أصبحــــــت ٱسيــــــرآ

42

السلام عليكم

الكاتب; - احمد الخفاجي

البارت :- 42

_________________________________________

نزل عليه انه بقيت بالسياره حجه وياي بالعربي

كال :- صباح لا تخاف

كتله ;- انته منو وشنو رايد

كال: - اهدئ واخذ نفس

كتله: - اني صارلي فتره ما تكلم عربي ؟ انته منو

كال: - انه من طرف علي الي هربك من معسكر الاسر

كتله; - اهلآ وسهلآ

كال: - انروح لمكان نكعد بي ميصير نوكف بالشارع

كتله ;- تمام مثل ماتريد

هو شغل دراجه واني تبعته الى وصلنا استراحه على الطريق وكعدنا بيها

كتله: - عرفي عليك

كال :- مو مهم تعرفني المهم اني اعرفك

كتله: - يمته تهربوني

كال :- صعوبه هسه نكدر انهربك لان عدنا عمل اهم هنا

كتله: - شنو جاي تحجي

كال: - مديرية المخابرات كالو انبقيك في ايران نستفاد منك لان اتقنت اللغه والتعايش وياهم

كتله: - انتم كذابين وماعدكم صدق

كال; - مو انقذناك من الموت وهنا عايش افضل عيشه
وبعدين هذا واجب وطني

كتله: - مجاي استوعب الي تحجي

كال: - كل مواطن عراقي يحلم يدخل بجهاز المخابرات وانته شاب وبعد بدايه عمرگ وراح ايكون الك شرف العمل بالجهاز

كتله; - لا تورطني

كال: - صباح لا تصير شريف براسي انته عملت بالجيش قناص وقتل اهواي جنود وهسه صرت عميل

كتله ;- قبل شي وهسه شي

كال; - ولله وبالله نهدر دمك هنا وما تدخل للعراق واذا دخلت اله نمثل بيك تمثيل واذا امك عثرنا عليه اله انسوي بيها كذا وكذا

كتله; - انته جاي تهدد

كال: - لا ما اهدد احذرگ

كتله: - هذا استغلال انتم اتريدون اخدمكم

كال: - افاااا عليك الي يخدم وطنه اتسمي استغلال وطنك وقائد الامه العربيه صدام

كتله; - اي قائد الي دخلنا بحرب مالها او ولا تالي وناس راحت وماتت والسجون متروسه على شنو هذه الحرب الطاحنه

كال :- انته خائن وانه هذا كلامك اوصله علي وانته اتحمل عواقبك

كتله :- شسون سوو

شغل دراجته وراح ومغضب

هنا طلعتلي جكاره ودخنت وضجت كلش يعني المخابرات عبالي اينقذوني ايريدوني ابقه وانفذ عمليات واجمع معلومات داخل ايران لا ولله مو انه الي ايسوي هيج