اكرام : زواج غير حياتي ♥

Chapitre 7

✴حليت عيني..كنحس بشي واحد شاد ايدي..سمعت الهضرة...و..وش انا فمستشفى ??ضرت بالزربة شفت ريان حدايا هو لي شاد ليا ايدي..ضورت وجهي كنشوف عيسى كيهضر مع شي دكتور...يسرى حتا هي كينا..انا اش وقع ليا ?
ريان : إكرام...
✴هزيت عيني لقيت ريان كيشوف فيا..
ريان : باش كتحسي ?
انا : ج..جسمي كلو كيضرني...
ريان : كون وقعت ليك شي حاجة جامي نقدر نسمح لراسي..
✴كنشوف فيه مفهمتش اش بغا يقصد..ولكن ما فيا لي يفهم..راسي كيضرني..بغيت نسولو اشنو وقع ليا ولكن كنحس براسي عيانة..مقدرتش حتا نجاوبو..غمضت عيني و رجعت تكيت..سمعت عيسى جا عندي..
عيسى : مالها..يالاه شفتها حالا عينيها ?
ريان : غدي تكون باقا عيانة بالشوية عليها..خليها ترتاح..
✴حليت عيني شفت فيهم..كنحس بالعطش..
انا : ب..غيت الما..
✴ريان مشا بالزربة يجيب ليا الما و عيسى قرب عندي..
عيسى : و..واش عيانة بزاف ?
انا : شوية..
دكتور : متخافوش..الحالة ديالها دابا مستقرة..
يسرى : إكرام حبيبة خلعتينا عليك..
✴ريان جاب ليا الما..و عاوني باش شربتو..دكتور خرج..انا بقيت كنشوف فيهم واحد واحد..
انا : اشنو وقع ليا ?
ريان : جاتك كريز...سمعتك كتغوتي فالبيت مني مشيت عندك لقيتك شاداك كريز معرفتش كيفاش وقع هاد الشي..
يسرى : مني عيط ليا ريان كنتي ديجا فالمستشفى..تخلعت عليك بزاف..
✴عيسى مكيقول والو غير ساكت و حادر راسو..
انا : شحال و انا فالمستشفى ?
ريان : من لبارح..
عيسى : تقدرو تخليوني نهضر معاها دقيقة وحدنا..
✴ريان و يسرى خرجو..بقيت غير انا و عيسى..كنشوف فيه..كنتسناه يهضر..
انا : كتخلعني مني كتبقا ساكت..
عيسى : إ..إكرام سمحي ليا..
انا : علاش كتقول هكا ?
عيسى : سمعت كلام بابا و عصام...
انا : مفهمتكش علاش كتهضر..
عيسى : حنا خبينا عليك شي حاجة كان خاصك تعرفيها..ولكن مقلناهاش ليك..كلنا كدبنا عليك..ولكن..لمصلحتك..
انا : هضر خلاص عيسى..
عيسى : إ..إكرام..ن..نتي..احم..ب..بغيت نقول..ن..نتي.....عندك مشكل فالدماغ..متخافيش ماشي مشكل خايب بزاف..ولكن..مخصكش تكتري التفكير ف شي حاجة حيت غدي تجيك كريز..
انا : و..واش بسباب هاديك الحادثة لي كنت درت شحال هادي ?
عيسى : اه..من تما و نتي عندك هاد المشكل فدماغك..
✴دخل الدكتور...حسيت بعيسى كان باغي يقول شي حاجة آخرة و مقدرش..خاصني نعاود نجبد معاه هاد الموضوع..
دكتور : خليوني معاها خاصني ضروري نفحصها..
عيسى : ا..اوكي دكتور..
✴عيسى و الدكتور كيديرو شوفات فشكل فبعضهم...انا ماشي مكلخة اكيد مخبين عليا شي حاجة...زعما يكون عندي شي مرض خطير الله يحفض?...غدي نموت ???...عيسى مخبي شي حاجة انا متاكدة..بزز منو خاصو يقول ليا..الدكتور كقلب ليا فراسي..شحال هادي كنت درت حادثة...قال ليا بابا ضرباتني سيارة..عندي جرح فراسي...غدي يكون هو سباب هاد الشي لي كيوقع ليا...
انا : دكتور..قول ليا اشنو عندي..
دكتور : قبلما نقول ليك..بغيتك تجاوبيني على شي اسئلة..
انا : اوكي..
دكتور : اولا قولي ليا باش كتحسي دابا..
انا : معرفتش..جسمي كلو كيضرني و راسي كثر..
دكتور : اشنو آخر حاجة عاقلة عليها..
انا : سمعت شي صوت فراسي صدعني بزاف..بديت كنغوت و..غيبت..
