(وجهة نضر إكرام)..
✴جالسة فالبيت معنقة سيف..رضعتو و نعستو..مبغيتش نحطو من ايدي خفت..مكنتيقش ففارس و مكنتيقش حتا فماماه..داز الوقت..سمعت الباب تحل و دخلت هبة..كنشوف فيها مصدومة..حطت ليا بلاطو فيه الاكل..
هبة : كولي سربي باش نجمع هاد الشي..
انا : م..مبغيتش..
هبة : اوكي..
✴هبة رجعت هزت البلاطو و مشات خرجت..شوية شفت فارس جاي داخل و هاز نفس الاكل لي كان عند هبة..
هو : كولي..والله إكرام و ما كليتي حتا تندمي..
انا : و إلا كنتي داير فيه سم..
✴فارس قرب ليا معصب..خدا ليا سيف من بين ايديا..قلبي خرج من بلاصتو..
هو : كون بغيت نقتلك كون درتها شحال هادي..غدي تاكلي إكرام و بزز منك..و هاد الولد غدي يبقا مع ماما..انا وياك خاص نبقاو وحدنا مبغيتش نسمع صداعو..
انا : ل..لا عافاك..خليه معايا..عافاك. ا..اوكي انا غ..غدي ناكل..غير عطيني ولدي..
فارس : مغديش تاخديه..كملي الاكل كلو..و ديك الساعة غدي نفكر واش نخليه هنا معاك او نديه لماما..اصلا انا مكنتش باغي نخطفو..ماشي سوقي فيه..ماما لي محتاجاه..
انا : ك..كيفاش..علاش ماماك بغات ولدي..عافاكم متآديوهش..هو باقي صغير..
فارس : كولي 😠
✴بديت كناكل بالزربة..فارس حط سيف فناموسية صغيورة كينا فالقنت ديال البيت و خلاه تما ناعس..جا عندي جلس حدايا..
فارس : مزيان حبيبة هكا نبغيك..خاصت تاكلي مزيان باش تبقاي صحيحة..ولكن متحاوليش تجيبي صحتك معايا انا حيت نتي لي غدي تخسري..صراحة مزيان مني ماما خطفات الولد حتا هو..غدي يكون وسيلة زوينة باش نخليك تسمعي الهضرة..
✴كملت الاكل..مجاوبتوش..بقيت غير ساكتة..
هو : نوضي غسلي او دوشي او ديري اي حاجة بغيتيها الدار دارك..بلا ما تحلمي تهربي الدار كلها مراقبة..غير تحطي رجلك برا الڤيلا و انا مكينش معاك..نيشان قراسة غدي تجيك فراسك..فكري فولدك..
انا : ع..عافاك متآديهش..انا غدي نسمع الهضرة غير متقيسوش..
هو : متخافيش..إلا بقيتي ضريفة..ولدك مغدي يوقع ليه والو..يالاه نوضي..خودي راحتك فالدار..
✴فارس خرج..انا بالزربة نضت عند سيف..قاديتو فبلاصتو و عنقتو..بستو و من بعد مشيت طواليت غسلت..رجعت بلاصتي مبغيتش نخرج..مبغيتش نتلاقا بماماه..بقيت النهار كلو فالبيت كنفكر و كندير خطط باش نهرب انا وولدي..او عل اقل نعيط لريان..فالليل..فارس دخل للبيت..هاز قرعة شراب..خفت بزاف مشيت كنجري بغيت نهز ولدي..خفت لا يآديه..ولكن فارس جرني من شعري..تقصحت بزاف..
فارس : فين غادا ? بغيتي تهربي ?
انا : ل..لا ب..بغيت غير نهز ولدي..
هو : نسايه..فكري فيا انا دابا..نساي ريان و نساي ولدك و اي حاجة كتفكرك فريان نسايها..
✴بقيت كنشوف فيه ساكتة..فارس قرب ليا..انا بغيتو غير يطلق شعري حيت قصحني بزاف..بدا كيشم فريحة شعري..هادا واش حماق ?..
فارس : اجي معايا لبيتي إكرام..
انا : خ..خليني غير نهز ولدي..و..ونمشي معاك..
فارس : لا..قلت ليك نسايه..اولا عرفتي شنو..
✴فارس طلق ليا شعري و شدني من خصري..جرني عندو لصقني مع صدرو..
فارس : حتا هاد البيت زوين معليش نقدرو نبقاو هنا..
