اصبحتــــــ اسيرآ
مابين الاوجاع والحرمان وٱزقة القدر ونيران الحروب وضيا ع العمر
ان الطريق طويل والاخطار كثيره ولعبة الدائرة تدور بي مابين نار والفراق
ومن هنا تبدء القصص
الكاتـــــب احمد الخفـــاجي
_____________________
المدينة : محافظة ذي قار
التاريخ / 8/7/1983
حرارة الصيف عاليه واني تارك المدرسه وعايش بسن
المراهقه ومدلل وكلشي بنفسي اشتري لان وحيد
لمي وهي ما تحرمني من شي بنفسي عيشتني بدلال
ابوي متوفي وبس اني وأمي عاشين بالبيت وما عندي اخوان ولا اخوات امي تطلع الصبح للسوك اتبيع خضرة واني ابقئ نايم واكعد بوقت متاخر ومن تجي امي تجيب خبز ويها وتطبخ النه غده ومن تكمل الغده تغسل
ملابسي وتكمل شغل البيت وتنام ومحد يجي علينه
اله مرات نسوان الجيران يكعدن يم الوالده
اني مراهق وتركت المدرسه لان ما كدرت انجح من
الثالث متوسط وعدت بي سنتين وبطلت وامي زعلت
عليه كلش لان تركت الدراسه بس اني ما افتهم ولا
افكر بنفسي لان طايش وبدون عقل
اني اسمي صباح من مواليد 1966 حاليآ عمري 17 سنه
بعد اشهر قليه وادخل بالسلك العسكري واني خايف
كلش الحرب صارله سنه كامله من بدت وتطحن
طحن بالشباب بين الجريح والشهيد والمفقود
بين الخاطب والمزوج والاعزب كثرة الارامل والايتام
ونكسرت قلوب وذبلة الازهار
والجندي الي يلتحق ما يعرف يرجع عدل او يجي بتابوت لبيت اهله
اني خايف من الجيش وامي خايفه عليه كلش وما
تكدر اسوي شي لان الحكومه قوية جدآ والبعثيه
يفترون على البيوت خاف واحد هارب من الجيش
والاعدامات صايرة على فلس والوضع اصبح مظلم
وماكو اي مهرب من هذا الحال
كان الي ايصير عمره 18 يلتحق بالجيش فقط الي
يدرس ما ياخذو للعسكريه . المصرين كثرو بالعراق
وبدو يشتغلون بكل شي
المنطقه شبه خاليه فقط بيه الطلاب والعجزة والي
نازلين من العسكريه وقليل من الموضفين هواي منهم
اخذوهم جيش الشعبي
وسوالف هذه الحرب الكل راح يتذكرها لان الحروب
تاكل بشر واغلبهم شباب وتخلف معاقين وراح ايعشو
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
