انا : انا عارفاك كتحاول تحطمني بهضرتك..انا مامعصباش بالعكس..انا فرحانة حيت ريان مسناش على هاد الوراق..
✴جمعت الوراق كلهم..نعمان كيشوف فيا ضاحك..مشيت بغيت نخرج ولكن سمعتو هضر..
نعمان : حتال ايمتا غدي تبقاي تعتقيه...شحال غدي تبقاي معاه اصلا...اكيد غدي يجي شي نهار و نوصل لي بغيت..ريان غدي يخسر و انا لي غدي نربح.. ونتي مغديش تكوني معاه باش تعتقيه...
انا : انا معتقتوش..كون ريان شاف هاد الوراق انا متاكدة مغديش يسني عليهم..هو ماشي مكلخ..بلا ما يحتاجني نكون معاه..هو عارف اش كيدير..
✴خرجت بالزربة..معرفتش علاش كيفكرني ف آدم خويا..معرفتش علاش كينين شي وحدين ميستاهلوش يكونو إخوة..نعمان بحال آدم..نفس التفكير..علاش هاد الكره كلو لواحد من دمك و لحمك ?? وصلت لمكتب الباطرون و دخلت..نيشان مشيت عندو حطيت الوراق فوق الطبلة...
انا : كنتي عارف هاد الشي ?
✴الباطرون بدا كيشوف فالوراق..
انا : هادا نعمان سيفطهم لريان باش يسنيهم..
الباطرون : و اشنو المشكل ? شركات جداد غدي يتزادو عندنا..بغاو يتباعو من احسن نشريوهم حنا..
✴شفت فيه مصدومة..
انا : زعما نتا تسني عليهم ???
الباطرون : كون كانت الشركة باقا ديالي كون سنيت عليهم ولكن دابا خاص ريان لي يسني اش كيدير ? هادي فرصة مكتعوضش..
انا : لا ميمكنش واش كنحلم ?? شوف الاثمنة ??? و شوف الاسماء ديال الشركات..فايت ليك سامع بيهم ?
الباطرون : إكرام بنتي..هادو شركات صغار..اسمائهم مامعروفاش..و بطبيعت الحال الثمن غدي يكون غالي شوية راه شركات هادو..
✴خديت ليه الوراق من ايدو..عصبني..اه هو كبر مني ولكن حيت كيتيق فنعمان لهاد الدرجة و كيكره ريان كنحس براسي كرهتو مكنحملش الاب لي كيفرق بين ولادو..
انا : سمح ليا انا لي مكلخة جيت عندك...معرفتش كيف درتي حتا وصلتي لهاد المرتبة و كبرتي هاد الشركة والله..
الباطرون : علاش كتقولي هكا ??
انا : حيت هاد الشركات مكينينش اصلا...كون فكرتي غير شوية كون عرفتي هاد الشي..خاصك ديما تفكر و تقرا مزيان الكونترا قبلما تسني..قلب على الشركات و عرف علاش اصلا بغاو يتباعو اشنو المشكل لي فيهم و لي خلا مول الشركة يبيع..شوف واش كين شي خلل و قارن الاثمنة بشركات آخرين...ماشي غير جي و سني..
✴الباطرون بقا كيشوف مصدوم..
انا : ولدك نعمان دار هكا باش ريان يغرق..
الباطرون : كلشي بسباب ريان..كون مخداش الثروة كلها مكانش نعمان غدي يدير هاد الشي..ريان خدا كلشي..ما خلا والو لخوتو..ماشي بعيد غدا نشوف يسرى حتا هي دايرة شي حاجة بحال هكا..نعمان بغا يرجع حقو..
✴تصدمت..الباطرون كيكره ريان لهاد الدرجة ? وخا شاف الدليل قدام عينو باقي كيقول ريان السباب ?...خرجت من البيرو ديالو مجاوبتوش..ميمكنش ليا نبدل ليه رأي ديالو ف ريان..كيبان ليه غير نعمان معرفتش علاش عزير عليه بزاف...دخلت البيرو ديال ريان و جلست..بقيت شوية كنفكر..زعما بصح ريان خدا الثروة كلها و ما خلا والو لخوتو ?? خاصني نهضر معاه فهاد الموضوع...بقيت كنكمل الخدمة..من بعد كملت كلشي و نضت جيت عند ريان..بغيت نفيقو باش نمشيو..خاصو يتغدا و يشرب الدوا ديالو..بقيت كنشوف فيه شوية..ناعس..كنشوف الملامح ديال وجهو..محسيتش بالوقت..معرفتش اش وقع حتا لقيت راسي كنشوف ليه فمو..ستغفر الله انا فاش كنفكر ??? 😳 نضت وقفت بالزربة..اووف كنحس بحناكي سخان بزاف..جسمي كلو سخون اصلا..يا ربي انا فاش كنت كنفكر..لا إكرام مخاصكش طيحي فهاد الفخ..حنا غدي نطلقو...شفت فيه مرة آخرة..بديت كنفيق فيه بالشوية..مبغيتش نخلعو و هو مريض..
انا : ريان ? نوض خاصنا نمشيو..
