الصولجان

مقتطفات من المستقبل للجيل الثاني

_ عقيل باوع بخلقتي واحجي ويايه ترى تنرفزني من هالتجاهل
_ هذا مو تحاهل
_ لعد ليش لو تلف وجهك لو تنزل عينك من تحجي ويايه
_ اخاف عليج من غوى نفسي وميهون عليه يكون للشيطان عن طريقج اله عليه سبيل
_ مافهمت
_ يعني كل مره فوگ راسها شيطان يزينها لابن ادم الا اذا كانت حلاله ومحرمه عليه
وما ناوي اتمعن بوجهج الا وانت حلالي
_ بقلبي اه منك شهقت وزفرت براحه ومشاعر اعشقها برغم
ولا مره عبر بمشاعر واصحه ولا گلي احبج بصريح العباره لكن
كلامه وطريقتها عندي احلى واصدق من الف كلمه صريحه
_ هالمره هم راح تغيب بالاشهر
_ تدرين شنو الصعب بقصتنا اني وياج وادي وجبل مختلفين بمعظم
الافكار والقناعات ومتفقين بشي قليل
اني صعب وانت الاصعب
اني متركب على قناعه ومترسخه بدماغي
وانت شايفتها تزمت وبعيده عن الواقع وحياتنا والتطور الي بيها
الشي الي انت تفكرين بي ما يشبه تفكيري
انت تشوفين الموضوع سلطه وتملك وانانيه
اني عنده الموضوع غيره حب احتواء وحمايه من البشر الي نفسهم اماره
_ ابتسمت اخيرا گال حب
خلينا من كل هذا تعرف معنى كلمه حب
بلحظه التفت ورمقني بنظره منزعج التقت عينه بعيني
التفت بسرعه ونزل راسه وهو متذمر
_ استغفر الله استغفر الله
لا حول ولا قوة الا بالله
_ لازم شفت الشيطان وانغويت
_ لمحت ابتسامته وهومدنگ مارفع راسه وهو يجاوب
_ نغويت من اولها من ساعة ( على شنو دتستغفر شفت شيطان مو صوجك صوجي اني الي سلمت عليك )
يا الله شقلبتي حالي
تدرين اني ما شايف ومركز بملكوت الله الا من عرفتج
صرت اگابل السما ونجومها وليلها وقمرها واول ما اصحى اصلي الفجر وتبزغ الشمس وشروقها
كلهن بعيني انت الي لمحته باول مره والي لمحته اليوم يبقى هنا
اشر على قلبه وراسه
وساعة الي اشتاق وما اطيق صبر ولا احمل نفسي فوگ طاقتها
اطلق العنان لقلبي يشتشعر قربج منه وانا اتخيل عيونج ووجهج وانت عصبيه بذاك اليوم
اليوم صعبتي عليه الوضع انطبعت صوره ملامحج وانت تبتسمين
وتالي وياج
ما ناويه تعتقين سبيلي كل ما انوي انسى وابتعد اتعلق
_ سيد ليش هو الحب حرام
الحب بين الارواح حلال لكن بين الاجساد حرام
انت حبيت الروح وله ماكو واحد عاقل يحب وحده عاگده حاجبها عليه وخلقتها مگلوبه من التعب والعصبيه ولسانها تسلط عليه بذيج اللحظه
وسمعه كلام قاسي الا
اخاف احجي و تزعل سيد
بقى مدنگ راسه و مبتسم وزادت ابتسامته للحد الي بقى يحرك راسه يمين ويسار وهو يضرب بكف ايده كاتم ضحكه
قصدج مو عاقل
_قصدي انت حبيت الروح مثل ما صار ويايه
_ عمض عينه وسحب النفس وزفره بتنهيده مثل الي ارتاح وارتوى
قلبه بهالكلام
_ اني لازم اتوكل
_ قصدك لازم تنهزم
