"လွမ်းနာကျန်ရစ်သူများအကြောင်း" အက်ဆေးပေါင်းချုပ်

17: The Worse

အဆင်မပြေဘူး ကြယ်ကလေးရယ်
တိမ်တွေလိုငိုချလိုက်ပေမယ့်
ခံစားချက်တွေဟာ အုံ့မှိုင်းဆဲ
အော်စရာ အသံမရှိဘူး
ငိုစရာ မျက်ရည်က မကုန်နိုင်ဘူး

ဝဋ်ကြွေး ဆိုးတွေဟာ
လောကဓံအမှောင်အနေနဲ့
ဘဝကို ဖျက်ဆီးတယ်
ငါ့စိတ်ရဲ့ ခံနိုင်ရည်ဟာ
ဟိုးအောက်ဆုံးမှာ

ကုန်တော့မှာပါ
ပြီးတော့မှာပါ
ဇာတ်တော့သိမ်းတော့မှာ
ဒီလိုနဲ့ အားတင်းရှင်သန်နေရတာ

ဘယ်အရာနဲ့မှ မဖြေသာနိုင်တဲ့အခါ
ဘယ်လိုမှ မျိုသိပ်လို့မရဘူး
ငိုချစရာ မျက်ရည်တွေကုန်မှ
ဝဋ်တွေကုန်မယ်ဆိုလည်း....

နေသစ်သွေး
သြဂုတ်၂၁၊ ၂၀၁၉