✴ريان حل عينيه..غير شافني و هو يضحك..يخلي ليا هاد الضحيكة شحال زوينة😍 مكرهتش نبقا غير حاضياه..
انا : كملت الخدمة..خاصنا نمشيو الدار..
✴ريان ناض جلس...شوية وقف...كيبان باقي عيان بزاف..مشا البيرو..شاف الخدمة لي درت..من بعد جا عندي..
ريان : شكرا إكرام..
✴قرب ليا و باسني فراسي..لااا علااش..انا كنحاول نخرجو من دماغي ولكن هو بهاد الحركات مستحيل يخرج اووف...لمهم ريان هز مفتاح السيارة و تيليفونو و خرجنا..هبطنا ركبنا فالسيارة و مشينا لدار..فالطريق شرينا بيتزا باش نتغداو..وصلنا لدار تغدينا..عطيت لريان الدوا و رجع نعس..انا هبطت لصالون كنتفرج فالتلفاز..جاتني مكالمة..
انا : الو..
عيسى : نسيتيني حمارة..
انا : نتا لي نسيتي ختك..كل مرة كتقول ليا غدي تجي عندي و مكتجيش..
عيسى : كوني هانية غدا انا معاك النهار كلو..
انا : قول والله 😱
عيسى : كنحلف ليك..إنشاء الله غدا نكون عندك..
انا : غدي نتسناك 😱 توحشتك..غدي ندير ليك الكيك لي كيعجبك 😁
عيسى : والله و ما ديريه حتا نقتلك اصلا جاي على قبلو..العيشة بلا بيك ولات باسلة 😒 توحشت الاكل ديالك..
انا : كون متأكد إنشاء الله غدي ندير ليك واحد الغدا واعر 😏 مغديش تقنع منو..
عيسى : اوكي..نتشاوفو غدا..
✴قطعت المكالمة و طلعت فرحانة عند ريان..دخلت لقيتو ناعس..نسيت بلي هو مريض و ناعس..خرجت بالشوية باش منفيقوش..ولكن سمعتو هضر..رجعت عندو بغيت نسمعو اشنو قال..
ريان : مشاغبة..غدي نقولها للاستاذ ديالك..
✴حسيت باحساس غريب..هاد الجملة فايت ليا سامعاها..يمكن ف شي فلم? ولكن علاش كنحس بحال هكا...بحالا هاد الجملة عندها ماضي و...و انا كنت جزء من هاد الماضي...كنحس براسي مصدومة بزاف..معرفتش فين سمعت هاد الجملة..شوية حسيت بجسمي كلو كيترعد..و فلحضة بان ليا بحال شي ضوء شعل...شفت بنت وولد كيهضرو فشي بلاصة بحال الغابة..الصورة مواضحاش مزيان..ضرني راسي بزاف..معرفتش اشنو وقع ليا..غمضت عيني و الضوء مشا..مني حليت عيني كلشي رجع كيف كان..مفهمتش اش وقع..حسيت براسي سافرت و مشيت لشي بلاصة بحال الغابة ورجعت للبيت..كنشوف ريان باقي ناعس فبلاصتو...باقي كيحلم...بديت كنفيقو...
انا : ريان..واش نتا بيخير ? باش كتحس ??
✴ريان حل عينيه شاف فيا..
انا : ك..كنتي كتحلم...
✴ريان ناض جلس و بقا كيشوف فيا..
ريان : تقدري تعطيني نشرب الما..فيا العطش..
✴عطيتو يشرب الما و جلست حداه..
انا : دابا وليتي شوية ?
ريان : انا بيخير إكرام..بلا ما تبرزطي راسك معايا..
انا : كنتي كتحلم..ريان معرفتش اشنو وقع ليا..سمعتك قلتي شي حاجة..و هاديك الحاجة انا متاكدة فايت ليا سمعتها فشي بلاصة..معرفتش اشنو طرا ليا قبيلة فلحضة حسيت براسي سافرت..مفهمتش احساس غريب والله..ضرني راسي بزاف..باقي ل دابا كيضرني..بغيت نعرف باش حلمتي عافاك..
✴ريان حل ايديه بجوج و شاف فيا ضاحك..
ريان : تكاي رتاحي بعدا..
انا : بغيتيني نتكا وسط ايديك زعما 😑
ريان : مكين ما حسن من ايديا..غدي يعجبوك اجي تكاي..نتي ضارك راسك..
انا : بففف..راسي مضارنيش لهاديك الدرجة..مبغيتش نتكا..لمهم..بغيت نقول ليك غدا غدي يجي عندنا عيسى..اووف و اخيرا غدي نشوفو..توحشتو بزاف..غدي يبقا معايا النهار كلو 🥰
ريان : مزيان..انا غدا خاصني نمشي للشركة فالصباح..غدي نجي نتغدا معاكم فالدار..
انا : راك باقي عيان ريان..
ريان : قلت ليك انا بيخير..
✴ريان قرب ليا جرني عندو و عنقني..انا تكيت ليه على كتفو..
انا : بغيت نعرف باش حلمتي ريان..
✴ريان بقا ساكت...ولكن شوية قرر يهضر..
