السلام عليكم
الكاتب
احمد الخفاجي
البارت = 34
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حجي صاحب كال صباح بلغ مدير السجن كله عندي معلومات عن الاسرى واريد المخابرات يجون التقي بيهم من يجون ويريدون منك المعلومات كول الهم ما انطي اي معلومه اله بشرط
اكيد همه راح ايسئلونك شنو الشرط كلهم اريد صوره حديثه لوالدتي......
كتله :- حجي اذا ما وافقو شنو اسوي
كال: - كلهم ما انطيكم اي معلومه
كتله :- حجي خاف ايعذبوني او اينقلوني لغير مكان
كال: - خلي اينقلونك لغير مكان او ايعذبونگ
كتله :- ليش
كال: - مو اذا رادو منك الاعتراف يعني ماعدهم اي معلومه عن امك
كتله :- هاااااا يعني ذوله جاي ايضحكون عليه
كال: - بابا صباح الشخص الي منطيهم معلوماتك الكامله هو الي يعرف عن امك ميته او على قيد الحياه
كتله :- منو تتوقع هذا الشخص
كال: - هو الشخص كان عنده امل ان تموت او تستشهد او تصبــــح اســـــيرآ
كتله :- اصبحــــت اسيــــرآ
كال: - شوف صباح كل الاحتمالات توقعها
كتله :- حجي شنو هذه الرسومات
كال :- صباح ابني هذه الخطه الثانيه لازم انفذها
كتله: - شلون تنفذ خطتين
كال: - اذا رجعت وما انطوك جواب او كالو انطيه فتره حتى اجيبلك اخبار انه وياك راح نهرب
كتله; - حجي شنو جاي تكول احنى بلاد غربه وذوله فرس
كال: - انته عندك لغه فارسيه
كتله :- اي اكدر اتعايش وي الوضع
كال: - من نطلع منا راح ندبر طريقه نهرب بيها من ايران
كتله: - الله كريم
كال :- بعد الظهر روح بلغ المدير ... .
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
