بقيت شحال كنفكر..زعما انا بصح حاملة..لا خاصني نتاكد..غدي نمشي عند شي طبيبة باش نتاكد..علاش خاص تكون عندي ضربة فراسي علاش..كرهت هاد العيشة..عايشة وسط الاسرار..علاش ريان خبا عليا حاجة بحال هادي..من حقي نعرف..تعصبت بزاف نضت وضربت الحيط بايدي..تقصحت..بغيت نلعب البوكس..خاصني نمشي لا صال..بدلت حويجي و خرجت..فيا جوع كنشم ريحة الفطور حمقتني..بغيت ناكل..هبطت لتحت لقيت كلهم مجموعين..شافو فيا ضاحكين و قالو صباح الخير..إلا ريان كيشوف فيا من لفوق لتحت..عرفني خارجة..ناض جا عندي..
ريان : فين غادية إكرام..
انا : لا صال..بغيت نلعب شوية البوكس..
ريان : اوكي تسنايني نمشي معاك..
انا : لا..بغيت نمشي وحدي..
ريان : مسحيل نخليك تمشي وحدك..غدي نقول ليسرى تمشي معاك..
انا : لا..غدي نمشي وحدي..يسرى حتا هي كانت عارفة و مقالتش ليا😠
ريان : واش كيسحاب ليك غدي نخليك تمشي وحدك ??? مستحيل..
✴ريان شدني من ايدي و خرجني برا..بقا فيا الفطور لي محطوط فوق الطبلة 🥺
انا : ريان طلق ايدي 😠
ريان : لا غدي نمشي معاك..
✴ركبنا فالسيارة و ديمارا..ولكن كنشوفو مغاديش فطريق لا صال..هادا فين غادي ??? مبغيتش نسولو مبغيتش نهضر معاه اصلا..مقادراش نتيق بلي هو قاصني..ميمكنش ليا حتا نتخيلها..كنت كنتيق فيه بزاف..ولكن هو ستغل اول فرصة بانت ليه..بصح الرجال كلهم بحال بحال..حسيت بريان وقف السيارة..هزيت عيني بانت ليا ڤيلا زويينة جامي شفتها..هبطنا..شفت فيه مغوبشة..
انا : فين لا صال 😠
ريان : فالدار..اجي ندخلو...
انا : دار من هادي..😠
ريان : دارنا..😉
✴اووف هادا شحال عندو ديال الديور..دخلت معاه..الديكور زوين كيحمق..محسيتش حتا وقفت علينا واحد البنت لابسة غير شورط قصير و ديباردور..شوية من صدرها كيبان..
البنت : سيدي ريان جيتي مكانش كيسحاب ليا غدي تجي ليوم..ما وجدت والو..اشنو حب الخاطر نوجد ليك الدوش بحال ديما??
✴هادي مالها كتنقز ? شكون هي و اش كادير هنا..كيفاش بغات توجد ليه الدوش مفهمتش 😠
ريان : لا هبة..وجدي غير الغدا..و عيطي لكوثر تجي تعاونك..حيت فالعشية غدي يجيو الدراري..غدي نتجمعو بحال شحال هادي..بغيت كلشي يكون هو هداك..
هبة : هي اللولة السي ريان..
ريان : اه نسيت..وجدي لاصال دابا..نلقا كلشي نقي..
هبة : اوكي هي اللولة..
✴ريان طلع و انا تبعتو..وصلنا لواحد البيت..انا وقفت..
انا : مغديش نتحرك حتا تقول ليا علاش جينا هنا..
ريان : بغيتي لا صال..هاد الدار فيها لاصال..و اصلا انا و الدراري مجموعين فالعشية..بغينا نديرو حفلة صغيرة بيناتنا ل ادهم..حيت شحال ما شفناه..مولفين نتلاقاو فهاد الدار فالمناسبات...
انا : اوكي فين لاصال? بغيت نهبط ليها دابا..
✴ريان قرب ليا..انا بعدت بخطوة..
ريان : علاش زربانة..لهاد الدرجة معصبة مني إكرام..
انا : معصبة..كلمة قليلة باش نوصف ليك باش كنحس..انا ماشي غير معصبة ريان 😠
ريان : اشنو بغيتيني ندير باش تيقي بيا..كنحلف ليك مادرتهاش بلعاني راه حتا انا مكنتش فالوعي ديالي..
انا : علاش خبيتي عليا..نتا و يسرى و كلشي فالدار رجعتوني غبية..
✴ريان زاد قرب و انا بعدت..كنت غدي نطيح ولكن شدني..
ريان : حتا واحد معندو الحق يرجعك غبية و انا كاين..جامي نسمح ل شي واحد يقلل من قيمتك اكرام..حنا خبينا عليك شحال من حاجة حيت نتي مريضة حيت خايفين عليك..انا مبغيتش نخسرك إكرام..عافاك متبقايش تعاملي معايا بحال هكا..والله منقدرش نصبر..
