الصولجان

حلقه ٥/ج٢

اندكت الباب
فزيتا
_خويه ظافر امي تگول انزلوا تريگوا
تحركت من جنب ظافر واني اعدل ثوبي صحى وهو يتمطى
جاوب

_ صار زهره هسه نازلين
توجهت فطم لمرايتها وهي تمشط شعرها بنيتها تظفره
مر من يمها ظافر افندي وهو بعده متكاسل قبل راسها

_ اني نازل مو تتأخرين ترى ابويه شويه عصبي خاف تسمعين منه
حجايه تحملي لخاطري ولخاطر امي

_ صار هو مثل ابويه ما ازعل منه

_ عفيه عليج ترى اخويه وخواتي وامي كلهم طيبين ابويه هم طيب لكن عصبي وصعب

_ نزل ظافر افندي كعادته كل يوم يتوجه للرازون حتى يغسل وجهه
كنبص وهو يكول يا الله

بعد ان كمل ونشف وجهه التفت كانت الحجيه تنتظره مبين عدها سالفه ويا

_ هايمه خيرج

_ ظافر شلونك يمه ويا فطم

_ الحمد لله بخير

_ انه ادري بيك بخير انه اسأل على بت العالم
جنت وياها هين لين

_ ابتسم ظافر افندي وهو يتقدم نحو الحجيه ويقبل راسها
اتفاجئت وهي تلمح تصرفه السريع ورا فرحه وسعاده
عاشت ايدج يمه على هالاختيار الله يديمج النا

_ وفعت حاجبها متفاجئه وفرخانه وهي تبتسم بدهر

_ جنها جت على مرامك يمه

_ ابتسم بخجل وهو يجاوبها يمه حيل بت اوادم وطيبه

_ استنشقت وزفرت يمه انه اندعيتلك يرزقك بمره طيبه بكد
محبتي  الك ورضاتي عنك
بس هم خلي بالك من البنت انه دكيت صدر للملا اخليها بعيوني
يله قبل ينطيها لانها صغيره وخوانها معارضين يزوجونها

_ اطمئني يمه انه اخليها بعيوني بس انت وصي البقيه يحسبونها اختهم وبتهم

_ تقصد ابوك لا تخاف هو طيب بس يهوس ما يأذي

_ يمه خاف هوسه من هوساته تنفزع البنت وتهج لاهلها

_ لا تخاف هاي تربات العلويه

_ بهالاثناء نزلت فاطمه بثوبها الاسود  السيفون المبطن وعليه نقشات مثل ورق السعف بلون ذهبي ( اقمشه اهل قبل ) وكصايبها تدلى على اكتافها

_ صباح الخير يمه

_ ابتسمت الحجيه فرحانه بعروس ابنها
هلا هلا يمه صباح النور  
اخذت الحجيه ظافر بعد ان حست بخجل فاطمه وتوترها لاستغرابه المكان والبيت باول يوم الها

_ توجهت فاطمه للرازونه غسلت واتبعتهم للهول
جان بي كرويتات وحصيره الكل ملتمين حول الصينيه الجبيره يتريكون
ظافر وياسر والحجي والحجيه وزهره وهي تصبح عليهم
والحجي يرحب بيها