ريان : كل مرة كنحلم بهاد الحلم..هو فالحقيقة ماشي حلم..هو ذكرى..وقعات ليا شحال هادي..كنبقا نعاود نشوف الاحداث ديالها..
انا : اوكي انا مسعدة نسمع هاد الذكرى..😉
ريان : هبيلة نتي ههه...لمهم شحال هادي...كنت انا و صحابي فواحد الدار..كندوزو فيها الويكاند حدا واحد الغابة..انا و بلال..فهد..سليم..فارس و فريد..و ادهم و المهدي..كلنا كنا مجموعين..جا عندنا المهدي و قال لينا كينين شي وحدين مخيمين قراب لينا..جانا الفضول نعرفو شكون..مشيت مع الدراري لقيناه مخيم ديال المدرسة..بزاف ديال الولاد و البنات كانو تما...
✴ريان بقا ساكت..بغيتو يكمل..
انا : كمل..عافاك..
ريان : دخلنا للمخيم على اساس حتا حنا تلاميد معاهم..كنقلبو على البنات..راك عارفة..العقل ديال هاداك الوقت..تفكير ديالنا كلو مركز على البنات..درنا تحدي..لي غدي يجيب اكثر نوامر ديال البنات راه هو الزوين و الصحيح فينا كلنا...
انا : كنتو كضحكو على البنات..
ريان : لا غير خاصنا نهضرو مع شي بنت و ناخدو الرقم ديالها صافي..مكنضحكوش على البنات و مكنجرحوش ليهم المشاعر ديالهم...
انا : لمهم كمل..
ريان : فضولية بحال ديما 😏
انا : بغيت نعرف...
ريان : دراري صحابي كل واحد و فين مشا..تفرقنا وسط المخيم..انا شفت واحد البنت..لابسة الكحل..دايرة القب على راسهة..كنعقل كان البرد..ولكن الطريقة لي هي غاديا بيها و كتخزن و را الشجر..عرفتها هاربة..
انا : هاربة من المخيم ?
ريان : اه..تبعتها..معرفتش علاش ولكن بغيت نعرف فين غاديا..شفتها خرجات من المخيم..بقات غاديا فالغابة..و انا تابعها بلا ما تحس بيا..شفتها وقفت حدا واحد البحيرة صغيرة..بقات واقفة تما كتشوف..قررت باش نقرب عندها و نهضر معاها..شفتها جبدات شوكولا بقات كتاكل فيه و كتشوف فالمنضر ديال البحيرة..مشيت عندها..غير شافتني خافت..هضرت معاها..حاولت نضحك معاها باش متخافش مني...قدرت نفهم بلي هي خايفة من خوها..مكيخليهاش تشوف الدراري..هو كان معاها فالمخيم..قلت ليها حتا واحد مغدي يعرف بلي انا وياها هضرنا...
✴شفت ريان بقا ساكت..كنحس براسي فايت ليا شفت هاد القصة ف شي فلم..ياكما ريان كيضحك عليا..
انا : ريان واش هاد القصة عشتيها بصح ولا خديتيها من شي فيلم..حيت كنحس براسي كنعرف هاد القصة معرفتش فين سامعاها..
ريان : لا إكرام..انا هاد الشي وقع ليا بصح..
انا : اوكي كمل تشوقت..
ريان : بقيت كل نهار كنتلاقاها حدا البحيرة..نسيت التحدي لي بيني و بين الدراري..مقلت لحتا واحد عليها..حتا واحد فصحابي مكان عارفني كنتلاقا هديك البنت كل نهار..مقلتش ليها اسمي و مقالتش ليا اسمها..داك شي علاش سميتها مشاغبة..كنت كل نهار كنجيب ليها شوكولا..كتفرح بزاف ولكن مكتاكلهاش انا كنت عارفها مكتيقش فيا..ولكن عل اقل كانت كتعطيني شوية من وقتها..دازو ستة ايام و انا كل نهار كنتلاقاها..ولكن كان خاصني نسافر لفرنسا ضروري...انا و عائلتي..و مقلت ليها والو..كنت ناوي نقول ليها كلشي..ولكن مقلتش ليها..آخر نهار تلاقينا فيه قالت ليا بلي هي فرحانة حيت تعرفت عليا..مكانوش عندها اصدقاء..و انا بحال شي حمار تاني مقدرتش نقول ليها بلي راني غادي مسافر..هاداك النهار بالليل انا سافرت...خليت الدراري يكملو العطلة ديالهم فهاديك الدار....انا فالمطار و كنفكر فيها..الوقت لي دوزتو ففرنسا كلو و انا كنفكر فيها..كنتسنا نرجع للمغرب باش نقلب عليها..وخا نعرف نقلب الدنيا كلها لمهم نلقاها..
✴حسيت بشي حاجة فقلبي..معرفتش علاش كنحس براسي فيا الغيرة..محملتوش يكون مهتم بهاد البنت بزاف..اووف هاد الاحساس قتلني لدرجة كنحس براسي فيا البكية..ريان حتا هو بقا ساكت و كيشوف فالحيط..
