(وجهة نضر نعمان)..
✴حطيت ليها الكادو..دخلت الدوش و بقيت كنتسناها تشم الريحة..مني حسيت بيها داخت..خرجت عندها..لقيتها جالسة فوق الناموسية دايخة..هازا الهاتف ديالها..شافت فيا مصدومة..قربت ليها..حيدت ليها الهاتف بالشوية من ايدها..بقيت كنشوف فيها..المخدر لي عطيتها غدي يخلي جسمها تقيل و متقدر دير حتا شي حركة باش دافع على راسها..انا عارفها كتلعب البوكس..مبغيتش الخطة ديالي تفشل..غير دفعتها فوق الناموسية و هي طيح..حيدت التيشرت ديالي..هي كتشوف فيا خايفة..تكيت فوق منها..اخيرا غدي نحقق الحلم ديالي..كنت كنتسنا هاد النهار من شحال هادي..إكرام بين ايديا..مكنتش باغي نستعمل هاد الاسلوب..كنت باغيها تكون كتبغيني حتا هي و تكون بإرادتها..ولكن هي مسحيل تشوف فشي واحد من غير ريان..كنت مضطر نستعمل هاد الطريقة..درت ليها السلسلة ديالها فعنقها..كنت كنتسنا النهار لي غدي نعاود نشوف هاد السلسلة فعنقها..جاتها زوينة..قربت ليها بالشوية لعنقها..كنشم ريحتها..اااه إكرام اش درتي ليا..غدي نحماق..هزيت راسي بالشوية و بستها ففمها..بوسة خفيفة..حسيت بإحساس غريب..معرفتش مالي..اول مرة غدي نقيس فمها ولكن كنحس براسي كنآديها..حبست و شفت فيها كنحاول نفهم اش وقع ليا..إكرام كتشوف فيا واحد الشوفة حزينة بعينيها..فلحضة معرفتش اش وقع..قلبي تقبط عليا و حسيت بضميري انبني..الشوفة ديالها خربقتني بزاف..إكرام هزات ايديها بالشوية بغات تدفعني..ولكن جسمها ضعيف..هزيت ليها ايدها بجوج لفوق وقربت ليها..حتا حاجة مغدي تقدر تحبسني عليها..بغيت نبوسها فعنقها ولكن مقدرتش..قربت ليها ولكن كنحس بشي حاجة فداخل ديالي حابساني..انا اش كيوقع ليا..غير كنقرب ليها قلبي كيتقبط عليا معرفتش مالي..ايديا بداو كيترعدو..انا علاش مقادرش نقيسها..تعصبت بديت كنحيد ليها فحويها..انا خاصني ناخد حقي منها ليوم..انا اول واحد شافها..اول واحد بغاها..انا الوحيد لي كنت كندافع عليها..حيدت ليها كلشي خليتها بملابس الداخلية..شفت الدموع فعينيها..اوف ميمكنش..هاد البنت غدي تقتلني بهاد العينين..معرفتش اش كيوقع ليا بديت كندم..شفت فجسمها..جسمها واعر ولكن عينيا بقاو مفيكسيين على كرشها كبرات..جسمي تبلوكا..كنحس بإكرام ماشي ديالي..وقفت بالزربة..بقيت كنمشي و نجي..معرفتش علاش فلحضة حسيت بيها مرات خويا..تانيب الضمير غدي يقتلني..انا اش كنت ناوي ندير واش حماقيت..انا ماشي هو فارس..انا ماشي بحالو..اه انا كنبغيها ولكن هاد الشي لي غدي ندير ليها غدي يآديها..غدي يخليها تكرهني كل حياتها..انا منقدرش نصبر لهاد الشي..بقيت كنشوف فعينيها..كتبكي..كل دمعة كتنزل من عينها كنحس بيها بحال شي خنجر فقلبي..
(وجهة نضر إكرام)..
