✴ بقيت كنفكر حتا نعست..فالصباح فقت..سمعت ريان ديجا فايق..غير هزيت عيني لقيتو كيلبس فتيشرت ديالو..حشمت..جسم عندو واعر مقدرتش نبقا نشوف فيه...درت الغطا على وجهي..
ريان : عادي تقدري تشوفي فيا معنديش مشكل..بلا ما تحتاجي تغطي وجهك 😂
انا : لبس حويجك ريان..
ريان : غير حيدي الغطا انا لبست..
انا : كداب..
ريان : شوفي باش تاكدي..
✴حيدت الغطا لقيت ريان لابس تيشرت..بعد مرات كيعجبني نبقا نشوف فجسمو..و بعد مرات كنحشم نشوف فيه..كنحس براسي مجنونة..معارفاش اش باغا..
انا : فين غدي نمشيو ?
ريان : لي بغيتي..
انا : بغيت نشوف بابا هو الاول توحشتو..
ريان : طلباتك اوامر 😉
✴ريان خرج..انا نضت غسلت و بدلت حويجي..وجدت راسي و هبطت..بغيت نوجد الفطور ولكن ريان قال نفطرو برا..
انا : قلتي منبقاوش ناكلو على برا..
ريان : معليش إلا كلينا مرة مرة..
✴لمهم مشينا فطرنا فريسطو..من بعد مشينا لدرب لي كنت ساكنة فيه..هبطنا من السيارة..كلشي كيشوفو فينا بحال ديما..كين آدم و حتا صحابو..بقاو كيشوفو فينا..اووف واش انا مكلخة..علاش غدي نطلق من ريان ? باش نرجع هنا..نشوف هاد الوجوه ? ناكل العصا من عند آدم ? نرجع لهاد العيشة ? ريان عندو الحق..احسن حاجة نبقاو مزوجين كنحس براسي مرتاحة معاه..طلعنا فالعمارة..
ريان : هاداك آدم خوك إلا شاف فيك مرة آخرة بهاديك الطريقة غدي نضربو..سمحي ليا إلا كان خوك ولكن غدي نضربو كنحلف ليك..
انا : بلا ما تحتاج تعتادر مني على حاجة بحال هادي..انا من شحال هادي مبقيتش معتابراه خويا..مغديش يبقا فيا الحال إلا شفتك ضربتيه..
✴وصلنا للدار..دقيت حل عليا بابا..عنقتو بالجهد..توحشتو..
بابا : إكرام بنتي مقلتيش ليا غدي تجي..
انا : ضروري خاصني نعلمك قبلما نجي ?
بابا : لا بطبيعت الحال مرحبا بيك فاي وقت..ولكن كون قلتيها ليا كنت عل اقل وجدت ليكم ما تاكلو و جمعت الدار..
ريان : ديجا كلينا معليش...
بابا : دخلو دخلو بعدا..
✴دخلنا و جلسنا فالصالون..
انا : عيسى مكينش ?
ريان : عيسى بدا الخدمة فالشركة نسيتي ?
انا : اه وي نسيت..
✴بقينا كنهضرو...بابا فرحان حيت جيت شفتو..جامي شفتو فرحان بحال هكا..و فرحان حتا على قبل عيسى..حيت كان فالحبس و حتا شركة مكانت غدي تقبلو...احسن حاجة دار ريان مني خدمو معاه..قلت لبابا غدي نسافرو..لمهم داز الوقت..قلنا لبابا باي باي و خرجنا من الدار..هبطنا..الدراري صحاب آدم كيشوفو فينا و كيهضرو..ريان تعصب..مشا عندهم
ريان : بغيتو تقولو شي حاجة? كونو رجال و قولوها فوجهي..
آدم : حتا واحد ما هضر معاك ريان..
ريان : متبقاش تقول سميتي على فمك..انا وياك ماشي صحاب...
واحد فيهم : راه خو مراتك زعما..