انا : ك..كمل..
ريان : رجعت للمغرب..قلبت عليها و سولت فكل الاماكن و حتا فمدرستها..ولكن..
✴ريان بقا ساكت بدا كيعصبني..باينة فهاد القصة مأثرة فيه بزاف..
انا : ريان عافاك كمل..
ريان : شي وحدين كيقولو ماتت..شي وحدين كيقولو هربت لعائلتها..متيقتش..بقيت كنقلب كثر بحال شي مسطي..فالمدرسة مبغاوش يعطيوني العنوان ديال دارها...كيقولو بلي الملف ديالها كلو محروق..حرقو شي واحد..متيقتهمش...
انا : صحابها فالمدرسة معارفين والو ?
ريان : مكانوش عندها اصدقاء...لي سولتو كيقول ليا معارف والو..ولكن هما كانو عارفين..غير كانو خايفين من خوها..يمكن موصيهم ميقولو حتا معلومة عليها...فقدت الامل فواحد الفترة...دازو شي ايام..كنت فالدار..حتا جاو البوليس لدار..قالو بلي انا متهم بالقتل..تصدمت..مفهمت والو..داوني معاهم..فالمركز فهمت بلي شي بنت نتاحرت و خلات ورقة..بلي سبب انتحارها هو انا...تخلعت بزاف مني عرفت هاد الشي..مخفتش من الحبس و لا الجريمة لي وقعت...خفت بزاف تكون هادي هي البنت لي كنقلب عليها..خفت تكون هي لي ماتت و جامي غدي نقدر نشوفها..
انا : و..واشنو وقع من بعد..و..واش لهاد السبب تشديتي فالحبس..
ريان : اه..تشديت فالحبس غير شهر..كتاشفت بلي هاد البنت لي نتاحرت جامي فحياتي ما شفتها ولا عرفتها..هي كانت حاملة مسكينة..من بعد شهر بابا خرجني من الحبس بكفالة..خلاوني نخرج حيت ماشي انا لي قتلتها هي لي نتاحرت ولكن كتقول فالورقة بلي الولد ولدي و انا مبغيتش نعتارف بيه..دازو ايام و البوليس قدرو يعرفو بلي الورقة مزورة...والخط لي مكتوب بيه اسمي ماشي هو الخط لي مكتوبة بيه الرسالة..يعني شي واحد خدا الرسالة ديالها و بدل الاسم لي كين فيها بإسمي انا...المحكمة قررت بلي انا بريئ..حيت مكتربطني حتا شي صلة بهاد البنت..بعيدة عليا بزاف...البوليس خداو الورقة لمختبر التحقيقات باش يعرفو الرسالة اشنو كان مكتوب فيها قبل ما تبدل..ولكن الورقة تسرقات..لحد الان مبقاوش لقاوها..والصراحة انا مكتهمنيش الورقة..لي كان كيهمني هو البنت لي كنقلب عليها..
انا : و ما بقيتيش لقيتيها ?
ريان : واحد النهار كنت جالس مع بلال..سمعتو كيهضر مع واحد البنت..مني كمل الهضرة قال ليا بلي هاد البنت كانت فالمخيم..كان خدا النمرة ديالها و بقات عندو...بقا كيهضر معاها ولاو اصدقاء..قلت ليه يسولها واش بصح شي بنت من المخيم ديالها ماتت..بلال قال ليا علاش?....شرحت ليه كلشي و عاودت ليه كلشي عليها..بلال هو الوحيد لي عارف القصة ديالي معاها...بغا يعاوني...داك شي علاش سول صديقتو..سولها على النهار لي انا سافرت فيه اش وقع ? واش ختفت شي بنت ولا وقعت ليها شي حاجة...
انا : اشنو قالت ليه...
ريان : مكتحسيش براسك كيضرك..قلت ليك بزاف حتال من بعد و نكمل ليك..
انا : واش حماقيتي 😱 قول ليا عافاك..
ريان : اوكي اوكي..
انا : قول ليا كلشي..انا كنسمعك..
ريان : صديقة بلال قالت ليه بلي لقاو شي بنت مقتولة حدا البحيرة....تصدمت..النهار لي كان خاصني نمشي نتلاقاه فيها انا سافرت...هي مكانتش عارفاني مغديش نجي...بقات كتسناني تما..كان خاصني نقول ليها بلي انا مغديش نجي حيت غادي مسافر...
✴كنشوف فيه مصدومة..جاتني البكية...مبغيتش قصتو تسالي هكا..وخا حاسة بالغيرة والعافية شاعلة فقلبي ولكن..مسكينة هاديك البنت..معرفتش اش وقع معاها..ولكن بقات فيا بزاف...شفت ريان مثأترش..بقا كيشوف فيا عادي..
انا : ص...صافي..القصة كملت هنا ? تاكدتي بلي هي لي ماتت ماشي شي وحدة آخرة ?
ريان : لا..القصة مكملتش هنا..بحال كلشي..صديقة بلال كانت غالطة..حيت بزاف الناس كيقولو ماتت..ولكن هي كانت باقا عايشة..انا تاكدت من هاد الشي من بعد..
