اكرام : زواج غير حياتي ♥

Chapitre 14

✴خرجنا انا و ريان و ركبنا فالسيارة..مشينا للڤيلا..دخلنا مكين حتا واحد..
انا : فين مشاو كلهم..
ريان : عندهم ديورهم..غدي يكونو مشاو..
انا : حتا يسرى ?
ريان : ديجا هضرت معاها راها رجعت للدار..جاها الملل بلا بيك..
انا : اه اوكي..
ريان : خاصنا نسافرو إكرام..بلا ما تهزي الحويج..كلشي كين فالدار لي غدي نمشيو ليها..
انا : فين كينا هاد الدار..
ريان : حتا نوصلو و غدي تعرفي 😉
✴طلعنا للبيت..لبست بيجامة عادية..كينين حويج زوينين فهاد البيت كنضن ريان لي شراهم..كيعرف يختار..ريان تكا فالناموسية و بقا كيهضر فالهاتف..انا خرجت هبطت للكوزينة..شفت كوثر و هبة..
انا : بنات ميكونوش زعما شي مثلجات هنا فالكوزينة ?
كوثر : كانو ولكن الدراري كلاوهم كلهم..مبقاوش مدام..
انا : صافي معليش..
كوثر : ندير ليكم شي حاجة تاكلوها ?
انا : لا حبيبة تغدينا..
كوثر : اوكي مدام إلا حتاجيتي اي حاجة انا غير هنا..إلا تشهيتي شي حاجة قولي ليا..
انا : شكرا كوثر..
✴طلعت عند ريان..مشيت عندو..باقي كيهضر فالهاتف..حيدت ليه تيليفون و قطعت..
ريان : إكرام كنت كنهضر..
انا : ماسوقيش..
ريان : خاصني ضروري نكمل الهضرة..شحال مامشيت للشركة كينين شي امور ضروري نهضر فيهم..
انا : دابا تيليفون حسن مني ?
ريان : انا مقلتش هكا..
انا : هاد الشي لي فهمت 😠 انا كنتعدب و هازا ليك ولدك فكرشي و نتا متكي معا راسك كتهضر فالهاتف ??
ريان : 🤦🏻‍♂️غادي نحاول نصبر حيت عارف غير الهرمونات ديال الحمل..
انا : كيفاش تصبر ?! لهاد الدرجة محاملنيش ريان ?!!
ريان : اوكي نسكت حسن..
انا : ياك ?? اوكي انا لي مكلخة جايا عندك..كمل هضرتك..
ريان : إكرام..
انا : مفكرتيش حتا اشنو خاصني 😢
ريان : صافي إكرام.....إكرااام...قولي شنو خاصك حبيبة..
✴فرحت..تربعت فوق الناموسية بالزربة..
انا : مثلجات..بغيتهم تشهيتهم بزاف 😋 نوض سير جيبهم ليا..
ريان : اوكي..دابا غدي نجيبهم لحبيبتي..عطيني بوسة..
✴قربت ليه لفمو بستو بالزربة..
انا : غدي نمشي معاك..
ريان : اوكي لبسي سربي..
✴ريان هبط انا بدلت حويجي بالزربة و تبعتو..ركبنا فالسيارة..الطريق كلها و هو كيهضر فالهاتف عصبني..مامسوقش ليا 😠..لمهم وصلنا لمحل المثلجات..خديت هادوك لي تشهيت..ريان حتا هو خدا..كنا راجعين ولكن ريان جاتو مكالمة..وقف السيارة..
ريان : اشنو كين..دابا ?...اوكي انا جاي..
✴ريان قطع..انا كناكل فمثلجات و كنشوف فيه..
ريان : خاصني نمشي للكوميساريا ضروري..الضابط عندو شي حاجة بغا يقولها ليا..
✴خفت..ياربي متكونش نسرين دارت شي مشكل تاني..
ريان : متخافيش إكرام مكين والو..غدي نرجعك للدار ترتاحي..انا غدي نمشي نشوف الضابط..
انا : لا واش حماقيتي !? غدي نمشي معاك ريان..
ريان : إكرام مبغيتكش دخلي للكوميسارية..ماشي بلاصتك هاديك..تما كيدخلو غير المجرمين و لي عندهم مشكل مع القانون..
انا : ماسوقيش..فين ما مشيتي غدي نمشي..
ريان : اوكي..ولكن مغديش دخلي..غدي تسنايني حتا نخرج..مبغيتكش دخلي لهاديك البلاصة..
انا : اوكي لمهم نمشي معاك..
✴مشينا للكوميساريا..ريان هبط من السيارة و شاف فيا..
ريان : إكرام..متخرجيش من السيارة حتا نجي..اوكي ?
انا : اوكي..متعطلش عافاك..بغيت نعرف اش واقع..
ريان : شوية و نجي حبيبة متخافيش..