دكتور : نتي ماشي غيبتي...فهاديك اللحضة..جاتك كريز..بطبيعت الحال مغديش تعقلي حيت دماغك حبس فهاديك الفترة ديال الكريز..نتي كيسحاب ليك غيبتي ولكن لا..كل اعضاء جسمك كانو كيتحركو لا إراديا..وهاد الشي خطير بزاف...ردي بالك المرة جايا..بحال هاد الشي مخصوش يوقع ليك بزاف..تقدر تجيك سكتة دماغية و تبقاي حياتك كلها بحال شي صنم..
✴خلعني...جامي فحياتي ما خفت بحال هكا..اش هاد الشي وقع ليا و علاش..انا مكنتش معصبة ولا كنفكر بزاف!!!
انا : اشنو السبب ديال هاد الشي..
✴دكتور بقا ساكت شحاااال عاد قرر يجاوبني..
دكتور : الضربة لي فراسك هي سباب هاد الشي..
انا : جامي حسيت بيها ضراتني..و من نهار درت الحادث هادي اول مرة يوقع ليا فيها هاد الشي..علاش ?
دكتور : هاد الشي كيوقع..توقعي اي حاجة من ضربة فالرأس...قولي ليا عافاك...جامي شي نهار حسيتي براسك فشي بلاصة جامي شفتيها..بغيت نقول..احم...تحلمي و نتي فايقة..شي حاجة بحال هكا..
انا : طرات ليا جوج مرات..المرة الثانية حليت عيني لقيت راسي هنا...واش حتا هاد الشي بسباب الضربة ?
دكتور : اه بطبيعت الحال..
✴وخا مفهمت والو مبغيتش نبقا نسول فيه..عطاني شي دوا شربتو و مشا خرج...شوية كنشوف ريان دخل..فلحضة حسيت بقلبي طار من بلاصتو بالفرحة..معرفتش علاش هاد ريان وليت غير كنشوفو كنفرح..محسيتش براسي حتا لقيت ديجا ضاحكة..حتا هو ضحك..الضحيكة لي كتعجبني..جلس حدايا و شد ليا ايدي..
ريان : كيبقيتي شوية ?
انا : وليت بيخير...(مني شفتك)
ريان : اشنو قلتي ?
انا : لا والو 😳 ق..قلت الحمد لله و صافي..
ريان : مال وجهك ولا حمر..يكما مريضة ? كضرك شي حاجة ?
انا : لا والو..انا بيخير ريان..
ريان : إوا الحمدلله..
انا : قول ليا اشنو وقع ليا عافاك..
ريان : جاتك كريز..معرفتش اشنو ندير ليك جبتك نيشان للمستشفى..تخلعت عليك بزاف إكرام..
✴ريان حدر راسو كيشوف فالارض..باينة فيه حزين..زعما لهاد الدرجة خاف عليا ?
ريان : ك..كنت كنسحاب جامي غدي نبقا نشوفك ولا نهضر معاك...كيسحاب ليا....صافي خسرتك...
✴واش انا كنحلم ولا ريان فيه الدموع فعينيه 😱 ميمكنش..حتا انا جاتني البكية...زعما لهاد الدرجة انا عزيزة عليه?? تصدمت والله..
ريان : انا السباب إكرام..انا لي قلت ليك هاديك القصة خربقات ليك مخك..نتي مخاصكش تفكري بزاف هاد الشي لي قال الطبيب..الضربة لي فراسك كتأثر ليك على دماغك..و إلى وقع ليك هاد الشي مرة آخرة..
انا : ششششت ريان...مغدي يوقع والو..ماشي بسبابك هاد الشي لي وقع ليا..
✴شديت ليه ايدو بايديا بجوج...
انا : مبغيتش نعاود نشوفك بحال هكا ريان..من ايمتا وليتي ضعيف لهاد الدرجة? فين ريان لي كنعرف??
✴ريان هز راسو شاف فيا..😱 عينيه حمرين..انا متاكدة حابس الدموع عينيه حمرين بزاف صدمني..
ريان : من اول نهار شفتك فيه...
✴هادا اش بغا يقصد يكما ولا كيبغيني??? اولا غير خايف عليا حيت انا عزيزة عليه بحال ختو يسرى ?? اولا هاد الشي كلو يكون غير احساس بالذنب حيت كيسحاب ليه هو السباب ?? دخت والله..
انا : صافي نسا..خلينا نبدلو الموضوع ونهضرو على حاجة آخرة..فين يسرى ?
ريان : كتسنا نوبتها..الطبيب قال خاصنا ندخلو بالواحد بالواحد مندخلوش كلنا...ديجا الهضرة بزاف تقدر تأثر فيك حيت دماغك باقي عيان..