انا : يعني لقيتيها ??
ريان : اه لقيتها..انا وياها دابا اصدقاء بحال شحال هادي..
✴يعني غير اصدقاء الحمد لله...معرفتش علاش كنت خايفاه يكون كيبغيها..
انا : اشنو سميتها ?
ريان : معرفتش..كنقول ليها مشاغبة و صافي..
انا : كداب..ميمكنش تكون معارفش..نتا قلبتي فمدرستها...كيف درتي حتا عرفتيها كتقرا تما إلا مكنتيش عارف اسمها..و كيف درتي سولتي التلاميد لي كيقراو معاها عليها ???
✴ريان بقا شحال كيشوف فيا...شوية و هو يتفرگع بالضحك...
ريان : هاهاهاهاها كان خاصك تشوفي وجهك إكرام هاهاهاها..
انا : كيفاش ? علاش كتضحك ?
ريان : حيت هاد القصة غير كدبت عليك فيها كلها خديتها من واحد الفلم قديم 😂
انا : داك شي علاش كنحس براسي فايت ليا سامعاها ???? ريان والله حتا نقتلك هاد الوقت كلو و انا بحال شي مكلخة كنسمع ليك و مثأثرة معاك 😡
ريان : هاهاهاهاهاهاهاهاااا 😂
انا : ولكن بلاتي..قصة الحبس ديالك حقيقية ? دوختيني والله..و اسم (مشاغبة) انا شفتك دايرو فالكود ديال تيليفونك..حتا هادي قول ليا ضحكتي فيها 😑
ريان : غير كنخربق عليك بغيتك تبقاي حدايا و تونسيني..قصة الحبس ديالي حقيقية مبدلت فيها والو..و كلمة مشاغبة انا اصلا كنقولها بزاف..حتا ليك نتي كنقولها 😉
✴حسيت بريان كيكذب..ولكن مبغيتش نبزز عليه يقول الصراحة..غدي نتسنا حتا يبرى و ديك الساعة غدي نفهم منو كلشي و بزز..نضت مشيت لبيتي..دازت العشية عادي..هضرت انا و يسرى فالهاتف...تعشيت انا و ريان و من بعد كل واحد فينا طلع لبيتو ينعس...الغد ليه فقت فرحانة..غسلت و هبطت نيشان الكوزينة..بديت كنوجد فالفطور..و فنفس الوقت كنوجد فالشهيوات لعيسى..حطيت الفطور..مشيت نفيق ريان..الريحة ديالو شميتها من الدروج 😍 كتحمقني بزاف هاد الريحة..شفت ريان جاي هابط..لابس انيق بحال ديما..بقيت كنشوف فيه حتا وصل حدايا..قرب ليا و باسني فراسي..قلبي تزعزع..انا اش كيوقع ليا معاه..مكنبقاش قادرة نتحرك..
ريان : صباح الخير إكرام..
انا : ص..صباح الخير..اجي تفطر..
✴انا و ريان جلسنا كنفطرو..بغيت نقول ليه على الميساجات لي كيوصلوني..ولكن عيسى غدي يجي ليوم..اووف..اوكي ليوم بالليل غدي نهضر معاه..تعطلت بزاف..
ريان : فاش كتفكري ?
انا : ف عيسى غدي يجي ليوم..
ريان : غدي نحاول نجي بكري حتا انا..
انا : ريان خاصني نقول ليك واحد الحاجة..
ريان : كنسمعك..
انا : مني كنت معاك فالشركة لبارح..نتا كنتي ناعس..نعمان سيفط شي وراق باش تسنيهم..انا قريتهم و فهمت بلي راها خدعة منو باش نتا تخسر بزاف الفلوس..متسنيش على هادوك الوراق راه حطيتهم فالبيرو ديالك..بزاف الكونترات ديال شركات بغاو يتباعو..
✴شفت ريان غوبش..
ريان : باقي زايد فيه هاد الحمار 😡
انا : علاش نتا وياه مكتفاهموش ?
ريان : عرفتي البنت لي نتاحرت مسكينة ?? لي بسبابها دخلت للحبس مضلوم ??
انا : اه مالها ?
ريان : كتاشفت بلي كانت عندها علاقة مع نعمان..و انا متاكد هو ورا كل هاد الشي..اصلا مني كنا صغار و حنا هكا..ف اي فرصة بانت ليه كيحاول يحطمني..
انا : عندكم نفس الاب..راه خوك وخا هكاك...ريان بغيت نسولك..
ريان : اشنو ?
انا : واش بصح خديتي الثروة كلها و مخليتي والو للورثة ?
ريان : اه خديتها ولكن انا آخر همي هما الفلوس..انا كنت ناوي نحمي ممتلكات بابا..يالاه لقيتيني ناوي نرجع الحصة ديال نعمان ليه..و ديال ماماه و ختو حتا هي..معندي ما ندير بفلوسهم..غدي نرجعهم ليهم و ماشي سوقي فيهم..انا لي كيهمني فلوس بابا و الثروة ديالنا ما تسرقش..
انا : متاكد شي واحد باغي يسرقكم ? واش نتا عارف شكون ?
