اكرام : زواج غير حياتي ♥

Chapitre 18

(وجهة نضر إكرام)..

✴كنت فالبيت..لبست بيجامة و بقيت متكية فالناموسية..دخل عندي ريان..شاف فيا ضاحك..
انا : مالك ضاحك ?
ريان : كيعجبني نشوفك مرتاحة حبيبة..
✴جا جلس حدايا..باسني ففمي بوسة خفيفة..من بعد باس ليا كرشي..
ريان : غير فهاد الوقيت لي غبرت عليكم توحشتكم..
✴حط ايدو على كرشي..كيحركها بحركات حنان..عجبني الحال..قربت ليه تخشيت ليه بين ايديه..حطيت راسي على كتفو..كنحس بالامان وسط ايديه..بستو فعنقو بوسة خفيفة..
ريان : كتجبديني إكرام..
✴شفت فيه..ضحكت..
انا : لا..غير..حتا انا توحشتك..مبقيتش كنستحمل تبعد عليا حتا دقيقة..
✴ريان باسني فراسي..من بعد عنقني بالجهد..
ريان : جامي فحياتي ماغدي نبعد عليك..نتي ديالي إكرام..
✴بقينا كنهضرو شوية..من بعد قال ليا خاصو يمشي البيرو ديال باباه..حيت بغا يهضر معاه فشي موضوع كيخص الشركة..
انا : اوكي..انا بغيت نشوف طاطا لطيفة..باقا مشفتهاش..
ريان : اوكي حبيبة..إلا حتاجيتي شي حاجة عيطي ليا فالهاتف..
✴ريان باسني و ناض خرج..انا جمعت شعري و قاديت حالتي و هبطت..مبانتش ليا يسرى..فين غبرات..الدار عامرة بالخدم..قلبت على طاطا ولكن حتا هي ملقيتهاش..غدي تكون ف بيتها واقيلا..سولت واحد الخدامة...قالت ليا بلي هي فالجردة..خرجت الجردة..بانو ليا دراري مجمعين كيضحكو فجو زوين..صراحة عجبتني هاد الاجواء..شفت طاطا واقفة كنتغوت على واحد الخادم..مشيت عندها..
انا : سلام طاطا اش خبارك?
✴طاطا عنقتني بالجهد فرحانة..
طاطا : إكرااااام بنتي توحشتك بزاف إيمتا جيتو ? فين ريان ??
انا : مع باباه فالبيرو..راه كان جالس هنا مع دراري مشفتيهش?
طاطا : لا انا كنت كنهضر مع الحراس ديال الباب..يلاه جيت هنا..ولقيت هادا داير ليا البالونات فالمسبح..انا اش قلت ليك?😠
الخادم : سمحي ليا مدام..
طاطا : انا اش قلت ليك دير??
هو : ق..قلتي ندير الورد..
طاطا : وعلاش داير ليا البالونات فالماء واش حماقيتي ? انا قلت دير الورد 😠
هو : مدام يسرى لي قالت ليا ندير البالونات..
طاطا : اويلي على هاد البنت غدي تحمقني واش كيسحاب ليها هادا عيد ميلاد ولا شنو ?? هادا راه عرس ا عيباد الله..
انا : معليش متعصبيش راسك طاطا..
طاطا : راه غدي يحمقوني والله من الصباح و انا كنشرح و كل مرة نلقاهم دايرين شي حاجة فشكل..اووف كون غير درنا العرس فقاعة حسن..كلشي كيكون فيها منضم..ولكن هاديك البنت غدي تفقصني..اش عاجبها فالدار..
انا : غير خليها دير لي بغات عرسها هادا..كنضن هي غدي تكون مرتاحة اكثر إلا دارت الخطبة و العرس فالدار...طاطا إلا بغيتيني نعاونك فشي حاجة قولي ليا..
طاطا : اويلي حماقيتي راك حاملة..سيري دخلي لداخل و رتاحي..