انا : جامي كان عندي شي أخ سميتو آدم..
✴آدم شاف فيا مصدوم..
واحد فيهم : إوا خسارة آدم ختك غير شافت الفلوس نساتك..
✴ريان ضربو بالجهد لوجهو..الدري طاح فالارض الدم كيخرج من نيفو
ريان : ياكما بغيتي حتا نتا الفلوس..
✴ادم و صحابو كلهم خافو..حتا واحد مقدر يهضر..بقاو ساكتين..عجبني الحال..اول مرة نشوفهم هكا..
ريان : المرة الجاية اي واحد فيكم فكر يهضر على مراتي انا غدي ندمو على النهار لي تزاد فيه..مغديش نفكر جوج مرات قبلما نهرس ليه عضامو..
✴ريان شدني من ايدي و مشينا..ركبنا فالسيارة..بقينا كنهضرو حتا وصلنا لدار الباطرون..دقينا حلات يسرى..فرحت مني شفتها..
يسرى : سمحي ليا خرجت من الدار بكري صباح مقدرتش نفيقك..
ريان : علاش كنتي بايتة عندنا فالدار?
انا : نسيت مقلتش ليك? يسرى جات لبارح بالليل..نتا كنتي ديجا نعستي..باتت عندنا فالدار..
ريان : علاش جيتي فهاداك الوقت بالليل..كون جيتي شوية بكري..تعشاي معانا..
يسرى : كينا نسرين محملتش نبقا معاها فنفس الدار..صبرت بزاف فالاخر هزيت صاكي و جيت عندكم فالليل..كنتي ناعس..حلات ليا إكرام..مبغيتش نفيقك..
ريان : نسرين اش كادير هنا😡
انا : ريان متجبدش صداع..خلي الجو زوين مع العائلة..
✴دخلنا لداخل..كين الباطرون و طاطا لطيفة و نسرين و حتا نعمان..واش هادو مامشاوش للشركة ليوم ولا كيفاش..محملتش نشوف نعمان و ختو..سلمنا عليهم و جلسنا..كلنا بقينا كنهضرو..انا و يسرى كنضحكو معطيناش وقت ل نسرين..بديت كنشم ريحة معجبتنيش..معرفتش ديالاش ولكن بحال ريحة طياب..هادو اش دايرين الغدا..مستحملتش الريحة..مرة مرة كندير ايدي على نيفي.
يسرى : مالكي? علاش كل مرة كاديري ايدك على نيفك?
✴اوكي يسرى شوهتني..كلهم شافو فيا..
انا : لا والو..غير ريحة الغدا مجهدة شوية..
يسرى : بنينة ياك 😋 فيا جوع ديجا..
✴شفت طاطا لطيفة كتشوف فيا فشكل..من بعد شافت فالباطرون..معرفتش مالهم ولكن شفتهم بحالا ضحكو بيناتهم..واش هادو كيضحكو عليا ولا على يسرى??
الباطرون : ريان خاصني نهضر معاك فشي حاجة كتخص الشركة..اجي معايا..
✴ريان ناض هو و الباطرون مشاو طلعو...
نسرين : يسرى لبارح باتت معاكم?
طاطا : اه كانت مع إكرام و ريان..
نسرين : ممم..مكنضنش ريان عارف بلي هي باتت معاهم
يسرى : شنو بغيتي تقصدي? انا كنت معاهم و ريان عارف سوليه.
نسرين : منحتاجش نسولو..نقدر نكون انا عارفة كتر منو..
نعمان : نسرين..
نسرين : اشنو? كنقول داك الشي لي كنعرف..
انا : حتا انا نقدر نقول داك الشي لي كنعرف..
✴نسرين شافت فيا صفرة..عرفاتني هضرت على نهار الريسطو و المخدر لي دارت ليا..
نسرين : اوكي إكرام...
طاطا : علاياش كتهضرو نتوما ?