انا : اوكي..ليوم ما مشيتيش للشركة ?
ريان : واش حماقيتي نمشي و نخليك هنا وحدك ?
انا : ماشي وحدي كين عيسى و كينا يسرى..
ريان : مغديش نكون مرتاح و انا عارفك هنا..كنكره المستشفيات و مع دالك انا داخل ليه على قبل باش نبقا معاك إكرام...
انا : علاش كتكره المستشفيات..
ريان : مرات بابا كانت كتضربني و من بعد كتجيبني للمستشفى باش تداويني..وليت كنكره ندخل ليهم..
انا : و ماماك و باباك مكانو عارفين والو?
ريان : لا..كانت كتهددني إلا قلت شي حاجة لماما و بابا غدي تخليهم يكرهوني و يبعدو عليا...انا كنت صغير هاديك الساعة..كنت ديما كنخاف ماما و بابا يكرهوني..كنت ديما كنبقا ساكت مكنقول والو..قليل فين كتلاحض ماما شي ضربة إلا كانت باينة بزاف..كنقول ليها غير ضاربت فالمدرسة..ولكن مني بديت كنكبر و انا كنفهم..انا و يسرى واحد النهار قررنا نقولو كلشي لبابا...و هو يجري عليها تسكن وحدها..ولادها مرة كيبقاو عندنا مرة كيبقاو عندها..مكنتفاهمش معاهم بجوج..
انا : الوحيدة لي باقا ما تلاقيتش بيها هي نسرين..باقا لحد الآن جامي شفتها..
ريان : احسن حاجة..مبغيتكش تشوفيها..هاديك اكثر وحدة كتجبد المشاكل من الجنب..من احسن خليها بعيدة عليك..
انا : معنديش مع هاد النوع ديال البنات..
ريان : انا عارفك 😏
انا : واش مجاتش للعرس? حيت نعمان شفتو كان فالعرس..
ريان : حتا هي كانت..
انا : اصلا مكنعرفهاش حتا فوجهها..غدي نكون شفتها فالعرس و معرفتهاش..
✴الباب تحل و دخلت يسرى..
يسرى : وقتك سالا نوض خليني نجلس..
ريان : عندي الحق نبقا مع إكرام شحال ما بغيت ديال الوقت..
يسرى: و كيسحاب ليك انا غدي نبقا نتسنا فيك?? سير خرج خليني مع صاحبتي..
ريان : بقرة..
✴بديت كنضحك..ريان خرج...يسرى غوبشت..
يسرى : إكرام قولي الصراحة واش انا بقرة ??
انا : بالعكس نتي زوينة هو لي بقرة..
يسرى : اووف كندير رياضة شحال من مرة فالسيمانة و متبعة الريجيم باش يبقا الجسم ديالي بحال هكا زوين ولكن ريان كل مرة كيقول ليا بقرة بديت كنشك فراسي واش انا غلاضيت ولا بديت كنغلاض ??
انا : يسرى مخاصكش ديري هكا عيشي حياتك عادي بحال كل البنات..نتي زوينة تبارك الله..حتا الجسم ديالك رشيق متحتاجيش الريجيم و هاد الشي...كنحلف ليك حتا غدي تولي زوينة كثر إلا وليتي تاكلي عادي..معليش تقدري تحافضي على الرياضة ولكن متكتريش على راسك اوكي ?
يسرى : راك عارفة 😒 انا هكا..من شحال هادي..إلا حبست الريجيم غدي نغلاض..
انا : 🤦🏻‍♀️ اوكي اوكي ديري لي بغيتي..
يسرى : قولي ليا بعدا..نتي بيخير ?
انا : الحمد لله..
يسرى : نقول ليك واحد الحاجة و تخليها بيناتنا ?
انا : قولي..
يسرى : ريان كيبغيك..انا متاكدة..
✴قلبي تزعزع..هادي اش كتقول صدماتني..
يسرى : كون تشوفي حالتو من لبارح...والله إكرام جامي فحياتي مشفتو بحال هكا...ريان طراو ليه بزاااااااف الحاجات و المشاكل فحياتو...جامي وصل لهاد الدرجة..لبارح راه بزاف...مني هضر معايا فالهاتف خلعني..رجليا فشلو عليا..مني شفتو فالمستشفى بكيت حيت شفتو كيبكي...فخبارك اول مرة فحياتي انا لي ختو اول مرة نشوف دمعة نازلة من عينو..حتا مني كنا صغار كانت كضربو مرات بابا مكيبكيش..عندو واحد الشخصية جامي شفت بحالها..ولكن لبارح اول مرة نشوف ريان ديال بصح..تخيلي وخا الدكتور قال بلي نتي وليتي بيخير...بقا هو هو..مبغاش يتيق حتا يشوفك حالا عينيك و كتهضري..كان كيقول هو سباب معرفتش علاش ولكن...إكرام راه كيبغيك..
