الصولجان

ح/٢--ج/٢

التفتت فاطمه  لزهره  وهي مستغربتها بعد كل هالاشهر
ماعادت هي زهره القديمه كأنها غير انسانه
ذيج مثل حمامه ترفرف وتنشر ضحكتها وروحها المرحه وتعرف للهم طريق
الي كدامها جانت انسانه فقدت من وزنها الكثير صارت هزيله وشاحبه
صامته كأنها شايله جبل على راسها مطيعه للحد الخوف
متعبه حتى بسرتها شاحبه
_زهره خيه شمالج واگفه تعالي نكعد بالهول جيبي بقجتج 
_ اخذت فاطمه البقجه من ايدها ومسكتها من معصمها دخلتها ترتاح
رفعت زهره راسها وهي دموعها تجري
_ فطم بغلاة الملا ادعيلي مايردوني ويطلگوني انه تعبت من الظلم والاذيه
_ لاتخافين ظافر ماناوي يردج بس كون تعدي على خير والله يسترنا
_ اه يافاطمه لو تدرين من شفت ظافر شلون ردت بيه الروح انه عد مرزه بسجن ومحد يسأل عني ابوي الله يسلمه نسى عنده بنيه ومرزه
من عرف طبع ابوي ماعنده محنه استفرد بيه هو وسليمه مرته 
_ ليش مناعيل الوالدين سولفيلي شصاير وياج
_ فاطمه ابوي ماعنده حنيه شالني وانطاني لعالم ميخافون الله
من جيناكم ورا الزواج جان مرزه مداريني ويخاف من ابوي لكن
من شاف محد سأل عني بعد شهر وشهرين وثلاث وما حد دز عليه يجيبني يمكم لا ابوي لا ياسر فهم امسلمينه امري مايدخلون هو بكيفه اله العهده هنا بدا يمد ايده ويطلع حرگه قلبه من سليمه بيه لان مايكدر
الرجال ميت خيه
_ الله لا يوفقه بس ما فهمت شنو الرجال ميت
_ خيه انه لليوم بنت بنوت وهو بالاول نخاني ما افضحه جدام الاوادم وجدام سليمه ووليداته وجناينهم واني سلمت بقسمتي ونصيبي كلت
هاهيه ارضي بعيشتج دام هو ادمي ومداريج
بس يخيه هو عرف انه ما الي طهر تفرعن يدوي لو حجيت يكسرني ومحد يدري عني ولا يوصلهم خبر شلون يوصلهم خبر وانه محبوسه
بالحجره يقفل الباب علي يطگني الجوع الى ان يرد الظهر يتزقنب يفتحلي الباب ويهددني لا حجيت يدفني ويگول انهزمت ويصخم وجه اهلي ووجهي وانه اتاني ابوي لو ياسر يمرون واستنجد بيهم ماكو جنهم
عدهم فطيسه وذبوها ماجني بنيتهم حتى امي انه قلبي شايل منها
_ بقت فاطمه مصدومه وقلبها يغلي من القهر لحد الي بقت وهي تسمع تسكب الدموع على حال زهره وتسب وتلعن هالعائله
خيه امي والله دكت رجل يسألون عليج وتحاجي عمي ويگلها بخير
لو يگلها شورها عد رجلها شوكت ما يريد هو يجيبها مثل اختها اسيا
بعد انت تدرين عمي هذا طبعه متشوفين امي ما يخليها تروح لاحد
مو ذولاك بين خالج ماتوصلهم الا هم يوصلونا وابن خالج هم نفس المله ما يجيب اسيا الا كل جم شهر يعني هم يشوفونها سالفه عاديه
ما بطى بالهم عليج ومايدرون هالشايب النذل هيج مسوي بيج والله
لا خلي ظافر يكسر رجليناته هالعايب لا وصل وما طلگ
اخ يا زهره كون انه زلمه واخذ الكرك وروح امي لا اكسر الحوش عليهم وعلى الي خلفهم هالمناعيل الوالدين
والله لو طافر يرضى جان اخذت عباتي واروح لسليمه اجرها من شعرها واطكها كتله ما خلي بيها عافيه اخ انت مابيج خير ولج انه يمدون ايدهم علي لا ما اكسر ايديهم والله لا احركهم واحرك وهم نايمين
شمالج جبانه ماتشوفينهم يدگون بيج
ليش خيه ليش انوب حتى سليمه هم ادك بيك اخ يا يمه كون تسمعين شمسوين ببنيتج والله لا ظافر يدري بهذا كله الا يكتلهم هو شافج ذبلانه ودمعتج بعينج اجى حرك البيت علينا وما غمضتله عين
_ خيه لا تحجين انه اخاف عليه لا يأذونه ذول عالم شرانيين وما يخافون الله بس خل يخلصني منهم ما اريدن شي بس لا يردوني
مخليه عليج العباس لاتهدوني انت وظافر
لا رجعت سليمه تذبحني
_ خل تول بعد لا تشوفينهم ولا يشوفونج والله لو اعرف ادز ابوي واخوتي وي ظافر يكسرونهم تكسر
_ شوفي
_ رفعت زهره ثوبها وراوت اثر حرك دائري بصفحتها
لطمت فاطمه وفزت تتلمسه
_ ياهو الي سوالج هيج مرزه
_ لا هاي سليمه
خيه سليمه وكحه ومرزه جبان من كبر بعد مايكدر يگربلها ما