✴فارس قرب ليا وجهو..كنحس بالنفس ديالو فعنقي..محسيتش براسي حتا دفعتو بجهد و ضربتو بونيا قاسحة لوجهو..طاح فالارض..بقيت كنشوف فيه..تصدمت فراسي..فارس غير وقف جا نيشان شدني من شعري..
فارس : عندك الجرأة باش تضربيني ??? كون كان ريان لي بغا يقيسك مكنتيش غدي ضربيه 😠
انا : ه..هداك راجلي واش حماقيتي بعد مني ???
فارس : اوكي انا غدي نخليك تنساي بلي نتي مزوجة..
✴شفت فارس غادي عند سيف..بالزربة شديتو من ايدو كنطلب فيه..
انا : الله يخليك بعد على ولدي..عافاك هو باقي صغير متقيسوش..
✴فارس دفعني طحت فالارض..شديت ليه رجلو..
انا : عافاك متآديهش انا غدي ندير اي حاجة بغيتيها..الله يخليك بعد عليه..
✴فارس وقف كيشوف فيا..شوية جبد السلاح..
فارس : انا بغيت نقتلو..
✴فارس حط السلاح على سيف..قلبي خرج من بلاصتو..دموع بداو كيهبطو وحدهم..نضت بالزربة بغيت نمشي عندو..
فارس : والله و تزيدي خطوة إكرام..ولدك غدي يموت..
✴تجمدت فبلاصتي..بقيت واقفة كنشوف فيه..
انا : ع..عافاك..انا كنواعدك فارس..انا غدي ندير اي حاجة بغيتيها غير بعد على ولدي..
✴بديت كنبكي..هبطت الارض على ركابيا و كنبكي..غدي نموت إلا وقعت شي حاجة لسيف..
فارس : اوكي..بيني ليا بلي نتي مستعدة ديري اي حاجة على قبلي..
انا : ا..اشنو بغيتيني ندير..غ..غير قول ليا ا..انا م..مستعدة..
فارس : نتي اكثر وحدة عارفة انا اشنو باغي إكرام..نسيتي شحال هادي..الطلب لي طلبت منك..كتعقلي?
✴بقيت ساكتة و حادرة راسي..انا عارفاه اشنو باغي..
فارس : انا كنتسنا..بيني ليا بلي نتي مستعدة ديري داك الشي لي بغيت..
✴هزيت راسي شفت فيه كنبكي..هزيت ايديا كيترعدو..بديت كنحل صديفات ديال الكسوة لي انا لابسة..من بعد حيدت الكسوة كلها..بقيت غير بملابس داخلية..جسمي كلو كيترعد..
فارس : مممم...دابا مزيان...عرفتي شحال من عام و انا كنتسنا هاد النهار?
✴فارس جمع السلاح ديالو و جا عندي ضاحك و فرحان..هبط عندي كيشوف فيا..شوية شد ليا وجهي بايدو..
فارس : نتي ديالي إكرام..
✴قرب ليا وجهو..قلبي كيضرب بالخلعة..
فارس : و اخيرا غدي ناخد داك الشي لي بغيت من شحال هادي..نوضي وقفي..
✴فارس ناض و شدني من ايدي باش نوقف..من بعد هزني داني لناموسية وحطني..جسمي كلو كيترعد..
فارس: متخيليش شحال غدي نحماق باش نقيسك..حاس براسي فحلم..واش بصح هادي نتي لي قدامي ؟؟
✴مجوبتوش..الخلعة غدي تقتلني..هو كيشوف ليا فجسمي من الفوق حتال لتحت..طاحت فبالي فكرة على غفلة..
انا : ف..فارس..ا..انا مستعدة ندير اي حاجة بغيتيها..و..و بإرادتي...و..ولكن..خاصك تعرف واحد الحاجة..
✴فارس كيشوف ليا نيشان فعينيا..حط ايدو على حنكي..
فارس : شنو هي حبيبة ؟
انا : خ..خاصك تعرف..ا..انا باقي فيا دم ديال النفاس..ي..يعني..مغدي نقدرو نديرو انا وياك والو حاليا..
✴فلحضة شفتو غوبش..تخلعت..إنشاء الله ميعيقش بلي كدبت..الدراري كيكونو مكلخين فهاد المواضيع..و انا ديجا كملت اربعين يوم و مبقاتش فيا دم ديال النفاس..كدبت..
