الصولجان

لطف الله الخفي نجهله الى يوم الدين

وصلت فاطمه لبيت اهلها وهي مفزوعه وتلهث ادك الباب بقوه وعجله
فتحت صبيحه الباب وخلفها عطيه وباقي نسوان البيت واول ما صارت كدامهن ودخلت بسرعة قلقتهن

_ ولج فطم شكو شمالج هيج ترجفين مثل السعفه

_ دخلت للهول ودخلن من وراها واول ما نطقت

- شنهاي فطيم يمتى خليتي سن ذهب

_ خييييه سن الاكشر انه شصخم وجهي ودكيت رجل
بدت تقص عليهن السالفه وبين الكلام تمثل بعض حركات عمها وهي منفعله عكس البقيه الي
تعالت ضحكاتهن على الموقف وعصبيه الحجي خضر وطريقه غضبه
ردت عليها عطيه

_ خيه هذا هيج يرعوص لا تخافين لا يكتل روحه ولا بطيخ
هيج ياخذ بوش الحجيه وولده بهالسوالف

_ اگلها لازمي يريد يضرب السجين ببطنه تگلي يرعوص

_ ولج والله لا سمعنا خبر منا لساعة ابو ظافر كاتل روحه شتردين
انطيج ذول مساكين يتچفون شره يردون بس يسكتوا لا يفضحهم
بسوالفه ويختزون كدام الوادم يدرون بي ما يسويها

_ انه فلا ارد هناك يمه والله عظامي هسه تون علي من الركضه والخوف

_ اها شوف فطيم جا لو شايفه الظيم والرجيف الي انه شفته
يم بيت خالج ماجيتي لگيتيهم دافنيني هذا عمج ماله اذيه على احد بس بلسانه شتردين منه
اذيته على روحه خيه بعد انت من اهل البيت مره مرتين تتعلمين على سوالفه لا تخافين و
لا تعيدينها عيب تشردين لو صارت هوسه
اصعد لحجرتي والبد ( اختل / اختبئ )
بيها ما يصير هسه هم ناقصينج يلتفتون ما يلگونج فوگ ما
هوستهم من ورا سنج الذهب

_ بعد لا ارد ولا اريدن عيشتهم انه وين بيه اتعلم صدك تحجين

_ بعد ان انتهت هوسه حجي خضر وبعد ان اكتشف الافندي غياب زوجته فقد اعصابه من التعب والتوتر بسبب افتعال والده للمشاكل

_هاي المره هجت هسه ارتاحيت يابه استغفر الله بله انه وين اروح هسه ادور عليها خاف تاهت مدري يم العلويه مدري يم اهلها
لو رحت للعالم شگلهم بتكم شردت لان انه مو رجال وما الي مقام وحجايه عليها
الحجايه لابوي انه هيج رجال بالاسم ولو طلعت ماهي يمهم شبرر للعالم
كسرت وجهي يا يابه ممنون منك
انه من باجر اشوفلي حجره اخذ مرتي ونكعد بيها لهنا وخلص
تعبت من الطلايب وانتم تدرون بيها بعدها صغيره ومدلله
كلهن كم شهر من دخلت لبيتنا بعدها ما تفهم ولا تعرف اطباعنا
اصبر عليها انطيها وكتها تردونها بليله ويوم تنسى عيشتها يم اهلها
وتاخذ على طبايعكم وين صايره انه ابنكم درست كم سنه بغداد يوم رديت ليومنا هذا انه وياك يابه متخالفين بالرأي والتفكير واحتراما الك امشي بشورك حتى لو مامقتنع وله تريد حق الله ثلاث ارباع
قناعتك غلط المهم تريد العالم تمشي على هواك والا تقوم القيامه