أصبحــــــت ٱسيــــــرآ

8

الســــلام عليكم

الكاتب

احمد الخفـــاجي

//////////////////////////

اصبــــــحت ٱســــــيرآ

..
#‏أعاشرمن؟!
يـ وينك ياتعبنه الشگگ الراحه،
عگبك كل فرح مسجون،
وانته الچنت مفتاحه،

#أعاشرمن؟!
حسافه أغبش بلا وجهك،
حسافه أمسي بملامح خايفه تشبهك،

#أعاشرمن؟!
چثيره أوجوه المهلين،
لاچن بالمفارگ محد أيهلي،
عود الناس تشبهمن،
شفتهم لافتات ومحد أيدلي،
ولگيت الناس لا مثلك ولا مثلي،

..................................... .

رفع العبايه وكال تعال شوفها امك لو مو امك اجيت ازحف رجليه ما شالني الناس المت وكلها اتباوع عليه وعلى هذا الموقف شفتها اخذت نفس كتله هذه مو امي
كال بابا اتأكد زين ركزت بيها كتله لا مو امي
كال احتمال وجهاااا متغير من النزف عندها علامه او اثر بجسمها
كتله عندها دكات جوه شفتها بالحنچ مالها ودكات بديها

شالو الجثه للطب العدلي والناس طشت

دخنت جكاره واخذت نفس

قاسم كال الحمد لله من طلعت مو امك

كتله قاسم اني قلق عليها غير اعرف وين راحت
عباس .. احتمال بالزياره وكم يوم وتجي

كتله عباس شبيك امي ماتروح مكان اله تكلي .

هلال يمعودين خلي نرجع للبيت وننتظر الخبر من الشرطه

من رجعنا للبيت كتلهم يا ولد انتو روحو لهلكم اي شي ايصير اني انطيكم خبر
هلال كال... شلون تاكل
كتله هلال الجيران موجودين ما يقبلون اكل من غيرهم
وراحو الولد كلش تعبو وياي وحيل مقهورين عليه
قاسم كال بالليل نرجع يمك

صار وقت المغرب والبيت ما بي امي وصار يومين ما سامع صوتها ولا ماكل من اديها البيت حزين
الحزن. بكل مكان بالبيت وحشه
الجيران جابو عشه تعشيت وصليت
واني عايش بوضع صعب ينوصف احس امي مو بخير

اجو يمي ولد الجيران وايصبرون عليه كالو امك موجوده ماتروح اكيد هي بالزياره واحتمال راحت للمقبره
اني بالي مو يمهم. بديت اشعر بالفقدان

اجو عليه اصدقائي البيت مليان ناس والكل متعاطف وياي ويحاولون ايصبرون عليه ويخلوني اتفائل
واني انتظر اي خبر عن امي الي اختفت بدون اي مقدمات

اصدقائي نامو يمي للصبح ورجعنا للمركز الشرطه وما لكينه اي خبر رحنى الى مديرية الامن وماكو خبر رحنى للفرقه الحزبيه وما حصلنا شي

رجعنا للمستشفيات دورنا ما لكينها
بلغنا الجوامع اتنادي بعد كل اذان في مكبرات الصوت
ونطيتهم اوصافها لعل واحد شايفها