✴ريان مشا..انا بقيت كناكل فمثلجات و كنلعب فالهاتف...شوية سمعت صوت فران ديال سيارة..هزيت راسي بالزربة..تصدمت..سيارة دارت حادثة فالطريق..كنضن ضربت شي حد..محسيتش براسي حتا خرجت كنجري..خفت بزاف..الناس تجمعو..قلبي كيضرب بالجهد خايفة يكون شي حد تضرب...بقيت واقفة شوية بعيدة..سولت واحد البنت قالت بلي شي واحد تضرب..مجروح بزاف..هزيت الهاتف بغيت نعيط لناصر يخرج..مقدرتش نبقا وحدي معرفتش مالي..ولكن بدا كيضرني راسي..مشيت حدا واحد الحيط و تكيت..صداع بزاف..غمضت عيني والهاتف طاح ليا من ايدي..راسي كيضرني بزاف..شفت ضو بحال الفلاش..شوية هداك الضو تحول ل اضواء سيارة..كانت جايا بالجهد..و انا كنتسنا فيها تجي..السيارة كتقرب بسرعة..حتا ضربتني بالجهد..تقصحت بزاف بغيت نغوت بالخلعة..ولكن شي واحد حط ايدو على فمي و جرني..حليت عيني..كنشوف راسي انا ف باركينج ديال السيارات..ضرت بغيت نشوف شكون..شفت شي واحد هازني داير قب على راسو..
انا : ب..بعد مني..شكون نتا ???
بديت كنضرب فيه باش يحطني..ضربات ديالي قاصحين..شفتو تعصب و حطني..هزيت راسي شفت فيه..تصدمت..قلبي خرج من بلاصتو..جسمي كلو بدا كيترعد..بغيت نهرب ولكن هو جرني من شعري..شفتو جبد كلينكس بغا يديرو ليا على نيفي..محسيتش حتا هزيت رجلي و ضربتو ل ايدو حتا طاح ليه الكلينيكس..هو شاف فيا مصدوم..
فارس : منين جاتك هاد الصحة كلها ?
غير سمعت صوتو ضهري تجمد..هاد الصوت كنكرهو مكنحملوش..ضربتو بالجهد لوجهو حتا طلق ليا شعري..هربت مشيت كنجري..ولكن فارس شدني و جرني عندو..طحت..جا فوق مني و شد ليا ايديا بجوج..
فارس : مكنسحابكش صحاحيتي لهاد الدرجة..ولكن متخافيش حبيبة..تصحاحي حتا تعياي..متقدريش تهربي مني..
✴كنشوف فيه مصدومة..هادا هو فارس لي كنت ناسيا على وجهو..هادا هو لي كنكرهو..ولكن علاش..هو اش دار حتا وليت كنكرهو لهاد الدرجة ??...شد ليا ايديا بجوج بايد وحدة..و بدا كيجبد شي حاجة من جيبو..عرفتو غدي يكون شي مخدر..هادا ناوي يخطفني خاصني نهرب..قدرت نحرر ايديا بجوج و ضربتو بالجهد....
✴فارس شاف فيا مغوبش..فمو فيه الدم..ضربني لوجهي..وقف و هزني من شعري..
فارس : دسرتك بزاف 😠
✴غير وقفت ضربت ليه ايدو باش يطلق شعري و هربت..كرشي بدات كضرني..غاديا كنجري..خرجت من باركينج السيارات..شفت الناس بزاف باقين مجموعين على الحادثة..يله بغيت نغوت باش يعتقوني و انا نحس ب شي واحد جرني و عنقني..
ريان : اووف و اخيرا إكرام قتلتيني بالخلعة..فين مشيتي ?? كان كيسحاب ليا نتي لي درتي الحادثة كنت غانحماق..ياك قلت ليك متخرجيش من السيارة..
انا : ر..ريان..ف..فارس..تابعني..ه..هو بغا يخطفني..
✴ريان ضار كيشوف فالباركينج مبان ليه والو..حتا انا كنقلب على فارس مشفتوش..كين بنادم بزاف هنا..
ريان : اكرام اش كتقولي..واش متاكدة من هاد الشي ???
انا : كنحلف ليك ريان..هو كان باغي يخطفني..كان عندو كلينكس فيه مخدر..لداخل ف الباركينج..
✴ريان شدني من ايدي و دخلنا للباركينج..مكين حتا واحد غير السيارات..
انا : ر..ريان كنحلف ليك..انا مكنكدبش والله كان فارس هنا..م..معرفتش فين مشا ولكن هو راه كان..عافاك تيق بيا انا مكنتخيلش والله..
✴ريان عنقني بالجهد و باسني فراسي..
ريان : تيقتك حبيبة..متخافيش انا غدي نلقاه داك الحمار..اجي معايا..
✴مشينا دخلنا للسيارة..ريان شاد ليا ايدي و فنفس الوقت هاز الهاتف ديالو بالايد الاخرى..
