(وجهة نضر لمياء)..
انا : اش وقع من بعد ?
هو : كنت معصب من نسرين بزاف..ضربتها..و كنت باغي نخرجها من الڤيلا باش نتفاهم معاها ولكن بابا تدخل..خليتهم وخرجت..ولكن كنضن يسرى فهمات بلي نسرين السباب..
انا : و..و..إكرام موقع ليها والو ?
هو : غير حرق خفيف..
انا : كل هاد الشي داز عليها مسكينة..
نعمان : انا السباب فعدابها..خوتي..ماما..كلهم بغاو يآديو إكرام..
انا : ماشي نتا السباب..كل هاد الوقت و نتا كتعاونها و كتعتقها كل مرة..
هو : علاش كتقولي هكا..زعما انا خاطفك..مخاصكش تعاطفي معايا..
انا : مكنتعاطفش معاك كنقول الحقيقة..نتا ماشي إنسان قبيح..نتا باغي تولي قبيح..ولكن كين واحد نعمان ف لداخل ديالك قلبو بيض و ضريف..حاول تخرجو..مكتجيش معاك القباحة..
هو : كتقولي ليا هاد الشي باش نرجعك لدارك 😑
انا : لا كنقول هاد الشي باش نعاونك...احم..اه و باش ترجعني الدار..إلا بغيتي زعما🙂
✴نعمان ضحك و جرني من شعري..
هو : غير بقاي تحلمي..البقرة..
انا : ماماك هي البقرة..
✴بالزربة درت ايدي على فمي..مقصدتش نعاير ليه ماماه..انا ديما لساني سابقني..قلبي غدي يخرج من بلاصتو خفت بزاف لا يضربني..نعمان شاف فيا مغوبش..بقا شحال كيشوف فيا..من بعد ضار عند التلفاز و بقا كيتفرج..مقال حتا كلمة..اووف كنت خايفة بزاف لا يضربني..صراحة ما حملتش ماماه..على حسب ما فهمت من هضرتو..هاديك ماماه و ختو و حتا خوه فارس..ماشي ناس مزيانين..شفتو بقا ساكت..بقيت كنفكر ف شي حاجة نقولها نبدا بيها الهضرة..بغيتو يهضر معايا عادي..
انا : ب..بغيتي تعرف كيفاش كنشوفك ؟
✴اوكي لمياء الحمارة ملقيتي ما تقولي بان ليك غير هاد السؤال التافه 🙂 اكيد مغديش يجاوبني..بقيت كنشوف فيه معرفت منقول..هو بقا شحاال ساكت..شوية ضار عندي شاف فيا..اوووف عينييه..معرفتش علاش قلبي بدا كيضرب..علاش من بين كل الرجال خطفني واحد زوين بحال هادا 😭 غدي نولي نبغيه انا عارفة راسي..قلبي هشيش و انا كنعرفو..إلا وليت كنبغيه صافي مشيت فيها هو مامسوقش ليا..
هو : علاش كتشوفي فيا بهاد الطريقة..
انا : ش..شكون..انا ؟..ل..لا..كنشوف الحيط لي وراك😳..كنضن خاصك تبدل الديكور..معجبنيش..
✴نعمان بدا كيضحك..كيموت بالضحك..هادا مالو..انا مقلت والو..اصلا هداك الحيط معجبنيش..
هو : قولي ليا لمياء..كيفاش كتشوفيني انا ؟ بغيت نعرف..
انا : كنشوفك قبيح و مجرم خطير و كل المواصفات الخيبة فيك..
✴نعمان شاف فيا مصدوم..اصلا قلت الصراحة..
انا : ولكن...
هو : ولكن اشنو ؟
انا : انا متاكدة مع الوقت..غدي نشوف نعمان الحقيقي..لي قلبو بيض و ضريف..هو غير باقي لداخل..خاصك تحاول تخرجو..و تبدل تصرفاتك..
(وجهة نضر نعمان)..