✴قلبي كيضرب..هاد الشي لي قالت ليا كيصدم..مامتيقاش زعما واش بصح..زعما ريان كيبغيني ?? مستحيل انا كنعرفو مزيان...حنا غدي نطلقو كيفاش هاد الشي..حسيت براسي كيضرني..حطيت ايدي على راسي..دموع كيخرجو..علاش ? الله اعلم..وليت حساسة..علاش انا كنبكي..واش حيت بقا فيا ريان مني كان فهاديك الحالة البارح اولا حيت ضرني راسي..
يسرى : س..سمحي ليا..يكما ضريتك فراسك بالهضرة 😱 عافاك سمحي ليا مدرتهاش بلعاني..ياربي انا اش درت..الطبيب قال مانكتروش عليك الهضرة 😱 مني جلست و انا داوية مكنسكتش..
انا : ا..انا بيخير..تكالماي..
يسرى : وش كيضرك راسك ?
انا : ا..اه..شوية..
✴يسرى خرجت كتجري..باينة مشات عند الدكتور..شوية كنشوف الطبيب دخل عندي..
طبيب : باش كتحسي..
انا : راسي كيضرني بزاف..
طبيب : خاصك ترتاحي صافي..ممنوع عليك الزيارة من دابا...حتال غدا و عاودي شوفيهم مغديش يهربو..دماغك باقي عيان خاصك متفكري فحتا حاجة ترخاي انا غدي نعطيك منوم باش تنعسي..قد ما رتاحيتي قد ما دماغك حتا هو كيرتاح..و إنشاء الله غدي تبراي..
انا : ا..اوكي دكتور..
✴طبيب عطاني شي دوا..شربتو..بديت كنعس..كنحس براسي محتاجة نعس جسمي و راسي كيضروني..لمهم نعست..مني فقت كان الضلام..معرفتش شحال فالساعة..نضت جلست..حسيت براسي كيضور جاتني الدوخة..كنقلب على الما بغيت نشرب..لقيت الهاتف ديالي محطوط حدايا..اوف الحمد لله مغديش يجيني الملل..هزيت الهاتف..ولكن حسيت بشي حد تحرك..جاتني الخلعة..انا متأكدة سمعت شي حد تحرك فالغرفة..
انا : ش..شكون كين ?
✴بقيت شحال كنسمع..ولكن الحس مقطوع..واقيلا غير تخيلت..خاصني نبدا نولف مع هاد الضربة فالراس نتوقع اي حاجة..هزيت قريعة ديال الما صغيرة كانت حدا راسي شربت..و مرة آخرة سمعت شي حد تحرك و هاد المرة سمعت الباب تحل و تسد..قلبي تزعزع من بلاصتو..بالزربة شعلت الضو..ملقيت حتا واحد..ايديا كيترعدو انا متأكدة هاد الشي وقع..انا متخيلتوش..صونيت على الفرملية..جات و قلت ليها اش وقع..كان الضلام بزاف مشفتش واش بصح كان شي واحد ولكن انا متأكدة كان داخل شي واحد البيت...الفرملية خرجات و من بعد دخلات عادي..
فرملية : غير تكاي رتاحي مكين حتا واحد...قلبنا مزيان..حتا واحد ما دخل و لا خرج من هنا حنا متاكدين..
انا : و حتا انا متاكدة بلي كان شي حد..
✴الفرملية كتشوف فيا بحالا انا مسطية..اشنو زعما حيت مضروبة لراسي صافي وليت مصطية..
انا : قلت ليك انا سمعت شي واحد كان فالبيت و خرج..سمعت الباب تحل و تسد..واش معندكمش كاميرات ??
الفرملية : كينين الكاميرات ولكن كان الضلام..واصلا مكنضنش يكون شي واحد دخل عندك للغرفة..غدي يكون غير التأثير ديال الدوا ولا التأثير ديال الجرح لي فراسك هاد الشي عادي يوقع..
انا : انا متخيلتش هاد الشي...ميمكنش ليا نبقا وحدي فهاد الغرفة..غدي نعيط لشي واحد فعائلتي..
الفرملية : اوكي..ولكن غدي تقلقيهم على والو..انا غدي نهضر مع الدكتور..
✴الفرملية خرجت...انا هضرت مع ريان..خفت..انا ما نسيتش بلي فريد و فارس كيقلبو على فرصة باش يآديوني..منقدرش نبقا وحدي..ريان قال ليا غدي يجي دابا..حطيت الهاتف..شفت الفرملية دخلات..
انا : عرفتي شي حاجة ? انا متأكدة كين شي حد..