ريان : الو...بغيتك تشوف الكاميرات ديال الباركينج لي حدا الكوميساريا كلهم..فارس كان بغا يخطف مراتي تما..انا مغديش نخليه يوصل لداك الشي لي بغا..ليوم بغيت نسمعو فالحبس..
✴ريان قطع و شاف فيا..هز ايدي باسها..
ريان : اي واحد قرب ليك انا غدي نمحيه من الوجود 😠
انا : يالاه نمشيو لدار عافاك..حاسا براسي عيانة..
✴ريان ديمارا و مشا..الطريق كلها و انا كنفكر..داك الشي لي تفكرت خلعني..انا شفت السيارة جايا و كنت كنتسنا فيها..علاش مهربتش..علاش مخفتش..بقيت واقفة..كنعقل تقصحت بزاف..كنفكر و كنشوف من النافدة..شوية سمعت ريان هضر معايا..
انا : مسمعتكش..قلتي شي حاجة..
ريان : قلت ليك مالك ساكتة..فاش كتفكري..
انا : و..والو..
ريان : متاكدة ? ياكما داك الحمار دارليك شي حاجة قلقاتك ?
انا: ل..لا..غير..تفكرت شي حاجة..
ريان : شنو تفكرتي ?
انا : حتال الدار و نقول ليك..كنحس براسي عيانة..
ريان : اوكي..مقلتيش ليا كيفاش وقع هاد الشي كلو ?
انا : حتا انا معرفتش..خرجت نشوف الحادثة..خفت بزاف يكون شي واحد مضروب..ولكن معرفتش اش وقع ليا..تفكرت شي حاجة..وفنفس الوقت حسيت ب شي واحد سد ليا فمي و جرني..مني حليت عيني لقيت شي واحد هازني وغادي بيا ف الباركينج..من بعد عرفت بلي هو فارس..قدرت نهرب ليه..تبعني..حتا تلاقيت بيك...
✴ريان غوبش..ضرب السيارة ب ايدو..
ريان : كنحلف ليك حتا غدي ندمو على هاد الشي..
✴وصلنا لدار..دخلنا..طلعت نيشان للبيت..ريان بقا كيهضر مع كوثر على العشاء..جبدت بجامتي حطيتها فوق الناموسية و دخلت الدوش...بقيت شحال كنفكر..بغيت نعرف شنو وقع ليا قبل الحادثة..لمهم دوشت و غسلت شعري..لبست فوطا..و خرجت..بقيت كنشوف وجهي فالمرآة..درت شوية مكياج خفييف..مبقيتش باغا ريان يشوفني خيبة..عكر خفيف بزاف و قاديت شوية عيني..بديت كنمشط ف شعري حتا دخل ريان..ضرت كنشوف فيه مصدومة..حتا هو كيشوف فيا مصدوم..
انا : ريان خرج واش حماقيتي ?? بقا دق قبلما تدخل اووف..
✴ريان جا عندي..
انا : فين جاي سير خرج ريان
ريان : علاش بغيتيني نخرج..
انا : ريان متعصبنيش..
ريان : إكرام..واش بصح كاتبغيني ولا غير ضحكتي مني قلتيها..
✴حناكي سخنو..بقيت كنشوف فيه..هو زاد قرب ليا..
ريان : انا مكنتش كنضحك مني قلت كنبغيك...كنحلف ليك إكرام حتا كنبغيك...
✴قلبي كيضرب..معرفتش مالي..شدني من خصري بالجهد حتا قفزت من بلاصتي..
ريان : جاوبيني..
انا : ق..قلت ليك..كنبغيك..م..مكنتش كنضحك ريان..
✴ريان زاد قرب ليا بزاف..وجهو قريب لوجهي..
ريان : علاش باقا كتبعدي عليا ?..علاش دايرا خط بيناتنا..واش معارفاش شحال كنتعدب ??
✴حدرت راسي مقدرتش نجاوبو..ريان بعد عليا بقا كيشوف فيا شوية..من بعد مشا..بغيت نحبسو جريتو من التيشرت ديالو حتا تقطع..تصدمت..ريان شاف فيا من بعد شاف التيشرت ديالو..انا درت ايدي على فمي..
انا : 😱 س..سمح ليا..م..مدرتهاش بلعاني..
✴ريان رجع قرب ليا..انا لصقت مع الحيط..
ريان : بقا فيك هاد التيشرت لي تقطع ?...إكرام قلبي راه كيتقطع كل نهار كثر من هكا مني كنشوفك مبعدا عليا و كتعاملي معايا بحال شي صديق عادي..شحال هادي كنت صابر حيت نتي فاقدة الداكرة..و كنت كنسحابك مكتبغينيش كنت محتارم قرارك..دابا الامور تبدلت..نتي قلتي كتبغيني...عطيتيني امل صغيور و رجعتي خديتيه..