ريان : اه عارف شكون..
انا : قول ليا..
ريان : نعمان و ماماه نيت..و حتا هما عارفين بلي انا عارف...خديت الثروة كلها باش نبين ليهم شكون انا و اشنو نقدر ندير...ولكن انا ماشي بحالهم..من بعد ما خلعتهم هاد الايام..انا غدي نعطيهم حقهم مبغيتوش يبقا عندي..
انا : احسن حاجة درتي..عطيهم حقهم..مامزيانش تاخد شي حاجة ماشي ديالك..
✴بقينا كنهضرو انا و ريان و كنفطرو..من بعد ريان مشا..انا بقيت كنجمع فالدار حتا جا عيسى..فرحت مني شفتو..بقيت شحال كنهضر انا وياه حطيت ليه يفطر..لمهم داز الوقت و جا وقت الغدا..انا و عيسى جالسين فالصالون كنهضرو..دخل ريان...جا عندنا سلم على عيسى..
انا : كيبقيتي شوية ?
ريان : اه الحمدلله..
✴ريان جلس معانا حطيت لغدا..بقينا كناكلو و كنهضرو...ريان و عيسى مفاهمين بيناتهم الحمد لله..
عيسى : عرفتي شنو إكرام ?
انا : شنو ?
عيسى : آدم كل مرة كيسولني عليك..
انا : بففف على اساس كيهمو امري 😑
عيسى : يمكن توحشك..
انا : لا ميمكنش...هو توحش الضرب لي كان كيضربني..اه..هو اكثر حاجة كتهمو هي العصى..
عيسى : باقا محافضة على التدريب ديالك ?
انا : اه دخلت لاصال مع يسرى..كنتدرب تما..متخافش باقا محافضة على التدريب ديالي..
عيسى : لا صال ? واش حماقيتي إكرام ? تما غدي يكونو غير الدراري..متبقايش تمشي..
ريان : متخافش لا صال ديال صاحبي..كلشي لي كينين تما كيعرفوني..فنضرك غدي نخليها تمشي ل شي بلاصة فيها الدراري..متخافش حتا ختي كتمشي تما حتا واحد ميقدر يهز عينو فيها..
عيسى : إوا مزيان إلا كنتي موصي صحابك تما يعني منخافش عليها..
ريان : لا كون هاني من هاد الناحية..ولكن كين مشكل كبر من هاد الشي..خاصنا نخافو منو..
عيسى : اشنو ?
ريان : شي وحدين كنت كنعرفهم..بغاو يآديو إكرام..معرفتش فين كيعرفوها..و معرفتش اشنو غدي يستافدو من هاد الشي..ولكن انا راه داير لي فجهدي باش نعرف..حاولت ندعيهم ولكن البوليس قالو خاصني دليل على هضرتي..
عيسى : شكون هاد الحمير ?? واش نتا كتعرفهم ?? اش بغاو من عند إكرام ??😡
ريان : كنت كنعرفهم..معرفتش اش بغاو من عندها..دابا ولاو اعدائي..حيت سمعوني تزوجتها..
عيسى : سمع مزيان نقول ليك ريان...والله ونعرفك دخلتي إكرام فالمشاكل ديالك مع صحابك منرحمك..كنحلف ليك...خليها بعيدة على مشاكلك..
ريان : معنديش معاهم مشاكل..انا كتاشفت هاد الشي بالصدفة..شفتهم هازين صورتها و كيتآمرو عليها..قبلما نتزوجها..هما كانو كيخططو يخطفوها معرفتش علاش..ولكن حيت تزوجتها دابا ميقدرو يديرو والو...
عيسى : متأكد ميقدرو يديرو والو ?
ريان : كنت متأكد..ولكن شاك ف شي واحد بدا كيعاونهم..ولاو كيهددوني..معرفتش منين جاتهم هاد الجرأة..اكيد شي واحد كيعاون فيهم...
انا : صافي بدلو الموضوع..ليوم فرحانة حيت كين معايا عيسىى مبغيتش نخربق الجو بالمشاكل..
✴بدلنا الموضوع و بقينا كنهضرو..نضت مشيت الطواليط ورجعت..جلست معاهم..
انا : عيسى غدي تبات معانا اوكي ??
✴عيسى مجوبنيش..ساهي و كيشوف..
انا : عيسى ???
ريان : قلت ليه اسم فريد و فارس...وصدق كيعرفهم..
✴تصدمت..فين كيعرفهم ?? زعما يكون بسباب عيسى هما عرفوني ?
انا : ع..عيسى ? و..واش بصح كتعرفهم ?
عيسى : اه...ك..كنضن انا السباب فكلشي..
انا : ميمكنش..اشنو بينك و بينهم..و علاش بغاو يآديوني انا ?
عيسى : خ..خاصني نمشي..من بعد و نهضرو إكرام..ريان عافاك رد ليها البال..
ريان : متخافش من هنا ل شي ايام غدي نسافرو لفرنسا..حتا واحد ميقدر يتبعنا..
عيسى : شكرا بزاف...نبقاو على اتصال..إكرام حبيبة مرة آخرة و نجي عندك..بيناتنا الهاتف..
