السلام عليكم
الكاتب
احمد الخفاجي
//////////////////////
اصبــــحـــت أســـــــيرآ
هذا الموت
جسر اللا نهاية أعليه كلنة نفــــــــوت
هذا الموت
هاجس يبتدينة بلحـــظة التكوين
ويرافگنة العمر من غير ضجة وصــــــــوت
عله چف المناية مچرغدين أنام
ونلهث عله الدنية ونبني بيهة بيوت
ونتعافة ونذم بالخلك هذا وذاك
وعله غفلة وزرك جدامنة التابوت
الشاعر عريان السيد خلف
....................................... ..
غمضت عيني وجريت اخر نفس واذا جاسب بسرعه اخذ السلاح مني اني اتفاجئت
جاسب كال .. لا صباح لا هذا مو حل
كتله ليش جاسب ما خليتني ارتاح
كال منو كالگ راح ترتاح الانتحار راح ايكون مصيرگ بجهنم وبئس المصير
ضليت ساكت اخذني جاسب للملجئ وسوه چاي وانطاني جكاره
وكال سولف قصتگ
بديت اسولفله كل القصه من البدايه للنهايه
كال الله ايكون بعونگ عندي الك سؤال
امك وين راحت ومنو يكتب الگ بهذه الرسائل
كتله جاسب هو هذا السؤال الي اني ما اعرف اجابته
كال... . لا تعب بنفسك اكيد راح انفكر بحل وراح انحل كل الاسئله
كتله مو كل الاسئله تنحل بسهوله ياجاسب
كال جاسب... صباح تدري انه استشهاد صديقگ. أثر عليك. ودمر كيانك. فوگ. ما انته منهار وما تكدر تتحمل بعد
كتله... المصايب كثرة. يا جاسب واني وصلت لمرحله ماكدر خلص الصبر وضاعت الحلول وماكو الي احد بهذه الدنيا
كال... اصنع لنفسك القوه وانهض من جديد واجه المستحيل
كتله... ما اكدر امنيتي استشهد واخلص من هذه الحياه
كال... صباح تموت وما تريد تعرف مصير امك
كتله... . ياريت اعرف ويرتاح كلبي
كال... مو انته لزمت راس الخيط
كتله... . جاسب شلون لزمت راس الخيط
كال... . صباح مو انته كلت سئلت الاطفال اكو مره تجي على بيتك اكيد هي الي اخذت الطابو مال البيت واكيد هي كتبتلك الورق جوه الباب
كتله... ..معقوله امي
كال... .لنفرض مو امك اكيد من طرف امك
كتله شلون اعرف امي لو مو امي
كال... لازم تبحث وتتحمل كل المصائب ولازم توصل الى الحقيقه
كتله .. الله كريم
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