انا : و..ولكن م..معرفتش اشنو بغيتيني ندير ?
✴ريان قرب ليا بزاف..جسمو لصق مع جسمي ووجهو قريب لوجهي..
ريان : بغيت نعيشو عادي بحال اي راجل و مراتو..إكرام انا كنبغيك منين كتفهمي..ميمكنش نشوفك و منقدرش نقيسك...حسي بيا..
✴شفت فيه..عيني نيشان جات فعينيه..الشوفة ديالو كتخربقني معرفتش اش كيوقع ليا..فلحضة لقيت راسي كنشوف ففمو..
انا : ح..حتا انا كنبغيك ريان..
✴قربت ليه بالزربة و بستو..حسيت بيه تصدم ولكن شد ليا شعري و تعمق فالبوسة..شوية حبس و شاف فيا..كنسمعو كيتنفس بالزربة..بعد عليا شوية و حيد التيشرت لاحو..رجع عندي لصقني مع الحيط تاني..عريان من صدرو...حط ايدو على وجهي..كنحس بيه كيحرك صباعو فحنكي..حركات حنان بزاف..شوية هبط لعنقي..حسيت بيه كيتنفس بالجهد..هزيت عيني شفت فيه..هو كيشوف ليا فجسمي..ريان بقا مهبط صباعو بحركة حنينة حتال صدري..وخا لابسة فوطة صدري كيبان منو النص تقريبا..كنحس احساس غريب..غير إدو كتقيس الجسم ديالي كنحس هاد الاحساس..كنشوف جسمو..كيبان مفورمي بزاف..حطيت ايدي على صدرو عريان..رطب..و سخون..شاعلة فيه العافية..قلبو كيضرب بالجهد..زعما لهاد الدرجة انا كنأثر فيه..هزيت عيني لقيت ريان كيشوف فيا..
ريان : لحد الآن...انا باقي حابس راسي عليك إكرام..
انا : ا..اشنو بغيتي دير ?
✴ريان قرب ليا..صدرو لصق مع صدري..جسمو سخون كنحس بيه...هضر ليا فودني..
ريان : شحال من حاجة...
✴جسمي بدا كيترعد..ماشي بسباب هضرتو..ولكن بسباب النفس ديالو ف عنقي..معرفتش اش كيوقع ليا..غير النفس ديالو فعنقي دارت ليا التبوريشة..متسوقتش ليه اشنو قال..حسيت بيه شدني من خصري و باسني فعنقي..قلبي غدي يخرج من بلاصتو..بقا كيبوس ليا فعنقي..فالاول كانو بوسات حنان ولكن من بعد بدا كيتجهد...كيتعمق فالبوسات..كان شادني من خصري بالشوية ولكن دابا شدني بالجهد...جسمي كلو كيترعد..انا متاكدة بغا يمشي بعيد..حيت هبط كيبوس حتا فصدري..شديت الفوطة خفتو يحيدها..ريان هز راسو شاف فيا..
ريان : علاش شديتي الفوطة ?
✴كيشوف فيا مغوبش..اوكي خلعني..لاحضت بلي ريان فهاد الامور كيولي شوية قبيح..فالاول كيكون حنين ولكن من بعد كيولي قبيح كنولي نحس بيه شحال هو صحيح..كنحس بالرجولة ديالو..هاد الشي عجبني فيه صراحة..بقيت كنشوف فيه ساكتة..حسيت بيه شد ليا الفوطة بالجهد من جيهت صدري و جرني عندو..
ريان : إكرام هاد الجسم لي عندك...ديالي..ديالي انا وحدي..مبقيتش قادر نصبر كتر من هكا..غدي تقتليني اكرام والله حمقتيني..عطيني فرصة..ياك قلتي كتبغيني..بلا ما تحاولي تخبي عليا جسمك..انا عاقل على كل منحنيات جسمك..وخا كنت دايخ و ماشي فالوعي ديالي هديك الليلة..انا عقلت علك..عاقل على كل حركاتك و تصرفاتك..عاقل على كلشي..جسمك حفضتو...بلا ما تحتاجي تخبيه عليا إكرام..انا من ديك الليلة و جسمك ما بغاش يخرج من عقلي..معرفتش اش درتي ليا..كل نهار كيدوز عليا بحالا داز عليا عام و مقستكش...بغيت نرجع نقيس جسمك مرة آخرة..
✴هو كيهضر و انا كنشوف فيه..عنقتو..بستو بوسة خفيفة..قربت ليه لودنو وهضرت..
انا : نحيد الفوطة انا و لا تحيدها نتا ?
✴ريان ضحك..جر الفوطة حيدها..سمعتها بحالا تقطعت..كيصدمني بالصحة لي عندو..شدني من خصري فرحان و كيشوف فيا..انا لابسة غير ملابس داخلية..قلبي غدي يخرج من بلاصتو..ريان كيشوف ليا فجسمي...