✴كنشوف فيه مصدومة..معرفتش اش واقع ليا جسمي ثقيل..حتا لساني ثقيل..مقدرت نخرج حتا حرف من فمي..مامتيقاش نعمان يقدر يدير هاد الشي..كنت عارفاه كيكره ريان ولكن ماشي لهاد الدرجة..تقت فيه مني قال باغي يتصالح هو و ريان..كنت مستعدة نعاونو..ولكن ريان كان عندو الحق..كينين شي إخوة مكيستاهلوش الثقة..نعمان رجع لبسني حويجي..قلبي كيضرب بالجهد غدي يخرج من بلاصتو بالخلعة..مامتيقاش اشنو كان غدي يوقع ليا..اش غدي نقول لريان..ميمكنش نقول ليه نعمان باسني حيت غدي يقتلو..اش غدي ندير..كنشوف فنعمان و كنبكي..هو قادني فبلاصتي و غطاني..جلس حدايا..كيشوف فيا..كرهتو..كرهت ريحتو..حتا الشوفة ديالو كرهتها..مبقيتش حاملة نشوفو..
نعمان : س..سمحي ليا إكرام..سمحي ليا..عافاك..
✴مكرهتش نجاوبو و نقول ليه كل المعيور لي فدماغي..ولكن باقا كنحس بلساني تقيل الهضرة مبغاتش تخرج..
نعمان : ا..انا تسرعت..م..متخافيش مغديش نبقا نقرب ليك...غ..غير متكرهينيش عافاك إكرام..
✴غير كنشوف فيه و كنبكي..الحاجة الوحيدة لي نقدر ندير حاليا..
نعمان : إلا بغيتي تقوليها لكلشي غير قوليها..انا ماكيهمني حتا واحد..ولكن نتي..م..متكرهينيش عافاك..
✴كنحاول نشوف فيه مغوبشة باش يفهم بلي كنكرهو و جامي نسمح ليه على هاد الشي..كيفاش قدر يفكر فيا بحال هكا..انا زعما مرات خوه..و فوق هاد الشي حاملة..
نعمان : انا غدي نمشي..مغديش نبقا نرجع..حيت انا عارفك مغديش تقدري تخبي على ريان هاد الشي..قولي ليسرى فنهار عرسها قال ليك نعمان مبروك..و قولي ليها حتا هي متقلقش مني..
✴نعمان ناض خرج...اوف و اخيرا مشا..إنشاء الله يا ربي ما يرجعش..إنشاء الله ميغيرش رأيو..خاصني نهضر مع ريان..شفت هاتف محطوط فوق ناموسية حدايا..ولكن ماشي الهاتف ديالي..كنحاول نحرك ايديا باش نهز الهاتف..ولكن والو جسمي كلو ثقيل..بقيت كنحاول كنحاول حتا جريتو حدايا..حاولت نشعلو بصبيعاتي..و من الزهر لي عندي مفيهش الكود..شعل فيه صورة ديال لمياء..تصدمت..مفهمت والو اش جاب صورة لمياء لهاد الهاتف..انا كيسحاب ليا الهاتف ديال نعمان نساه..ولكن مني شفت صورة لمياء تصدمت..واش هو داير صورتها فالهاتف ديالو..منين كيعرفها..درت رقم ريان..بغيت نهضر معاه ولكن كيف غدي ندير نهضر اصلا..فكرت نكتب ميساج..بقيت كنحاول وخا صعيب..مني دخلت لبلاصت الميساجات لقيت اسمي كين تما..بديت كنقرا..هادا هاتف لمياء..هادو الميساجات لي هضرنا بيناتنا..راسي ضرني مفهمت والو..مشيت نيشان كتبت رسالة لريان و صيفطتها لرقمو..هو الوحيد لي حافضة رقمو..
رسالة (ريان انا إكرام عافاك اجي للدار دابا كان عندك الحق خوك نعمان مفيهش الثقة)
أنت تقرأ
اكرام : زواج غير حياتي ♥
Romance( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