ابتسم مره ثانيه وبدا يضحك بهدوء وهو على نفس وضعه
وتالي
_ شنو
_ سؤال انت شنو شايفه حاليا
_ مفهمت شتقصد
_ اقصد شنو شايفتني راح اعتبرج مرايتي وحاجيني شنو الي ظاهر كدامج
_ الي ظاهر عقيل ابن بت خالتي الي ما خطر على بالي بيوم
سكتت
_ ماخطر على بالج شنو
_ انت الي ما خطرت على بالي
_ وهسه
_ هسه توكل على الله والله وياك هم يله لازم تتوكل
انطلقت منه ضحكه رفع راسه من دون ان يلتفتلي ولا حتى يلمحني
وهو يوگف شفته دخل ايده بجيبه حاول يطلع شي
طلع قطعه نوگه ( حلوى بالفستق) قدمها الي وهو عينه كدامه بعيده  عني
اباوع لتحديد وجهه من الجانب يا الله شنو هالمخلوق الي بليت قلبي بمحبته
_ لا طيلين النظر الي اخذيها وخليني اتوكل
_ خجلت معنى انت شايفني وله شلون انتبهت
_  لا يشهد الله
بس ما مديتي ايدج حتى تاخذيها  ومن تأخرتي حسيت  ارتبكت
عرفت خيال عيونج ديراقيتي
_ ليش حرام اذا عيني راحت من دون وعي لجانب وجهك
والله اول مره انتبهله
_ شهق وزفر
حرام وغلاتج عندي ما اطيق تأثمين بسببي
الله يرضى عليج لا تخليني اكره نفسي لان تدرين بوضعي وامكانيتي حاليا صعب
اتقدملج بس صبري عليه بين ما الله يفرجها
_ واني ناويه اصبر وياك لاخر العمر
_ متأكده
_ متأكده مراح احد يحبني بنفس طريقتك ولا يخاف عليه حتى من نفسه
بس عن الحلال والحرام لازم اگلك شي باقي بقلبي
_ احجيها
_ ترددت وتراجعت ان انطقها
_ شو سكتي احجي لا تبقين بقلبج حتى لو تغث ما ازعل
_ الي باقي بقلبي اگلك احبك
الله وياك
تركته بسرعة ومشيت قبل لا اشوف رد فعله او اسمع منه شي
يمكن يرزلني ويتذمر مثل من باوعت لجانب وجهه
لو بس لامحه تعبير وجهه كان ارتاحيت كم خطوه سريعه والتفتت
لگيته ماموجود التفتت لمحته من بعيد وهو يبتعد
تذكرت من راح ارجع هو عدنا بالبيت اليوم
اني شلون حجيت هالحجايه بله هسه شلون بعد اواجهه لو اكدر انجمع ويا بمكان
لالا يعني انت صدك هالحب ديطيح حظج اول تالي انت ِ هيج جريئه
جريت الكرسي وكعدت زحت سير الجنطه عن اكتافي وشمرتها كدامي على الميز والدموع نزلت مني بندم وخجل
——————————
المقتطف الثاني
ان روايه الصولجان
وروايه صاحبه الخمار ابطالها بينهم صله قرابه
الحجيه طاهره هي اخت الحجيه سعديه ام حسن شماعيه
يعني ظافر ابن خالته حسن شماعيه
وزهره بت خالتها فطومه اخت حسن بصاحبه الخمار
وابن خالهم الي عايش بالبصره رضا هو الي تزوج فاطمه اخت حسن شماعيه
هم ابن خال ظافر افندي وبنفس الوقت اخو نسيبهم الي ماخذ اختهم اسيا
يعني الاخوه ماخذين بنات خالتهم الي هي اسيا بت حجيه طاهره
وفاطمه بت الحجيه سعديه ام حسن شماعيه
لذلك ممكن واح نورد ذكرهم ببعض الاحداث حتى تعرفون الشخصيات
ما ر ذكرهم  سابقا عليكم بغير روايه