انا : غ..غدي نبقاو واقفين ?
✴ريان كيشوف فيا ضاحك..فرحان..هزني بالزربة على غفلة..بحالا هز ريشة..داني لناموسية و حطني..بقا كيشوف فيا..شوية بدا كيشوف فكرشي..حط ايدو على كرشي و هز راسو شاف فيا..
ريان : متشوق نشوف هاد الكريشة كبرات..غنحماق اكرام..حاس براسي كنحلم..
انا : مكتحلمش ريان..إنشاء الله غدي يولي عندنا وليد و لا بنيتة..
✴ريان قرب ليا بزاف..فمو قريب من فمي..
ريان : باش غدي نعرف بلي انا مكنحلمش ?
✴قربت ليه بستو بالشوية..ولكن ريان بدا كيبوسني بالجهد..حسيت بايديه كيكتاشفو الجسم ديالي..فلحضة معرفتش اش وقع ليا..حسيت بقلبي تقبط عليا..دفعت ريان بالزربة شفت فيه..لقيتو فارس..تصدمت..جسمي كلو كيترعد..فارس كيشوف فيا ضاحك..
انا : ا..اش بغيتي..ب..بعد مني..
فارس : نتي عارفة اش بغيت حبيبة..
✴بديت كنبكي..غمضت عيني ب ايديا..
انا : عافاك بعد مني عافاك فارس انا اشنو درت ليك 😭
✴حسيت بيه شدني من كتافي و بدا كيحرك فيا بالجهد..
ريان : إكرام...إكرااام حلي عينيك..إكرام قولي ليا مالك عافاك...اش دار ليك فارس ???
✴حليت عيني شفت ريان كيشوف فيا..مغوبش و عينيه حمرين..معصب بزاف لدرجة كنحس بالقبضة ديال ايديه كتقصحني..
ريان : جاوبيني إكرام..
انا : ا..اشنو وقع..م..مفهمت والو..
✴ريان ناض وقف..ساكت..داير ايديه على وجهو..من بعد جا عندي مكالمي..جلس حدايا شد ليا ايدي..
ريان : والو..صافي نساي..معرفتش اشنو وقع ليك ولكن كنتي كتهضري معايا على اساس انا فارس..تعصبت بزاف..الطريقة لي كنتي كتشوفي فيا بيها عصبتني بزاف..
انا : اشمن طريقة شفتك بيها..علاش عصبتك ?
ريان : خايفة..نتي كنتي خايفة اكرام..محملتش نشوفك هكاك..حسيت ب احساس غريب..كنتي خايفة مني..ولكن قلتي فارس..معرفتش اش دار ليك..قلتي ليا فارس..يعني كنتي خايفة منو هو ماشي انا..
انا : انا شفتو...شفت فارس فبلاصتك..كان كيشوف فيا ضاحك..كنضن باقي مأثر فيا داك الشي لي وقع قبيلة..
ريان : علاش بالضبط شفتيه فبلاصتي..واش غير تخيلتي ولا تفكرتي...اووف والله إكرام غدي نموت إلا معرفتش اش وقع بينك و بينو..
انا : ريان متعمرش راسك بهاد الشي..إنشاء الله غدي نتفكر كلشي بالشوية بالشوية..
✴ريان قرب ليا بالشوية..حط ايدو على وجهي و باسني بوسة حنيييينة..دفعني بالشوييية فوق الناموسية..كيكتاشف جسمي بايدو..هاد المرة حركاتو حناان..حطيت ايدي على صدرو..ريان هبط كيبوس ليا ف عنقي..شوية صدري..شوية هبط لخصري..العافيا شعلت ليا فجسمي..فلحضة سمعنا الدقان فالباب..
كوثر : مدام إكرام..سيدي ريان..العشا واجد..
✴ريان حبس شاف فيا..
ريان : اوكي كوثر حنا جايين..
✴ريان ناض وقف..انا نضت جلست كنشوف فيه..
ريان : خاصك ضروري تاكلي إكرام راك حاملة..قلت لكوثر توجد لينا العشا مبغيتكش تنعسي بلا ما تاكلي شي حاجة..
انا : اوكي..اصلا فيا جوع..
✴ريان عطاني بيجامتي و قرب ليا..كيشوف ليا نيشان فعينيا..قلبي غدي يسكت..علا شوفة عندو كتخربقني..
ريان : باقين ماساليناش انا وياك..دابا لبسي بيجامتك..نهبطو نتعشاو...ولكن من بعد غدي نكملو فين وقفنا..
انا : و إلا مبغيتش 😌
✴ريان قرب ليا لودني..هضر بالشوية..
ريان : بزز منك حبيبة..