✴بعدت عليه و بقيت كنشوف فيه..
انا : ريان انا مامتيقاش..مستحيل نكون حاملة..بغيت نمشي عند طبيب..مامستعداش نكون ام...باقا مقادراش على هاد المسؤولية..
ريان : ديجا خديت موعد عند طبيبة..غدا غدي نمشيو..
انا : اوكي...احم..ف...فيا جوع..مفطرتش..قول لهاديك هبة ديالك دير ليا ناكل
✴ريان شاف فيا ضاحك..هادا مالو..
انا : علاش ضاحك 😠 انا باقا مسمحتش ليك..
ريان : حيت قلتي هبة ديالك 😏
انا : و عجبك هاد الشي ياك 😠
ريان : لا..معجبنيش..ضحكني..حيت غلطتي..😉
انا : كيفاش.
ريان : هبة مشي ديالي..إكرام هي لي ديالي 😉
✴حسيت بحناكي سخنو دفعتو و دخلت بالزربة..معرفتش راسي علاش دخلت لبيت ولكن دخلت..جلست فوق الناموسية..
انا : هنا غدي نعس ليوم..سير قلب على بيت آخر 😠
ريان : ولكن..ياك قلتي نبقاو نعسو فنفس البيت..
انا : مغديش يبقا كلشي كيف كان..
✴ريان خرج معصب..عرفت راسي عصبتو ولكن بغيتو يحس باش كنحس..تكيت شوية فوق الناموسية..ريان دخل هاز بلاطو..فيه الفطور..😋 كلشي كيشهي 😍 نضت بالزربة تربعت..ريان حط ليا البلاطو قدامي دخلت فيه طول و عرض..كليت مزياااان حتا شبعت..جاني النعاس مبقيتش قادرة نتحرك..شفت فريان لقيتو حاضيني والضحكة ففمو..
انا : اشنو...كان فيا جوع مالك?
ريان : والو..كملتي..نهز البلاطو?
انا : اه غير هز..واش هاد الشي دارتو هبة..جاتني غريبة تكون دارت هاد الشي كلو وحدها..
ريان : لا كوثر لي دارت هاد الشي..بجوجهم كيتعاونو فالكوزينة..
انا : اوكي..لمهم ماشي سوقي..سير خرج بغيت نعس..
✴ريان شاف فيا ضاحك..
ريان : مبقيتيش بغيتي لا صال ?
انا : لا جاني النعاس..حتال من بعد 😠
✴ريان مشا خرج..معرفتش علاش كيضحك..انا معصبة منو و هو كيضحك..اووف..بقيت كنفكر فهاد الحمل..إلا كان بصح..اش غدي يوقع..ريان كيبان فرحان عادي..مامسوقش ليا انا باش كنحس..جاني النعاس..محسيتش براسي حتا نعست..
(فلاش باك)...✨
✴جالسة فخيمتي..كنفكر فيه..كنتفكر هضرتو عينيه..كلشي..توحتشتو..جاني الملل..كلهم كيخرجو يجمعو و يضحكو..ولكن آدم مخلانيش نجمع معاهم..مكيخلينيش نبقا حتا مع البنات..قلييل فين كنهضر معاهم..كلهم كيقولو عليا معقدة..طلع ليا الدم..بغيت نخرج من هاد المخيم..مستحملتش نبقا فيه..بغيت نشوفو..كل نهار كنخرج غير على قبلو..ولفتو..لبست قبية ديالي الكحلة و درت القب..خرجت من الخيمة و بقيت غاديا كنتسلت باش نبعد على كلشي..دخلت فالغابة و بقيت غاديا..حتا وصلت البحيرة فين تلاقينا اول مرة..زوينة بزاف مكنقدرش نحيد عيني عليها..بقيت كنشوف فالمنضر عجبني..بقيت شحال واقفة وحدي كنتسناه..شوية سمعت شي واحد هضر..
ريان : مشاغبة..غدي نقولها الاستاد ديالك..
✴ضرت عندو شفت فيه..
انا : هادا غير نتا ? واش غدي تبقا كل نهار تجي هنا عندي ?
✴ريان قرب ليا وقف حدايا..
ريان : كل نهار غدي نبقا نجي..حتا توافقي باش نوليو اصدقاء..
انا : انا مكنديرش الاصدقاء..خصوصا إلا كانو دراري..
ريان : علاش ?
انا : خويا مغديش يبغي..هو ديما هكا..مكيخلينيش ندير اصدقاء..
✴جلست حدا البحيرة..ريان جلس حدايا..
ريان : انا خويا مكيحملنيش..
✴شفت فيه..
انا : حتا انا خويا مكيحملنيش..كيعتابرني انا السباب فالموت ديال ماما..
ريان : انا وياك عندنا نفس المشكل فالعائلة...
