နေမကောင်းတဲ့ ကမ္ဘာဟောင်းမှာ
အသက်ဆုံးခဲ့တဲ့ နေမင်းဟာ
သူ့မျက်လုံးထဲမှာ ဝင်စား။
ဘုရားသခင်ဟာ ကမ္ဘာကို နေအားပတ်စေသလား။
ဘုရားသခင်ဟာ နေကိုကမ္ဘာအားပတ်စေသလား။
ဘုရားသခင်ဟာ အရာရာဖန်ဆင်းတတ်သလား။
သူ့လည်တိုင်ကျော့ပေါ်က
မှည့်နှစ်လုံးကိုဆက်ပြီးရေးဆွဲခဲ့တဲ့
မြေပုံတစ်ခုကိုကြည့်ပါ။
ကိုယ့်နှလုံးသားကို မြင်ရမှာပေါ့။
ကမ္ဘာဟာ အမှောင်ကျလာတဲ့အခါ
လူသားဖြစ်စဉ်တွေ
ကမောက်ကမဖြစ်ကုန်တယ်။
ခဲရောင်အနွေးထည်လေး
တမာကြွေတဲ့ ကျောင်းလမ်းလေး၊
ကတ္တီပါ ဖိနပ်ထက်က ခြေထောက်ဖွေးလေး၊
ညီမလေး အပြုံးလေး၊
ကမ္ဘာသစ်ဟာ ပန်းပေါင်းစုံဝေရဲ့။
ကမ္ဘာသစ်၊ လောကသစ်မှာ
ဘုရားမှတစ်ပါး ကိုးကွယ်စရာမရှိတဲ့နောက်
ညီမလေးဟာ ဧကရီတစ်ပါးဖြစ်လာတယ်။
ဧကရီမဘုရား ကျန်းမာပါစေ။
ဧကရီမဘုရား ဘုန်းကြီးပါစေ။
ဧကရီမဘုရား သက်တော်ရာကျော်ရှည်ပါစေ။
နေသစ်သွေး
၄ မေ ၂၀၂၀
YOU ARE READING
"လွမ်းနာကျန်ရစ်သူများအကြောင်း" အက်ဆေးပေါင်းချုပ်
Thơ caရေးဖူးသမျှ စာတိုစာစတွေနဲ့ ကဗျာတွေ
