياعم الكلام الجامد دا.
عادل : ولا جامد ولا حاجة صحيح انتى بتقولى على البنت دى كائن لزج ليه؟
كارما : عشان هى كانت لزقة فيك وانت كنت بتحاول تبعد عنها.
عادل : علشان كدا بس.
عند رامى ودينا. . . . . .
رامى : عندك حق هى ماتستهلنيش ولا جوزك يستهلك
دينا : عندك حق إحنا ظلمنا نفسنا لما عشنا مع ناس مايستهلوناش.
رامى : وظلمنا نفسنا أكتر لما تجهلنا مشاعرنا وحاولنا ننسى بعض بناس تانيه.
دينا : انت لسه فاكر يارامى؟
رامى : لو كنتى انتى نسيتى أنا لا يمكن أنسى.
دينا : أنا منستش يارامى بس محدش هيغير اللى حصل.
رامى : تتجوزينى يادينا!!!!

******************
فصل طويل أهو يكش نعجب 😂😂😂
بقلمى : متيمه الكتب
ندى بسيونى ❤ 🌷