انا : عرفتي شنو..
ريان : شنو ?
انا : كنضن نقدرو نكونو اصدقاء فالسر 😁
ريان : فكرة زوينة..عل اقل غدي نكونو اصدقاء 😏
انا : هاد البحيرة غدي تكون هي البلاصة السرية ديالنا..نتلاقاو هنا كل نهار..حتا يكمل التخييم..
ريان : اوكي انا موافق..عطيني رقم الهاتف ديالك..
انا : معنديش هاتف..عطيني رقمك نتا..و مني يكون عندي شي هاتف نعيط ليك..
ريان : اوكي هاكي..
✴عطاني ورقة مكتوب فيها رقم و اسم..
انا : ريان..
ريان : اه هاداك اسمي..
انا : اسمك زوين..
ريان : عينيك زوينين..
✴شفت فيه حناكي حمرين و قلبي كيضرب..اول مرة فحياتي نحس هاد الشي..مقدرتش نبقا حداه حسيت براسي تخربقت..نضت بالزربة وقفت..
ريان : فين غادا..
انا : ص..صافي خاصني نرجع..آدم لا ملقانيش فالخيمة غدي يقتلني..
ريان : عل اقل قولي ليا اسمك..
انا : مغديش نقول 😁
ريان : لا عافاك قولي ليا..
انا : لا 😁 هاهاها..
✴مشيت كنجري و كنضحك..خليتو كيضحك حتا هو..
ريان : واخا عليك المشاغبة 😂
✴وصلت للمخيم و دخلت لخيمتي..بدلت حويجي و جلست عادي بحالا ما وقع والو..كنضحك غير وحدي و كنفكر فيه..فملامحو و صوتو 😍..حتا دخلت العقروشة صاحبت آدم..كنتشارك انا وياها الخيمة..هي عارفة آدم مكيحملنيش و كتزيد تعمرو عليا و تجبد ليا الصداع...
العقروشة : الموعد ديالك سالا ?
✴شفت فيها مصدومة..اشنو بغات تقصد..
العقروشة : كيسحاب ليك انا معارفاكش كتلاقايه كل نهار 😉
انا : علاياش كتهضري..
هي : على هاداك البوكوس لي كتلاقاي معاه حدا البحيرة..إلا عرف آدم مغديش يرحمك حبيبة..
انا : ا..انا مكنتلاقا حتا واحد..آدم مغديش يتيقك معندك حتا شي دليل على هاد الهضرة..
هي : و هاد التيليفون لاش لايق 😏 فيه كاميرا حبيبة إلا نسيتي..
انا : شنو بغيتي ?
هي : هاديك السلسلة لي فعنقك..
انا : مستحيل..هادي ديال ماما..م..ميمكنش نعطيها ليك..هاد السلسة بالنسبة ليا اغلى من روحي جامي تحلمي بيها..جامي غدي نحيدها من عنقي..
هي : إوا وجدي راسك للجحيم..
انا : ديري لي بغيتي..الجحيم انا عايشة فيه اصلا..
✴العقروشة خرجات..شديت سلسلة ديال ماما و بديت كنبكي..كنحس ب شي واحد كيفيق فيا..حليت عيني شفت يسرى..
يسرى : إكرام مالك علاش كتبكي واش كتحلمي??
انا : س..سلسلة..س..سلسلة..يسرى فين هي..سلسلة ديال ماما فين هي..ا..انا فين درتها..
✴كنقلب فعنقي مفيه والو..خاوي..فين هي..انا متاكدة كانت فعنقي..نضت بالزربة كنشوف فالمراية..
يسرى : حبيبة مالك عافاك قولي ليا..
انا : مبانتش ليك سلسلة ديالي..فيها قليب صغيور..و القليب فيه حجرة صغيورة لوسط..كانت ديال ماما..ديما كنديرها مكنحيدهاش من عنقي..
يسرى : إكرام تكالماي عافاك..غدي تكوني حلمتي..من نهار عرفتك جامي شفتك دايرة بحال هاد السلسلة..
✴تصدمت..بحالا صرفقاتني ميمكنش هي الحاجة الوحيدة لي خلات ليا ماما..فين درتها معقلتش..خاصني نهضر مع عيسى..خاصني نتفكر كلشي..جلست فالناموسية كنفكر..هزيت عيني ف يسرى..
انا : لاش جيتي..حتا نتي كنتي مخبية عليا..حتا نتي كنتي عارفة اش وقع هاديك الليلة يسرى..علاش مقلتي ليا والو..
يسرى : س..سمحي ليا إكرام..ن..نتي عارفة علاش م..مكنقدروش نقولو ليك..ن.نتي..
✴بدات كتبكي..اوكي مكنتش باغا نبكيها..اه انا مقلقا منها ولكن ماشي لدرجة نبكيها..ريان كيصبر لتصرفاتي و هضرتي ولكن هي حساسة..