فارس : ك..كيفاش..و..ولكن..اووف شحال خاص باش تكمل هاد الدم ديال النفاس ؟
✴ تخربقت معرفت شحال نقول ليه..مكرهتش نقول اطول مدة ممكنة ولكن غدي يعيق..
انا : سبعة ايام تقريبا..
فارس : ميمكنش ليا نتسنا اسبوع على قدو..واش متقدريش تشربي شي دوا يحبسها..😡
انا : لا..حيت هاد الشي كيكون طبيعي مع الولادة..
فارس :ميمكنش ليا نتسنا كل هاد المدة شوفي شي حل..
انا : م..مكينش حل..و..ولكن معليش..من بعد هاد الاسبوع انا غدي ندير اي حاجة قلتيها..انا مطلبتش بزاف..غير اسبوع..منها نيت نولفك و..و..
✴فارس حط صبعو على فمي باش يخليني نسكت..صدمني..
فارس : شششت..صافي فهمت..انا مغديش نقيسك فهاد السيمانة..ولكن..اي حاجة قلتها غدي ديريها..غدي تعامليني كيفما كتعاملي مع ريان..عتابرني راجلك من دابا..سوا كنا فالدار سوا كنا قدام الناس نتي مراتي..متسناينيش انا نبوسك او نقرب ليك..نتي لي غدي ديري هاد الشي بإرادتك..
انا : ا..اوكي..
✴فارس قرب ليا و باسني ففمي..بقيت شحال عاد جابتو..بزز مني معندي ما ندير..ولكن تاق بيا بعدا..الحمد لله عندي اسبوع باش نلقا فيه حل او ندير شي خطة باش نهرب..خاص غير ما يسولش ماماه على هاد الشي حيت غدي تقول ليه راني كدبت عليه..فارس حبس البوسة و شاف فيا..
فارس : كيف غدي ندير نصبر كل هاد الوقت و انا غير بوسة من عندك دابا سخنتني..
✴صدمني..حسيت بحناكي سخان..فارس حط ايدو على حنكي..بقا كيدير حركات حنان بصباعو..شوية حط صبعو على فمي..كيكتاشف فيه..
فارس : غدي تخرجي ليا عقلي نتي والله..ضيعت حياتي على قبلك..كون من نهار الاول وافقتي على القرار ديالي مكنتيش غدي تعدبي كل هاد الوقت..كنت انا وياك دابا عايشين بيخير مع بعضنا..
انا : فالحرام؟!..علاش باغي تبع طريق الحرام..كون فكرتي تزوجني كانت القضية غدي تجيك ساهلة..
هو : مكنتيش غدي توافقي...
انا : شكون قال ليك مكنتش غدي نوافق..
هو : نتي كنتي كتلاقاي مع ريان..يعني كان كيعجبك..و انا وياك بدينا بدية خيبة..و كرهتيني..يعني وخا نطلبك للزواج مكنتيش غدي تبغي..
✴عندو الحق فهاد الشي..
انا : ولكن نتا ختاريتي تصعب الامور..عل الاقل الزواج كان غدي يكون حل عقلاني..متعرف..كنت نقدر نوافق كون بينتي ليا شحال نتا باغيني..
✴اكيد كنكدب..خليني نعطل الوقت شوية..هو بقا ساكت كيشوف فيا..شوية قرب ليا حتال وجهي..
هو : متخيليش شحال انا باغيك فهاد اللحضة..بديت كنفكر فشي حاجات آخرين نقدرو نديروهم انا وياك بلا ما نحتاج نقيسك..
✴صدمني..قلبي بدا كيضرب..هادا فاش كيفكر 😳 اشمن حاجات آخرين كيهضر عليهم؟!
فارس : ولكن متخافيش حبيبة..انا مبغيتكش تكرهيني كتر من هكا..
✴فارس شاف فيا من لفوق لتحت..
هو : لحد الآن انا ضريف معاك 😉
✴بدا كيخلعني..خاصني نرد بالي منو..فهاد السيمانة خصني نلقا حل ضروري..لمهم داز الوقت..فارس خرج مشا لبيتو باش ينعس..قال بلي ميقدرش يصبر يبات معايا فالليل فنفس السرير..اوف الحمد لله..انا اصلا مبغيتوش يبقا معايا..جبت سيف رضعتو و نعستو حدايا و نعست..فالصباح حسيت ب شي حد كيفيقني..حليت عيني شفت فارس قدامي..
فارس : نوضي حبيبة..خاصنا نمشيو للشركة..
