انا : كيفاش فكري غير فراسك??? ميمكنش نديرو العرس غدا..
ريان : هاد الموضوع خليه ليا انا...نتي قلت ليك تكلفي غير براسك..العرس غدي يكون غدا بغيتي ولا كرهتي بزز منك..متنسايش بلي نقدر فاي لحضة ندخل باباك الحبس..
✴بقيت كنشوف فيه معصبة..خرجت من البيت بالزربة و خليتو...مشيت لبيت عيسى دخلت و سديت عليا..بقيت كنضرب الصاك ديال البوكس..كنبرد فيه شوية العاصاب..مامتيقاش العرس غدا..واش من نيتو هادا ? انا مامستاعداش نفسيا..مبغيتش العرس يكون غدا..بقيت شحال فالبيت كنضرب فالصاك ديال البوكس..دخل عيسى..
عيسى : إكرام ?
انا : خليني شوية عافاك..
عيسى : كلك عرقانة..تدربتي بزاف باراكة عليك..هكا غدي غير تآدي راسك..
انا : خليني عيسى...
عيسى : آدم لي عصبك ياك ? شوفي إكرام..التدريب بزاف كثر من القياس راه كيضر..نتي مامولفاش كل هاد الجهد..غدا غدي تصبحي مكوانسيا..بالشوية عليك..
انا : اووف...غدا العرس..
عيسى : كفاش غدا العرس ??
انا : كيف ما سمعتي..ريان قرر بلي غدا العرس😡 ولد الفشوش كيقرر وقتما بغا مكيتسوقش للآخرين..انا باقا ما مستعداش نفسيا..
عيسى : علاش ? مناش خايفة ? نتي صحيحة تبارك الله..و اصلا كل بنت غدي دوز من هاد النهار عادي إكرام..مزيان مني غدا العرس بعدا تخرجي من هاد القنت نتي بنت زوينة ونقية مخصكش تبقاي هنا..
✴بقيت كنشوف فيه مصدوما..
انا : حتا نتا ?...و..واش لهاد الدرجة انا مثقلة عليكم ??من غدا باغين تسيفطوني..
عيسى : إكرام كتعرفيني مكنحملش مني كتقولي بحال هاد الهضرة..بالعكس كلنا بغينا ليك مصلاحتك...قد ما بعدتي علا هاد الدرب قد ما مزيان..
انا : علاش ? كنحشم بيكم لهاد الدرجة ??? اولا مقدرتوش تضربو الحمير لي كيهضرو فيا خيب??? حيت هادوك صحابكم كتحتارمهم وانا لي ختكم بغيتو تجريو عليا ياك ??
عيسى : اكرام...انا كل نهار كنضارب فالدرب على قبلك...وخا هكاك كنبقا نسمع الهضرة..إلا بقيت هكا غدي نقتل شي واحد شي نهار و نمشي للحبس..
انا : والحل لي بان ليكم تصيفطوني نتعدب حياتي كلها..
عيسى : شكون قال ليك غدي تعدبي حياتك كلها..بالعكس نتي غدي تعيشي معاهم بحال شي اميرة..هما غدي يقدرو يوفرو ليك داك شي لي مقدرناش عليه حنا..
انا : واش عارف اشنو كتعني تزوجي براجل مكتعرفيهش?? واش عارف إلا تزوجت بيه حياتي كلها و احلامي و كلشي تمنيتو غدي يضيع..واش عارفين بلي..بالنسبة ليا انا هاد الزواج بحال الموت ? إلا تزوجتو غير عتابروني متت..صافي حياتي كنعتابرها غدي تحبس فهاد الزواج..بلا ما تبقاو تجيو عندي عتابروني ميتة من دابا..
عيسى : اكرام الهضرة لي كتقولي بدات كتعصبني..
انا : نتا غير الهضرة عصباتك...هاد الشي لي قلت ليك راه كنحس بيه كل دقيقة..نتا غير سمعتيه و عصبك..
✴عيسى عنقني..باسني فراسي..
عيسى : واش كيسحاب ليك انا غدي نسمح فيك ?? والله و شفت هاداك ريان كيتعامل معاك خيب ولا كيغوت عليك حتا نقتلو وندخل الحبس كنحلفليك مغديش نتردد باش نقتلو..نتي ماشي رخيصة عندي..
✴حتا انا عنقتو كنت محتاجة شي واحد يواسيني..من بعد مشيت لبيتي..آدم مكينش..غدي يكون ديجا فاق و مشا لبيتو..بقيت كنفكر حتا نعست..فالصباح فقت على تيليفوني كيصوني..كنكره لي كيعيط ليا فالصباح..شفت لقيت يسرى..جاوبتها..
انا : الو..
يسرى : صباح الخير اجمل عروسة فالدنيا..هبطي كنتسناك..
انا : نتي حدا الدار ?