انا : صافي يسرى..علاش كتبكي دابا..
يسرى : س..سمحي ليا ا..انا كدبت عليك حيت..كنت خايفة علك كنحلف ليك إكرام..خفت يتزاد عليك الحال إلا عرفتي..😭
انا : اوكي..صافي..غير سكتي..
يسرى : سمحتي ليا 😢
انا : اه سمحت ليكم..انا عارفة كديرو هاد الشي لمصلاحتي..غ..غير تصدمت..فلحضة عرفت راسي حاملة من ريان لي كان كيسحاب ليا جامي قاسني..
يسرى : ق..قلتي سمحت ليكم..ك..كتقصدي حتا ريان..حتاهو سمحتي ليه..
انا : اه..تفكرت شي حاجة..خاصني نهضر معاه..
يسرى : واش بصح سمحتي لينا 😱 يعني غير نقدر نغوت و نزغرت و نقول شحال انا فرحانة حيت نتي حاملة???
انا : واش حماقيتي 😳 لا..انا مامتاكداش من هاد الشي..بغيت نشوف ريان..
يسرى : كين لتحت مع الدراري..
انا : الدراري جاو ? شحال نعست ?
يسرى : جيت لقيتهم كينين..ريان عيط ليا باش نونسك..نعستي العشية كلها بحال شي بقرة..
انا : اوف وليت كنعيا بزاف معرفتش علاش..غير الماكلة و النعاس..حتا البوكس عگزت عليه قبيلة..
يسرى : إوا نوضي توگضي بدلي حويجك و نهبطو نتدربو انا وياك..
انا : اوكي😏..
✴لبست انا وياها و هبطنا..الدراري مجمعين فالصالون..كين بلال و فهد و ادهم و جوج دراري آخرين معرفتهمش عاد ريان..
ريان : إكرام فقتي ?
✴بقيت كنشوف فيه مجاوبتوش..ماشي حيت مقلقة منو ولكن..حيت كنتفكر الايام لي كنت كنتلاقاه فالغابة..كل هاد الوقت ريان كان كيعرفني و انا ما عاقلاش عليه..صدقت البنت لي هضر ليا عليها فالقصة ديالو هي انا و محاساش..ريان كان هو اول دري خلا قلبي يضرب..و انا معقلتش عليه..
ريان : إكرام ?
انا : نتدرب شوية عاد ناكل..
ريان : اوكي..شوية و غدي نجي عندكم انا و الدراري..حتا حنا بغينا نترينيو شوية..
يسرى : مزيان باش نتعلمو منكم حركات جداد..حتا انا بديت كنتعلم البوكس بحال إكرام..😁
صاحبو : مراتك كتلعب البوكس ا صاحبي ?!
ريان : كتعرف حسن من بلال..خاصك تشوفها غدي تصدمك عماد 😏 مراتي صحيحة..
بلال : كيفاااش 😠..حگرتيني دابا..
ريان : كنقول الصراحة 😏
عماد : بلال بنت حسن منك فالبوكس حشومة..كون كنت فبلاصتك منرضاش 😏
بلال : غير بقاو ضحكو عليا نتوما راه كنعرفكم..ياسين نتا فايت ليك شايفني كنلعب البوكس قول ليهم شحال كنعرف متبقاش ساكت 😠
ياسين : بغيتو الصراحة..ختي الصغيرة تقدر تغلبو فالبوكس مسكين 😂
بلال : حتا نتا 😠
فهد : راك عارف غير كيضحكو بلال مالك تقلقتي 😂
✴كنشوف ادهم غير ساكت..مكيضحك مكيهضر..ساهي و كيشوف فالارض..معرفتش واش لاحض بلي انا كينا و لا عقلو مغيب..دراري كيضحكو و حتا يسرى كتضحك..هزيت عيني فريان لقيتو كيشوف فيا مغوبش هادا مالو تاني ?..جريت يسرى و مشيت...
يسرى : مسطيين صحاب ريان والله 😂 ولكن ضرفين..عزاز عليا..
انا : اه..لاحضت..
✴وقف علينا ريان على غفلة..
ريان : اكرام بغيت نهضر معاك..
انا : هضر..
يسرى : انا كنتسناك فلاصال اكرام..
✴يسرى مشات..انا كنشوف فريان..مغوبش..قرب ليا..
ريان : علاش كنتي كتشوفي فادهم بهديك الطريقة ?
✴واش هادا جاتو الغيرة ? بقيت كنشوف فيه..كنتفكر هادوك الايام ديال المخيم..معاقلاش اش وقع من بعد..ولكن كانت اجمل ايام فحياتي مع ريان..
ريان : إكرام..
انا : خاصنا نهضرو انا وياك..الموضوع كيخصني انا وياك وحدنا..نسا علينا ادهم دابا..
ريان : اشنو كين اكرام..
انا : من بعد و تعرف..