✴بقيت كنهضر معاها شوية من بعد دخلت لداخل..حيت الدار عامرة مبغيتش نبقا جالسة فالصالون..قلبت على يسرى مبانتش ليا..مشيت لعند لمياء..شفت بابا البيت محلول..دخلت..
انا : لمياء حبيبة خليتي الباب محلول..
✴مبانتش ليا فالبيت..قلبت فالدوش..والو..كنضن غدي تكون ديجا هبطات..خرجت من البيت..مشيت عند يسرى..تقدر تكون فبيتها و تكون معاها لمياء..وصلت دقيت..
يسرى : شكون ?
انا : غير انا..
يسرى : دخلي اكرام..
✴دخلت..شفت يسرى و ادهم جالسين فالسداري..
انا : مكنتش عارفة معاك ادهم..يكما برزطتكم..
يسرى : لا حبيبة دخلي..
ادهم : غير دخلي اكرام..لقيتيني حتا انا غدي نخرج دابا..
✴ادهم سلم عليا و من بعد خرج..انا دخلت جلست حدا يسرى..
انا : عندك ما يدار ?
يسرى : لا بغيت نستراح شىوية..
انا : مزيان باش تونسيني قنطت وحدي..مشفتيش لمياء ? مجاتش عندك ?
يسرى : لا..كنضن فبيتها..
انا : لا مكيناش..مشيت عندها للبيت ملقيتهاش تما..
يسرى : إوا صافي غدي تكون غير هبطات لتحت واقيلا..
انا : كنت هابطة لتحت مشفتهاش...غدي نسيفط ليها ميساج..
✴جبدت الهاتف..سيفطت ليها ميساج قلت ليها فينك..مجاوبتنيش..عيطت ليها كيصوني و مكتجاوبش..
يسرى : مكتجاوبش ?
انا : لا..فين لايحة الهاتف ديالها..
يسرى : سمعت بلال و فهد كيهضرو عليها كنضن عجباتهم..تقدر تكون جالسة معاهم فالجردة..
انا : لا مكيناش..كينين غير الدراري تما..
يسرى : معندها فين تمشي اصلا الدار كبيرة بزاف و راك عارفة الروينة ديال التحضيرات و الخدم بزاف يعني غدي تكون غير فشي بلاصة و مبانتش ليك..
انا : اه عندك الحق..
✴بقينا شحال كنهضرو..حتا وصلني ميساج من لمياء..
ميساج : سمحي ليا مجاوبتكش مشفتش المكالمة ديالك انا شوية و نعاود نعيط ليك حبيبة..
✴جاوبتها قلت ليها اوكي ولكن فينك..مبقاتش جاوبتني..مبغيتش نبرزطها كتر..يمكن خارجة لشي بلاصة تشري شي حاجة خاصاها متلا..لمهم بقيت شوية مع يسرى من بعد مشيت لبيت دخلت لقيت ريان جالس كيشوف فالارض و كيفكر..مشيت عندو..
انا : ريان مالك ?
ريان : كنفكر..عندنا اجتماع مهم فإسبانيا..خاص ضروري نحضر ليه..حيت الشركة فإسمي..بابا قال ليا نمشي..وخا غير نحضر للاجتماع و نجي..يعني نهار او يوماين...ولكن ادهم محتاجني هنا..و يسرى حتا هي..معرفت اش ندير..
✴جلست حداه..عنقتو..
انا : ريان..انا متاكدة يسرى مغديش تقلق إلا غبرتي نهار او يوماين..و ادهم حتا هو..هادا اجتماع مهم يعني هما غدي يتفهمو الوضع..
ريان : انا عارف هاد الشي..ولكن اكثر حاجة مبرزطاني هي نتي..مبغيتش نخليك هنا..و فنفس الوقت مبغيتش نسخسخك معايا حتال اسبانيا و نتي حاملة..بغيتك تبقاي مرتاحة..