الفرملية : ما كين حتا واحد..هضرت مع الدكتور قال عادي هاد الشي يوقع ليك..غير رتاحي..
انا : ا..اوكي..و..ولكن عافاك..متخليونيش وحدي..
الفرملية : حنا غير هنا اي حاجة حتاجيتيها صوني علينا..متبقايش تفكري بزاف..نعسي رتاحي..
✴لفرملية خرجت..بقيت وحدي...صراحة خفت بزاف..انا متاكدة كان شي واحد عندي فالبيت..علاش الفرملية مبغاتش تيق بيا..بقيت شحال فالبيت..مبغاش يجيني نعاس..شوية سمعت صوت ريان..اواه هادا ريان جا..كنسمعو كيهضر مع الفرملية..شوية تحل الباب..دخل ريان..وراه الفرملية..
ريان : قلت ليك غدي نبقا يعني غدي نبقا..ميمكنش نخليها وحدها..عيطي لدكتور ديالك ولا لي بغيتي..يا إما غدي نبقا معاها يا إما غدي نديها للدار و حتا واحد مغدي يقدر يحبسني 😡
الفرملية : دكتور قال ممنوع يبقا معاها شي حد..حتال غدا ورجع..
ريان : مراتي هادي..حاولي تحبسيني 😡
✴الفرملية بقات ساكتة..من بعد خرجات..ريان جا عندي..
ريان : إكرام...نتي بيخير ?
انا : اه..عافاك بقا معايا متخلينيش..
ريان : كوني هانية حبيبة..انا معاك دابا..حتا حاجة مغدي توقع ليك..
✴كنحس براسي رتاحيت..فنفس الوقت قلبي كيضرب..شحال ما سمعت كلمت حبيبة..دخلت الفرملية..
ريان : درتي داك شي لي قلت ليك ??
الفرملية : اه هضرت مع الدكتور و قال ليك تقدر تبقا معاها..ولكن خاصك تعرف بلي هاد الشي لي وقع كلو غير تخيلات راه مكين والو..نتا عارف دماغها باقي عيان..
ريان : شششت..انا عارف اش واقع ليها و عارف مراتي ماشي مكلخة باش تفرق بين الخيال والواقع..كون كانت كتخيل كون حسات براسها تخيلت..ولكن لا هي كتقول الصراحة و انا متاكد شي حمار دخل عندها للغرفة..نتوما مادايرينش خدمتكم..
✴شفت الفرملية خافت..شديت لريان ايدو باش يتكالما..هي مشات خرجات و ريان جلس حدايا..حط ايدو على حنكي..
انا : ريان نتا متاكد بلي انا متخيلتش ?
ريان : إكرام..نتي متخيلتيش نتي ماشي مسطية..غير المسطي لي مكيقدرش يفرق بين الواقع و الخيال..نتي تبارك الله دكية..متخليهمش يأثرو فيك بهضرتهم..هاد الضربة لي فراسك ماشي خطيرة لدرجة انك تبداي تخيلي..وخا الدكتور يقول ليك كلشي بسباب الضربة راه عادي..خاصاك حاجة وحدة هي انك ترتاحي..نتي نعسي..نعسي و كوني مرتاحة انا حداك اوكي..مغديش نبعد عليك حتا دقيقة..و مغدي نخلي حتا واحد يقرب ليك..
انا : شكرا ريان 😞
ريان : علاش هاد الوجه الحزين إكرام ? مبغيتش نشوفو...فين هي الضحيكة لي كتعجبني ?
✴جاتني الضحكة..محسيتش حتا بديت كنضحك..معرفتش علاش ولكن فرحت حيت قال (الضحكة لي كتعجبني)..
✴عل اقل عرفت بلي ضحكتي كتعجبو..زعما يسرى يكون عندها الحق..زعما يكون ريان كيبغيني ? حسيت براسي بدا كيضرني..مخصنيش نبقا نفكر بزاف..صافي غدي نعس باش نرتاح..خاصني نرتاح..تكيت و نعست..كنحس بريان كيلعب ليا بشعري..مني حليت عيني كان الصباح..كنشوف ريان واقف حدا الشرجم و هاز تيليفونو..شافني فقت جا عندي..
ريان : صباح الخير..نعستي مزيان ?
انا : اه الحمد لله...ونتا ?
ريان : نعست مزيان..
انا : كداب..
ريان : اوكي منعستش..ولكن نقدر نعس بنهار عادي..فيك جوع ? نجيب ليك شي حاجة تاكليها ? الفطور لي غدي يجيبو ليك فالمستشفى انا متأكد مغديش يعجبك..
انا : لا بقى معايا..
✴سمعنا الدقان فالباب و من بعد دخل عيسى..
