الصولجان

ح٥/ج٢

هجرت موطني وجافيت الاهل والذكريات
خلوت بحزني فلي عزيز بين الاموات
يترأى لهم انني صلبا فما عاد لي صبرا
بين النخيل والمياة المالحه حياة
رحلت غريب لا اعلم اين اسير
رجوت ان ابدأ من جديد واودع مافات
اما انت يا زهرتي فقد حفظتك في القلب
وبروزت ظلمك بثورة الضمير حتى الممات
_ حزن فاطمه كان شديد لدرجه الناس الاغراب من يحضرون عزاء
النسوان ببيت الحجيه طاهره يتصوروها اختها مو زوجه اخوها
كانت تفقد الوعي من البكاء والالم ما مستوعبه رحيل الانسانه الي
صارتلها اخت وصديقه وام لاولادها ماصدكت ام قلب الطيب الحنينه
اختفى اثرها من هالبيت
بعد ان غادرت  اخر امرأه من العزاء
همت الحجيه سعديه خاله المرحومه وهي تأمر  كنتها زبيده وبتها فاطومه 
( بطلات قصه صاحبه الخمار ) يساعدون خوات فاطمه زوجه ظافر
بتنظيف البيت
بعد ما انتهن وترخصن خوات فاطمه ومرت ابوها الملا ورجعن للبيت
رجع حسن ابن الحجيه سعديه ويا (خاله جعفر وولده رضا زوج فاطمه اخته وحسان زوج اسيا اخت ظافرافندي )وياسر وحجي خضر
بعد ما انتهى عزاء الرجال
اول ما دخل الافندي نادى بصوت مسموع السلام عليكم
تخمرت زبيده هي وفاطومه  اخت حسن واخذن ركن بعيد عن العين ولفت فاطمه زوجه ظافر نفسها بعبايتها وبحضنها ولدها وبصفها حماتها اسيا والحجيه طاهره والحجيه سعديه
_ نادت الحجيه سعديه فوت يمه
_ خالتي بس سون  طريق الولد وخالي يردون ياخذون من خاطر امي

