اكرام : زواج غير حياتي ♥

Chapitre 25

(وجهة نضر ريان)..
✴حليت عيني مع الصباح..راسي كيضرني بزاف..حسيت بإكرام مكيناش حدايا..نضت جلست..معرفتش علاش راسي كيضرني..
انا : إكراام?
✴كنضن مكيناش فالبيت..وقفت..طليت على سيف..حتا هو مكينش فبلاصتو..اكيد مشات توجد الفطور..دخلت دوش دوشت وخرجت لبست حويجي..ليوم خاصني نمشي للشركة..و من بعد خاصني نهضر مع الرجال لي غدي يجيو يحرسو الڤيلا..هبطت لتحت..مبانتش ليا إكرام..دخلت الكوزينة..مكين لا فطور لا والو..فين كوثر?..خرجت الجردة..إكرام مكيناش..بديت كنتخلع عليها..هي ممولفاش تخرج بلا بيا..وحتا كوثر مكيناش..هزيت الهاتف ديالي باش نعيط ليها..ولكن لقيت جوج مكالمات ديالها..شفت الوقت لقيت البارح..كيفاش انا مسمعتش الهاتف كيصوني..بالزربة درت رقمها و عاودت عيطت ليها..مكتجاوبش..كنسمع صوت الهاتف ديالها كيصوني...ولكن الصوت بعيييييد...بقيت كنقلب منين جاي الصوت..تصدمت حيت الصوت خارج الڤيلا..حليت الباب و خرجت قلبي كيضرب بالجهد..بقيت تابع الصوت حتا وصلت الطريق..لقيت الهاتف طايح فالارض..قطعت المكالمة و هزيتو..بديت كنقلب على إكرام تما ولكن والو مكيناش..
انا : إكرااااااااام..
✴والو..غبرات..ياربي تكون بيخير..فين غدي تكون مشات? درت مكالمة ليسرى..سولتها على إكرام ولكن حتا هي معرفتش فين مشات..عندي إحساس خيب..إنشاء الله متكونش تخطفات..تفكرت كاميرات المراقبة..بالزربة دخلت كنجري طلعت لبيت..هزيت الحاسوب..بديت كنشوف تسجيل الكاميرات..شفت بلي انا وياها فالصالون كنتعشاو..ولكن معقلتش على هاد الشي..شوية شفت راسي طلعت و خليتها كتهضر مع كوثر..مكنسمعش اش كيقولو..شوية شفت إكرام عطات سيف لكوثر تشدو..هزات عصير شرباتو..فنفس اللحضة بانت ليا إكرام داخت..تصدمت..شفتها هضرت مع كوثر..شوية كوثر بدات كتجري بغات تخرج من الباب..أش واقع? إكرام تبعتها..من حركاتها كتبان دايخة..مفهمتش اش واقع..علاش بجوجهم خرجو كيجريو..درت كاميرا ديال باب الڤيلا باش نشوف..بانت ليا كوثر كتجري هازا سيف و إكرام تابعاها دايخة و هازا الهاتف كنضن كانت كتعيط ليا..خرجو من الباب الكبير ديال الجردة..لا يا ربي ميكونش هاد الشي لي فبالي صحيح..كنتيق فكوثر..درت الكاميرا ديال باب الجردة الكبير..شفت كوثر بقات كتجري حتا وقفت حدا شي سيارة..إكرام كتحاول تبعها ولكن كتبان دايخة بزاف كانت غدي طيح..شوية بدات كتجري مرة آخرة حتا وصلت عند كوثر..بغات تاخد سيف ولكن شي حد خرج من السيارة و شدها..شكون هاد الحمار😠..وقفت الصورة و حاولت نحقق فملامحو..لا ميمكنش هادا فارس..الكلب خطف ليا مراتي وولدي..شفتو دخلها للسيارة..و كوثر ركبت معاه ومشاو..غدي نقتلو هو و هاديك الكلبة لي معاه..