ريان : دابا مغديش تبقاي وحدك..انا نمشي نجيب ليك شي حاجة تاكليها و عيسى غدي يبقا معاك..
انا : اوكي..
عيسى : كيصبحتي ?
انا : الحمد لله..
عيسى : نعستي مزيان ?
انا : اه بقا معايا ريان..
عيسى : ياك لبارح منعنا الدكتور نبقاو معاك?انا : خفت و عيطت ليه..لبارح سمعت شي واحد كان عندي فالغرفة..كان الضلام مشفتش شكون..و خفت يكونو هادوك لي بغاو يآديوني..
عيسى : متخافيش..انا غدي نهنيك منهم إكرام..هما بغاو ينتاقمو مني ولكن معارفينش معامن كيتعاملو..
انا : ا..اشنو ناوي دير ?
عيسى : نتي رتاحي مخصكش تفكري..خليك بعيدة..
انا : و..ولكن اشنو درتي ليهم..انا عارفة عندك علاقة مع ختهم..ولكن هادا ماشي سبب باش ينتاقمو مني!!
عيسى : م..ماشي هاداك هو السباب...
انا : و اشنو ?
عيسى : انا شحال هادي كنت ناوي نآدي هاد البنت ضد فيهم..باش نتاقم منهم ستعملت ختهم...علاقتي معاها مكانتش جدية..وكنت كنهددهم...ولكن من بعد انا وليت كنبغيها..و مقدرتش نآديها..هي مدارت والو مسكينة المشكل عندي مع خوتها..ولكن هما مبغاوش يفهمو هاد الشي و دابا بغاو يآديوك نتي ضد فيا..ولكن متخافيش انا مغديش نخليهم إكرام..
انا : كيفاش قدرتي تفكر تآدي بنت على اخطاء داروها خوتها...مفكرتيش بلي حتا نتا عندك اخت..كون ما وليتيش كتبغي هاد البنت اشنو كنتي درتي ليها ?? مكنتش كنسحابك هكا عيسى..صدمتيني فيك والله..
عيسى : انا عارف غلطت..فهاداك الوقت كنت كنفكر غير فراسي..كنت باغي نعدبهم و نخليهم يحسو باش حسيت..ولكن انا ماشي بحالهم..
انا : كيفاش يحسو باش حسيتي هما اش دارو ليك ?? اشنو الحاجة لي خلاتك تنتاقم وتستعمل بنت بريئة ?
✴عيسى بقا ساكت..معجبنيش السكوت ديالو..بغيت نعرف اشنو مخبي عليا..ضرني راسي..حسيت بالدوخة..
انا : ق..قول ليا اشنو مخبي عليا عيسى انا ماشي مكلخة عافاك بغيت نعرف...
عيسى : علاش شديتي راسك ? يكما ضراتك شي حاجة ?? إكرام..
انا : والو..غير ضرني راسي شوية...
عيسى : سمحي ليا إكرام عافاك...متبقايش تفكري بزاف..انا ماخازن عليك والو نتي غير كيبان ليك هاد الشي..انا عندي مشكل مع فريد و فارس..خصوووصا فارس بالضبط..هاد الشي بيني و بينهم حنا دراري بيناتنا فهمتي..نتي فكري غير فراسك..رتاحي عافاك..
✴سمعت الباب تحل دخل ريان و يسري..ريان حط ليا الماكلة قدامي..و يسرى دايرا ايديها بجوج على فمها..
انا : يسرى مالك ? كضرك الضرسة ?
✴ريان تفرگع بالضحك..حتا عيسى بدا كيضحك..
ريان : لا مسكينة عارفة راسها فيها الهضرة بزاف داك شي علاش سدات فمها قبلما تدخل عندك...قالت ليا مبغاتش تبرزطك بالهضرة باش ميضركش راسك..
انا : هبيلة هاد البنت 🤦🏻‍♀️
عيسى : نخليك إكرام..فالعشية غدي نجي نشوفك اوكي ??
انا : اوكي..
