أصبحــــــت ٱسيــــــرآ

20

السلام عليكم

الكـــاتب

احمد الخفــــاجي

/////////////////////////

أصبـــــحت ٱســـــيرآ

-

‏واختلفنه براي واحد

‏گتلك هوايه اجيتك ‏مره مرلي
‏وانتَ گتلي ‏لاتعاند

‏هيه مره ..
وحته اذكر بيها چان الليل گاعد
‏آخ لو شارعكم يعيد المشاهد

..............................

السلسله الجبليه بين العراق وايران كبيره جدآ وعاليه
كنا مستعدين في مواقعنا الجديده وكان النوم قليل والاكل قليل والملابس ما تغيره وسبح ماكو

حرب طاحنه بقينا على هذا الحال الى الليل رجعو الايرانيين هجمو من جديد وكان هجومهم سبقته صواريخ ضربوها علينا

كانت معنويات صفر كل جندي منتظر الموت في اي لحظه
كنت اشوف واحد من ربعنا مصاب اعرفه اسمه محمد من العماره وكان ينزف عفت مكاني ورحته ركض بسرعه

كال صباح عوفني اموت

كان عندي باندج طبي وشديت الفخذ مالته وسحلته
للمتأخر
الطبابه اخذوه

ورجعت لمكاني اصيد بيهم واحد واحد

صارت عندي قسوه وصرت قاتل او مدافع عن وطني
كنت من اضرب الجندي الايراني بالقناص اركز عليه بعد الضربه اشوف شلون اينازع الموت

صار الموت عندي عادي على المواقف الي شفتها بهذه الحرب

بداية الفجر هدء الوضع الايرانيين ماكدرو ياخذون الجبل ومثل كل نهاية معركة نبدي نجمع الشهداء ونجمع اللحم مالتهم والرجلين والادين يعني اشلاء متبعثره

رحت اقضي حاجتي شويه بعيد عن الجنود واحس اكو واحد اجه وراي كنت مئمن لان الايرانيين بعيدين عنا ومايكدرون ايسون اي شي وكان اسلاحي على ظهري

بقيت امشي عادي ما اهتمت للشخص الي وراي
تالي اقترب عليه كلش وكفت كلت هذا لو ضارب عقله وتلبس بي جن من الجثث والدم وما كدر عقله يستعوب لو ما ايشوفني

تالي وصل عليه كلش وسحب المسدس
باوعت عليه واحد من الجنود الي اعرفهم اسمه شعلان

كتله شعلان شبيك تخبلت

كال... انته منو

كتله... اني صباح

كال... حرمااااات مو هو عبالي هو

كتله... نزل مسدسگ وشويه واجيگ

رحت تكرمت ورجعت لكيته يبجي

شعلنا نار وكعدنا وانطيته جكاره

كال... . صباح اني حياتي ادمرت