ريان : قولي ليا..واش بخصوص الحمل و داك الشي لي وقع..انا ديجا قلت ليك مكنتش فالوعي ديالي..كنحلف ليك اكرام انا ما ستغليتكش..
انا : قلت ليك من بعد و تعرف..
✴مشيت و خليتو..دخلت لا صال..شفت يسرى كدير حركات باش تسخن..مشيت حداها حتا انا كندير حركات..يسرى وقفت كتشوف فيا..
يسرى : معرفتش علاش ادهم من نهار جا للمغرب و هو معزول..ملاحضش حتا واش انا كينا قبيلة كلهم كيضحكو و هو ساهي 😔
انا : خاصنا نهضرو معاه..حاولي تلقاي شي وقت نتجمعو فيه حنا بتلاثة و نهضرو بلا ما يعرف ريان..
يسرى : كوني هانيا غدي نلقا الوقت..دابا نوضي نترينيو شوية..
✴نضت..حيدت تيشرت الفوقاني..بقيت بحويج البوكس..بديت كنضرب فالصاك بالشوية..كنحاول نتفكر الحركات لي تعلمت من ريان..بقيت شحاال كنتدرب..واحد الشوية تفكرت سلسلة ماما..كيف درت حتا وضرتها..انا اش وقع ليا..زعما تكون طاحت ليا فالحادثة لي درت..ضروري نرجع لدارنا نقلب علها..ميمكنش خاصني نلقاها..تعصبت بزاف بديت كنضرب فالصاك بالجهد..فنفس الوقت كنتفكر آدم..علاش كيكرهني لهاد الدرحة..علاش كان مدوز عليا العداب..اشنو وقع داك نهار..واش ديك العقروشة وراتو الڤيديو و الصور ديالي انا و ريان ?? بقيت كنضرب فالصاك باقصى جهدي..حسيت بشعري تحل و تطلق..وخا هكاك بقيت كنضرب متسوقتش لشعري..كنفكر فشحال من حاجة..علاش انا فاقدة الداكرة علاش..علاش تضربت هاد الضربة المشؤومة فدماغي..علاش كانسا كلشي..علاش نسيت ليلة لي كملت فيها زواجي انا و ريان..بيغت نحماق..حسيت براسي بدا كيضرني..معرفتش اش وقع ليا حتا دموعي بداو كيهبطو..طحت فالارض سخفانة..تكيت..ضورت وجهي تصدمت..الدراري كلهم واقفين كيشوفو فيا..عينيهم خارجين..بحالا شافو شي وحش..يسرى حتا هي..حتا من كوثر و هبة واقفين هازين بلاطو فيه كيسان ديال العصير..كلهم مصدومين..حتا ريان واقف حال فمو..محسيتش بيهم ايمتا دخلو..اوكي كنعتارف بلي تعصبت واحد الشوية و زدت فيه..ولكن معرفتش اش وقع ليا..تجمع عليا كلشي..فلحضة حسيت براسي معصبة بزاف..ريان شاف الدراري كلهم كيشوفو فيا..جرا عليهم..
ريان : اش كتشوفو نتوما ??? يالا برا حتال نهار آخر و ترينيو ماشي ليوم..
✴يسرى جات عندي..
يسرى : واو صدمتيني إكرام 😳 عافاك علميني..
انا : مكنعرف لوالو يسرى راه غير تعصبت على غفلة و صافي..
يسرى : يمكن من الهرمونات ديال الحمل 😏
انا : بففف..ملقيتي ما تقولي..مازال ما تاكدنا من هاد الحمل..
ريان : إكرام..
✴هزيت راسي شفت فيه..انا ناعسة فالارض بالسخفة..هو واقف كيشوف فيا..كيبان زوين بقيت حاضياه..هو كيشوف ليا فعينيا..مسحت الدموع...
يسرى : نخليكم تهضرو على راحتكم..
✴يسرى خرجت بالزربة و خرجت معاها كوثر و هبة لي باقين مصدومين..ريان تكا حدايا..
ريان : آخر مرة ديري بحال هكا..مفكرتيش تكوني حاملة ديال بصح..غدي تآدي البيبي إكرام..
انا : غ..غير تعصبت..
ريان : ولكن صراحة..اي واحد حطيناه قدامك فهديك اللحضة كنتي غدي تقتليه انا متأكد..واو صدمتيني..صدمتي كلشي..دخلنا باش نلعبو صدقنا مقابلينك..
✴ضرت عندو شفت فيه..ريان حتا هو شاف فيا..
انا : غدا معاش غدي نمشيو عند الطبيبة ?
✴ريان ناض وقف معصب...
ريان : اوف اكرام باقا ما بغيتيش تنساي ?..ايمتا غدي تسمحي ليا..اشنو ندير باش تسمحي ليا عافاك قولي ليا..
