اكرام : زواج غير حياتي ♥

Chapitre 20

(وجهة نضر لمياء)..
✴فقت فالصباح..بحال ديما ايديا مربوطين..بداو كيضروني..لبارح كان كيسحاب ليا نعمان دايخ..كنت باغا نحاول معاه يحل ليا ايديا..ولكن والو..وكلني هو بايدو..وحطني فالطواليط بحال ديما و سد عليا الباب..كنتمنا ليوم يحل ليا ايديا..بقيت كنتسناه مجاش تعطل..بديت كنعيط..
انا : هييهووو..واش كين شي حد ? فيا جووووووع..نعماااااان..يكما نسيتيني?? غدي نموت بالجوع بغيت ناكل..
✴دخل نعمان و اخيييراا..صدرو عريان 😱..شعرو مشعكك و عينيه باقين مسدودين..باينة كان ناعس..صراحة كيبان زوين بزاف..تصدمت مكيسحابش ليا جسمو واعر لهاد الدرجة..مبقيت عارفة حتا علاش عيطت ليه تلفت..
نعمان : واش مكتقنعيش من الماكلة ?
انا : صباح الخير 😑 شوف فالساعة انا متأكدة وقت الغدا هادا..
نعمان : غدي نحطك فالطواليت و نمشي نجيب ليك تاكلي ولكن مبغيتش نسمع صوتك بغيت نرجع نعس..
✴نعمان جا عندي هزني..معرفتش علاش حشمت..جاتني غريبة نشوف صدرو عريان..حطني فالطواليت وسد عليا..المهم قضيت الغراض و غسلت و بقيت كنتسناه يحل عليا..كنفكر ف شي طريقة باش نهرب..اولا نهز ليه الهاتف نهضر منو..نعمان حل عليا الباب..
نعمان : حطيت ليك الفطور..مني نرجع نلقاك كليتي..منعقلش عليك..
انا : غدي تحل ليا ايديا 😱
نعمان : لا غير ايد وحدة 😉
✴هزني على غفلة..داني لناموسية و حطني..حل ليا ايديا بجوج و ربط ليا ايد وحدة مع الناموسية..مبغيتش نضارب معاه بغيتو يتيق فيا زعما..حط ليا الاكل قدامي..و من بعد مشا خرج..انا بديت كنفكر نحل الايد الاخرة و نهرب..ولكن خفت يعيق بيا..تما غدي نقفرها ديال بصح..بديت كناكل بإيد وحدة..لمهم كليت شبعت..من بعد بديت كنحل إيدي..صافي غدي نحاول نهرب.. نقدر يكون عندي الزهر و ميشوفنيش..حليت ايدي..نضت بالزربة وقفت..طليت من الشرجم واخيرا..سمعت الباب تحل ضرت مخلوعة..شفت نعمان واقف كيشوف فيا مصدوم...مفكرتش جوج مرات مشيت كنجري و هو تبعني..بقينا كنضورو فالبيت بحال طوم و جيري..خرجت من البيت بغيت نهرب ولكن تعكلت كنت غدي نطيح حتا حسيت بنعمان شدني و جرني عندو..لصقت مع صدرو..قلبي كيضرب بالجهد..
نعمان : مفهمتش فين باغا تهربي ? معندك فين تمشي الباب ديال الدار مسدود كيتحل غير بالكود..لي نتي معارفاهش..
انا : ب..بعد مني..😠 بغيت نرجع لدارنا خليني نمشي..
نعمان : غير نساي داركم..مغديش ترجعي ليها..دابا خاصك تمشي معايا..
انا : فين غدي نمشيو..
✴نعمان قرب ليا بزاف..كيشوف ليا نيشان ف عيني..
نعمان : مني غدي نوصلو غدي تعرفي..
✴بقيت ساهية فيه..كنشوف فعينيه..عجبوني..محسيتش حتا دگ ليا برا فعنقي..فلحضة حسيت براسي دخت..من بعد مبقيت عاقلة على والو..

