الســـلام عليـــكم
الكــــاتب
احمد الخفـــاجي
///////////////////////////
اصبـــــحت اسيـــــــرآ
الحزن من يغفى اعله وجه انسان
يشرب ضحكته ولونه
وتبدي الأخ من گلبه ويبين حزنه بعيونه
…………………………
رحت الظهر الى دكان حجي حمادي لاكتني هذه البنيه طالعه من المدرسه وكان وقت حله وطالبات هوايه
تلاكينه اثنينه دخلنا للدكان الحجي استغرب وكال
لك صباح هاي شبيك يمته طلعت من السجن
هي باوعت عليه بنظرات تقتل اول مره هيج اتباوع
كتله حجي من الفرقه الحزبيه اخذونه لبغداد وصلت للاعدام ورب العالمين خلصني
هي كالت حجي ممكن اتبايعني اريد امشي
الحجي اي جدي هسه بسرعه
اشترت وراحت باوعت وراها وصلت للباب
ورجعت
كالت شنو قصدك الفرقه الحزبيه ايريدون ايعدموك
كتله اي الفرقه الحزبيه
كالت انته ضد الدوله ولازم مرتكب جريمه
الحجي كال لا بابا ماكان يقصد وهو حباب وما يحجي على الدوله
هي عصبت وراحت
الحجي كال شبيك صباح ليش تحجي هيج تعرف هذه بنت منو
كتله لا ما اعرف
كال مو ذبحت نفسك عليها. ولازم الشوارع
كتله حجي شمدريك بيه
كال… اني عمري فوك السبعين وعلمتني الدنيا وشفت وعفت ومرو عليه هواي ناس وعشت فترة الحكم الملكي
وشاركت بحرب فلسطين وتريد ما اعرف شنو تفكر وشنو الي بداخلك صباح بويه هذه بنت مسؤول حزب البعث الي بالناصريه الي سجونك بالفرقه الحزبيه
هو مدير الفرقه
كتله… حجي كان اعجاب بيها ونسيت كلشي واني باجر ملتحق
كال… . امك ماكو اخبار عنها
كتله… لا والله ضاعت اخبارها وضيعتني بهذه الدنيا
كال… ابني الله ايحبك وخلصك من الاعدام واصبر على فراك امك ان شاء الله ترجع
كتله حجي انطني باكيت جكاير
اخذت الباكيت وطلعت من دكان حجي حمادي من سمعت صوتها ما ادري شنو صاربي مثل الرعشه الي تصيب الجسم
دخنت ورجعت للبيت ما اعرف شنو اسوي الجيران ما قصرو وياي ضليت اسلم الناس الي بالمنطقه
وناس تجي وناس اتروح. اسئلهم عن الشهداء الي استشهدو بغيابي تألمت عليهم كلش
تحسفت نفسي لو باقي بالسجن افضل لان الناس تسئلني عن امي وما اعرف اجاوب . شحجي شكول وين راحت
ما معقوله كلام البعثي صحيح
أنت تقرأ
أصبحــــــت ٱسيــــــرآ
General Fictionالقصه حقيقيه كتبت باللهجه العراقيــــه شاب عراقي يتيم الاب تختفي امه بدون سبب ولا يعرف مصيرها المجهول ويعتقل ويدخل السجن وبعدها يلتحق بالجيش العراقي ويشارگ بالحرب العراقيه الايرانيه ويصبح اسير حرب الكــــاتب أحمد الخفـــــاجي