يسرى : اه انا فالدرب..هبطي سربي خاصنا نمشيو للقاعة..النگافة والكوافورة كلشي كين تما..جيبي معاك التكاشط..ليوم نحيحو..
انا : و..ولكن واش العرس فالصباح ??
يسرى : اه حبيبة..ريان زربان 😏
انا : بففف...
✴قطعت المكالمة نضت لبست بالزربة هزيت القفاطن و داك شي لي شريت و مشيت هبطت...كنشوف كلشي فالصالون تصدمت..اول مرة نفيق نلقاهم كلهم كينين فالدار..عصام حتا هو..بابا جا عندي..
بابا : صباح الخير اكرام بنتي..
انا : صباح الخير بابا..خصني نمشي يسرى كتسنا فيا..
بابا : عرفت..غير سيري..نتلاقاو فالقاعة...انا و خوتك غدي نوجدو راسنا حتا حنا..
✴شفت فيهم قلت صباح الخير و خرجت بالزربة..هبطت كنشوف سيارة زوينة قدام العمارة..راكبة فيها يسرى..مشيت نيشان ركبت حداها..الحمدلله مكين حتا شي حمار فالدرب..ما فيا لي يتعصب فهاد النهار..
يسرى : صباح الخير اكرام..
انا : صباح النور..
يسرى : متخيليش شحال فرحانة اوف غدي نطير بالفرحة مامتيقاش ليوم ريان غدي يتزوج بيك...
انا : متفرحيش بزاف..انا وياه مبيناتنا والو..
يسرى : عارفة..ولكن عندي امل..
✴يسرى بقات كتسوق حتا وصلنا لواحد القاعة..دخلنا الديكور فيها زوين بزاف..جات عندنا النگافة كتشرح ليا شحال من حاجة..مشيت معاها وراتني تكاشط عندها..زوينين..
يسرى : كلهم زوينين ولكن حتا لي شرينا زوينين..ختاري وحدين من هنا وحدين من عندها..حيت كلشي زوين..
انا : اوكي..
يسرى : ريان فاق بكري صباح و جاب الكسوة ديال العرس..خاصك تقيسيها واش غدي تجي قدك..
انا : يالاه غير لبارح خداو طاي ديالي بش ينقصوها كيف دارو ليها بهاد السرعة ?
يسرى : مع ريان كلشي ممكن حبيبة 😏
انا : اوكي..
✴مشينا مع النگافة لواحد الغرفة فيها جوج كوافورات..لمهم جربت الكسوة لي شريت لبارح جاتني هي هاديك كتحمق...الكوافورات دارو ليا بزاف الماسكات لوجهي و شعري..منبعد بدات وحدة فيهم دير ليا ماكياج و الاخرة كتصاوب ليا شعري...بديت كنحس بالخلعة..مني كملو ليا وقفت بغيت نشوف فالمرايا..يسرى جات عندي..
يسرى : لا متشوفيش..حتا تلبسي...
بقيت واقفة كنشوف فيسرى مقدرتش ندور نشوف فالمراية..لبسوني التكشيطة و الطالون..دارو ليا الاكسسوارات..
يسري : وااو اكرام..دابا تقدري تشوفي راسك فالمرايا😱
✴ضرت شفت راسي فالمرايا..صراحة تصدمت..كلشي جاني زوين..دابا عاد شفت راسي كنشبه لماما ديال بصح..لون عيني بان مزيان مع المكياج لي دارو ليا فعينيا..و العكر حمر جاني واعر تصدمت والله..التكشيطة جاتني هي هاديك مع فورمتي..الاكسسوار هو لي كمل كلشي..مع التاج لي فوق راسي حتا هو كنحس براسي بحال الاميرات..
انا : واو..صراحة تصدمت والله..كلشي عجبني..مكياج شعري و خصوصا الاكسسوارات..كيبانو وااو..عاطين العين بزاف..
النگافة : حيت كلهم الماس حبيبة..انا الاكسسوارات لي كندير العروسات كيكونو يا اما ذهب يا إما الماس..راجلك قال ليا الالماس غدي يبان زوين عليك..وصراحة عندو الحق جاك واعر...
يسرى : اه والله حمقني التاج..و حتا عنقك كيبان فيه الالماس زوين والله كيحمق...كلك جيتي كتحمقي😭
أنت تقرأ
اكرام : زواج غير حياتي ♥
Romance( القصة كتبتها ف انستاغرام عاد حطيتها ف واتباد إلا كنت غالطة او نسيت شي فقرة قولوها ليا نصححها ) ♥ القصة كتهضر على اكرام..بنت زوينة بزاف لدرجة كل الناس فالدرب لي هي ساكنة فيه كيهضرو عليها خصوصا الدراري..هاد الشي لي خلى خوها يحبسها من الخروج...بنت عن...