دخل الحجي جعفر ومن بعده رضا وحسن وحسان وتوالوا على تعزيه
الحجيه طاهره
الي من شده حزنها اول ما قبل راسها اخوها الحجي جعفر بقت تنوح على فراق ابنها
وحسن من خلفهم يواسيها
_ خالتي ترحميلها
الله يرحمها راحت لدار حقها النوح ما يصلح
ظافر خويه فوت تسبح انت وياسر وعمي احنه هنا نتانيكم
حتى النسوان يباتن هنا ويا خالتي طاهره
واحنه الزلم بيت خالي جعفر مثل ما اتفقنا
_ بعد ساعة تقريبا طلعوا الزلم لبيت حجي جعفر وتركوا
النسوان تبات ببيت حجيه طاهره
لليل ما غمضت عين وحده منهن على بكاء الحجيه واسيا وفاطمه كل وحده تذكر المرحومه بسالفه
_ يمه زهوره القماش الشريته لج ولفاطمه لسى ما خطته الج ورحتي
لان انت الي لبستي ولا حبيبتج فطم لبسته يمه
زهوره تالي نلبس السواد عليج
وتردها فاطمه
_ يمه
انه مامصدكه اصبح باجر انه ووليداتي وهي ماموجوده بالبيت
ياهو الي يهد علي لو ضربت كريم يمه حتى سليم مساع يدور عليها بين الوجوه يمه كربم يسألني عليمن تنوحن ليش تصارخون وتصيحن على عمتي زهره ما تدرن بيها موجوعه وابوي اخذها للحكيم
_ فطومه خيه امشي وياي غسلي وجهج وانت خالتي هم واسيا
النواح لا يرد ميت ولا يبرد قلب گومن خل نتوضأ ونذكر الله
انه حافظه قرآن اقرالجن وانتن رددن وراي
_ ساعدت زبيده فاطمه واخذتها غسلتلها ورجعت هي وحماتها فاطومه اخذن الحجيه طاهره والحجيه سعديه يستدنهن حتى يتوضن يم الرازونه
ومن خلفهن اسيا
انجمعن كلهن ويا مرت خالهم جعفر وتوجهن للقبله صلن وبعدها
كعدت زبيده ترتل عليهن ايات حافظتهن بصوت مسموع وهن يرددن من وراها
بعد ما نامن بقت زبيده ويا فاطمه زوجة الافندي ساعدتها تنيم اطفالها و
وتصبرها على موت حماتها  ارتاحت فاطمه لزبيده واخذهن الحديث عن الدين وعن حفظهن للقرآن الى ان بزغت الشمس
_خيه فطم اخذتنا السوالف نامي وارتاحي بعد هو الحظ عاثر خلاني اعرفج بهالمصيبه يجعلها اخر الحزن ان شاء الله يحفظكم الله خيه
هاي  انه اول دخلتي الكم بالبصره اعزيكم الله يسامحه حسن
كل ما يجي يزور حماتي فطومه وبيت خاله ما يرضى يجيبني ويا
ولو ما امي سعديه تعبانه وما هي حمل طريق رادت من يكون وياها
ويعاونها بالطريق هم ما قبل ياخذني وياهم بس بعد عمي راضي
شار عليه وهو ما يكدر يرفضله طلب 
خيه احسبيني مثل خيتج انه انصحج
صيري سباعيه هذا الموت حق كلنا نموت كون انت هسه تعينين رجلج على مصيبته وا عليه كسر خاطري والله من دخل اكثركم مكسور ظهره بخيته لا تزوديها عليه عيني وصبري وهاي خالتي هم مسكينه
داريها خيه لا تبقين انت وياها تذكرن سوالف المرحومه وتهيچن المواجع ترى القهر يا خيه ياخذ عزاز
_ ان شاء الله الصبر من الله
_ بعد اربع ايام ودعت زبيده وحسن بيت الحجيه طاهره وودع اخته فاطمه وزوجها رضا وبيت  خاله جعفر ورجع للنجف بعد ما ترك الحجيه سعديه
عند خالته طاهره تساندها بهالمحنه بطلب من ظافر افندي الي وعده
هو يرجعها للنجف
_ خويه ظافر شد حيلك اخذ بالك من خالتي والله يصبركم
_ الله يسلمك حسن ما قصرت انت وخالتي سلملي على عمي
راضي وگله بأذن الله انه ارجع خالتي بأيدي اجيكم زياره للنجف
———————-
بعد ما يقارب اكثر من الشهر
_ ودع الافندي والدته الحزينه
الي كانت راضخه لفراق ابنها خوفا عليه
من الحزن لا ينهك صحته ويصيبه ضرر يحرمها منه
كان فراقها اله ب
المسافه اهون عليها من ان يفارقها العمر كله مثل ما فارقتها صغيرتها
قرر الرحيل  عن البصره الي تذكره بوفاة اخته زهره ومأساتها وهي في ريعان شبابها ما كدر يتحمل اي شي يذكره بيها لا المكان ولا الزمان ولا حتى البشر
شد الرحال اول ما استلم قرار الموافقه على نقله للعمل ببغداد بيومها
خمن الافندي الموافقه تمت بهالسرعه بتدخل من ارون
بعد ان وصلته رساله الافندي   الي ارسلها له بواسطة سعد
( صديقي العزيز ارون منذ ان التقينا كان هنالك شئ من القدر
جمعنا لم تكن مجرد صداقه انها اقدار منحتك الحب وفي حرمه العادات والتقاليد كسر قلبك
قدرك يا صديقي ان تتعلق وتكون كريمتي سبب بدخولك الاسلام
لا تحرمها شرف ذلك الاجر وهي تسكن السماء انت يا ارون
اوفى شخص قابلته في حياتي ولتعلم  انني اكن لك وفاء لن يمحو ذكراك
من قلبي يا اخي الذي لم تلده امي
فلا تحمل لي الضغينه انا اعلم لم يكن طلبك خاضع للحرام هو بشرع الله محلل
ولكن اصبحت تعلم  اننا نعيش في مجتمع قاسي يقوده العيب قبل الحرام
هذا العيب هو من كان سببا لرفض طلبك المستمر من قبل والدي
وانا لم يكن لي القدره على عصيانه لانني كنت اخاف العيب ايضا
قبل ان اخاف من عقوقه
اما الان فأعدك انني لن ابالي للعيب وسأخضع قراراتي لشرط الحلال والحرام شكرا يا صديقي لانك كنت لي درس برغم خسارتي لك وخسارتي لشخص عزيز الا انني قررت ان ارحل بعيدا وابدإ من جديد
قد لا نلتقي مره اخرى لذلك احببت ان اودعك وان اتمنى لك التوفيق
صديقك المخلص
'ظافر '
_ انطلق ظافر ويا زوجه واطفاله وخالته الحجيه سعديه
وكانت وجهتهم الاولى
الى بيت خالته سعديه بمحافظه النجف الاشرف
_ بعد ساعات استقبلهم حسن صديق طفوله ظافر وابن خالته المقرب
وبقيه افراد عائله الحجيه سعديه الي كان فراقها صعب على الحجي راضي
شوقه ولهفته نستى ضيوفه اول ما رحب بالحجيه واخذ بأيدها حتى ترتاح من طريق السفر
هنا حسن ابتسم خجلان  من ظافر
_ يابه ادري انت نسيت ظافر وخيتي ام كريم والتهيت بأمي
شسالفه
_ اعتذر الحجي راضي متحجج
مو ظافر وبنيتي مو غرب ويدرون امك ما تتحمل تعب بعد جيت اساعدها ادري بيهم من اهل البيت
ما يحتاجون عزيمه كلت انت وياهم وانه اعين سعديه
_ لا عمي اخذ راحتك بعد انت ما تدري بحسن يحب
المداهر
خويه حسن بس خل وحده من البنات تساعد ام كريم ادليها الحمام
تغسل للولد انمردوا من الطريق
_ روحيلهن خويه بناتنا كلهن داخل
صاح حسن على زبيده ( ام انور ) تعالي سلمي
_ دخلت زبيده لافه حجابها مثل الخمار خجلانه وهي تسلم على ظافر افندي
وبوست راس امها سعديه ورجعت تبوس بفاطمه مرحبه بيها
اخذتها  للداخل هي والاطفال يم نسوان  حموينها حتى تعرفها عليهن
—————
يتبع التكمله

ذكرت سابقا ان راح نورد ذكر ابطال قصة  صاحبة الخمار
والي هم حسن شماعيه ووالدته سعديه وزوجته زبيده واحته فاطمه الي تزوج ابن خاله رضا الي اخو ماخذ اسيا اخت ظافر افندي
بالحصيله هم كلهم اقرباء حسن ابن خالة ظافر ورضا ابن خاله جعفر