✴عيسى خرج بالزربة..مفهمت والو..شفت فريان..
ريان : من بعد و نشرح ليك..
انا : لا شرح ليا دابا ريان..
ريان : عيسى قال..بلي هو مصاحب مع خت فريد و فارس..كنضن هاد الشي علاش هما تابعينك..هما و عيسى بيناتهم خلافات..
انا : و..و..ولكن..هادا ماشي سبب يخليهم يبغيو يآديوني..
✴ريان قرب ليا على غفلة..شد ليا وجهي بين ايديه..صدمني بهاد الحركة قلبي بدا كيضرب..
ريان : من حدي انا عايش حتا واحد مغدي يقدر يآديك إكرام..
✴بقيت كنشوف فيه مصدومة..هاد الشي لي عرفت صدمني..عيسى مصاحب مع شي بنت..وانا كيسحاب ليا جامي يقدر يبغي شي وحدة فحياتو..كان كسحاب ليا انا الوحيدة لي كيهتم بيها و ناسي راسو ولكن صدقت غالطة..فرحت ليه ولكن فنفس الوقت خفت عليه..بانت ليه غير اخت فريد و فارس..علاش?
ريان : إكرام..متخافيش قربنا نتهناو منهم..غير صباح كنت باقي معارفش علاش بغاو يآديوك..ولكن دابا عرفت معلومة مهمة..عل اقل عرفنا بلي هما بغاو ينتاقمو من عيسى..إنشاء الله غير نلقا الدليل بلي هما بغاو يآديوك نيشان غدي ندعيهم اوكي..متخافيش..صحابي كيعاونوني..انا وياك غدي نسافرو باش تبقاي بعيدة عليهم...ميقدروش يوصلو ليك..
انا : و..واقيلا خاصك تعرف..كنت كنتسنا الوقت المناسب باش نقول ليك...كنضن هادا هو الوقت..معرفتش واش هاد الشي غدي يتعتابر دليل ضدهم اولا لا..اصلا معرفتش واش هما ولا شي حد آخر..ولكن..شوف..
✴جبدت الهاتف وعطيت لريان يقرى الميساجات لي كيوصلوني..بقيت كنشوف فيه و هو كيشوف فالهاتف ديالي..وجهو تبدل..غوبش و كيبان تعصب بزاف..
ريان : شكون هاد الحمار لي كيكتب ليك هاد الشي ?? من ايمتا ??😡
انا : م..معرفتش شكون...تقريبا من نهار العرس و هما كيوصلوني هاد ميساجات...
✴ريان معصب بزاف...شفتو بدا كيعيط لهاديك النمرة..جرب من تيليفوني و من بعد جرب من تيليفونو..
انا : و..واش مكيجاوبش ?
ريان : كتصوني و مكيجاوب حتا واحد 😡
انا : شوف ريان نتا مريض..مكنتش باغا نقول ليك هاد الشي و نتا مريض..متعصبش بزاف عافاك..سير ترتاح..من بعد و نجربو نعيطو...يقدر يجاوب فهاداك الوقت..
ريان : غدي نصيفط هاد النمرة لصحابي بعدا يحاولو معاها..
انا : اوكي حتا هادا حل..المهم صحتك..متعصبش عافاك..
✴ريان لاح تيليفونو بالجهد و ضرب الطبلة برجلو..
ريان : كيفاش بغيتيني منتعصبش إكرام ??? كيسحاب ليك غدي نخلي حمار بحال هادا كيكتب لمراتي ميساجات بحال هادو و نبقا ساكت??? وش حماقيتي? وش مقريتيش اش كان كيكتب ليك ??😡
✴تخلعت مني ضرب الطبلة..بقيت كنشوف فيه مصدومة..مامتيقاش قال مراتي..واش بصح قالها و لا ما سمعتش مزيان..ريان حتا هو كيشوف فيا..كنضن عرف راسو اش قال..جا عندي..
ريان : سمعي إكرام..انا عارف زواجنا مكيهمكش..و عارف غدي نطلقو من بعد..ولكن حاليا راك مراتي..وانا غدي ندير لي فجهدي و اكثر باش منخلي حتا شي واحد يقرب ليك..
انا : شكرا ريان...جامي قلتها ليك ولكن..هاد الشي كلو لي كادير على قبلي انا جامي غدي نساه...داك الشي علاش خليني نرجع ليك وخا غير شوية من هاد الشي..خليني نتهلا فيك و نرد ليك البال عافاك..خليني نعاونك فاي حاجة حتاجيتيني فيها..
✴ريان قرب ليا...اوكي فشلت.
ريان : مكرهتش تهلاي فيا و تردي ليا البال إكرام 😏 شكون يقدر يرفض حاجة بحال هادي ? متحتاجيش طلبي الادن ديالي خودي راحتك..
انا : اوكي طلع لبيتك ترتاح انا غدي نجيب ليك عصير و خاصك تشرب دوا..
ريان : ياك قلتي غدي تهلاي فيا..
