(وجهة نضر نسرين)...
✴جالسة فالدار..جاني الملل بغيت نخرج..
انا : ماما غدي نخرج..مليت الدار..
ماما : لا نتي مستحيل تبقاي تخرجي شي نهار غدي تخرجي عليا انا..
انا : ولكن انا كنت كندير داك الشي لي كنتي كتقولي..
ماما : انا قلت قتلي إكرام بطريقة ذكية..ميعرفوش راك نتي..ولكن نتي مكلخة معندي ما ندير ليك..جبتيها فراسك..و دابا جلسي فبلاصتك معندك فين تمشي..
انا : ولكن عييت من الدار..متخافيش مغديش ندير شي كارثة هاد المرة..
ماما : فين عمرك خرجتي و مدرتيش الكوارث..نتي براسك كارثة..لا قلت ممنوع الخروج يعني ممنوع الخروج..صافي انا ما قادرة على مشاكل..بزز باش خرجتك من الحبس..
انا : ماما صافي انا نسيت إكرام ماسوقيش فيها خليها دير لي بغات اووف بغيت نعيش حياتي انا..
ماما : انا عارفاك غدي تمشي لشي بلاصة لي متعجبش خوتك..و غدي تاكلي شي قتلة ديال العصا من عندهم..
انا : كنواعدك مغدي نمشي لحتا بلاصة و مغدي نتلاقا مع حتا شي دري..غدي نعيط غير لصاحبتي و نخرج معاها..اوف خرجت من الحبس لقيت حبس آخر فالدار..
ماما : اوكي..ولكن والله و نسمع شي حاجة عليك..الباب متبقايش تفوتيه..
✴فرحت نضت بالزربة مشيت لبيتي وجدت راسي لبست بحال ديما شحال ما حسيت براسي زوينة😏..هزيت صاكي و خرجت من البيت..هبطت الصالون ملقيتش ماما..طلعت عندها البيت..دخلت لقيتها بحال ديما كتوجد فالقريعات ديالها..ماما كيعجبها تختارع ادوية و داك الشي ديال العشوب..و كتموت على السحر و الشعودة..عندها بزاف القريعات معرفتش اش فيهم..صراحة انا مكنتيقش فهاد الشي..كنشوف ماما غير كتخربق..لمهم قلت ليها انا خارجة..
هي : جي بكري..والله و تبقاي حتا يطيح الضلام بلا ما تفكري ترجعي للدار. .انا عييت من هاد البسالة ديالك..البنات كلهم لي كنعرف تزوجو ولقاو رجال بفلوسهم ولاباس عليهم و نتي باقا كتلعبي مع البراهش..
✴طلعت ليا الدم خرجت و خليتها داويا..نفس الهضرة كل نهار كنسمعها اوف..الزواج..كيسحاب ليها ساهل نلقا ولد بهاد المواصفات بفف..ركبت فسارتي و مشيت..و اخيرا خرجت من هاديك الدار المشؤومة..ماما نهار كلو و هي كتجبد ليا مواضيع كيمرضو..و فارس كل نهار كيجي سكران..كل نهار كيبقا يهضر على إكرام..اوف إكرام من هنا إكرام من لهيه كرهت هاد الإسم..واقيلا خاصني نهرب..إلا بقيت حدا ماما مغديش نقدر نعيش حياتي براحتي..غدي نرجع فرنسا و نبقا تما..هزيت الهاتف ديالي بغيت نهضر لصاحبتي ولكن معرفتش اش وقع حتا ضربتني سيارة آخرة..تخلعت و تصدمت فنفس الوقت فرانيت..قلبي كان غدي يخرج من بلاصتو..هبطت معصبة..شفت السيارة لي ضربتني واعرة..خرج منها دري زوين بزاف و مفورمي..دخت..غير الطريقة لي خرج بيها من السيارة خلاتني نفشل. باينة فيه شخصية واعرة..جا عندي..
هو : سمحي ليا ياكما آديتك..
انا : ل..لا..م..موقع والو..
هو : اوف معرفتش اش وقع كنت كنهضر فالهاتف..
انا : م..معليش حتا انا كنت كنهضر فالهاتف..بجوجنا غلطنا..انا بيخير..
هو : لا مستحيل..خاصني نتاكد بلي نتي بيخير..اجي معايا للمستشفى باش نتاكد..انا مستعد نخلص كل الاضرار..انا لي غلطت مسعد نتحمل المسؤولية..
انا : قلت ليك انا بيخير موقع والو..حتا سيارتك تضررت..ماشي غير سيارتي..
هو : انا غدي نهضر مع شي حد يجي يشوف السيارات بجوج و يديهم لمركز الصيانة..انا غدي نتكلف بكلشي كنواعدك سيارتك غدي ترجع جديدة..
انا : اوكي شكرا..
هو : فهاد الوقت لي غدي يتصلحو فيه السيارات اش بان ليك نشربو قهوة انا وياك..و إلا بغيتي مكرهتش نتغداو انا وياك فشي ريسطو..بنت زوينة بحالك منقدرش نخليها وحدها كاتسنا..
✴فرحت اوف كنت كنفكر كيف ندير نعرض عليه لقهوة..ولكن جات من عندو..مزيان😏
انا : اه اوكي علاش لا..
✴بقينا كنتمشاو انا وياه حتا وصلنا لقهوة..جلسنا..
هو : كوني مرتاحة من جيهت السيارة..غدي ترجع كيف كانت..
انا : شكرا..
✴شفتو جبد الهاتف ديالو..هضر مع شي حد باش يجيب ليه سيارة آخرة..كنضن هادا هو لي كنت كنقلب عليه 😏 بقيت كنشوف فيه حتا كمل المكالمة و شاف فيا..
هو : نقدر نعرف اسمك ؟
انا : نسرين..ونتا..
هو : مشرفين انا رعد..
انا : اسمك زوين..
هو : حتا نتي زوينة..بغيت نقول حتا نتي اسمك زوين..
✴فرحت..كنضن هاد رعد طاح فالشبكة..كيشوفني زوينة خاصني منفلتوش من ايدي..اوف نسيت بلي واعدت ماما منتلاقا حتا شي ولد..خاصني نبعد على الدار..بقيت كنهضر انا وياه..فهمت من هضرتو بلي هو كان فكندا يلاه جا مؤخرا..لمهم داز الوقت..صديق ديال رعد جاب ليه سيارة آخرة و مشا..خرجنا و ركبت مع رعد..السيارة واعرة..
هو : فبالك شي ريسطو بغيتي نمشيو ليه..
انا : لي بغيتي نتا معنديش مشكل..
هو : مقلتيش ليا على حياتك..انا تقريبا قلت ليك كلشي 😉
انا : حياتي عادية..كنت خارجة نتلاقة بصديقتي قبلما تضربني بسيارتك..
هو : مم..صديقتك قلتي..
انا : هاها لا بصح كنهضر..غير صديقة ميمشيش عقلك بعيد..
هو : كنضن صديقتك مغديش تحملني حيت خديتك ليها..
انا : معليش..غدي نقول ليها رجعت الدار..وخا فصراحة كنت باغا نبات معاها ليوم..وقع ليا مشكل مع ماما و كنت ناوية نرجع فرنسا..قلت نبات عند صديقتي..و غدا نمشي المطار..
هو : دوزي معايا هاد النهار..و من بعد نديك حتال عند صديقتك..او نديك لفندق..مغديش نخليك ترجعي الدار بسبابي و نتي عندك مشكل مع ماماك..
أنت تقرأ
اكرام : زواج غير حياتي ♥
Romantik( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