(وجهة نضر إكرام)...

✴حليت عيني بالشوية..كنسمع صوت سيف كيبكي..نضت بالزربة جلست..شفت مرات اب ريان..هازا ولدي..
هي : خودي..رضعي ولدك..قهرني بالغوات..من الصباح و انا كنتسنا فيك تفيقي..
✴عطاتني سيف..بالزربة خديتو من عندها..بديت كنرضع فيه..مسكين فيه جوع معرفتش شحال و انا مغيبة..كنتفكر اش وقع و كنبكي فنفس الوقت..كيفاش كوثر قدرت دير هاد الشي..كنت كنتيق فيها بزاف..زعما كل هاد الوقت هي كتمثل علينا..مرات اب ريان خرجات..بقيت وحدي كنرضع ف سيف..يعني ماشي غير فارس لي مخطط لهاد الشي..ماماه حتا هي داخلة فالموضوع...الباب تحل و دخل فارس..قلبي بدا كيضرب بالخلعة..جا عندي فرحان..كيشوف فيا بطريقة منحرفة..حشمت حيت كنرضع فسيف قدامو..جريت عليا الغطا..
فارس : قالت ليا ماما بلي راك فقتي..جيت نيشان نشوفك..
انا : بغيت غير نفهم اش بغيتو عندي ?!
فارس : مني تكملي ترضعي ولدك..نهضروفهاد الشي..
انا : شحال و انا مغيبة..شحال ديال الوقت خليتو ولدي بالجوع..
فارس : يوماين ونتي مغيبة..متخافيش ولدك رضعناه حليب عادي..
انا : ريان مغديش يرحمك هاد المرة..غدي يلقاك و غدي يقتلك..
✴فارس شدني من شعري..من ديما و هو قبيح معايا كنت عارفاه مغديش يتبدل..
فارس : نسايه😠 مبغيتش نعاود نسمعك كتهضري عليه..والله حتا تندمي إكرام..و اصلا هو مغديش يلقاك..نتي ماشي فالمغرب حبيبة..مستحيل يلقاك هنا..
انا : ف..فين انا..فين جبتيني ?
هو : هنا فين غدي نعيشو انا وياك كل حياتنا..ففرنسا..نساي ريان..نتي دابا معايا..انا هو راجلك..بغيتي ولا كرهتي..اي حاجة قلتها ليك غدي ديريها..غدي تعيشي معايا بحالا مزوجين انا وياك..ممنوع الخروج وحدك..إلا بغيتي تخرجي خاص نكون معاك..و مني غدي نمشي للخدمة غدي نديك معايا مستحيل نخليك تبعدي عليا حتا دقيقة..حتا ماما مغديش تبقا عايشة معانا..غير كوني هانية من هاد الناحية هي عندها دارها..غدي نعيشو وحدنا..غدي نبقاو نبغيو بعضنا حتال آخر لحضة فحياتنا كنواعدك..
انا : فارس..انا مكنبغيكش..حتا حاجة من هاد الشي لي قلتي مغدي توقع..دابا تشوف..ريان غدي يلقاني فاقرب وقت..
✴ضربة جاتني قاصحة لوجهي..فارس هو فارس..شنق عليا و قرب ليا وجهو..سيف بدا كيبكي..
فارس : قولي لي بغيتي..من بعد غدي تولفيني حبيبة..
انا : مستحيل..قلبي كين فيه غير ريان وحدو..جامي تكون ليك بلاصة فيه..
✴فارس تعصب بزاف و خدا ليا سيف من بين ايدي..قلبي بدا كيضرب بالجهد..
فارس : و معندكش بلاصة لهاد الولد فقلبك ? كين غير ريان ?
انا : فارس عطيني ولدي..
فارس : حتا تعلمي كيفاش تهضري معايا عاد يرجع ليك ولدك..
✴تصدمت..هادا بغا ياخد ليا ولدي..ميمكنش..