الصولجان

ج٧ ج١

بعد ان رجعت الحجيه للبيت وهي مستعجله بسبب تاخرها بالرجوع بوقت قريب لرجوع الحجي وولده
صاحت وهي تنزع عباتها وتعلكها ورا باب حجرتها
طلعت زهره من بيت الراحه ( الحمام ) تلكت الحجيه يمه الحگي
فطم طلعت ويا الهيوه جانوا يغنون
بأسمج وهاي يمكن عدالها يغنون الج وراحت وياهم  نزلت ما لكيتها
لبست عباتي وطلعت بالباب واشوفها وياهم صارت بعيده لا كدرت  اطلع وراها ويبقى البيت فارغ  تجين ما تلمين احد يفتحلج
ولا كدرت اصيحن عليها ما تسمع

_  شاطت الحجيه وهي تنخي  وتدعي كون ما يفوت الحجي وولده قبل ما ترد فاطمه للبيت
اخذت عباتها والعصبه بأيدها ودكت الدرب وهي تسأل الرايح والجاي وين مشت الهوسه
الى ان سمعت صوت الطبول وسارت بأتجاهها  دخلت بينهم تخم البنات الصغار بلكت تلمح فاطمه
وبعد ما انقطع نفسها لمحتها
وسحبتها
بدون كلام

_ ارفعي عباتج يمه فوك راسج

_ رفعت فطم العبايه وانطت مجال للحجيه  تعصب راسها بالعصبه
وهي مستغربه

_ يمه ليش عصبتيني

_ يمه فطم لو ردينا ولكينا الحجي وظافر شيخلصنا يمه
انه شحجيت وياج ما كتلج مايصير تطلعين من البيت  رجلج وعمج ما يقبلون ليش ما تسمعبن الكلام يمه
كون نلحك نرد وهم ما رادين
وله انجبر تالي عمري يايمه اكذب من وراج
شوفي كلشي يصير ربج غفور رحيم هاي تاليتج طاهره تعلمين بت الملا تكذب

_ يمه لو ردينا ولگينا ظافر لو عمج اگلهم هاجت عدها الشقيقه
ووديتها  للعلويه تقرى عليها
فاهمه

_ وبالفعل دخلت الحجيه وياها فطم
تفاجئن بظافر واگف بنص الحوش قلق
واول ما لمحن تقدم الهن

_ هايمه خيرها فاطمه زهره كالت واسها يون عليها
ها فاطمه خيرج
_ جاوبته بتدلل وهي  خلف الحجيه

_ لا تخاف اخذتها للعلويه تقرا عليها الحمد لله صارت زينه
همست له ابوك وين

_ بعده ما  رجع انه رديت لان  كملت عهدتي اليوم بالميناء
نقلوني للمطار كترقيه
الله  يوفقه ارون رفع اسمي  للترقيه

_ بالخير يمه هاي عتبه فاطمه عليك خير

_ اي والله يمه انه هم اجت السالفه براسي
كلت جت وجابت الخير وياها

_ ابتسم الافندي لعروسه وهي مهظومه منه تعززت عليه
وتاوعله بزعل وعتب
مرت من يمهم و راحت لزهره اول ما دخلت
التفتت الها زهره مفزوعة وهي تخرمش على وجهها بخفه من دون ما تأذي مجرد حركه قلق

_ يمه فطيم ما ينكدرلج تدري لو ما امي موصيتني اكله راسها يون عليها وخذتها للعلويه
جان سواج جنازه يمه يا كوة عينج ولا جنج
واني من هجيتي لسى ما بقت حيل بيه جسمي يختض خض مثل السعفه وانت ولا چنچ