✴طاطا لطيفية ناضت جات حدايا..شدت ليا ايدي..
طاطا : إكرام بنتي و..واش محملتيش هاد الريحة ??
انا : لا طاطا..ريحة الغدا بنينة..غير..شوية مجهدة..
طاطا : متخافيش مغديش نتقلق غير قولي ليا الصراحة..
انا : معرفتش اشنو دايرين فالغدا ولكن..م..معرفتش علاش ريحتو معجبتنيش..سمحي ليا طاطا..واقيلا كليت شي حاجة ضراتني فكرشي...من الصباح و انا حاسة براسي عيانة شوية..المشكل ماشي فالغدا فهمتي..المشكل فيا انا..
طاطا : لا لا معليش بنتي..كتوقع..سيري طلعي لبيت رتاحي..إلا كنتي حاسة براسك عيانة بزاف..
يسرى : ماما عندها الحق سيري رتاحي و مني يتحط الغدا غدي نجي عندك نقولها ليك..
انا : اوكي..
✴طلعت لبيت ريان..مشيت نيشان غسلت وجهي..ريان باينة غدي يكون مع الباطرون فالبيرو ديالو..مشيت البالكو كنطل وكنفكر..علاش كنحس براسي كنكره ادهم بزاف..ولكن ريان قال بلي ادهم دري مزيان..علاش يسرى مشات عندو فالليل..سمعت الحس..بغيت نضور نشوف شكون ولكن ضربة قاصحة جاتني لراسي..دخت طحت فالارض..شفت ضو بحال الفلاش..لقيت راسي طايحة فالارض فالغابة..كنحس بالصداع فراسي..
ادهم : فارس واش حماقيتي البنت كتنزف..
✴هزيت راسي شفت ادهم واقف بعييد..دموع كيهبطو غير وحدهم كنتقصح بزاف..
انا : عافاك..عتقني..
✴ادهم بقا كيشوف فيا مصدوم..حسيت بشي واحد حدايا ضرت بالشوية بغيت نشوف فيه..مع الشعا ديال الشمس..مبانش ليا مزيان..مقدرتش نشوف وجهو..
فارس : شوف شحال زوينة..زعما معجباتكش?
✴غير سمعت صوتو قلبي حبس..معرفتش علاش هاد الصوت غير سمعتو قلبي تقبط عليا..فلحضة..كلشي ختفى..حسيت بالحرارة بزاف..معرفتش اش وقع كنحس بايدي كتحرقني..حليت عيني بالزربة..كنشوف غير الضلام..دخان كحل فكل البيت..ضرت نشوف لقيت العافيا شاعلة..فالناموسية ديال ريان..تخلعت..مشيت بالزربة للباب ديال البيت بغيت نخرج ولكن مسدود..مبغاش يتحل ليا..مشيت للشرجم..حتا هو مسدود..حليتو..مشيت البالكو لقيتو حتا هو مسدود..شي حد سدهم انا متاكدة..لمهم حليت البالكو..بغيت نعيط على شي حد..بغيت نغوت..ولكن حتا صوت ما بغا يخرج من فمي..غير كنحل فمي كنبقا نكحب بزاف..الدخان خنقني..مبقيتش قادرة نتنفس..كنحس بجسمي فشل جلست فالارض..كنحس بايدي كتحرقني..شفت فيها لقيتها شوية محروقة..تخنقت بزاف بقيت كنكحب..كنسمع الدقان فالباب..بغيت نوقف ولكن محسيتش براسي حتا طحت فالارض..عينيا بداو كيتسدو..شوية كنسمع الباب تهرس و شي واحد دخل..حسيت بشي واحد هزني..بغيت نشوف شكون..حليت عيني بالشوية..شفت نعمان..خرجنا من البيت..
نعمان : إ..إكرام..حلي عينيك..إكرام..عافاك حلي عينيك..
أنت تقرأ
اكرام : زواج غير حياتي ♥
Romance( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