انا : اش كنبان ليك كندير دابا ? ياكما بغيتي ندير ليك ماساج 😑...طلع لبيتك ترتاح غدي تكون عيان من الخدمة فالشركة..
ريان : مكرهش ماساج😉
انا : فاحلامك..
✴ريان طلع لبيتو كيضحك..اوف الحمدلله مبقاش معصب..درت ليه عصير و طلعتو ليه لبيتو..عطيتو ليه شربو و من بعد شرب الدوا و تكا فبلاصتو..
انا : رتاحيتي ?
✴ريان كيشوف فيا..ضاحك..اوكي هاد الشوفة لي فوجهو غريبة..فلحضة لقيت راسي فوق منو..جرني حتا طحت فوق صدرو..دابا عاد فهمت هاديك الشوفة 😑
انا : حماقيتي لا ?
ريان : لي يعيش معاك نتي راه ماشي غير يحماق..راه يخرج ليه العقل..
انا : شنو بغيتي تقصد بهضرتك? انا زعما مسطية ??
ريان : مقلتش نتي مسطية😏
انا : و اشنو بغيتي تقصد ?
ريان : نتي مشاغبة..
✴حسيت بريان كيلعب بصبيعاتو فضهري...فلحضة ضهري تجمد و رجليا فشلو..علاش كيدير هاد الحركات مبغيتش نولي نبغيه اووف..
انا : ر..ريان حيد ايدك..
ريان : علاش ? قلقتك ?
انا : اه..مبيناتنا والو حيد ايدك خليني نوض..
ريان : انا ماحابسكش إكرام تقدري تنوضي..
✴بغيت نوض ولكن مقضرتش..كنحس بجسمي كلو فاشل..هادا اش دار ليا ?? كيشوف فيا ضاحك..هز ايدو بدا كيلعب ليا بشعري..
ريان : قلتي غدي تنوضي ? 😏 مشاغبة..
انا : م..متقارنيش بهاديك البنت..متبقاش تقول ليا مشاغبة..
ريان : إنا بنت ? راه قلت ليك غير ضحكت..ما كين والو من هاديك القصة...
انا : ريان..واش كتضحك عليا ? واش كيسحاب ليك انا مكلخة ?
✴نضت جلست..اووف واخيرا رجليا تحركو و قدرت نبعد عليه..
ريان : علاش كتقولي هكا..
انا : كاتب مشاغبة فكود تيليفونك ريان..و القصة لي قلتي ليا كانت خارجة من اعماق قلبك..كتهضر على هاديك البنت بحالا هي الاكسجين ديالك..بلا بيها متقدرش تعيش..كدبتي عليا مني قلتي معارفش اسمها..متنكرش ريان...هاد الشي كلو خلاني نفهم بلي نتا مخبي عليا شي حاجة...علاش ? اشنو مبغيتينيش نعرف ? واش هاد الموضوع عندك خاص و حساس لهاد الدرجة انك تخبيه عليا ?ولا غير مبغيتينيش نعرف كلشي على حياتك ?
✴ريان الوقت كلو ساكت كيشوف فيا كنهضر..من بعد هز ايدو حطها على حنكي..
ريان : إكرام...كتيقي فيا?
انا : كنتيق فيك ريان..ولكن حاسة بيك خازن عليا شي حاجة لي مهمة..
ريان : غدي تيقي بيا إلى قلت ليك...إنشاء الله غدي يجي الوقت لي تعرفي فيه كلشي..
✴بقيت كنشوف فيه..يعني الشك ديالي كان فمحلو..هو خازن عليا شي حاجة ماشي عادية..شي حاجة لي انا خاصني نعرفها ضروري..
ريان : إكرام..عافاك تيقي بيا..انا اكثر واحد باغيك تعرفي..ولكن منقدرش..كلشي غدي تعرفيه فوقتو اوك ?
انا : ا..اوكي..
✴نضت بالزربة خرجت..جاتني الدوخة وضرني راسي..مقدرتش نبقا معاه..معرفتش علاش ولكن هاد شي قلقني..اشنو مخبي عليا ريان..اشنو علاقتي بالقصة لي قال ليا..علاش مبغاش يكمل ليا القصة...دخلت لبيتي..جلست فوق الناموسية..جسمي بدا كيترعد..كنحس براسي كيضرني بزاف و بديت كنعرق..تكيت فالناموسية..انا اش كيوقع ليا..بقيت كنشوف فالسقف ديال البيت..شوية كلشي ولا ابيض..بديت كنشوف صور مواضحاش..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
✴كنشوف شي واحد كيضرب فيا..مقدرتش نعرف شكون..الصورة مواضحاش مزيان..حسيت باحساس غريب..كل ضربة كنحس بيها بحال ديال بصح..دموع كيخرجو ليا وحدهم..راسي ضرني..بديت كنسمع صوت مجهد ضرني فراسي بزاف..صداع فكل بلاصة...بديت كنغوت مقدرتش نستحمل هداك الصوت..درت ايديا بجوج على ودنيا و كنغوت...شوية كنسمع صوت ريان..ولكن بعييد..من بعد معقلت على والو...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
اكرام : زواج غير حياتي ♥
Storie d'amore( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