✴عيسى سلم عليا و مشا..لمهم داز الوقت...بقيت فالمستشفى يوماين..ريان مكيخلينيش وحدي حتا دقيقة..كنحس براسي ف أمان و انا معاه..حتا مني رجعت للدار بقا كيرد ليا البال...ليوم خدام مشا للشركة..انا جالسة فالبيت كنلعب فالهاتف ديالي..كنحاول منفكرش..انا عارفة كينا شي حاجة لي خاصني ضروري نعرفها..ولكن خايفة نفكر فهاد الشي...بغيت ريان يكمل ليا القصة ديالو ويشرح ليا علاش كدب عليا..انا متاكدة القصة لي قال حقيقية ماشي كدوب..انا حاسة بهاد الشي...و عيسى حتا هو مخبي شي حاجة..بغيت نعرف كلشي..حتا يسرى بغيت نهضر معاها على ريان..على داك شي لي قالت ليا..ولكن غير كنتعمق فالتفكير كيضرني راسي..قررت نسا هاد الشي كلو واحد الفترة..حتا نحس براسي رتاحيت مزيااان و شديت صحتي..عاد غدي نحاول نبحث فهاد الشي..دابا حاليا كنحاول نشغل وقتي و تفكيري بشي حاجات آخرين...كل مرة و اشنو كندير..مرة كنطيب شهيوات مرة كنتفرج افلام..مرة كنلعب مرة كنعس بحال شي بقرة و كنتسنا يسرى تكون مساايا شي نهار نمشي انا وياها لا صال نتدرب شوية...ريان قال ليا من هنا ل تلاثة ايام غدي نسافرو..مبغيتش نمشي..كنت باغاه يزيدني الوقت..ولكن ريان كيقول طولنا بزاف هنا..خاصنا نمشي..لمهم نضت دخلت الدوش دوشت..هبطت الكوزينة وجدت العشاء ليا انا و ريان..سمعت الهاتف ديالي كيصوني..شفت النمرة معرفتهاش..غريبة..جاوبت..كنقول الو الو ولكن والو الحس مقطوع حتا واحد ما كيهضر..تعصبت..قطعت..ولكن الهاتف عاود صونا...
انا : الو...ااالللووو..باراكا من التفلية ديال الدراري الصغار انا مامسالياش ليك..😡شوف إلا كنتي راجل ديال بصح جاوبني نوريك معامن كتلعب..اولا خايف مني بحال شي نونوس ?
نونوس : باش عرفتي بلي انا راجل ??
✴تصدمت هاد الصوت معرت فين سامعاه...
انا : شكون نتا ? علاش كتعيط ليا باش تبرزطني ???
نونوس : بغيت غير نسمع صوتك..
انا : و انا مبغيتش اوكي نسا هاد النمرة و متبقاش تعيط ليا غدي نقولها لراجلي يتفاهم معاك كتسمع..
✴مجاوبنيش بقا ساكت..
انا : واش كاتسمع ???? آخر مرة تهضر معايا فيها..
✴مبقاش جاوبني بقا ساكت تقريبا شي عشرين ثانية عاد قطع...هادا واقيلا حمق..زعما يكون فريد و لا فارس? انا فريد ديجا شفتو..فايت ليا سمعت صوتو..ولكن معقلتش عليه مزيان..يقدر يكون هو...حيت هاد الصوت فالمكالمة ماشي غريب عليا فايت ليا سامعاه فشي بلاصة..خاصني نسول ريان واش عرف شكون مول الرسائل لي كتوصلني..خاصني نعرف واش لي هضر معايا دابا هو لي كيصيفط ليا الرسائل و لا لا...حسيت براسي بدا كيضرني..كثرت التفكير...حاولت نسا كلشي..وجدت الطبلة و بديت كنحط العشا..سمعت ريان دخل..مشيت عندو فرحانة..مكنحملش نبقا وحدي..
ريان : ريحة زوينة فيا الجوع 😋
انا : تعطلتي ليوم..
ريان : بسباب داك الحمار ديال نعمان 😡
انا : اش دار ??
ريان : خربق ليا الخدمة بحال ديما..ضطريت اني نتعطل فالشركة باش نكمل شي وراق..لمهم نساي خلنا من نعمان دابا فيا جوع 😋
انا : اوكي ماتسوقش ليه راك عارفو ميقدرش يوصل ليك وخا يدير لي دار نتا كاتبقا حسن منو
✴ انا و ريان جلسنا نتعشاو من بعد كل واحد فينا طلع لبيتو..تكيت باش نعس ولكن سمعت الباب ديال البيت تحل و دخل ريان..
انا : مكتعرفش دق ? كون كنت كنبدل..
ريان : عادي حنا مزوجين فالحلال..
انا : من نيتك 😑
✴ريان بدا كيضحك..يامامااااا 😍بغا يطيحني فالشبكة بهاد الضحكة انا متاكدة..كنشوف فيه جاي عندي..قلبي بدا كيضرب...اوكي هادا اش بغا ?
انا : بقا تما متجيش عندي..اشنو بغيتي هضر من تما ?
ريان : علاش ? انا مغديش ناكلك وش مكتيقيش فيا ?
انا : كنتيق فيك ولكن...احم...لمهم بقا تما وصافي..
ريان : فهمت 😏
انا : ا..اشنو فهمتي ?
ريان : كاتيقي فيا ولكن مكتيقيش فراسك فهمت 😉
انا : ك..كيفاش اشنو بغيتي تقصد ??