✴نضت جيت عندو..وقفت قدامو..ريان كيشوف فيا..كنتفكر شحال هادي..كنت كنحماق عليه..هو اول واحد دخل لقلبي..مامتيقاش بلي انا مزوجة بيه دابا..زدت قربت ليه..ريان متزعزعش من بلاصتو..ولكن كنحس بيه كيتنفس بالجهد..بقيت كنشوف ليه فملامح وجهو..توحشتو..كنحس براسي شحال ما شفتو..لدرجت جاتني البكية..مبغيتش نبكي قدامو..بقيت غير كنشوف ليه فعينيه..من بعد شفت ليه ففمو..حسيت بيه قرب ليا..حطيت ايدي على حنكو..هضرت بالشويييية..ب لغة الهمس..معرفتش علاش ولكن بغيت هاد اللحضة تبقا غير بيني و بينو..حتا الريح لي ضاير بينا ميسمعهاش..
انا(بالهمس) : فاش كتفكر..
✴ريان بقا شحال ساكت..كيشوف غير فعينيا..كنسمعو كيتنفس بالجهد..
ريان(بالهمس) : من احسن متعرفيش...
✴ريان قرب ليا بغا يبوسني..ولكن الضو ديال لاصال طفا و رجع شعل بالزربة..
هبة : اه سمحو ليا مشفتكمش كيسحاب ليا كلشي خرجو و خلاو ضو شاعل..
✴ انا و ريان بعدنا على بعضنا بالزربة..
هبة : ي..يكما برزطتكم..ما تديوش عليا سمحو ليا انا غدي نمشي و نخليكم..
✴هبة مشات بالزربة خرجت..ريان ضار شاف فيا..حتا انا بقيت كنشوف فيه..معرفتش اش قال ليا راسي..انا علاش قربت ليه بهديك الطريقة..بقيت كنشوف فيه شحااال..من بعد خرجت و خليتو..جاني جوع بزاف..لقيت كوثر ديجا موجدة ليا ما ناكل..طحت عميا فالطبسيل..تفكرت يسرى قالت ليا نمشي عندها للبيت..ضورت وجهي مبانش ليا ادهم..فهمت القضية..نضت بالزربة باش نشقمو قبلما يخرج من بيتها..المشكل اني معارفاش بيتها فين جا..هازا طبسيلي و كنجري مشيت لكوزينة..
انا : كوثر عافاك فين بيت يسرى ? (فمي عامر ماكلة)
كوثر : البيت الوحيد لي بابو فالغوز..راه معروف..
✴قلت ليها شكرا و طلعت كنجري..و اخيرا غدي نعرف الحقيقة.. وصلت للباب كلو غوز عرفتو غدي يكون بيت يسرى..دقيت..مبغيتش ندخل على غفلة..كين معاها حبيب القلب انا متأكدة 😏 نقدر نطيح فشي موقف ماشي هو هداك معاهم 😂..
يسرى حلت ليا الباب..
انا : ياكما ديرونجيتك 😏
يسرى : احم..لا لا..غير دخلي كنت كنتسناك تجي.
✴دخلت..كنشوف ادهم جالس فوق السداري..تصدم..مكانش عارفني غدي نجي..انا مشيت جلست فوق الناموسية..يسرى مشات جلست حداه..شفت الجو ماشي هو هداك حطيت طبسيلي و بقيت كنشوف فيهم ساكتة..
ادهم : س..سمحو ليا خاصني نمشي..
✴يسرى شداتو من ايدو..
يسرى : بقا عافاك..ادهم..خاصك تبقا..إكرام جات على قبلك..
✴كنشوف ايديه بداو كيترعدو..هبط راسو..كيشوف فالارض..
يسرى : هي تفكرات شي حاجة من الماضي ديالها..بغات تسولك شي اسئلة..
ادهم : يسرى..كنحلف ليك جامي فحياتي مآديت شي بنت..تيقي بيا..ه..هي الوحيدة لي وقع ليا معاها هكا..كنت دايخ..و المخدر بدا كيعطي مفعولو..مكنتش عارف اش كندير...كان بامكاني نعاونها ولكن مقدرتش..المخدر بدا كياثر فيا بزاف..ندمت على هادوك الايام..انا تشافيت دابا عافاك متكرهينيش..
يسرى : ادهم..ديجا قلت ليك انا مكيهمنيش الماضي ديالك..حنا بغينا نعرفو غير اشنو وقع ليك مع إكرام..صافي..متخافش انا جامي نبعد عليك وخا نعرف..
انا : انا كنعقل كان حتا فارس..قلتي ليه يبعد عليا حيت كنت كنزف..اشنو وقع ليا..
✴ادهم حدر راسو و دار ايدو على وجهو..
ادهم : كنت فالدار انا و الدراري..واحد الدار وسط الغابة..ديال ريان..ريان كان يلاه سافر..كنت جالس مع مهدي..يلاه خديت شوية من مخدر الهيروين..حتا مهدي كان مدمن....جا عندنا فارس..