✴نفس ديالو فعنقي خلات جسمي كلو كيترعد..ريان شاف فيا..غمزني..تكا على الحيط و بقا حاضيني..كيتسنا فيا نلبس..انا بالزربة لبست بيجامتي..و خرجنا من البيت..لمهم تعشينا..كليت بزاف كرشي تنفخات غير بالماكلة..حسيت براسي عييت محملتش نطلع فالدروج..لصقت فريان..
انا : عافاك ريان..مقادراش نطلع فالدروج كنحس بجسمي تقييل كليت بزاف..
✴ريان قرب ليا و هزني..حطيت راسي على صدرو..كنسمعو كيهضر ولكن عقلي ماشي معاه..فيا النعاس بزاف..معقلتش على راسي حتا نعست...فالصباح فقت كنحس بشي واحد معنقني..عرفتو غير ريان..ريحتو كتعجبني..
ريان : و اخيرا فقتي..صباح الخير..
✴ضرت بالزربة شفت فيه..لقيتو فاايق و حاضيني..
انا : صباح الخير ريان..
ريان : نعستي مزيان..
انا : معقلتش ايمتا نعست..
ريان : كنت هازك..حطيتك فالناموسية لقيتك ناعسة..
انا : كل مرة كناكل كيجيني النعاس..
✴ريان حط ايدو على كرشي..
ريان : ولدي نعس مزيان?..مقلقكش?
انا : لا..ولدي ضريف..
✴ريان ضحك..حط ايدو على حنكي..قرب ليا و باسني ففمي بوسة حنينة..
ريان : نوضي وجدي راسك..خاصنا نمشيو..
انا : فين?
ريان : من بعد و تعرفي...
✴نضت جلست..ريان ناض حتا هو هز شي حويج و بدا كيلبس..انا بالزربة دخلت دوش باش ندوش مبغيتش نشوف ريان كيلبس..الدوش سخوون باينة ريان حتا هو كان كيدوش..لمهم دوشت و خرجت لابسة فوطة..لقيت ريان لابس مزيان كيبان زوين بزاف بقيت حالا فمي..ريان قرب ليا شدني من خصري ب ايدو..باسني فحنكي..شاف فيا من الفوق لتحت..
ريان : عندك الزهر خاصنا نمشيو..
✴حناكي ولاو حمرين..حشمت..ريان قرب ليا بالشوية..باسني ففمي..حسيت بيه كيتنفس فشكل..حبس و شاف فيا..
ريان : غدي تقتليني نتي والله...
انا : ا..اشنو درت? انا ما درت ليك والو..
ريان : مسخيتش نبعد عليك...لمهم..لبسي و هبطي انا كنتسناك لتحت..
✴ريان غمزني و خرج..خلاني مخربقة..
لبست مزيان حتا انا و تقاديت..نشفت شعري..صاوبتو شوية..خليتو مطلوق..درت ماكياج..ركزت على العينين..درت عكر خفيف..هزيت صاكي و خرجت..هبطت لتحت كنشوف ريان جالس شاد التيليفون فالصالون و الفطور محطوط..مشيت عندو....ريان هز راسو شاف فيا...ضحك ضحيكة صغيورة..
ريان : اش بان ليك نرجعو نعسو..مابقيتش باغي نخرج..خلينا نستاراحو ليوم..حتال غدا و نمشيو..
انا : مفهمتش فين غدي نمشيو..
ريان : نسافرو..ولكن ما تسولينيش فين..حتال من بعد و غدي تعرفي..
انا : اوكي و لكن علاش نأجلوها حتال غدا ??
✴ريان شاف فيا من لفوق لتحت..كيعض ففمو بطريقة مثيرة..صدمني..مامولفاش نشوف هاد الجانب من ريان..هزيت صاكي و ضربتو..ريان كيشوف فيا مصدوم..جلست و بديت كنفطر بحالا حتا شي حاجة ما وقعت..
ريان : علاش ضربتيني إكرام انا اش درت ?
انا : ايمتا ضربتك ?
ريان : كضحكي عليا ياك ?
انا : لا..
ريان : اوكي ا سليعفانا..كتجبديني..غير بلاتي عليك..
انا : غدي تضربني و انا حاملة ?
ريان : انا مقلتش غدي نضربك..
انا : سمعتك قلتيها فخاطرك..
ريان : واش هادو الهرمونات ولا كاديريها بلعاني?
انا : نتا لي شفتي فيا بطريقة منحرفة..
ريان : صراحة لي شافك بحال هكا مستحيل يحيد عينيه عليك ما شفتيش راسك شحال كتباني زوينة ?
انا : كاتزيد فيه..كنبان عادية..
✴ريان شاف فيا من الفوق لتحت..
انا : ريااان 😤
ريان : اشنو ? مخاصكش تخرجي هكا..انا لي راجلك و مقدرتش نحيد عيني عليك..جيتي زوينة بزاف..غدي نعيط لدليلة نقول ليها تاجل الرحلة حتال غدا..بغيت ندوز معاك هاد النهار..