انا : معليش إلا خليتيني هنا ريان..انا وسط العائلة..مغديش نبقا وحدي..
ريان : لا إكرام..مبغيتش نخليك..مكنكونش مرتاح إلا بقيتي وحدك و انا مكينش معاك..غدي نبقا مبرزط من جيهتك..غدي نديك معايا..
انا : اوكي معنديش مشكل ريان..وخا يسرى غدي تعصب ولكن معندنا كيف نديرو..واش متاكد يوماين مغديش نفوتوها ?
ريان : متاكد حبيبة..نقدرو نديرو غير نهار..
انا : اوكي مزيان يسرى مغدي تقول والو إلا غبرنا نهار او يوماين..
✴لمهم بقيت انا و ريان شوية فالبيت من بعد مشا عند ادهم..انا جاني الجوع..كليت و رجعت لبلاصتي تكيت..صراحة جاني الملل..يسرى مشغولة..ريان مبرزط مع ادهم...لمياء غبرات..كنحس براسي وحدي فهاد الدار..غارقة فتفكيري حتا جاتني مكالمة..من رقم لمياء..
انا : الو لمياء فينك ?
لمياء : فالدار..ماما مريضة..ضطريت نقول ليهم راني جيت للمغرب بغيت نشوفها..
انا : مقالو ليك والو ? قلتي غدي يتقلقو منك..
لمياء : لا بالعكس فرحو حيت جيت..مكنتش متوقعة يفرحو ولكن..
✴سمعتها بقات ساكتة..كنحس بحالا هي خايفة..حيت صوتها كيترعد..
انا : لمياء? باقا معايا ?
لمياء : ا..انا معاك إكرام..
انا : مكملتيش ليا الهضرة..قلتي ولكن و سكتي..اش واقع?
✴الحس تقطع..سكتات..هادي مالها..بقيت حتا انا ساكتة..شوية كنسمع صوتها بحالا كتبكي ولكن بالشوييية..مفهمت والو..تخلعت..
انا : لمياء ياك لاباس مالكي..كنسمعك بحالا كتبكي..
لمياء خلعتيني قولي مالك..
لمياء : ماما مريضة بزاف..
✴تقطعت المكالمة..قالتها و هي كتبكي مسكينة..انشاء الله ماماها تولي بيخير بقات فيا..ولكن علاش قطعت على غفلة..وصلني ميساج..
ميساج لمياء : سمحي ليا مكنتش كنسمعك مزيان كنضن من الريزو..من بعد و نهضرو انا دابا مع العائلة..
جوبتها فميساج : اوكي حبيبة ولكن واش مشيتي صافي..ايمتا غدي ترجعي? مشفتكش مني بغيتي تمشي و مقلتيش ليا حتا باي باي..
ميساج لمياء : اه حتا انا مكنتش معولة نمشي..مشيت على غفلة مني سمعت ماما مريضة..سمحي ليا..معرفتش ايمتا نرجع..
جوبتها: ولكن واش مغديش تحضري للعرس?
هي : معرفتش..على حسب الضروف..يبقا بيناتنا الهاتف..متخافيش انا بيخير..إلا مقدرتش نهضر معاك غدي نبقا نسيفط ليك ميساجات..
انا : اوكي حبيبة 😘
✴مبقيناش هضرنا..بقيت كنفكر حتا نعست..فقت فالصباح..ضرت عند ريان لقيتو فايق..
انا : صباح الخير..
ريان : صباح النور حبيبة..نعستي مزيان?
انا : الحمد لله..
ريان : فيك جوع? لبارح نعستي بلا عشا..
انا : لا كليت عاد نعست..ولكن وخا هكاك فيا الجوع مكرهتش نفطر 😋
✴ريان ضحك..
ريان : غدي نقول ليهم يجيبو ليك الفطور..من بعد وجدي راسك حيت خاصنا نسافرو للإسبانيا..