يسرى : كمل..غير هضر مرتاح..اكرام بنت ضريفة مغديش تقلق منك..
ادهم : ف..فارس قال بلي عندو موعد مع شي بنت من بنات الليل..و قال لينا نمشيو معاه..انا قلت ليه اوكي..ولكن مهدي فضل يبقى ياخد مخدرات..معجباتوش الفكرة...مشيت انا و فارس فالغابة..بالضبط حدا واحد البحيرة..تصدمت كنشوف بنت طايحة فالارض..كلها مجروحة..كيخرج الدم من راسها..فارس مشا عندها ولكن انا بقيت واقف بعيد..عرفتو كدب عليا..هي ماشي من بنات الليل..هو غير بغا يستغل الفرصة..
يسرى : هاد البنت..ه..هي إكرام..
انا و ادهم : اه...
انا : بقيتي واقف مصدوم كنعقل..
ادهم : كنحلف ليك..كنت باغي نعاونك..ولكن معرفتش اش وقع ليا..المخدر بدا كيعطي مفعولو..مشيت و خليتك معاه..فقت من المخدر حتا كنت جالس فالدار..عاد تفكرت اش درت..و عرفت بلي فات الفوت..ندمت بزاف..مبقاش كيجيني النعاس..كنت كنتفكر هاد الشي لي درت كل دقيقة..تانيب الضمير قتلني..
انا : و..واش معرفتيش اش وقع من بعد..
ادهم : سولت عليك..ولكن معرفت حتا شي اخبار..فارس غبر هاديك الايام مبقيتش شفتو..حتا المهدي غبر..مني مشيت لأمريكا حاولت نسا كلشي..مبقيتش عاودت قلبت فالموضوع ديالك..
انا : ا..اوكي شكرا..
ادهم : مامقلقاش مني ?
انا : لا..نتا مكنتيش فالوعي ديالك..
يسرى : غ..غدي تقوليها لريان ?
انا : مغديش نقول ليه..
ادهم : انا غدي نقول ليه..ميمكنش ليا نطلب ايدك لزواج من خوك و انا مخبي عليه حاجة مهمة بحال هادي..ضروري خصني نقول ليه..
انا : ادهم عندو الحق..انا غدي نعاونو..نتجمعو كلنا..ختارو النهار لي نتلاقاو فيه و نقولو ليه الحقيقة و فنفس الوقت نقولو ليه حتا على زواجكم..
يسرى : اوكي..بيناتنا الهاتف..
✴قلت ليهم اوكي..هزيت طبسيلي و خرجت..غاديا كناكل حتا تساطحت مع شي حد..
ريان : إكرام فين كنتي ? كنت كنقلب عليك..
انا : ك..كنت عند يسرى..
ريان : كلنا كنتسناو فيكم بغينا نسهرو على فلم فين غبرتو..ادهم تاهو معرت فين مشا..
انا : م..معرفتش..يله نهبطو..
✴شديت ريان من ايدو جريتو باش نهبطو..ولكن هو رجع..
ريان : بلاتي خصني نقولها ليسرى..
✴تصدمت..مشيت عندو بغيت نحبسو..ولكن فات الفوت ريان دق و حل الباب..تبعتو بالزربة..شفت ادهم و يسرى كيبوسو فبعضهم..😱 شفت ريان تعصب بزاف..مشاو فيها..ريان ديريكت مشا ضرب ادهم طيحو فالارض..يسرى غوتت..انا مشيت عندو كنجري..
ريان : ليوم نقتلك 😠 بانت ليك غير ختي انا تضحك عليها والله حتا نقتلك ادهم ليوم غدي تموت..
انا : ريااان..ريااان عافاك بعد عليه خلينا نهضرو بعدا..ريااااااااان..
✴واالو ريان كيضرب فيه بالجهد تخلعت..مشيت نعيط على الدراري هما لي غدي يحبسو هاد الشي..خليت يسرى كتبكي و كتجر فريان باش يحبس..هابطة فالدروج كنجري جاتني الدوخة..وصلت الصالون قلت لدراري ريان كيضرب فادهم..طلعو كيجريو..انامقدرتش نتحرك..ولكن وخا هكاك طلعت تبعتهم..تصدمت كنشوف الدم ف الارض..ادهم كينزف..دراري شادين ريان كيهدنو فيه ولكن هو بغا يرجع يكمل على ادهم..
انا : ريااان..واش حماقيتي ?? 😠
✴ريان شاف فيا مغوبش...