(وجهة نضر نعمان)..

✴هاد البنت شحال فيها ديال الغوات..فيقتني عل الصباح بصوتها..حليت ليها ايد وحدة و خليتها تاكل..هبطت الصالون درت مكالمة لمهدي حيت لقيتو معيط ليا..هو و دليلة..
مهدي : الو نعمان فين كنتي لايح الهاتف ديالك..
انا : اش واقع ? كنت معصب..بقيت كنشرب و من بعد بقيت عاطيها غير لنعاس..قول ليا اش كين..
مهدي : فارس و نسرين خرجو براءة..و كنضن ماماك لي خرجتهم..
انا : كيفاش ?! ميمكنش..مستحيل..ماما معندهاش السلطة و النفود باش تقدر تخرجهم..
مهدي : كنضن شي واحد عاونها..حيت مشيت لداركم كنقلب عليك..و شفت عندها ضيف..غير من طريقتو فاللبس باينا فيه شي حاجة..كنضن عندو نفود و هو لي عاونها..
انا : اووف..اكيد ستعملت شي اسلوب من الاساليب ديالها..انا كنعرفها..مكتستسلمش حتا كتوصل لداك الشي لي بغات..
مهدي : خاص ريان يعرف بلي ماماك لي خرجتهم حيت غدي يسحاب ليه نتا..
انا : مكيهمنيش ريان و مكيهمنيش فاش كيفكر..لمهم..إلا كان شي جديد عيط ليا..
✴قطعت..و درت مكالمة لدليلة..
دليلة : الو سي نعمان..
انا : وي دليلة اشنو كين ?
دليلة : الرحلة لي قلتي ليا نوجدها ليك..كلشي واجد والطيارة حتا هي..تقدر تمشي حتا دابا إلا بغيتي..
انا : اه اوكي نسيت..قولي ليا..الڤيلا كلشي مقاد فيها ? حتا الحويج لي قلت ليك..كلشي بغيت يكون تما..
دليلة : كون هاني..قلت ليهم يوجدو كلشي..مغدي تخص حتا شي حاجة فالڤيلا..
انا : اوكي شكرا..
✴قطعت معاها..لي كيعجبني ف دليلة..كتنفد كل اوامر ديالي و كدير اي حاجة قلتها بلا ما تسولني علاش..كتشوفني مع بنات آخرين و مكتقول والو عندها عادي..هي عارفة بلي انا كندوز بيها غير الوقت..كنضن كادير هاد الشي حيت كنعطيها فلوس زايدة على خدمتها..كتعتابر داك الشي لي بيناتنا حتا هو خدمة..مكينش احاسيس..غير إشباع رغبات و صافي..بقيت كنفكر فداك الشي لي كيوقع بيني و بينها..آخر مرة قربت ليها..فلحضة شفت لمياء فبلاصتها..قلبي خرج من بلاصتو..معرفتش اش وقع ليا..بالزربة جمعت تيليفوني فجيبي ومشيت لكوزينة..انا علاش كنفكر فهاديك المسطية..مهم وجدت مخدر فالإبرة..درت مخدر قاصح حيت عارف الرحلة غدي تكون طوييلة..مشيت عندها..دخلت..تصدمت..لقيتها واقفة عند الشرجم..غير شافتني و هربت مشات كتجري..بقيت تابعها..كنضورو فالبيت بحال الدراري الصغار..خرجات من البيت كتجري..كانت غدي طيح شديتها فآخر لحضة..وجريتها حتا لصق صدرها مع صدري..عنقتها بالجهد باش متهربش..قلت ليها معندها فين تهرب و قلت ليها خاصنا نمشيو..سولتني فين..قربت ليها بقيت كنشوف فعينيها..
انا : حتا نوصلو و غدي تعرفي..