✴ريان بدا كيفطر...انا كنشوف فيه..
انا : لا..مغديش نأجلوها حتال غدا..من الصباح و انا كنقاد فحالتي..و بغيتيني نجلس فالدار ?? مستحيل..
ريان : اوكي حبيبة لي بغيتي..كولي بعدا..ولدي بغا يفطر..😉
✴ريان بدا كيوكلني..كيعجبني كيفاش كيتهلا فيا و فولدو..لمهم فطرنا..كوثر جات كتجمع فالطبلة..لاحضت بلي هبة غابرة..مشيت الكوزينة ملقيتهاش..سولت كوثر قالت لي بلي هبة باقا ناعسة..
انا : ولكن..واش مكتعاونكش ? خاصكم التعاونو بجوج على الشقا..
كوثر : ك..كتعاوني..غير ليوم صبحت عيانة شوية..قلت نخليها ناعسة..
انا : اوكي..لمهم اي حاجة معجباتكش..فتصرفاتها معاك ولا مبغاتش تعاونك قوليها ليا و لا ريان..
كوثر : اوكي مدام..ولكن متخافيش هبة كتخدم مزيان و كتعاوني ديما..
انا : اوكي مزيان..
✴رجعت عند ريان لقيتو كيهضر فالهاتف..شاف فيا غمزني و خرجنا ركبنا فالسيارة..
انا : اووف ريان..حبس المكالمة..مبغيتكش تسوق و نتا كتهضر..
✴ريان قطع و شاف فيا..
انا : اوكي دابا مزيان..معامن كنتي كتهضر ?
ريان : الضابط..
✴ريان بدا كيسوق و انا حاضياه تفكرت لبارح..
انا : اشنو بغاك لبارح ?
ريان : نسرين عتارفت بلي هي حاولت تقتلك ولكن قالت بلي يسرى عاونتها فكلشي..
✴تصدمت..نسيت بلي نسرين شادينها البوليس..هاد الحمارة بغات تورط يسرى..
ريان : الضابط كان خاصو ضروري يعتاقل يسرى باش يحقق معاها..انا قلت ليه لا..المهم هضرت معاه و اكدت ليه بلي هي كتكدب بلعاني باش تورط يسرى...ولكن ضروري من التحقيق..
انا : و..ويسرى فخبارها ?
ريان : اه ديجا هضرو معاها البوليس..قالت ليا كتحاول تعيط ليك ولكن الهاتف ديالك طافي..
انا : اه..الهاتف ديالي طاح ليا لبارح..معقلتش فين..
ريان : معليش..غير نوصلو نشريو واحد آخر..
انا : اوكي..
ريان : لقاو الڤيديو ديال الباركينج..الضابط قال بلي عندو دليل قوي ضد فارس..حيت وجهو كان واضح فالڤيديو مني بغا يخطفك..
انا : ب..بصح..يعني..صافي غدي يشدوه ?
ريان : اه إنشاء الله ليوم غدي يشدوه..و اخيرا غدي نتهناو منو..
انا : اووف الحمد لله..
ريان : إكرام..
انا : شنو ?
ريان : مبقيتيش قلتي ليا شنو تفكرتي..
انا : انا براسي مفهمتش اش وقع...مني شفت الحادثة قدامي..تفكرت الحادثة ديالي..خفت بزاف..
✴ريان شد ليا ايدي..هزها عندو و باسها..
ريان : واعديني إكرام..إلا تفكرتي الماضي ديالك..وخا يكون لي كان..واعديني باش تنسايه..و تبداي صفحة جديدة..نبداو حيات جديدة انا وياك وولدنا..
انا : كنواعدك..
ريان : مكيهمش الماضي إكرام..واعديني تقولي ليا اي حاجة..كلشي متخبي عليا والو من داك الشي لي تفكرتي..
انا : اوكي كنواعدك..ولكن ريان..انا باقا كنتسناك تقول ليا اشنو قال ليك بابا و عيسى..
ريان : غير نوصلو و نرتاحو غدي نقول ليك كلشي..
انا : اوكي..
✴الطريق كلها كنهضرو انا وياه و كنضحكو..مكيجينيش الملل مع ريان..بالعكس انا وياه مفاهمين بزاف و هاد الشي لي عاجبني فعلاقتنا..وخا مأخرا ولا شوية منحرف..ولكن عادي انا وياه مزوجين فالحلال الحمد لله..باقا كنحشم منو ولكن كنحاول نزعم عليه راه راجلي..مبغيتش يكونو بيناتنا مشاكل..لمهم...وصلنا للمطار..
انا : عافاك قول ليا فين غادين ?
ريان : دبي 😉
انا : 😱 بصح ? كنت كنتمنى نمشي ليها
ريان : غدي نمشيو ليها حبيبة...