✴بقيت كنشوف فيه مفاهما والو..فارس ضحك..
هو : وجهك كيضحك مع الصباح..نوضي خاصك تمشي معايا..
✴نضت لقيت فارس حاط ليا شي حويج فوق السرير..
فارس : غدي نعطيك ساعة..تكوني واجدة فيها..خلي ولدك ناعس غدي تجي معايا غير وحدك..
انا : ك..كيفاش..لا عافاك منقدرش نخلي ولدي..إلا جاه الجوع مسكين ؟
فارس : ماما غدي تقابلو..غدي تعطيه الحليب متخافيش..
انا : لا فارس..ولدي غدي يجي معايا..
✴فارس غوبش و قرب ليا معصب..
فارس : متنسايش بلي راك خاصك تسمعي هضرتي 😡 حمدي الله ولدك باقي حي..
انا : و..ولكن..
فارس : ششت..عندك ساعة..وجدي راسك مزيان بغيت مراتي تكون انيقة..
✴فارس خرج..بديت كنوجد فراسي و كنبكي..مبغيتش نبعد على سيف..مكنتيقش فهاديك المخلوقة مامات فارس..ريان قال ليا كانت كتضربو مني كان صغير..لمهم داز الوقت ولبست الكسوة لي عطاني فارس..وجدت راسي هزيت سيف من السرير و حطيتو فبلاصتو باش ميطيحش..بستو..شوية دخل فارس بقا كيشوف ليا فجسمي من الفوق لتحت وكيعض ففمو بطريقة منحرفة..
فارس : مممم..كتباني زوينة..
✴قرب ليا..شوية محسيتش بيه حتا باسني بالجهد..ولكن مجاوبتوش..بقا شحال كيبوس فيا من بعد حبس..
فارس : مكرهتش ناكلك إكرام..معليش إلا مجاوبتينيش على بوستي..غدي تولفيني مع الوقت..
✴فارس غمزني..شدني من ايدي و خرجنا..هبطنا انا وياه و ركبنا فسيارتو..كنحاول نشوف واش بصح كين شي قناص مراقبني..بغيت نجرب نهرب ولكن خالعاني هاد الفكرة..إلا كانت بصح..يعني غير نحط رجلي برا الدار نموت..لمهم وصلنا للشركة..حاولت نحفض الطريق بعينيا..مكنتش عارفة بلي فارس عندو شركة هنا ففرنسا..خرجنا من السيارة فارس شدني من ايدي و دخلنا..مكرهتش نهرب..ولكن هو بلعاني قال ليا نخلي سيف فالدار..عارفني منقدرش نهرب بلا بيه..طلعنا فالأسنسور..فارس شاف فيا ضاحك..
انا : اشنو؟
✴فارس قرب ليا بالشوية شدني من خصري و باسني..انا مجوبتوش..
فارس : انا راجلك إلا نسيتي..نتي قلتي غادي تعامليني بحال كيفما كتعاملي مع ريان..
✴فارس يله بغا يرجع يبوسني ولكن باب الاسنسور تحل..شدني من خصري و خرجنا..دخلنا لواحد البيرو كبير..
فارس : خودي راحتك..ديري اي حاجة انا مغديش نتعطل فالخدمة..
✴جلست فالسداري لي كين تما..عقلي و تفكيري كلو مع سيف..إنشاء الله تكون كتعاملو مزيان مامات فارس..لمهم داز الوقت..ديجا دخلو شي وحدين كيهضرو مع فارس بالفرنسية من بعد مشاو..لمهم فارس وقف قدامي..حتا انا وقفت..
انا : غدي نمشيو؟
فارس : اه حبيبة..كملت الخدمة..
انا : اوكي..
✴يله بغيت نمشي ولكن فارس شدني من ايدي و جرني عندو..قرب ليا و بدا كيلعب بشعري..
هو : فين غادا زربانة...
✴شدني من عنقي و قرب ليا وجهو بالشويية..باسني ففمي..ايمتا غدي يسالي هاد الشي يا ربي..فارس شاف فيا..
هو : ممم..كنحس براسي عيان ولكن..مكنقنعش منك..جاوبيني على البوسة هاد المرة..شفتك مبقيتيش كتطبقي هضرتي
انا : ا..اوكي..غدي نجاوبك..
هو : مممم..مزيان...
أنت تقرأ
اكرام : زواج غير حياتي ♥
عاطفية( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