ريان : كنتي عارفة كين ادهم معاها فالبيت و مقلتيش ليا إكرام 😠
✴ريان كيشوف فيا مغوبش..محملتوش يشوف فيا بهاديك الطريقة..مشيت كنعاون يسرى تنوض ادهم من الارض..ادهم كيمسح الدم لي فوجهو..معرفتش علاش ادهم مدافعش على راسو..هو كيبان صحيح بزاف و مفورمي علاش خلا ريان يضربو..شفت فريان..حابسينو غير الدراري كيهضرو معاه..كون مجاوش فالوقت كون قتلو..ياسين عطا ل ادهم يشرب الما..شوية شفت يسرى ناضت معصبة مشات عند ريان و ضرباتو..صرفقاتو فوجهو..كتشوف فيه و كتبكي..مشيت عندها..
يسرى : سمع نقول ليك جوج كلمات ريان...ادهم انا كنبغيه و هو كيبغيني و حنا غدي نتزوجو بغيتي ولا كرهتي...المرة جايا نشوفك هاز ايدك عليه ريان نساني..نسا واش عندك شي اخت سميتها يسرى😠
✴ريان كيشوف فيها مصدوم...
✴حسيت براسي فيا السخفة..مقدرتش نبقا واقفة..شفت فريان..
انا : ريان..انا كنتسناك فالبيت..
✴مشيت خرجت..غير دخلت البيت تلاحيت فوق الناموسية..راسي كيضرني بزاف و فيا الدوخة..معرفتش اشنو كيوقع ليا..سمعت الباب تحل و دخل ريان معصب..بغيت نهضر معاه..غدي نقول ليه كلشي باش يفهم..جا عندي مغوبش..
ريان : آخر وحدة كنت كنسحابها تخبي عليا شي حاجة بحال هادي هي نتي إكرام..ولكن صدقت غالط..نتي كنتي عارفة بالعلاقة ديالهم و ساكتة..😠
✴معرفتش علاش هضرتو ضراتني فقلبي..مبغيتوش يقول ليا هاد الشي..
انا : كون فكرتي قبلما تضرب كنتي غدي تفهم اش واقع..كون سولتي قبلما تحكم..كنتي غدي تعرف كلشي..
ريان : اشنو بغيتيني نفهم إكرام 😠??? الموضوع واضح و باين..ادهم كيضحك عليها و هي بحال الدمدومة متيقاه...
✴وقفت عندو وخا مقادراش نوقف..
انا : نتا بفمك قلتي ادهم دري مزيان و ضريف و تقدر تيق فيه..
ريان : كنت غالط..جامي فكرت غدي يقرب لختي 😠
انا : ريان..نتا دابا معصب..جلس تكالما خليني نشرح ليك..
✴ريان جلس فوق الناموسية و شاف فيا..
ريان : كنسمعك..
✴جلست حداه..
انا : قبلما يجي ادهم للمغرب..يسرى هضرت ليا عليه و على علاقتهم..و قالت بلي كيبغيو بعضهم بزاف و ناوين يتزوجو..بغاوني نعاونهم باش نهضر معاك..بغاو يقولو ليك كلشي قبلما يجي ادهم يخطبها من عند باباك..دارو ليك قيمة حيت كيعتابرو رايك مهم بزاف فعلاقتهم..يسرى فضلت تهضر معاك نتا قبل ما تهضر مع باباها او ماماها..ولكن نتا شوف اش درتي ليوم..خربقتي كلشي و خليتي يسرى تكرهك..
ريان : اشنو بغيتيني ندير إكرام..انا على غفلة شفت صاحبي كيبوس فختي و كينين وحدهم فالبيت 😠 ركبوني الجنون معقلتش اش كندير..تخيلت بزاف الحاجات..
انا : ريان انا لي طلبت يسرى باش تجمعني انا و ادهم ف شي بلاصة...كان خاصنا ضروري نهضرو..و يسرى بان ليها البيت ديالها احسن بلاصة باش نتا متشوفناش..هضرنا على واحد الموضوع..و فنفس الوقت هضرنا على زواجهم..و قررنا نقولوها ليك فاقرب وقت..كان خاصنا نتافقو غير على النهار صافي..خرجت و خليتها هي و ادهم وحدهم..حيت شفت فعينيه بلي هو كيبغيها..كنت متاكدة ميقدرش يدير شي حاجة و يآديها..معليش إلا باسها..راهم غدي يتزوجو ريان..م..ما..ما..ماداروش شي حاجة..خ...خ..خايبة..
✴كنشوف الارض كاضور..معرفت اش وقع حتا الهضرة مبقاتش باغا تخرج ليا..ريان شدني..
ريان : إكرام ?..إكرام مالك...شوفي فيا عافاك هضري..
✴بديت كنحس بالوجع..كنحس براسي غدي نرض كلشي لي كليت..ايديا كيترعدو شديت فريان..شوية نضت كنجري للطواليط كنرض..ريان تبعني..واقف ورايا كيجمع ليا ف شعري..رجليا مبقاوش شاديني..فشلت..ريان عنقني..
أنت تقرأ
اكرام : زواج غير حياتي ♥
Romance( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