✴هبطنا من السيارة..لقينا فهد واقف هو و ادهم كيتسناونا..سلمو علينا..من بعد ادهم ركب فسيارتو و فهد ركب فسيارة ريان و مشاو..
انا : ادهم كيبان فرحان..
ريان : اه قرر باش يجي يخطب يسرى فالوقت لي غدي تكون فيه خطبة خوك مع سهام..باش نجيو نحضرو ليهم بجوج..
انا : إنشاء الله..
ريان : باقي مامتيقش ختي غدي تزوج بصاحبي..
✴بقيت كنضحك..لمهم ركبنا فالطيارة...الوقت كلو انا و ريان غير كنهضرو..على حياتنا و على المستقبل ديالنا و ديال ولدنا..وصلنا لدبي..لقينا سيارة واااعرة كتسنا فينا..
انا : ريان ? من ايمتا عندك شيفور كيسوق ليك السيارة ?
✴ريان ضحك..
ريان : هادي سيارة صاحبي..هو لي عندو شيفور ماشي انا..
انا : اااه دبا فهمت..
✴ركبنا فالسيارة مع السائق..وصلنا للفندق..هبطنا انا و ريان..الفندق كبيييير و زوين ديكور فيه واعر بقيت غير حالا فمي..فيه غير الناس الراقيين..
انا : و..ولكن قلتي غدي نمشيو لدار ماشي فندق ريان كتعقل?..مهزيتش حويجي حيت قلتي بلي كلشي كين فالدار لي غدي نمشيو ليها..
ريان : غدي نمشيو لدار..ولكن ماشي دابا..حاليا غدي نجلسو انا وياك فهاد الفندق نرتاحو ندورو نكتاشفو المدينة و نساو شوية المشاكل...
✴ريان قرب ليا لودني..هضر بالشوية..
ريان : اصلا كان خاصنا نمشيو شهر العسل حبيبة نسيتي..ضيعناه شحال هادي ففرنسا ولكن دابا غدي نعوضوه..
✴عرفتو اشنو بغا يقصد..شفت فيه ضاحكة..خليتو تسناني بزاف...دابا صافي قررت..غدي نعيش حياتي انا و ريان..قريب نولي ام..قريب نولي مسؤولة على عائلة صغيرة..غدي نسا كلشي و نبدا حياة جديدة..
ريان : ليوم غدي نستراحو..غدا عارض علينا صاحبي..
انا : اوكي..
✴طلعنا للغرفة..صراحة تصدمت..الغرقة كبيرة بزاف و فيها كلشي راقي و زوين..عجبتني..
ريان : رتاحي هنا..كلشي كين حتا الحويج كينين إلا بغيتي تبدلي..انا شوية و غدي نجي..
انا : اوكي..
✴ريان خرج..انا مشيت نيشان كنبدل ف حويجي..لقيت حويج زوينين كلهم جداد..كينين بيجامات كينين ملابس رياضية و كينين حتا ملابس انيقة..كلهم عجبوني..و كلهم ف طاي ديالي..لبست حويج خفاف باش نرتاح فيهم فالغرفة..شفت ثلاجة صغيرة حدا المكتب..بالزربة مشيت ليها لقيت فيها عصير و الماء و انواع من الشراب...اوكي علاش كين الشراب هنا..هزيت عصير و مشيت جلست كنتفرج فالتلفاز..شوية دخل ريان...اوف و اخيرا..مكنحملش نبقا وحدي..
ريان : مرتاحة حبيبة ?
انا : اه الحمد لله..
✴ريان جا عندي باسني فراسي..من بعد مشا هز حويجو حطهم قوق الناموسية و دخل الدوش..
ريان : إكراااااااام...
انا : اشنو ??
ريان : كنحماق عليييك...
✴حشمت..اويلي واش هادا تسطى..كيعيط ليا من الدوش باش يقول كنحماق عليك..
ريان : إكرااااام....
انا : اووف شنو بغيتي ريان..
ريان : والو..غير نسمع صوتك..
انا : هانتا سمعتيه..سكت خليني نتفرج..
✴سمعت ريان كيضحك..باينة فيه فرحان..لمهم داز الوقت..ريان خرج..لابس غير فوطة لتحت..عندو فورما واعرة بقيت غير حاضياه كنشوف فيه..ساهية..
ريان : متبقايش تشوفي فيا بحال هكاك إكرام...غدي تندمي..
انا : ا..انا مكنشوفش فيك..
✴ريان ضحك...هز حويجو بغا يبدا يلبس..انا غطيت وجهي..مبغيتش نشوفو..
ريان : من نيتك...باقا كتحشمي مني ?
انا : لبس باراكا من الهضرة..
ريان : انا كنلبس حبيبة..
انا : غدي تقول ليا كلشي كيفما واعدتيني ياك ?
ريان : اوكي...إلا كنتي مستعدة..غدي نقول ليك كلشي...