✴درت ليها المخدر على غفلة مسكينة تصدمات..من بعد غيبات..شفتها غيبت..بقيت شحال كنشوف فيها..جسمها لاصق مع جسمي..بديت كنفكر فيها بطريقة منحرفة..كنضن شحال هادي ما قست شي بنت اووف..هزيتها وخرجت..حطيتها فالسيارة و ركبت..مشيت نيشان للڤيلا..الطريق كلها و انا كنفكر فهاد لمياء..لا صافي خاصني نلقى شي بنت فاقرب وقت..مبغيتش ندير شي حاجة مع لمياء..خاصني نكالمي راسي..وصلت للدار..خرجت من السيارة و خليت لمياء لداخل..مشيت دقيت حلت عليا ماما..دخلت..شفت نسرين جالسة فالصالون..و حداها جالس سي معتز..عندو مجموعة شركات للإلكترونيات..واحد من الاغنياء فهاد المدينة..اش كيدير هنا..مشيت سلمت عليهم و جلست..
ماما : شحال ما شفتك ا ولدي مبقيتيش كتجي بزاف..
انا : مكانش عندي الوقت..احم..سي معتز مكنتش متوقع نشوفك هنا..
معتز : صراحة حتا انا مكنتش ناوي نجي ولكن ماماك عرضت عليا الغدا..مكنتش عارف نتا و ريان معندكمش نفس الام يالاه عرفت..
انا : و نتي نسرين? خرجتي براءة..
معتز : انا لي عاوتهم يخرجو..ماماك قالت بلي نتا و ريان مامسالينش هاد الايام..مبرزطين مع العرس ديال يسرى..طلبت مني المساعدة..صراحة ماماك إنسانة رائعة..يحسن ليا الشرف اني تعرفت عليها..كتفكر لمصلاحتكم بزاف مبغاتش تبرزطكم..طلبت مني هاد الطلب الصغيور و انا نفدتو ليها..
✴شفت فماما مغوبش..كدبات حتا على السيد كنت عارف غدي تكون خدمات اساليب ديالها..
انا : ممم..اوكي..كنضن نتا معرفتيش اش كانو دايرين خوتي باش تشدو فالحبس?
ماما : ص..صافي نساو علينا هاد الموضوع..نعمان واش جيتي تغدا معانا و لا باقي عندك ما يدار 😠
✴شافت فيا مغوبشة باش نفهم راسي..سي معتز كيخاف من ريان..إلا عرف سبب علاش نسرين و فارس كانو فالحبس انا متاكد مكانش غدي يخرجهم..اصلا مكنتش ناوي نتغدا معاهم انا جيت غير نعرف كيف دارو حتا خرجو من الحبس..ولكن ماشي سوقي دابا لي وقع وقع..نضت بغيت نخرج حتا بانت ليا هبة جايا هازا الغدا هي و خدامة آخرة..مفهمت والو..انا كنعرف بلي هبة و كوثر كيخدمو عند ريان..اش كادير هنا..شفت فيها..
انا : نتي اش كاديري هنا?
هي : ا..انا..انا..
ماما : ولات خدامة عندي..هاد الشي بعيد عليك بلا ما تحاول تفكر فيه..
✴بقيت كنشوف فيهم من بعد مشيت..عندي رحلة مبغيتش نتعطل..دخلت السيارة..لمياء باقا مغيبة..لمهم وصلت للطائرة ركبت و مشينا..مسكينة لمياء مغدي تفهم والو..كانت فالمغرب حتا غدي تلقى راسها فجزيرة..فمنطقة خاوية..مكين حتا واحد غير انا وياها حيت خاصني نغبر هاد الايام..وصلت الڤيلا..مشيت نيشان البيت حطيت لمياء..بقيت كنشوف فيها..صراحة هاد البنت زوينة..شفت ف فورمتها..عندها جسم زوين..بقيت شحال كنشوف فيها..من بعد خرجت...