✴ريان بدا كيقرب عندي..انا متحركتش من بلاصتي باش منبينش ليه الضعف ديالي ولكن قلبي عالم بيه غير الله..غدي يخرج من بلاصتو..معرفتش اشنو كيوقع ليا معاه..اه عندو الحق..كنتيق فيه ولكن مكنتيقش فراسي..كل هاد الاحاسيس لي كنحس بيها و انا معاه خلاتني نخاف...معرفتش ولكن وليت خايفة ندير شي حاجة لي انا ماباغاش نديرها..خايفة نولي نبغيه و حنا غدي نطلقو..مبغيتش نطيح فحفرة غارقة منقدرش نخرج منها..
ريان : فاش كتفكري ?
انا : فطلاقنا...انا وياك غدي نطلقو ريان..من احسن بقا بعيد مبغيش يوقعو بيناتنا مشاكل..
ريان : شكون قال ليك غدي يوقعو مشاكل بيناتنا إكرام...
✴ بقيت كنشوف فيه..ريان شد ليا ايدي..
انا : علاش جيتي ?
ريان : انا عارفك قبيحة ولكن ماشي لهاد الدرجة 😏 انا جيت باش نونسك ولكن كيبان ليا نتي باغا تجري عليا..
✴بقيت كنضحك..انا نيت محتاجة لي يونسني..خصوصا إلى كان هاد الواحد هو ريان 😏..بقينا كنهضرو..كتاشفت بلي ريان اكثر واحد فاشل فالنكت..تقريبا النكت لي قال ليا كلهم ضحكت فيهم غير بسباب التفاهة..لا علاقة فالنكت..ريان بقا معايا شحال من بعد مشا لبيتو..نعست..الغد ليه فقت مرتاحة..غسلت و هبطت الكوزينة لقيت ريان ديجا تما..
انا : واو صباح الخير فقتي بكري ليوم 😏
ريان : راك نتي لي نعستي بزاف شوفي شحال فالساعة..
✴شفت الساعة لقيت الوحدة تصدمت..
انا : نعست كل هاد الوقت ميمكنش 😱
ريان : يمكن حبيبة..يالاه نخرجو نتغداو علا برا..
انا : مامشيتيش للشركة ?
ريان : هههه حتا انا ما فقتش بكري..و بيني و بينك مقدرتش نمشي مع الصباح..
انا : اوكي مزيان..رتاح شوية من الخدمة..تسناني انا غدي نلبس و نجي..
ريان : تهنيت غير فالصباح..ولكن هاد العشية ضروري نمشي..غير نتغداو غدي نمشي للشركة..نتي غدي تمشي مع يسرى..ديجا هضرت معايا قالت ليا راها غاديا لاصال..غير نتغداو غدي نديك عندها..
انا : فين كينا هي ?
ريان : فالدار...غدي تبقاي معاها هاد العشية مبغيتكش تبقاي وحدك..لبارح صحابي كانو حاضيين الڤيلا مني كنت انا فالشركة...ولكن ليوم هما عندهم ما يدار يعني ماكينش لي يراقبك منقدرش نخليك وحدك فالڤيلا فهمتي ?
انا : واش لبارح صحابك كانو هنا ?? حاضين الڤيلا على برا ?
ريان : اه حتياط..نتي قلتي شي واحد كان فالمستشفى..يعني ما تعرفي يجي شي واحد عندك حتال الدار باش يآديك..
انا : اه..عندك الحق..
✴طلعت لبيتي لبست و هبطت..ريان شد ليا فايدي و خرجنا..غير ابسط الحركات منو كيخليوني ندوب 😍..مشينا تغدينا انا وياه دوزنا وقيت زوين..من بعد وصلني لدار ماماه و باباه دخلنا..طاطا فرحات بزاف حيت شافتني بقيت جالسا معاها هي و يسرى..ريان مشا للشركة..
يسرى : يلاه نمشيو إكرام..
طاطا : لا لا بلاتي باقي الحال على لاصال بقاو شوية..
يسرى : اوكي..إكرام اجي معايا للبيت..بغيتك تختاري معايا شي حاجة..
طاطا : متعطلوش حتا انا بغيت نبقا مع إكرام شوية..
يسرى : نص ساعة و نهبطو 😁
✴طاطا لطيفة يلاه بغات تجاوب يسرى و هو يصوني ليها الهاتف..يسرى شدتني من ايدي و مشات بالزربة طلعت فالدروج و انا تابعاها..دخلنا للبيت صراحة تصدمت..بيتها واااعر..كبيير و ديكور فيه كيحمق سعداتها..
يسرى : خاصني نهضر معاك ضروري إكرام..جلسي عافاك الموضوع مهم بزاف...