الصولجان

ح٧ج٢

صباح الخير يمه

صباح الخير

اكلج يمه البارحه سمعت الملا ناوي يخطب
انه لازم ابلغ فاطمه بهالشي لو خاف تنقهر لو سمعت ابوها
خطب

_ ياهو كلك هالحجي

_ والله يمه  تلاكيت وي محمد علي
بعد الملا  انه گتله عاداتنا تطلع اربعينيه العرس
يله نكدر نلبي دعوتكم  فدز الولد يذكرني العزومه مو هالاسبوع الي بعده   كملنا طرقنا سوه نسولف وخلال السوالف
عرفت الملا خطب
مره كرابتهم دز العلويه ونسوان يخطبونها له
والمفروض يتزوج گريب

_ والله يمه ما اعرف خاف تگلها للبنت وتنقهر
انت ما لك شغل هم الناس بعد يبلغونها من نروحلهم

_ انه ليش كلت اسألج انت بعد تعرفين بهالامور
البنت تنقهر لو جت مره بدل امها

_ لا يمه لا تخاف على فطم البنت يتيمه حتى ما لحكت تظكر ( تذكر ) امها ثانيا الملا جان عنده مره  اسمها شما قبل لا يطلگها
يعني البنت واهل البيت متعلمين الملا حسب ما دريت ماخذ ٧ نسوان وهاي زواجته الثامنه يمكن

_ صح صح سولفتلي عن امها شما  خلص لعد امشي بحجايتي وما اجيبلها سيره  هم يبلغوها

——————- بعد ما مر الاسبوع
كالعاده الافندي يطلع لوضيفته بالمطار وياسر للميناء والحجي لشغله
والحجيه وزهره يشتغلون وفطومه تكابلهن حتى لا تتملل
وهناك وطلبت من الحجيه طلب

_ يمه

_ بينما الحجيه جانت تكسر السعفات ودخلهن جوه بفتحه تنور الطين الي بالسطح
التفتت لفطم بوجه بشوش برغم تعبها ولكن بشرتها البيضه وشفايفها الناعمه الورديه وعيونها النرجسيه بيها صفار وتجاعيدها الي بانت ويا هالبتسامه العطوفه بوجه طفله يتيمه جانت تعتمدها دايما بالتعامل ويا فاطمه على مبدأ ديني ووصيه الله لابن ادم بحق اليتيم

_ هايمه فطم شعندج

_ يمه انه اتملل من البس الثياب فتره متعلمه اخيط ثوب وانطي بدل منه من ثيابي القديمه لمره فقيره يم بيت امي العلويه عدها بنيات
والبارحه حاجيت ظافر گلي خل امي تشتريلج قماش انت وزهره

_ نطت زهره
اي انه اريدنه قديفه مشجره

_ وبعد زهره شتردين

_ شكدريني شكو بالسوك هي امي تنگيلي

_ فطم يمه انت اجيبلج قطعه لونها ابيض مال عرايس حتى تلبسينها بعزيمه اهلج من ترحيلهم

_ يمه شلون اللبسها بالعزيمه وانه اخذهن وياي لبيت اهلي حتى صبيحه تخيطهن الي

_ لا يمه كريب منا خياطه  هي تجي تاخذ قياسجن وتخيطلجن الثياب ولا كملتهن ادزهن لو انه اروح اخذهن منها
يمه انه احب خياط صبيحه بس ياهو الي يوديهن الها حتى تخيطهن  الي قبل العزيمه