عنده رجوله وهي عرمه خاف لا تفضحه وتستگوي عليه وتخزي
هجرها بحجه ما يودها وما يتقبلها لانها گويه وعرمه
حتى لا تعرف بسالفته ان هو مايكدر يعاشرها مشت عليها السالفه لين ما صارت تثأر لروحها وطشتها عد الوادم وكرابته ان هو جبير وما يكدر يعاشر ماعنده رجوله
هو يتخبل ونكسر ماي وجهه جدام الوادم راد ينتقم منها ويجذبها
دز خبر لاخته تلاگيله بنيه صغيره تكسر بوط سليمه  وتخزيها جدام الوادم
البنت الي حظها فاين انه اخذني بالاول بلين حتى اسكت وتمشي
الايام ما افضحه ولا اردلكم واگلكم مصيبته  خيه وراها عينج ما تشوف الا النور هاي سليمه تكدر بقلبه وتعاركه على ابو اي اخذت صغيره
ولفت راسك علينا جدامي هالحجي هو يتفشل مني من يدخل للحجره من فشلته يرد علي يكسرني تكسر لان مايكدر يگربلي واني خيه والله حتى استحي يطلع صوتي يادوب هالونه
وهو من صوب يطلع من الحجره يفوت يتشطف ويسوي روحه فرحان ونرتاح حتى سليمه الكشره تظن هو متكربلي خيه حتى عيب احجيها
حسبالها صوتي يطلع من رجوليته ولجن انه بنت بنوت ولساتي صغيره ما احمله ماتدري من الطگ
انوب هو يولي وهي تشوط علي حسبالها انه ملبيه حاجته ومدلعته
تكاوني وهاي قبل شهر جنت اشطف الجدور ما شفتها الا خلت
خاشوكه على صفاحي شوغت روحي من غيرتها وحقدها  ثاريها اول ما كعدت ولميت الجدور خلتها على النار وسمطتني بيها  عساها بصحتها على الون الي ونيته حتى نوم ما اكدر انام مثل الوادم
ولمن رد مرزه خلص عليها ماهو لاجل عيني لا بس حتى يقشمرها عودك انه عزيزه ومداريته وهو يحبني ويرغبلي تالي لمن دخلنا للحجره انخمد حتى ما سألني شمالج خيه والله لو اسولفلج على الظلم الي ضگته ما تكدرين تحسين بيه لجنه مايحس بالالم الا الي يجربه
ربي كون تحفظ ظافر وتكفي الشر وتخلي عزوه النا انه بلياه ما اسوى
شي
_ بعد ان سمعت فاطمه كل حديث زهره الي كانت خدودها مخلوطه بدموع غزيره وتشهك بحسره وألم وهي تسولف قلبها يغلي ودها لو
تلبس عباتها وتروح تاخذ حق زهره من سليمه لكن منو الي يقبل  الها تطلع من هالبيت
بقت اتاني احد يرد  بين ما هي كانت تطمن زهره وتواسيها وراحت حضرتلها اكل وجبرتها تاكل وتتمدد حتى ترتاح
مر الوقت وفاطمه بقت وحدها وهي تنتظر خبر من الغايبين ومن جهه
باقيه كاعده يم راس زهره الي نامت بعد ما تعبت ودمعتها بعينها
مرت اكثر من ساعة  اندكت الباب
ركضت ووكفت ورا صحت
ياهو
_ يمه فطم فتحي انه امج
_ فحت الباب
ها يمه شصار
_ يمه ما ادري شصار انه لحگتهم لو ظافر لمحني تخبل گلي ردي وانه
مابيه رد كلي ارجف عادك هو بعد حس عليه بيت صديگه يعد كريب
وداني اكعد يم مريته
وتالي هسه رد سعد  لبيتهم يطمني طلگوها وخلصت السالفه
سألته على وليداتي گلي حجيه لا يبقى بالج شوي ويردون للبيت
عادك انه ترخصت منهم ورديت
لا ادري شصار ولا عندي خبر ظافر وياسر وين هاي جيت اتانيهم وياچن وهم اطمن  عليجن بقى بالي
_ لا تخافين يمه زهره نامت والله لا اوزع خبز العباس خلصت منهم هالظلمه  يمه لو تدرين سمسوين وياها مناعيل الوالدين جان تحزمتي ورحنا انه وياج طكينا هالسليمه والله جا ملختها من شعرها وكسرتها تكسر لهالظالمه
_ شبيها زهره شمسويلها
_ يمه خاف ما ترضى اسولفلج انت سأليها انه من حلاة روحي نسيت
وحجيت
_ ولج يمه احجي
_ يمه بعد شفايده الحجي هي بعد اذوها وردت النا وطلكوها عساهم بكسره البخت وكون حوبتها ما تخطبهم
تعالي ارتاحي لا يصير بيج شي لونج مخطوف لا تخافين ان شاء الله شوي ويردون
ماطول سعد طمنج فضت السالفه وطلگوها
بعد ما يقارب الساعة اندكت الباب  طلعت الحجيه ونادت يا هو
سمعت صوت حجي خضر وهو يصيح عليها بغضب
فتحي يامره
فتحت الباب 
وصاحت  بصوت عالي ومفزوع يمه ظافر وليدي

يتبع تكمله الحلقه ٢ شوكت ما اكدر اكتب راح انزل ان شاء الله