✴بقيت كنشوف فيها..معرفتش واش هي بصح كتشوفني هكا او كتقول هاد الشي بلعاني باش تخليني نرجعها لدارها..زعما بصح يكون فيا جانب مزيان..ولكن انا آديت بزاف الناس فحياتي..
هي : بلاما تبقا تفكر بزاف..جرب تنسى الماضي..و حاول تبدا حيات جديدة و فكر غير فالمستقبل..اعتدر من اي واحد جرحتيه..
انا : ماشي ساهل هاد الشي لمياء..
✴بقات كتشوف فيا..كنضن عندها شي سؤال فبالها مبغاتش تقولو..
انا : معليش تقدرري تسوليني لي بغيتي..
هي : هاديك البنت..لي كانت حاملة بولدك..و..واش كنتي كتبغيها ؟
انا : لا..دوزت معاها علاقة بحالها بحال كل البنات..هي كانت كتبغيني بزاف..ولكن انا كنت مغرور..
هي : مكنتيش باغي الولد ؟
انا : معرفتش..هي كانت بنت ضريفة ولكن مكنتش كنبغيها..
لمياء : تخيل معايا كون رجعتي الوقت..مني كانت هاد البنت باقا حيا..اش كنتي غدي دير ؟
✴صدمتني بسؤالها مكنتش متوقعو..
انا : كنت غدي نقاد الامور معاها و نعتارف بولدي..
هي : شفتي اش قلت ليك..نتا دابا نادم يعني فيك جانب مزيان..مع المدة انا متاكدة غدي تولي شخص آخر..شخص مزيان..
✴بقيت كنشوف فيها..باقي مفهمتش علاش كاتحن فيا و انا خاطفها..شفتها ناضت..صراحة صدماتني بالفورمة لي عندها..كنت كنسحابها ضعف من هكا..البيجامة كتبان لاصقة عليها من شي مناطق..كنضن هي كتلبس طاي كبر من هكا..ولكن معليش..عجباتني هكا..😏 متشوق نشوفها لابسة شي كسوة..باغي نكتاشف الطاي ديالها..بقيت ساهي فالفورمة ديالها و ملاحضتش بلي هي واقفة و شادة راسها..اصلا من قبيلا و هي كتبان ليا عيانة..
انا : كضرك شي حاجة ؟
هي : راسي..كيضرني بزاف..
✴كنضن بلي هاد الشي بسباب المخدر..درت ليها مخدر قاصح بزاف..
انا : سيري رتاحي فالبيت انا غدي نجيب ليك واحد الدوا تشربيه..
✴لمياء مشات طلعت للبيت..انا مشيت هزيت الدوا و تبعتها لبيت..دخلت كنشوفها متكية..كتبان زوينة..عطيتها الدوا مع كاس ديال الما شرباتو..
انا : دابا نعسي رتاحي..
✴هي بقات كتشووف فيا..
انا : علاش كتشوفي فيا ؟
هي : كنتخيل هاد الدوا يكون فيه شي حاجة..متلا مخدر..او..يكون سم..
انا : و شربتيه بلاما تسوليني ديالاش الدوا..الواحد إلا بغا يقتلك القدية عندو ساهلة..
هي : مغديش تفكر تقتلني حيت مغديش تبغي تبقا وحدك..و مكنضنش دير ليا مخدر حيت انا دابا وليت متأكدة بلي فيك واحد الجانب مزيان..نتا مخليتيش فارس يغتاصب إكرام..
انا : ولكن راه حاولت انا نغتاصبها مؤخرا إلا نسيتي..
هي : حاولتي..ولكن ما درتيهاش 😉..انا متاكدة مغديش تقدر تقيسني حتا انا..حيت نتا ماشي بحال فارس..
✴بقيت كنشوف فيها مصدوم..كنضن بلي هي كتحاول ترجعني إنسان مزيان..
أنت تقرأ
اكرام : زواج غير حياتي ♥
Romance( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
